ئه‌ڤرۆ نيوز:
برياره سوباهى سێشه‌مبى 17/12/2019 هه‌رسێ سه‌رۆكايه‌تيێن هه‌رێما كوردستانێ ل دۆر پرۆژێ قانوونا چاكسازيێ كۆمببن و گفتوگۆيێ ل سه‌ر بكه‌ن.
شوان زار، ئه‌ندامێ په‌رله‌مانێ كوردستانێ دياركر”كۆمبوونا سه‌رۆكايه‌تيا هه‌رێمێ و په‌رله‌مانى و جڤاتا وه‌زيران بۆ دروستكرنا كۆده‌نگيێ يه ل سه‌ر په‌سه‌ندكرنا پرۆژێ قانوونا چاكسازيێ ل هه‌رێما كوردستانێ، بۆ وێ چه‌ندێ د شياندا بيت ب زووترين ده‌م ل په‌رله‌مانى ده‌نگ ل سه‌ر بهێته دان و سه‌رۆكێ هه‌رێمێ ژى ئيمزا بكه‌ت و پاشى بچيته د وارێ بجهئينانێ دا.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی پێشوازی ل ئۆلریک شانۆن بالیۆزێ نوو یێ کەنەدا ل عیراقێ کر و د روونشتنەکێ دا سەرۆکێ حوکمەتا هەرێما کوردستانێ پیرۆزباهی ل بالیۆزێ نوو یێ کەنەدا کر و هێڤیا سەرکەفتنێ بۆ خواست.
ژ لایێ خوە ڤە بالیۆزێ نوو یێ کەنەدا ژی راگەهاند کو وەلاتێ وی بەردەوام دێ هاریکاریا هەرێما کوردستانێ کەت و هێڤی خواست کو رەوشا عیراقێ ژی ئارام بیت و پەیوەندیێن هەرێمێ و بەغدا ژی باشتر لێ بهێن.
ئه‌ڤرۆ، رێوار محه‌مه‌د ره‌شید:
به‌رپرسێ گشتیێ ده‌زگه‌هێ پاراستنا ئالایێ كوردستانێ بۆ رۆژناما ئه‌ڤرۆ دیار كر كو رۆژا ئالایێ كوردستانێ سوبه‌هی رۆژا 17/12/2019 دێ ب ئه‌نجامدانا چه‌ندین چالاكیان ژ لایێ 33 نڤیسینگه‌هێن ده‌زگه‌هێ پاراستنا ئالایێ كوردستانێ ڤه ل سه‌رانسه‌ری هه‌رێما كوردستانێ هێته ساخكرن و گۆت: “رێوره‌سمێن ساخكرنا رۆژا ئالایێ كوردستانێ ل پارێزگه‌ها دهۆكێ ژی دێ سوبه‌هی ل ده‌مژێر 10:55 ێ سپێدێ ل پاركا بارزانیێ نه‌مر ل باژێرێ دهۆكێ ده‌ست پێ كه‌ن”.
په‌له‌وان شێخ مه‌می، به‌رپرسێ گشتیێ ده‌زگه‌هێ پاراستنا ئالایێ كوردستانێ دیار كر كو رۆژا ئالایێ كوردستانێ سوبه‌هی دێ ل هه‌می باژێر و باژارۆكێن هه‌رێما كوردستانێ ب ئه‌نجامدانا چه‌ندین چالاكیان هێته ساخكرن و ئالایێ كوردستانێ دێ ل سه‌رانسه‌ری هه‌رێما كوردستانێ هێته بلندكرن و گۆت: “ب ڤێ هه‌لكه‌فتێ دێ ئالایێ كوردستانێ ل سه‌ر وه‌لاتی و قوتابی و شۆفێران هێته به‌لاڤكرن، هه‌روه‌سا دێ ل سه‌ر ده‌رگه‌هێ تۆنێلا قه‌زا زاخۆ ئالایێ كوردستانێ هێته وێنه‌كرن و ڤه‌كرن”.
ناڤهاتی ئاماژه دا وێ چه‌ندێ كو ب هه‌لكه‌فتا رۆژا ئالایێ كوردستانێ پێنج كه‌سێن خزمه‌تا پێشمه‌رگه‌ی و نه‌ته‌وه‌یی و ئاواران ل پارێزگه‌ها دهۆكێ كری ب ناڤێن (د.خه‌نسا عه‌لی میرانی، د.سارا محه‌مه‌د، هه‌یسه‌م عه‌بدی، مه‌تین دۆسكی، شێخ خالد هه‌سنی) دێ ب خه‌لاتێ سالێ ژ لایێ ده‌زگه‌هێ پاراستنا ئالایێ كوردستانێ ڤه هێنه خه‌لاتكرن.
ئه‌ڤرۆ:
په‌یڤدارێ وه‌زاره‌تا كاره‌بێ یا حوكمه‌تا هه‌رێما كوردستانێ دیار كر كو هه‌تا نوكه نێزیكی 100 هزار پیڤه‌رێن زیره‌ك یێن كاره‌بێ هاتینه گرێدان و دبێژیت: هه‌ر پشكداره‌كێ ژ رێژا خوه یا دیاركری پتر كاره‌بێ بكاربینیت دێ كاره‌با وی هێته بڕین.
ئومێد ئه‌حمه‌د، په‌یڤدارێ وه‌زاره‌تا كاره‌بێ یا حوكمه‌تا هه‌رێما كوردستانێ دوهی 15/12/2019 دیار كر كو تیمێن گرێدانا پیڤه‌رێ زیره‌ك یێ كاره‌بێ ل باژێرێن هه‌رێما كوردستانێ ل سه‌ر گرێدانا وی پیڤه‌ری دبه‌رده‌وامن و گۆت: “هه‌تا نوكه 93 هزار پیڤه‌رێن زیره‌ك یێن كاره‌بێ ل سه‌رانسه‌ری هه‌رێما كوردستانێ بۆ پشكدارێن كاره‌بێ هاتینه گرێدان”.
ئومێدی بۆ باسنیوز گۆت: “پیڤه‌رێن زیره‌ك یێن كاره‌بێ بێ به‌رامبه‌ر بۆ وه‌لاتیان دهێنه گرێدان و بڕیاره د ده‌مێ سال و نیڤان دا ئه‌ڤ پرۆسه بهێته تمامكرن”.
ئومێد ئه‌حمه‌د، په‌یڤدارێ وه‌زاره‌تا كاره‌بێ ئاماژه ب وێ چه‌ندێ ژی كر كو ئێك ژ تایبه‌تمه‌ندیێن پیڤه‌رێ زیره‌ك یێ كاره‌بێ ئه‌وه كو دێ هێته پرۆگرامكرن و رێژه‌كا دیاركری یا كاره‌بێ بۆ پشكدارێن كاره‌بێ دێ دیار كه‌ت كو بكاربینن و گۆت: “هه‌ر ه‌لاتیه‌كێ ژ وێ رێژا دیاركری زێده‌تر بكاربینیت، وی ده‌می دێ كاره‌با وی پشكداری دێ هێته بڕین و پشتی چه‌ند چركه‌كان دێ كاره‌با وی دوباره هێته ڤه بۆ چه‌ند جاره‌كان ئه‌ڤ چه‌نده دێ دوباره بیت، ئه‌ڤ چه‌نده ژی دێ وی پشكداری نه‌چار كه‌ت بكارئینانا كاره‌بێ كێم بكه‌ت، ب ڤێ چه‌ندێ ژی دێ شێین پتر كاره‌با نشتیمانی بده‌ینه وه‌لاتیان”.
ئه‌ڤرۆ نيوز:
وه‌زاره‌تا ساخله‌ميێ ل هه‌رێما كوردستانێ ئه‌ڤرۆ ئێكشه‌مبى 15/12/2019 داخواز ژ نه‌خوه‌شان كر كو ده‌رمانێن رێكلام ب رێيا (Network Marketing) بۆ دهێته كرن نه‌كرن، دياركر ژى كو ئه‌و وه‌لاتيێن ئه‌ڤ جۆره ده‌رمانه كرين و زيان گه‌هشتينێ، دشێن سكالايێ تۆمار بكه‌ن بۆ زڤراندنا مافێن وان.
د به‌ياننامه‌كا رێڤه‌به‌ريا گشتى يا كونترۆلا جۆره‌يى ل وه‌زاره‌تا ساخله‌ميێ ل هه‌رێمێ ل دۆر به‌رهه‌مێن نوشدارى ب رێيا (Network Marketing) هاتيه” ئه‌ڤه ده‌مه‌كه خواست ل سه‌ر كرينا به‌رهه‌مێن نوشدارى ب رێيا (Network Marketing) ل هه‌ريما كوردستانێ زێده‌بوويه”.. هه‌روه‌سا وه‌لاتيێن هه‌رێما كوردستانێ كئاگه‌هداركرن كو پتريا وان به‌رهه‌مێن نوشدارى نه د مۆله‌ت داينه ژ كونترۆلا جۆره‌يى بۆ به‌لاڤكرن و بكارئينانێ و داخواز كر كو وه‌لاتى چ به‌رهه‌مێن نوشدارى يێن نه مۆله‌تداى نه‌كرن.
ئه‌ڤرۆ نیوز:
نێچیرڤان بارزانی سه‌رۆكێ هه‌رێما كوردستانێ پیرۆزباهیا ده‌ستبكاربوونێ ل قونسولێ گشتى یێ كومارا ئیسلامیا ئیرانێ نه‌سروڵڵا ڕه‌شنوودى كر و هیڤیا سه‌ركه‌فتنێ د كار و ئه‌ركێن وى دا بۆ خواست.
نێچیرڤان بارزانی و قونسولێ گشتى یێ كومارا ئیسلامیا ئیرانێ د دیداره‌كێ دا ره‌وشا عیراقێ و ده‌ڤه‌رێ شروڤه‌كرن.
ئەڤرۆ نیوز:
سەرۆکێ هەرێما کوردستانێ نێچیرڤان بارزانی ل هەولێرێ پێشوازی ل بەرپرسێ نڤیسینگەها ئێکەتیا ئورۆپا ل هەرێما کوردستانێ کر و د هەڤدیتنەکێ دا بەحسێ رەوشا عیراقێ و پەیوەندیێن هەولێرێ و بەغدا هاتە کرن و سەرۆکێ هەرێما کوردستانێ راگەهاند کو ئارامیا ل عیراقێ بۆ هەرێما کوردستانێ ژی گرنگە و نابیت توندوتیژی ل دژی خوەنیشادەران ل بەغدا و دەڤەرێن دی بهێتە بکارئینان.
بەرپرسێ نڤیسینگەها ئێکەتیا ئورۆپا ل هەرێما کوردستانێ ژی سوپاسیا هەرێما کوردستانێ کر کو هاریکاریا ئاواران کریە و راگەهاند کو دێ بەردەوام هاریکاریا هەرێما کوردستانێ کەن و ئارامیا نها ل هەرێما کوردستانێ ژی بۆ دەڤەرێن دی و هەموو عیراقێ گرنگە.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى ل حوكمه‌تا هه‌رێما كوردستانێ ليستا ته‌مام يا مووچێ هه‌موو فه‌رمانبه‌ران به‌لاڤكر كو ب ڤى ره‌نگێ ل خوارێ يه:
دووشەمبى 16/12/2019
وه‌زاره‌تا کاروبارێن جڤاكى
جڤاتا دادوەری
کێم ئەندام
وه‌زاره‌تا داد
سێشەمبى 17/12/2019
وه‌زاره‌تا سامانە سروشتیەکان
وه‌زاره‌تا ئەوقاف و کاروبارێن ئاینی
وه‌زاره‌تا خوێندنا بلند
چوارشەمبى 18/12/2019
وه‌زاره‌تا ناڤخۆ
جڤات و دەزگه‌هێ ئاسایشێ
هێزێن زێرەڤانی و فەرماندەيا هێزێن بەره‌ڤانيى و هاوار هاتنێ.
رێڤه‌به‌ريا رەگەزنامێ و پاسەپۆرت و خوه‌جهيا هەرێمێ.
لیوای ئێك و دو يێن پۆلیسی پاراستنی دامودەزگاکانی په‌ترۆلێ
پێنج شەمبى 19/12/2019
وه‌زاره‌تا باژێرڤانى
وه‌زاره‌تا ڤه‌گوهاستن و گەهاندنێ
وه‌زاره‌تا پلاندانانێ
وه‌زاره‌تا کارەبێ
وه‌زاره‌تا چاندن و ژێده‌رێن ئاڤێ.
ده‌سته‌يا مافێن مرۆڤێ
دەستەيا دەستپاکيێ
دەستەيا وەبەرهێنانێ
دەستەیا ژینگەهێ
دەزگه‌هی مین
ده‌ڤه‌رێن ده‌رڤه‌ى ئيدارا هه‌رێمێ
ديوانا چاڤدێريا دارايى
كۆمسيۆنا بلندا سه‌ربه‌خۆيا هه‌لبژارتن و راپرسيێ
رۆژا ئێكکشەمبى 22/12/2019
وه‌زاره‌تا ئاڤه‌دانكرن و بنه‌جهكرنێ
وه‌زاره‌تا ره‌وشه‌نبیری و لاوان
وه‌زاره‌تا بازرگانی و پیشەسازی
سەرۆکایەتیا هەرێمێ
سەرۆکاتيا جڤاتا وه‌زيران
سەرۆکاتيا په‌رله‌مانى
خانه‌نشينێن پێشمه‌رگه‌ى
دووشەمبى 23/12/2019
خانه‌نشينێن شارستنانى
ئه‌ڤرۆ نيوز، نيوار محه‌مه‌د سه‌ليم:
پشتى كچه‌كا 9 سالى ل سێمێلێ 9 موگناتيس داعويراين، ل نه‌خۆشخانا هيڤى يا زارۆيان ل دهۆكێ نشته‌رگه‌رى ب سه‌ركه‌فتيانه بۆ هاته ئه‌نجام دان.
ئدريس ئاسهى، ژ راگه‌هاند ساخله‌ميا سێمێلێ بۆ ئه‌ڤرۆ نيوز ئاشكه‌را كر كو كچه‌كا 9 سالى ل سێمێلێ ب ناڤێ (هـ. د) و پشتى تێكچوونا ساخله‌ميا وێ ل گه‌ل خێزانا خوه سه‌ره‌دانا نه‌خۆشخانێ كريه و پشتى ديار بوويى كو 9 موگناتيس يێن خوارين ئێكسه‌ر بڕيارا نشته‌رگه‌ريێ بۆ هاته دان”.
ئاسهى گۆت: “هه‌ر دوهى رۆژا شه‌مبى 14ى كانوونا ئێكێ ل نه‌خۆشخانا هيڤى يا زارۆيان و ل سه‌ر ده‌ستێ د. قادر و د. كابان نشته‌رگه‌رى بۆ هاته كرن و د ئه‌نجام دا هه‌ر 9 مۆگناتيس ئينانه ده‌ر كو ئێك د بۆريا خوارنێ دابوو و شه‌ش د مه‌عده‌ى و دو ژى د رووڤيكا دوازده گرێ دا”.
ئاشكه‌را ژى كر كو نشته‌رگه‌رى ب سه‌ركه‌فتيانه ب دووماهى هاتيه و ره‌وشا نه‌خۆشيێ ئاسايى بوويه و يا ب سلامه‌ته.
ئه‌ڤرۆ، ئه‌میر ئه‌ترووشی:
ژ نشكه‌كێ ڤه، ناسا یا جیهانی ژینگه‌ها باژێرێ دهۆكێ ب پیسترین ژینگه‌ه ل سه‌ر ئاستێ جیهانێ دده‌ته نیاسین، شاره‌زایه‌كێ ژینگه‌هێ ل پارێزگه‌ها دهۆكێ ژی دیار كر، ئه‌و ئامیرێ هه‌وایی پشكنین دكه‌ت، ل كاشێ 85% هه‌وایێ پیسه و هه‌مان رێژه ل باژارێ دهۆك ژی هاتیه تۆماركرن و گۆت: ل دووڤ هه‌موو وان راپۆرتێن ژینگه‌یی، ته‌ندروستی و زانستی، پالاوگه‌هه و كارگه‌هێن كواشێ د وی ژ رێنمایان كاردكه‌ن مه‌ترسیێن ژینگه‌هی هه‌نه، دڤێت بهێمه چاره‌سه‌ركرن، ئه‌گه‌ر كاریگه‌ریا وێ پشتێ 10 یان 15 سالێن دی دێ ئاشكرابن و ئێدی كۆنترولكرن دێ یا ب زه‌حمه‌ت بیت.
ناسر عه‌لی، ماسته‌ر ب زانستێن ژینگه‌هێ بۆ رۆژناما ئه‌ڤر دیار كر، بێگۆمان ئه‌وا نوكه ل دهۆكێ دهێته روودان كاره‌ساته، ل دووڤ زانیاریێن مه و ئه‌و ئامیرێ هه‌وایی پشكنین دكه‌ت، ل كاشێ 85% هه‌وایێ پیسه و هه‌مان رێژه ل باژارێ دهۆك ژی هاتیه تۆماركرن، تشتێ گه‌له‌ك مه‌ترسی ئه‌وه به‌رهه‌مێ وان پالاوگه‌هان تایبه‌ت گازوایل بۆ هه‌موو موه‌لیدێن دهۆك دهێنه ره‌وانه‌كرن.
ناسر زێده‌تر دبێژیت: چه‌ند ماده‌كێن مه‌ترسی دناڤ گازوایلێ دا هه‌نه، گه‌له‌ك د مه‌ترسیدارن، ب دیتنامن، ره‌نگه مه‌به‌ستا ناسا ده‌ڤه‌را كواشێ بیت، به‌لێ چونكه كواشێ سه‌ر ب دهۆكه هوسا هاتیه راگه‌هاندن، ب گشتی ل دووڤ هه‌موو وان راپۆرتێن ژینگه‌یی، ته‌ندروستی و زانستی، پالاوگه‌هه و كارگه‌هێن كواشێ د وی ژ رێنمایان كاردكه‌ن مه‌ترسیێن ژینگه‌هی هه‌نه، دڤێت بهێمه چاره‌سه‌ركرن، ئه‌گه‌ر كاریگه‌ریا وێ پشتێ 10 یان 15 سالێن دی دێ ئاشكرابن و ئێدی كۆنترولكرن دێ یا ب زه‌حمه‌ت بیت.
ماوێ زێده‌تر ژ 13 سالانه 52 پاریزینگه‌هان نه‌یاسایی ل كۆمه‌لگه‌ها كواشێ ل دهۆكێ هه‌نه و ڤان پاریزینگه‌هان كارتێكرنه‌كا خراب كریه سه‌ر ژینگه‌ها دهۆكێ و زیانێن مه‌زن ب خه‌لكێ ده‌ڤه‌رێ ب تایبه‌ت سنوورێ قه‌زا سێمێلێ گه‌هاندینه.
محه‌مه‌د تاهر بریفكانی، رێڤه‌به‌رێ ژینگه‌ها دهۆكێ بۆ ئه‌ڤرۆ دیار كر، ل گۆره‌ی ئه‌و ده‌ستهه‌لاتێن مه هه‌ین، هه‌تا نوكه هه‌شت پارزینگه‌هێن نه قانوونی ب كۆژمێ هه‌شت ملیۆن دیناران هاتینه سزادان و پێنچ پاریزگه‌ه ژی ب رێیا داواكارێ گشتی ب كۆژمێ 16 ملیۆن دیناران هاتینه سزادان.
زێده‌تر دبێژیت: ب بریارا جڤاتا وه‌زیرێن حۆكمه‌تا هه‌رێما كوردستانێ ل ده‌ستپێكا ئه‌ڤ سال یا ، 2019 نێزیكی 21 مه‌رجان بۆ دانانا پارزینگه‌هێن نه‌فتێ ل هه‌رێما كوردستانێ هاتبوونه دانان و پشتی لیژنه‌یه‌كا تایبه‌تمه‌ند دووڤچوون و پێداچوونا هه‌ر 52 پارزینگه‌هێن نه‌فتێ یێن پارێزگه‌ها دهۆكێ كری، ب تنێ حه‌فت ژ وان پارزینگه‌هێن نه‌فتێ مه‌رج بجهئیناینه و 45ێن دی مه‌رجێن دروست بجهنه‌ئیناینه و گۆت: ڤان پارزینگه‌هێن نه قانوونی كارتێكرنه‌كا مه‌زن كریه سه‌ر ساخله‌میا وه‌لاتیان و زیانێ ل وان دده‌ن، نه ب تنێ به‌رهه‌مێ وان یێ خراب، به‌لكو هه‌تا دووكێلا وان ژی ژینگه‌هێ پیس دكه‌ت و زیانێ دگه‌هینتیه ساخله‌میا وه‌لاتیان.
د. بێوار خه‌نسی، شاره‌زایێ ئاسایشا ئابووریا هه‌رێمێ بۆ ئه‌ڤرۆ دیار كر، ب تنێ دو پارزینگه‌هێن مه‌زن یێن ڤاڤارتنا پترۆلا ره‌ش ل هه‌رێما كوردستانێ هه‌نه (بازیان و كه‌له‌ك) و ئێكا بچووك ژی ل تاوكێ هه‌یه كو ڤان هه‌رسێیان مۆله‌تا قانوونی بۆ ڤاڤارتنا پترۆلا ره‌ش ل هه‌رێما كوردستانێ هه‌یه و ئه‌ڤ هه‌ردو پارزینگه‌هێن مه‌زن دشێن رۆژانه زێده‌تر ژ 100 هزار به‌رمیلێن پترۆلێ ب ڤاڤێرن و ب ڤێ چه‌ندێ پانزین و گازا سپی بۆ وه‌لاتیێن هه‌رێما كوردستانێ دهێته دابینكرن و گۆت: ئه‌ڤه د ده‌مه‌كی دایه كو هه‌موو پارزینگه‌هێن عیراقێ نها دشێن رۆژانه 750 هزار به‌رمێلێن نه‌فتا ره‌ش ب ڤاڤێرن و ل سه‌ر وه‌لاتیێن عیراقێ به‌لاڤ بكه‌ن.
نيشاندان