ئەڤرۆ نیوز:
پارێزگارێ سلێمانیێ راگەهاند، بهایێ بانزینێ ب هەموو جۆرێن خوەڤە ب رێژەکا دیارکری دێ هێتە کێم کرن.
لدووف گوتنا هەڤال ئەبوبەکری، پارێزگارێ سلێمانیێ ل ئێڤاریا ئەڤرۆ سێشەمبی 14-4 هەموو جۆرێن بانزینێ ب رێژەکا دیارکری دێ بهایێن وان هێنە خوار.
پارێزگارێ سلێمانیێ، پشتی دیدارەکێ ل گەل نوونەرێن بانزینخانێن سلێمانیێ ئەڤ بریارە دایە و سوپاسیا خودانێن بانزینخانان کر بۆ پشتەڤانیان وان ل داخوازا پارێزگاری.
ئەڤرۆ نیوز:
مەسرور بارزانی راگەهاندیە، ڕێکارێن هاتنوچوونێ دێ سنوردار بن، هەتا وی دەمێ کو بەلاڤبوونا ڤایرۆسی ب تەمامی دهێتە کۆنترۆلکرن.
ئەڤرۆ سێشەمبی، مەسرور بارزانی سەرۆکێ حوکمەتا هەرێما کوردستانێ د هژمارا خوە یا تایبەت دا ل تویتەری راگەهاندیە، ئەڤرۆ ب تەلەفۆنێ ل گەل ژوورا ئۆپەراسیۆنا پارێزگەها هەولێرێ ئاخافتیمە و من سوپاسیا وان کریە بۆ ماندیبوون و دلسۆزیان وان، هەروەسا من داخواز ژێ کریە بەردەوام بن ل سەر جێبەجێکرنا رێکارێن خۆپاراستنێ.
مەسرور بارزانی گوتیە ژی، رێکارێن هاتنچوونێ دێ د سنوردار بن، هەتا وی دەمی تەشەنەکرنا ڤی ڤایرۆسی ب تەمامی دهێتە کۆنترۆلکرن.
ئەڤرۆ نیوز، زنار تۆڤی:
سەباح زۆهێر بەرپرسێ راگەهاندنا ساخلەمیا قەزا ئاکرێ بۆ ئەڤرۆ نیوز دیار کر: ئەڤرۆ پشتی نیڤرۆ وەلاتی محەمەد یونس محەمەد، کو ئاکنجیێ گوندێ ڤریێ یە ل ناحیا دینارتێ، ب مەرەما ئینانا گیایێن بهارێ چوویە چیایی و ل جهەکێ بلندا کەفتی یە و گیانێ خوە ژ دەست دایە، د ژیێ 50 سالیێ دایە.
ناڤهاتی گوت ژی: وەلاتیێن وی گوندی و لایەنێن ئەمنی تەرمێ وی ئینایە، پاشی هاتیە ڤەگوهاستن بۆ نۆشداریا داد ل ئاکرێ و لدووڤدا تەرمێ وی هاتە زڤراندن بۆ گوندی.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ل هەرێما کوردستانێ تنێ کەسەک ل قەزا دەربەندیخان تووشی ڤایرۆسێ کۆرۆنایێ بوویە و هژمارا گشتی یا تووشبوویێن کۆرۆنایێ هەتا نها ل هەرێما کوردستانێ گەهشتیە ٣٣١ کەسان.
وەزارەتا ساخلەمیێ دیار دکەت هەتا نها ل هەرێما کوردستانێ ٤ کەسان ژ بەر کۆرۆنایێ جانێ خوە ژ دەست داینە و ١٩٤ کەس ب تەمامی باش بووینە و یێن دی ژی ل ژێر چاڤدێریێ دانە.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند جڤاتا وه‌زیرێن هه‌رێما كوردستانی بریار دایه گرێبه‌ستێن كارمه‌ندێن ساخله‌میێ نوو بكه‌ت.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند: سه‌رۆكاتیا جڤاتا وه‌زیران بریاردایه ب نووكرنا گرێبه‌ستێن كارمه‌ندێن ساخله‌میێ، كۆ ته‌ڤایا كارمه‌ندێن گرێبه‌ست كۆ گرێبه‌ستێن ئاسایی و ئه‌و گرێبه‌ستێن ناڤدار ب گرێبه‌ستێن پێشڤه‌برن دێ هێنه نووكرن.
وه‌زیرێ ساخله‌میا حكومه‌تا هه‌رێما كوردستانێ ئه‌و چه‌نده ژی راگه‌هاند دڤان چه‌ند رۆژان دا ل وه‌زاره‌تا دارایی فه‌رمانا نووكرنا گرێبه‌ستان بۆئه‌وان هێته هنارتن، گیروبوونا نووكرنێ په‌یوه‌ندی ب ئه‌ڤێ ره‌وشا نوكه ڤه هه‌یه كۆ ده‌وام نینه، ل ڤان رۆژان فه‌رمان دێ هێت و مووچه‌یێن وان ژی بۆ هێنه مه‌زاختن.
وه‌زیرێ ساخله‌یا حكومه‌تا هه‌رێما كوردستانێ دا زانین به‌ری داكه‌تنا بهایێ پترۆلێ و هاتنا كورونایێ، حكومه‌تێ پلان هه‌بوو بۆ دامه‌زراندنا گرێبه‌ستان، به‌لێ نوكه ره‌وش زه‌حمه‌ته و هه‌رده‌مێ ره‌وش ئاسای بوو دێ كار بۆ هه‌میشه‌كرنا وان هێته‌كرن.
ئه‌ڤرۆ نیوز:
نوژدار و زانایێن چینێ دو ڤاكسینێن نوی بۆ چاره‌سه‌ركرنا توشبوویێن ڤایرۆسێ كورونایێ تاقی كر.
ئه‌ڤرۆ حكومه‌تا چینێ ره‌زامه‌ندی ل سه‌ر تاقیكرنا ئه‌وان دو ڤاكسینان ل سه‌ر نه‌خوشیێن توشبوویێ هاته دا.
دو ڤاكسین ژلایێ دو زانایێن چینێ ل په‌یمانگه‌ها ئوهان بۆ به‌رهه‌مێن بایولوجی سه‌ر ب حكومه‌ت و كۆمپانیا نوژداری یا سینوڤاك بایوتیك ل په‌كین، ئه‌و ڤاكسین هاتیه بهێزكرن و پێشڤه‌بریه، چه‌ندین میكرۆبین بكوژێ نه‌خوشیێ بخوڤه دگریت و دبنه جهێ بهێزكرنا سیسته‌مێ به‌ره‌ڤانیا له‌شی.
ڤایرۆسێ كورونا ل دوماهیا سالا بوری ل باژێرێ ئوهان ل چین سه‌رهلدایه و تانوكه ئێك ملیۆن و 926 هزار و 344 كه‌س ل ته‌ڤایا جیهانێ توشبووینه، ژڤێ ژماره‌یێ 451 هزار و 471 كه‌س ساخ بووینه و 119 هزار و 816 كه‌س ژی مرینه.
ئه‌ڤرۆ نیوز:
قونسلخانه‌یا ئه‌مریكا پێگیربوونا وه‌لاتێ خۆ بۆ پشته‌ڤانیكرنا خه‌لكێ هه‌رێما كوردستانێ دوپات دكه‌ت.
قونسلخانه‌یا ئه‌مریكا ل هه‌ولێرێ د په‌یامه‌كێ دا ب هه‌لكه‌فتا 32 سالیا جینوسایدا ئه‌نفالان كۆ ل دژی خه‌لكێ كورد هاتیه ئه‌نجامدان، ب خه‌مه‌كا مه‌زن بیره‌وه‌ریا ئه‌نفالێ و قوربانیێن رژێما سه‌دامی دكه‌ین كۆ ب هزاران كوردێن بێ تاوان هاتینه كۆشتن و ده‌ربه‌ده‌ركرن.
د وێ په‌یاما قونسلخانه‌یا ئه‌مریكا ل هه‌ولێرێ ئه‌و چه‌نده ژی دیاركریه كۆ ئه‌مریكا ته‌ئكید ل سه‌ر پێگیربوون ب پشته‌ڤانیكرنا خه‌لكێ هه‌رێما كوردستانێ بۆ پشت راستبوونی ل پاشه‌رۆژه‌كا پاراستی و دیموكرات و پێشكه‌فتی كر.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا ل سەر جادا سەرەکی یا زاخۆ بۆ دهۆکێ کەسەکێ گیانێ خوە ژ دەستدا.
ل ئێڤاریا دوشەمبی ل دەمژمێر ٧:٥٠ خولەک ل سەر جادا سەرەکیا زاخۆ بۆ دهوكێ و ل نێزیک تونێلا گەلیێ زاخۆ دو ترۆمبێلا لێکدایە و ب وێ چەندێ گەنجەکێ ژیانا خوە ژ دەستدایە.
نيشاندان