ئه‌ڤرۆ نیوز:
وه‌زاره‌تا په‌روه‌ردێ ل هه‌رێما كوردستانێ سالناما خواندنێ یا ئه‌ڤ ساله و ده‌ستپێكا خواندنێ ل سالا بهێت راگه‌هاند.
سالناما خواندنێ یا 2019 – 2020 ل هه‌رێما كوردستانێ هاته به‌لاڤكرن
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
نڤیسینگه‌ها عادل عه‌بدولمه‌هدى رۆهنكرنه‌كێ ل دۆر “روودانا مه‌ترسیدار” دده‌ت
ئه‌ڤرۆ نیوز:
ژێده‌ره‌كى ژ نڤیسینگه‌ها عادل عه‌بدولمه‌هدى سه‌رۆك وه‌زیرێن عیراقێ ره‌تكر شاندێ بلند یێ حوكمه‌تا عیراقێ ل وه‌لاتێ چینێ تووشى روودانه‌كا مه‌ترسیدار ببیت.
وى ژێده‌رى بۆ سایتێ (رووسیا ئه‌لیه‌وم) راگه‌هاند” هنده‌ك ده‌نگوباس به‌حس ل وێ چه‌ندێ دكه‌ن كو شاندێ بلند یێ حوكمه‌تا عیراقێ ل چینێ ب سه‌رۆكاتیا عادل عه‌بدولمه‌هدى سه‌رۆك وه‌زیرێن عیراقێ تووشى روودانه‌كا مه‌ترسیدار بوویه، به‌لێ ب هیچ شێوه‌كى ئه‌ڤ ده‌نگوباسه یێ راست نینه و تشته‌كێ وه‌سا چێنه‌بوویه كو جهێ سه‌رنجێ بیت”.
گۆت ژى” ل ده‌مێ چوونا كاروانێ شاندێ عیراقى ل سه‌ر پرا (هایوان) بارانێ و باى ده‌ستپێكر، ئه‌ڤه ژى بۆ سه‌قایێ وه‌لاتێ چینێ ئاسایى یه و شاندێ عیراقێ تووشى چو روودان و مه‌ترسیان نه‌بوویه”.
چه‌ندین ده‌زگه‌هێن راگه‌هاندنێ یێن عیراقى به‌لاڤكربوو كو شاندێ بلند یێ حوكمه‌تا عیراقێ ل وه‌لاتێ چینێ د مه‌ترسیه‌كا مه‌زن دا بوون ژ ئه‌گه‌رێ بارانێ و بریسیان ل سه‌ر ئێك ژ درێژترین پرێن وه‌لاتێ چینێ و جیهانێ.
سوباهى شانده‌كێ په‌رله‌مانێ كوردستانێ دێ چیته به‌غدا
ئه‌ڤرۆ نیوز:
بریاره سوباهى چارشه‌مبى 25/9/2019 شانده‌كێ په‌رله‌مانێ كوردستانێ بچیته به‌غدا و ل دۆر بودجێ و په‌ترۆلێ و مادێ 140 یێ دستوورێ عیراقێ ل گه‌ل په‌رله‌مانێ عیراقێ كۆم ببیت.
محه‌مه‌د سه‌عده‌دین، بریارده‌رێ لژنا دارایى ل په‌رله‌مانێ كوردستانێ راگه‌هاند” ئێڤاریا سوباهى شانده‌ك ژ په‌رله‌مانێ كوردستانێ ب سه‌رۆكاتیا جێگرێ سه‌رۆكێ په‌رله‌مانى دێ سه‌ره‌دانا به‌غدا كه‌ت”.
گۆت ژى” شاندێ په‌رله‌مانى ل رۆژا پێنجشه‌مبى 26/9/2019 دێ چیته په‌رله‌مانێ عیراقێ بۆ دانوستاندنێ ل سه‌ر سێ كێشێن سه‌ره‌كى د ناڤبه‌را به‌غدا و هه‌رێمێ دا، ئه‌وژى پرۆژێ بودجا عیراقێ یا سالا 2020 و كێشا په‌ترۆلێ و كێشا ده‌ڤه‌رێن كوردستانى یێن ده‌رڤه‌ى ئیدارا هه‌رێما كوردستانێ ودانوستاندن ل گه‌ل لژنێن تایبه‌تمه‌ندێن په‌رله‌مانێ عیراقێ د به‌رنامێ كارێ سه‌ره‌دانێ دایه”.
ل ده‌ستپێكا هه‌يڤا 10 ئه‌ڤ بريارا وه‌زاره‌تا ناڤخوه دێ هێته بجهئينان
ئه ڤرۆ نيوز:
برياره‌كا وه‌زاره‌تا ناڤخوه ل هه‌رێما كوردستانێ سه‌باره‌ت ترومبێلێن حكومى ل رۆژا 1/10/2019 دێ هێته بجهئینان.
فازل حاجى، په‌یڤدارێ رێڤه‌به‌ریا هاتنوچوونا هه‌ولێرێ گۆت” ب گۆره‌ى بریاره‌كا وه‌زیرێ ناڤخوه ل هه‌رێما كوردستانێ، پشتى دانانا لۆگۆیێ حوكمه‌تا هه‌رێما كوردستانێ ل سه‌ر ترومبێلێن حكومى ژ لایێ رێڤه‌به‌ریێن هاتنوچوونێ ڤه، ل رۆژا 1/10/2019 و پێدا هه‌ر ترومبێله‌كا حكومى پشتى ده‌واما فه‌رمى بۆ كارێ تایبه‌تى بهێته بكارئینان، دێ ژ لایێ ئاسایش و پۆلیس و پۆلیسێن هاتنوچوونێ ڤه ده‌ست ب سه‌ردا هێته گرتن و كه‌سێ سه‌رپێچكار ژى ب ریێا رێڤه‌به‌ریێن هاتنوچوونێ دێ هێته هنارتن بۆ دادگه‌هێ بۆ سزادانا وى ب تۆمه‌تا بكارئینانا مولكێ گشتى بۆ به‌رژوه‌ندیا تایبه‌تى و تاكه كه‌سى”.
ناڤبرى هوشدارى ئاراسته‌ى شۆفێرێن ترومبێلێن حكومى كر و گۆت” داخوازێ ژ هه‌موو شۆفێرێن ترومبێلێن حكومى دكه‌ین، د ئاگه‌هدار بن و پێگیریێ ب ڤێ بریارێ بكه‌ن تاكو خوه تووشى سزایان نه‌كه‌ن”.
هاتنا بەرهەمێ 28 وەلاتان هاتە قەدە غە كرن
ئەڤرۆ نیوز،عەلی حاجی :
دەروازا ئیبراهیم خەلیل ئینانا مریشكێن 28 وەلاتان قەدە غە كرن ژئەگەرێ ئەنفلەوەنزا بالندا و ئەڤ بریارە ل دووڤ نڤیسارا وەزارەتا چاندنێ یا حوكمه‌تا عێراقێ هاتیە دەر كرن و زێدەباری وێ چەندێ ئینانا هەموو جورێن بالندە و پەلەوەران ب ئێكجاری هاتە قەدە غە كرن .
د وێ راگەهاندنێ دا هاتیە دیار كرن كو ئینانا بەرهەمێن وەلاتێن ( تیجر ، بوتان ، بوركینا فاسو ، باشورێ ئەفریقیا ، مالێزیا ، چین ، ئیسرائیل ، گانا ، كوریا باكور ، كوریا باشور ، كازاخستان ، كەمبودیا ، ماینمار ، مسر ، نیپال ، نێچیریا ، هونگ كونگ ، مەكسیك ، كامیرون ، ئوگەندا بەنگلادیش ، بوسنا هرسیك ، لوكسەمبورگ ، كونگو ، لاوس ، هندستان ، ئەڤغانستان ) نابیت ب چو رەنگی دگه‌ل ئینانا پەلەوەری ژى بۆ ناڤ ئاخا هەرێما كوردستانێ و عیراقێ ب رێیا دەروازێ ئیبراهیم خەلیل رێ بهێتە دان بۆ دەمەكێ نەدیار كری .
شەری داریوشی و ئەسكەندەرێ مەقدونی د پيشانگەهەكێ هاتە نەمایشكرن
ئەڤرۆنیۆز، هەرهین محەمەد:
رێڤەبەریا هونەرێ شێوەكاری ياسةر ب رێڤەبەریا گشتی یا رەوشەنبیری و هونەری ل دهۆكێ ئەڤرۆ دوشەمبی 23/9/2019 ل هولا گەلەریا دهۆك پیشانگەهەك ل بن ناڤێ(داریوش و ئەسكەندە و كورد) بۆ نڤیسەر و رۆژنامەڤان (عەبدولرحمان پاشا) ڤەكر و بۆ دەمێ چەند رۆژان دێ یا بەردەوام بیت.
عه‌بدولره‌حمان پاشای بۆ ئەڤرۆ نیۆز گۆت: كەڤالێن ڤی پیشانگەهێ بەحسێ كوردان دكەت بەری دوهزار وپێنچ سەد سالان ل كەلەكێ و كەلها هەولێرێ شەرێ د ناڤبەرا ئەسكەندەرێ مەقدونی و داریوشی و هەردوكان شەركرن و كورد ژی د ناڤ ڤی شەری دابوون و پشكداربوون و من كەڤالێن وان یێن جیهانی ژ وەلاتێ فەرەنسا و ئیتالیا و ئەوروپا ئیناینه و هندەك ژی من ژ ئەنترنێتی ئیناینە دەرێ و ئەڤ كەڤالە نە دانێن ره‌سه‌نن و ئەو نادەن و دبێژن هەكە هوون هەولێرێ هەموویێ بدەنە ئه‌م انێنره‌سه‌ن یێن كه‌ڤالان ناده‌ین.
وه‌زاره‌تا چاندنێ برياره‌كا نوو ده‌ركر
ئه‌ڤرۆ نيوز:
وه‌زاره‌تا چاندنێ و ژێده‌رێن ئاڤێ ل هه‌رێما كوردستانێ راگه‌هاند، ژ نوكه و پێدا بهايێ پێدانا كاره‌بێ بۆ پرۆژێن مريشكان و كۆگه‌هێن ساركرنێ دێ هێته كێمكرن.
حسێن حه‌مه كه‌رێم، په‌يڤدارێ وه‌زاره‌تا چاندنێ و ژێده‌رێن ئاڤێ ئه‌ڤرۆ دوشه‌مبى 23/9/2019 گۆت” وه‌زاره‌تا چاندنێ بريار دا ب كێمكرنا بهايێ پێدانا كاره‌با نيشتمانى بۆ پرۆژێن مريشكان و كۆگه‌هێن ساركرنێ ژ 130 ديناران بۆ 30 ديناران بۆ هه‌ر كيلۆ واته‌كێ و ئه‌ڤه ژى دێ بيته هانده‌ره‌ك بۆ زێده‌بوونا به‌رهه‌مى”.
برياره‌ك ل دۆر ترومبێلێن بارهه‌لگر دهێته ده‌ركرن
ئه‌ڤرۆ نيوز:
وه‌زاره‌تا ئاڤه‌دانكرن و ئاكنجيبوونێ ل هه‌رێما كوردستانێ د برياره‌كێ دا بارێ ترومبێلێن بارهه‌لگر كێمكر ب مه‌به‌ستا سلامه‌تيا زێده‌تر ل رێك و پران.
وه‌زاره‌تا ناڤبرى راگه‌هاند” ب مه‌ره‌ما دابينكرنا سلامه‌تيا زێده‌تر ل رێك و پران و زێده‌تر پاراستنا رێك و پران، ليسته‌كا نوو ل دۆر بارێ ترومبێلێن بارهه‌لگر هاتيه ده‌ركرن كو ژ نوكه و پێدا دێ هێته په‌يره‌وكرن”.
ل دووڤ وێ ليستێ، 4 ته‌ن ژ بارێ هه‌ر ترومبێله‌كا بارهه‌لگر هاتيه كێمكرن كو ئه‌ڤه ژى دێ هاريكار بيت بۆ پاراستنا رێك و پران و هه‌روه‌سا ژيه‌كێ زێده‌تر ب بارهلگران دده‌ت.
مه‌سرور بارزانى:دانوستاندنێن مه ل گه‌ل به‌غدا د به‌رده‌وامن بۆ چاره‌سه‌كرنا هه‌موو كێشان
ئه‌ڤرۆ نیوز:
سه‌رۆك وه‌زیرێن هه‌رێما كوردستانێ مه‌سرور بارزانى ئه‌ڤرۆ دوشه‌مبى 23/9/2019 پێشوازى ل شانده‌كێ له‌شكرێ ئه‌مریكى ب سه‌رۆكاتیا جه‌نه‌رال (گریگورى كروده‌ر) كر.
د ديداره‌كێ دا دانوستاندن ل دۆر دووماهى پێشهاتين عيراقێ و ده‌ڤه‌رێ هاته كرن ب تايبه‌تى هه‌ماهه‌نگى بۆ روو ب رووبوونا گه‌فێن داعشێ.
سه‌رۆك وه‌زيرێن هه‌رێما كوردستانێ سوپاسيا هێزێن ئه‌مريكا و هه‌ڤپه‌يمانان ب گشتى كر بۆ هاريكاريێن وان بۆ هێزێن پێشمه‌رگه‌ى و ئاماژه ب هه‌ماهه‌نگيا باش د ناڤبه‌را پێشمه‌رگه‌ى و هێزێن عيراقى كر بۆ روو ب رووبوونا گه‌فێن داعشێ.
سه‌باره‌ت په‌يوه‌نديێن ل گه‌ل حوكمه‌تا فيدرالى ژى دووپاتى ل وێ چه‌ندێ كر كو دانوستاندنێن مه ل سه‌ر چه‌ندين ئاستان د به‌رده‌وامن بۆ چاره‌سه‌كرنا هه‌موو كێشان ل سه‌ر بنه‌مايێ دستوورى.
هه‌روه‌سا گۆت” گه‌هشتن ب رێككه‌فتنێ د به‌رژه‌وه‌نديا هه‌موو خه‌لكێ عيراقێ دايه”.
ب ڤیدیۆ: ڤەگەریایێن کەمپا شیڤچنارکێ د رەوشەکا خراپ دا دژین
ئەڤرۆ نیوز، نەوزاد ھلۆری:
ڤەگەریایێن کەمپا شیڤچنارکێ ل ناحیا شێلادزێ کو خەلکێ خوەجھـ و رەسەنێ دەڤەرێ یە و پتری حەفت سالایە ل ئیران و تورکیا ڤەگەریایی و ل کەمپا شیڤچنارکێ ئاکنجی بوینە، د رەوشا خراپ دا دژین، ئەو دخوازن ب زوترین دەم خانی بو وان بھێنە چێکرن ب تایبەتی نوکە کو وەرزێ زستانێ یە، قایمقامێ ئامێدیێ ژی دیارکر کو ئەوان چەندین جاران جھێن شولەژێ لسەر دروستکرنا خانیان بو کەمپا شیڤچنارکێ ھایدارکرینە بەلێ ھەتا نوکە بەرسڤا وان نەھاتیەدان.
کەمپا شیڤچنارکێ 85 خێزانان پێکدھێن و سالانە چەند دەزگەھێن خێرخوازی ھاریکاریێن دارایی ب سەر دابەش دکەن.
نيشاندان
WP Facebook Auto Publish Powered By : XYZScripts.com