ئه‌ڤرو نیوز، مه‌حمود نهێلى:
ب تمام بوونا كارێ پرۆژێ هایدروپاوه‌رێ دێره‌لۆك دێ شێت 38 میڤاڤولت ئه‌مپێرێن كاره‌بێ به‌هه‌م ئمین و نوكه كاركرن د دڤێ پرۆژه‌ى دا به‌رده‌وامه و رێژا چێكرنا وێ نێزیكى 69% بوویه كو پێدڤیه د هه‌یاما 1600 رۆژان دا ب داوى بهێت.
سامى ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیار كر، كو ئه‌ڤه ئێكه ژ پرۆژه‌یێن ستراتیژى ل ده‌ڤه‌رێ دهێته چێكرن و گۆت : ئه‌ڤ پرۆژه‌یه ژ دوو قوناغان پێكدهێت كو قوناغا ئێكێ پێك دهات ژ چێكرنا وێستگه‌هێ كاره‌بێ و ل گه‌ل كێشانا هێله‌كا كاره‌بێ یا 133 كه‌یڤى ل سه‌رسنكێ بۆ دێره‌لۆكێ و كوژمێ 22 ملیۆن و 400 هزار دۆلاران بۆ هاتبوونه ته‌رخانكرن و نوكه 100% ب داوى هاتیه.
رێڤه‌به‌رێ ناحیا دێره‌لۆك دیار ژى كر، قوناغا دوویێ ژ چێكرنا سكرى و ل گه‌ل توربینا پێك دهێت و كوژمێ 129 ملیۆن دۆلاران بۆ هاتبوونه ته‌رخانكرن و نوكه نێزیكێ 69% هاتیه چێكرن و گۆت: ماوێ ڤى پرۆژه‌ى 1600 رۆژن و دێ 18 میتران هێته بلندكرن و فره‌هیا بنێ سكرى 17 میترن و جادا سه‌ر سكرى دبیته 5 میتر.
ناڤهاتى ئاشكراكر، كو ل ده‌مێ تمام بوونا ڤى پرۆژه‌ى كو ژ دوو توربینا پێك دهێت ، دێ دورێن (38 میگا ڤولت ئه‌مپیرێن) كاره‌بێ به‌رهه‌م ئینت كو هه‌ر ئێك میگاڤولت دبیته هزار كه‌یڤیێن كاره‌بێ و دێ ل گه‌ل كاره‌با نیشتیمانى ڤه هێته گرێدان.
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانێ، بریارا گرتن و راوه‌ستاندنا كارۆچالاكیێن 33 كۆمپانیێن ده‌رمان و پیدڤیێن نوژداری دا.
وه‌زاره‌تا ساخله‌میێ د راگه‌هاندنه‌كێ دا دیاركر پشتی چه‌ندین هه‌یڤان بۆ ده‌لیڤه‌دان ژبوی نووكرن و پێگیربوونا كۆمپانیان ب رێنمایێن وه‌زاره‌تا ساخله‌میێ و ئاگه‌هداركرنا وان، وه‌زاره‌تا ساخله‌میێ ل قوناغا چاكسازیێ ل بیاڤێ ده‌رمان و پیدڤیێن نوژداری، ژبه‌ركو پێگیر نه‌بوون ب رێنما و پیڤه‌رێن نووكرنا موله‌تێ و كوگه‌هكرنێ، بریارا گرتنێ و راوه‌ستاندنا كارێ 33 كۆمپانیێن ده‌رمان پێدڤیێن نوژداری ل هه‌رێما كوردستانێ دا.
هه‌ر دوێ راگه‌هاندنا وه‌زاره‌تا ساخله‌میا هه‌رێما كوردستانێ دا هاتیه دپێخه‌مه‌تا به‌رژه‌وه‌ندیێن گشتی، وه‌زاره‌تا ساخله‌میێ، رێڤه‌به‌راتیا كوالیتیا كونترۆلكرنا جوری یا ده‌رمان و پێدڤیێن نوژداری، سه‌ندیكا ده‌رمانسازان و سازیێن ساخله‌میێ ل كه‌رتێ گشتی و كه‌رتێ تایبه‌ت، ئاگه‌هداریا بجهكرنا بریارێ رۆژا ده‌ركه‌فتنا وێ یه، پشت به‌ستن بڤێ بریاری چ كار و چالاكیان ل گه‌ل ئه‌وان كۆمپانیان ئه‌نجام ناده‌ن.
ئه‌ڤرۆ نیوز ، زنار تۆڤی:
ب داخوازنامه‌كا فه‌رمی، نێچیرڤان بارزانی سه‌رۆكێ هه‌رێما كوردستانێ دێ پشكداریێ د كوربه‌ندێ ئابووری یێ داڤۆس دا كه‌ت، كو سالانه ئه‌ڤ كوربه‌نده ل( 21_24) كانوونا دویێ ل باژێرێ داڤۆس ل وه‌لاتێ سویسرا دهێته ئه‌نجامدان، هه‌روه‌سا سه‌رۆكێ هه‌رێمێ دێ ل گه‌ل سه‌رۆكێ ئه‌مریكا و سكرتێرێ گشتی یێ نه‌ته‌وێن ئێكگرتی كۆم بیت.
سه‌رۆكێ په‌یمانگه‌ها ڤه‌كولینێن كوردی ئه‌مریكی، كارۆخ خوشناو، دیار كر كو پشكداریا نێچیرڤان بارزانی سه‌رۆكێ هه‌رێما كوردستانێ د كوربه‌ندێ ئابووری یێ داڤۆس دا ل وه‌لاتێ سویسرا گه‌له‌ك گرنگیا خوه یا هه‌ی، هه‌روه‌سا پشكداریا سه‌رۆكێ هه‌رێمێ د وی كوربه‌ندی دا، گرنگیا جیۆپولوتیكی یا هه‌رێما كوردستانێ دیار دكه‌ت، كو هه‌رێما كوردستانێ خودانا پێگه‌هه‌كێ ستراتیژی یێ گرنگ و ب هێزه، چونكی ل سه‌ر ئاستێ جیهانێ ب تنێ تاكه هه‌رێم كو پشكداریێ د ڤی كوربه‌ندی دا دكه‌ت، هه‌رێما كوردستانێ یه، هه‌روه‌سا بریاره نێچیرڤان بارزانی سه‌رۆكێ هه‌رێما كوردستانێ ل گه‌ل هه‌ر ئێك ژ سه‌رۆكێ ئه‌مریكا دۆنالد تره‌مپ و ئه‌نتۆنیۆ گۆتیرێز سكرتێرێ گشتی یێ نه‌ته‌وێن ئێكگرتی كۆم بیت، ئه‌ڤه ژبه‌ر پێگه‌هێ ستراتیژی و جیۆپۆلوتیكی یێ هه‌رێما كوردستانێ یه، چونكی د نوكه دا كوردستان بوویه ده‌ڤه‌ره‌كا ئارام و سه‌قامگیر، كو تێدا هه‌موو پێكهاتێن وێ ب ره‌نگه‌كێ ئازاد و رێزگرتی ڤه دژین، دیسان ل ڤێ ده‌ڤه‌رێ كو جهێن وه‌كو هه‌رێما كوردستانێ د ئارام نینن، ژ بلی وه‌لاتێ ئسرائیلێ، كو ل وی وه‌لاتی ژی هه‌موو پێكهات ب ئازادی دژین، له‌وما هه‌رێما كوردستانێ هژماره‌كا خواندی یا گرنگه ل ده‌ف ئه‌مریكا و جڤاكێ نێڤده‌وله‌تی و نه‌ته‌وێن ئێكگرتی ڤه، حسێب بۆ هه‌رێما كوردستانێ دهێته كرن، هه‌روه‌سا دیدارا سه‌رۆكێ هه‌رێما كوردستانێ د وی چارچۆڤه‌ی دایه، كو هه‌رێما كوردستانێ گه‌له‌ك گرنگیا خوه هه‌یه ژ ئالیێ جڤاكێ نێڤده‌وله‌تی و وه‌لاتێن رۆژئاڤایی و ئه‌مریكا ڤه، هه‌روه‌سا هه‌بوونا وێ ئارامیێ و پێكڤه ژیانا ل كوردستانێ هه‌ی وه‌كریه، كو كوردستان بگه‌هیته ڤێ ئاستێ بلند، دیسان ئه‌و عه‌ره‌ب و مه‌سیحیێن ل عیراقێ هاتینه ده‌ركرن، هاتینه هه‌رێما كوردستانێ و ب ئارامی لێ دژین، ئه‌ڤێ چه‌ندێ گه‌له‌ك سه‌رنجا وه‌لاتێن رۆژئاڤا راكێشایه، ب تایبه‌تی ژی ئه‌مریكا.
كارۆخ خۆشناو، سه‌رۆكێ په‌یمانگه‌ها ڤه‌كولینێن كوردی ئه‌مریكی، هێشتا دبێژیت: هه‌رێما كوردستانێ كاریگه‌ریا راسته‌وخوه هه‌بوو ل سه‌ر تێكشكاندنا تیرۆرستێن داعش، چونكی هه‌رێما كوردستانێ ئێك بوو، ژ فاكته‌رێن هه‌ره ب هێز یێن ژناڤبرنا داعشێ، له‌وما دێ سه‌رۆكێ ئه‌مریكا ل گه‌ل سه‌رۆكێ هه‌رێما كوردستانێ ل داڤۆس كۆم بیت، هه‌روه‌سا بۆ ئێكلاكرنا وێ ململانێیا د ناڤبه‌را ئه‌مریكا و ئیرانێ ژی دا هه‌ی، حسێب بۆ هه‌رێما كوردستانێ دهێته كرن، دیسان ئه‌مریكا گه‌له‌ك پرس و راوێژێن خوه ل سه‌ر پێگه‌هێ هه‌رێما كوردستانێ دكه‌ت و پشت به‌ستنێ ل سه‌ر دكه‌ت، هه‌رێمێ ژی به‌لانسه‌كا باش راگرتیه د ناڤبه‌را ئه‌مریكا و ئیرانێ دا، هه‌روه‌سا هه‌رێما كوردستانێ دشێت هه‌ڤشێوێ قه‌ته‌ر و عومان و سویسرا رۆلێ نێڤه‌ندگیریێ بگێریت، هه‌روه‌سا هاتنا وه‌زیرێ ده‌رڤه یێ قه‌ته‌ر بۆ هه‌ولێرێ، وێ چه‌ندێ د گه‌هینیت كو رۆلێ هه‌رێما كوردستانێ ل ڤێ ده‌ڤه‌رێ یێ گرنگه، دیسان هه‌رێم دشێت رۆلێ نێڤه‌ندگیریێ بگێریت د ناڤبه‌را پێكهاتێن عیراقێ دا و ژبۆ چاره‌سه‌ركرنا كێشێن عیراقێ ژی، هه‌روه‌سا هه‌رێما كوردستانێ دشێت ببیته هێڤێنێ چاره‌سه‌كرنا كێشێن عیراقێ و دشێت رۆلێ ئه‌رێنی ژی دڤی واری دا بگێریت، له‌وما ب هه‌موو پیڤه‌ران و ل دووڤ ستانداردێن نێڤده‌وله‌تی، هه‌ر چه‌نده هه‌رێم نه ده‌وله‌ته، به‌لێ حسێبه‌كا باش بۆ دهێته كرن، د هنده‌ك ره‌وشان دا ئه‌و حسێبا بۆ هه‌رێما كوردستانێ دهێته كرن، بۆ هنده‌ك وه‌لات و ده‌وله‌تان ناهێته كرن، ڤێ وه‌كریه كو كوردستان د ناڤا عیراقێ دا رۆله‌كێ باش ب بینیت بۆ چاره‌سه‌ركرنا كێشێن عیراقێ، ل ده‌رڤه ژی شیایه رۆله‌كێ گه‌له‌ك باش و ئه‌رێنی بگێریت و رۆلێ نێڤه‌ندگیریێ گێرایه، له‌وما كۆمبوونا سه‌رۆكێ ئه‌مریكا ل گه‌ل سه‌رۆكێ هه‌رێما كوردستانێ مه‌زنترین گرۆڤه ل سه‌ر ڤی بابه‌تی.
ناڤهاتی ئه‌و چه‌ند ژی ئاشكرا كر: پشكداریا سه‌رۆكێ هه‌رێما كوردستانێ ل كوربه‌ندێ ئابووری یێ داڤۆس دا، ده‌لیڤه‌كا زێرینه بۆ هندێ كو وه‌به‌رئێنه‌رێن ئورۆپی و رۆژئاڤایی بانگهێشت بكه‌ته كوردستانێ، داكو وه‌به‌رئێنانێ ل كوردستانێ دا بكه‌ن، چونكی سه‌قامگیرترین ده‌ڤه‌ر ل عیراقێ هه‌رێما كوردستانێ یه، له‌وما ژ ئه‌گه‌رێ هه‌بوونا وێ ئارامی و سه‌قامگیریا كوردستانێ، چاڤێ هه‌موو جیهانێ ل سه‌ر هه‌رێما كوردستانێ یه، دیسان ئه‌ڤ كوربه‌نده ده‌لیڤه‌كا گرنگه بۆ وه‌به‌رئێنه‌ران كو بهێنه كوردستانێ و پرۆسا وه‌به‌رئێنانێ ئه‌نجام بده‌ن كو ئه‌ڤ چه‌نده دێ ئابوورێ كوردستانێ پێش ئێخیت و دێ ژێرخانا ئابووری ژی ل هه‌رێمێ ب هێز كه‌ڤیت و ده‌لیڤێن كاری ژی دێ بۆ گه‌نجێن مه پتر هێنه په‌یدا كرن، دیسان ئه‌ڤه دێ وه‌كه‌ت كو به‌رێ گه‌نجێن مه ب تنێ ل سێكته‌رێ حكومی نه‌بیت، له‌وما پشكداریا سه‌رۆكێ هه‌رێمێ د وی كوربه‌ندێ ئابووری دا گه‌له‌ك گرنگیا خوه یا هه‌ی، ژبۆ راكێشانا وه‌به‌رئێنه‌رێن بیانی بۆ كوردستانێ، هه‌روه‌سا بێ ترس ئه‌و دێ شێن كارێ خوه ئه‌نجام ده‌ن، چونكی ئێمناهی ل كوردستانێ ب شێوه‌كێ گه‌له‌ك باش یا به‌رقه‌راره و ئه‌ڤه بۆ ژێرخانا ئابووری یا هه‌رێما كوردستانێ ژی یا گرنگه.
ئه‌ڤرۆ نیوز، ناجی به‌ده‌ل:
ئه‌ڤرۆ ل رونشته‌ك ل سه‌ر چالاكرنا یاسایا رێكخراوێن نه‌حكومی ل باژێرێ دهۆكێ برێڤه‌چوو، كۆ رێكخراوێن نه‌حكومی رۆل و كارتێكرنه‌كا مه‌زن و زۆر ل سه‌ر هه‌موو ته‌خێن جڤاكی هه‌یه.
ئه‌ڤرۆ د رینشته‌كێ دا ل ئوتێلا خانی ل باژێرێ دهۆكی ب پشكداریا رێكخراوێن نه‌حكومی و ئه‌ندامێن جڤاتا پارێزگه‌ها دهۆك و یاساناس و چالاكڤان و رۆژنامه‌ڤان ژبوی چالاكرنا یاسایا رێكخراوێن نه‌حكومی رۆل و كارتێكرن و ڤه‌رێژێن وێ ل سه‌ر جڤاكێ دانوستاندن ل سه‌ركرن.
ئه‌ڤرۆ نیوز:
ئه‌ڤرۆ 21/1/2020 كۆبه‌ندێ سالانه‌یێ ئابووری یێ جیهانی ل باژێرێ داڤوس ل رۆژهه‌لاتێ سویسرا ده‌ست پێكر،دڤی كوربه‌ندی دا چه‌ندین سه‌ركرده و بازرگان و چالاكڤانێن مه‌زن و 175 پانێل و دانوستاندنێن تایبه‌ت ل سه‌ر هه‌فت بیاڤێن سه‌ره‌كی برێڤه دچیت.
كوربه‌ندێ ئابووری یێ جیهانی، نێچیرڤان بارزانی سه‌رۆكێ هه‌رێما كوردستانێ ل گه‌ل دونال تره‌مپ سه‌رۆكێ ئه‌مریكا و ئه‌نتونیو گوتێرێز سكرتێرێ گشتی یێ ریكخراوا نه‌ته‌وه‌یێن ئێكگرتی ژماره‌یه‌كا سه‌ركرده‌یێن دی و وه‌زیرێن وه‌لاتان.
فه‌لاح مسته‌فا راوێژكارێ سه‌رۆكێ هه‌رێما كوردستانێ راگه‌هاند: سه‌ره‌دانا نێچیرڤان بارزانی گرنگیه‌كا زۆر تایبه‌ت هه‌یه‌و په‌یوه‌ندێن هه‌رێما كوردستانێ ل گه‌ل جڤاكی نێڤ ده‌وله‌تی به‌رفه‌رهتر كه‌ت.
ل كوربه‌ندێ داڤوس یێ 2020 كۆ 677 سه‌ركرده و به‌رپرسێن بلندێن جیهانێ پشكدارن كۆ 175 پانێل و دانوستاندنێن تایبه‌ت ل سه‌ر حه‌فت بیاڤێن سه‌ره‌كی برێڤه دچن.
50 سال ده‌ر بازبوون ل سه‌ر بریڤه‌بوونا كوربه‌ندێ ئابووریێ جیهانی ل داڤوس، كوربه‌ندی ئابووری یێ جیهانی ل ده‌ستپێكێ ل بن ناڤی كوربه‌ندێ برێڤه‌برنا ئه‌ورۆپا ل سالا 1971 هاته دامه‌زراندن، پاشان ل سالا 1987 ناڤێ وێ هاته گوهورین بۆ كوربه‌ندێ ئابووری یێ جیهانی، كوربه‌ندێ ئابووری داڤوس ژیێ 50 سالیێ دایه.
ئەڤرۆ نیوز، زنار تۆڤی:
لیستا فلمێن کوردی د گەرا پێنجێ یا فیستەڤالا سینەمایی یا دژی تیرۆرێ ل هەلێرێ هاتنە دیار کرن، بشتیوان عەبدوللا سەرۆکێ رێکخەرێ فیستەڤالێ بۆ ئەڤرۆ نیوز گۆت: 27 فلمێن کوردی پشکداری د ڤێ گەرێ دا کریە و وەسا بریارە ئەڤ فیستەڤالە ل رۆژا 1 شواتێ دەست ب کارێن خوە بکەت و هەتا رۆژا 4 شواتێ دێ یا بەردەوام بیت، فلمێن پشکدار ژی ئەڤەنە.
فلمی ۳ تیروریست لەتەم دا ، ژ دەرهێنانا فەرزین کەریم، بەفری گەرم عەدنان عوسمان، رۆدا خەیبەر رەفیق، ٥٨ رۆژ گۆنا ئەمین، دکیۆمێنتاری، سیاچەمانە توانا حەمە، دکیۆمێنتاری، یاسمین ژ دەرهێنانا سەرباز عەبدولرەحمان، سور و سەوز ژ دەرهێنانا سارا عوسمان،
۱۳ مای ژ دەرهێنانا تاریق تۆفیق دکیۆمێنتاری، لێت دەگەرێم بڕۆیت سۆران سۆرانی، سیگۆشەکان ژ دەرهێنانا دلنیا کاموسی، ئاوابوون ژ دەرهێنانا محەمەد سەید، لۆرینا دایکێ محەمەد چەقماق دکیۆمێنتاری.
ود پێکەر محمەد مەرزانی، گێت باک دەرهێنان خدر محەمەد، هەنگاو ژ دەرهێنانا مازن شێربەیانی،
یادێ دەرهێنان شیرین جیهانی دکیۆمێنتاری، چاوەرێ بە محەمەد شێروان، مای کەت ژ دەرهێنانا عیماد محەمەدانی، هەپ ئای پینگ شیڤان عومەر، فری سامی کاکە ئەنیمەیشن، ئایلان جبرایل ئەبوبەکر ئەنیمەیشن، بالانس بارزان رۆستەمی، ئەنیمەیشن، بلاک سۆلس جەواد مراد ئەنیمەیشن، پرسگەی مەرگ نەسرین عابدین دکیۆمێنتاری، ئاوازی بێ کۆتا دەرهێنان سەرکەش محەمەد، شێرۆ ژ دەرهێنانا رابەر ئیراهیم، لێواری مەرگ ژ دەرهێنانا بیلال زەنگەنە.
ئەڤرۆ نیوز:
کۆچکا سپی بەرنامێ کۆمبوونێن سەرۆکێ ئەمریکا ل داڤۆس بەلاڤە کرینە و لدووڤ وی بەرنامەی دێ ترەمپ ل گەل کۆمەکا سەرۆکان کۆم بیت ژ وان ژی: سەرۆکێ هەرێما کوردستانێ و سەرۆک کۆمارێ عیراقێ.
لدووڤ نووچەکێ ئاژانسا رویتەرز، کۆچکا سپی بەرنامێ سەرەدانا دۆنالد ترەمپی سەرۆکێ ئەمریکا بەلاڤە کریە و دێ ترەمپ جۆدا ل گەل بەرهەم سالحی، سەرۆک کۆمارێ عیراقێ، نێچیرڤان بارزانی، سەرۆکێ هەرێما کوردستانێ، سیمۆنێتا سۆماروگا، سەرۆکێ سویسرا و عیمران خان، سەرۆک وەزیرێن پاکستانێ کۆم بیت.
ئەڤرۆ نیوز، ڕێوار مزووری:
نوکە ئاگر بەربوو بازارێ پەرووکان ل ناڤا بازارێ دهۆکێ بوویە ئەگەرێ سوتنا چەندین دوکانان و تانها قەبارەیێ زیانان ناهێتە زانین.
ل گەل پەیدا بوونا ئاگری و سوتنا چەندین دوکانان دەملدەست هێزێن ئاگرڤەمراندنێ گەهشتنە جهێ روودانێ و بزاڤا کۆنترولکرنا ئاگری داینە و ئاگر ڤەمراندینە.
بۆ هەر پێزانینەکا نوو چاڤەرێ بن
ئەڤرۆ نیوز ، زنار تۆڤی:
وەسا بریارە سوبەهی سێشەمبی کوربەندێ داڤۆس ل سویسرا برێڤە بچیت، ئەڤ سالە ل 21 هەتا 24 كانوونا دویێ كۆربەندێ ئابووری یێ جیهانی داڤۆس ل وەلاتێ سویسرا ب پشکداریا سەرۆكێن دەهان وەلاتان دێ برێڤە چیت و دێ دەست ب كارێن خوە کەت، ئەڤ سالە دۆنالد تره‌مپ سەرۆکێ ئەمریکا سه‌رۆکێ هه‌رێما کوردستانێ نێچیرڤان بارزانی و سکرتێرێ گشتی یێ نەتەوێن ئێکگرتی و سەرۆک کۆمارێ عیراقێ دێ پشکداریێ تێدا کەن، ئه‌ڤ ساله 119 ملیاردێر كو خودانێن 500 ملیارانه ل گه‌ل 2000 ئه‌ندامێن دى ژ هه‌موو جیهانێ دێ پشکداریێ د كۆربه‌ندێ داڤۆس دا کەن.
كۆربەندێ ئابووری یێ جیهانی ل داڤۆس ل سویسرا، رێكخراوەکا نەحكومیە، ل سالا 1971 ژ ئالیێ زانایێ وارێ ئابووری كلاوس شواب هاتیە دامەزراندن، زێدەتر ژ هزار كۆمپانیێن نێڤدەولەتی و فرەرەگەزی ئەندامن د وی كۆربەندیدا، دناڤ واندا كۆمپانیا نەستەلە و نیكی و مایكرۆسۆفت و ب دەهان كۆمپانیێن زەبەلاح یێن دیتر هەنە، مەزنە بەرپرسێن كۆمپانیایێن جیهانێ و سەركردێن سیاسی، سالانە ل ڤی باژێری كۆم ڤە دبن و گوتۆبێژان ل سەر كێشێن مەزن یێن ئابووری و سیاسەتێ ل جیهانێ دكەن.
هەروەسا گرێبەست و پرۆژێن ئابووری یێن هەڤبەش یێن مەزن ژی دناڤبەرا وەلاتاندا دهێنە ئیمزاکرن، ئارمانجا ڤی كۆربەندی ئابوورێ ئازاد و رەخساندنا ژینگەهەکێ یە ل بارێ وەبەرهێنانێدا ل سەرانسەری جیهانێ بۆ كۆمپانیان.
هەر چەندە رێكخراوەکا نە حکومیە، بەلێ مەرجێ ئەندامبوونا كۆمپانیان د وی كۆربەندیدا ئەوە كو داهاتێ وێ كۆمپانیێ كێمتر نەبیت ژ ملیارەکا دۆلاران د سالەکێدا، هەروەسا سالانە هەر كۆمپانیەکا ئەندام پێدڤیە 12 هزار و 500 دۆلاران وەك ئابوونە بدەتە وێ رێكخراوێ، ژبۆ پشکداریا سالانە بۆ هەر كۆمپانیەکێ ژی شەش هزار و 250 دۆلارێن ئەمریكیە، هەکە هەر كۆمپانیەکێ بڤێت د بەرنامە و ئەجیندا و گوتۆبێژ و پانێلێن كۆربەندێ داڤۆس دا بهێنە بەحسکرن، پێدڤیە 250 هزار دۆلاران بدەتە وی كۆربەندی، هەکە هەڤبەشەکێ بەردەوام یێ سالانە ژی بیت، ب تنێ دێ 78 هزار دۆلاران ژێ وەرگریت.
هەروەسا سالانە ب سەدان كەس ژ سەرۆكێن وەلاتان و سەرۆك وەزیر و وەزیرێن وەلاتێن جیهانی و سەرۆك و خودانێن كۆمپانیان و ئابووریناس و رۆژنامەوڤان و سیاسەتمەدار و پارێزەر و كەسانێن ئەكادیمی پشکداریێ د وی كۆربەندیدا دكەن، ل ڤان سالێن دوماهیێ بۆچوونەك دروست بوویە، کو كێشێن ئابووری و سیاسی یێن جیهانێ هند گەلەکن، کو ب تنێ ب ئەنجامدانا ئیک كۆربەند د سالەكێدا نەشێن چ چارەسەریا بۆ هەموو كێشان ب بینن، لەوما كۆربەندێ داڤۆس جۆدا دێ ژ كۆربەندی فەرمی، کو ل داڤۆس دێ هێتە ئەنجامدان، سالانە چەندین كۆربەندێن دیتر یێن نێڤدەولەتی ل وەلاتێن جۆدا دهێنە ئەنجامدان.
باژێرێ داڤۆس:
باژێرەکێ بچووكە و دکەڤیتە سەر رووبارێ لاندویسر ل دەڤەرا براتیقۆ یا سەر ب كانتۆنا گرۆباندن ل رۆژهەلاتێ وەلاتێ سویسرا، هەروەسا سەرۆكێن زۆربەیا وەلاتانێن جیهانێ سەرەدانا وی باژێری دكەن و لێ دمینن، هەڤدەم باژێرەکێ ب ناڤودەنگە بۆ وەرزشا زڤستانێ، ب تایبەتی خوە حلیساندنا سەر بەفرێ، هەروەسا پتریا خەلکێ وێ ب رەگەز ئەلمانینە و ب زمانێ ئەلمانی د ئاخڤن، ل سەدێ هەژدێ دا داڤۆس بوویە روویەكێ دیار یێ دەولەمەند و ڤەکۆلەران، سەرجەم چینێن ئەرستۆكراتی ل وی باژێری كۆمبووینە، هەروەسا بوویە باشترین دەڤەرا ژیانێ ل سویسرا، رووبەرێ ڤی باژێری 254 هزار و 48 كیلۆمەترن و بلنداهیا وی ژ ئاستێ روویێ دەریایێ ڤە دگەهیته هزار و 560 مەتران.
نيشاندان