ئەڤرۆ نیوز، زنار تۆڤی:

کامیران محەمەد حاجی سەرۆکێ باژێرڤانیا کانی ماسێ بو ئەڤرۆ نیوز دیار کر: د 24 دەمژمێرێن بو ری دا پێلەکا دی یا بەفرێ ل سەنتەرێ ناحیا کانی ماسێ و گوندێن ڤێ دەڤەرێ باریە، ل دەستپێکێ رێکێن هاتنوچوونێ هاتنە گرتن، لێ هەر ب شەڤ تیمێن رامالینا بەفرێ یێن سەر ب باژێرڤانیا کانی ماسێ ڤە شیان رێکێن هاتنوچوونێ ژ بەفرێ رابمالن و نوکە هاتنوچوون یا ئاسایی یە ل ڤێ دەڤەرێ.

کامیرانی ئەو ژی ئاشکرا کر: شڤێدی ل سەنتەرێ ناحیا کانی ماسێ 10 سم بەفرێ بارینە و ل سەرزێری پتر ژ ڤێ رێژێ هاتیە و نوکە هەموو رێکێن سەرەکی هاتینە پاقژکرن و هاتنوچوونا شۆفێران یا ئاساییە، هەروەسا د ئەڤ سالە دا ئەڤە جارا سیێ یە ل ڤێ دەڤەرێ بەفر دباریت.

ئەڤرۆ نیوز، نەوزاد هلۆری:

شەڤا بوری هەتا سپێدەهیا ئەڤرۆ بەفر ل چیایێ پیرس دباری، رێیا نێزیکێ 50 گوندێن دناڤبەرا دینارتە و بارزان گرتبو، ئەڤرۆ بەری نیڤرۆ تیما باژێرڤانیا دینارتە رێیا چیایێ پیرس ڤەکر و نوکە شوفێر و وەڵاتی دشێن هاتن و چوونێ بکەن.

ردوان محیەدین ژ باژێرڤانیا دینارتە بۆ ئەڤرۆ نیوز گوت: (ژ ئەگەرێ بارینا بەفرەکا زۆر ل چیایێ پیرس، شەڤا بوری هەتا بەری نیڤرویا ئەڤرۆ رێیا چیایێ پیرس هاتبویە گرتن، بەلێ نوکە رێ ژلایێ تیما باژێرڤانیێ هاتیە ڤەکرن و شوفێر دشێن هاتن و چوونێ بکەن، بەلێ پێدڤی یە شوفێر و وەلاتی ب هوشیاری هاتن و چوونێ بکەن، ژبەرکو جادە حلیسوک بویە ل هندەک جهان).

زێدەتر گۆت: (ل چیایێ پیرس نێزیکێ 55سم بەفر باری یە، ئەڤە جارا پێنجێ یە ئەڤ سالە ل پیرس بەفر دباریت).

 
ئەڤرۆ نیوز ، زنار تۆڤی:

پشتی پێلەکا بەفرێ ناحیا کانی ماسێ و هەموو گوندێن ڤێ دەڤەرێ ڤەگرتین، هەر چەندە ژ ئالیێ تیمێن رامالینا بەفرێ رێک هاتینە ڤەکرن، لێ د هەمان دەمدا ب شەڤێ سەقایێ وێ دەڤەرێ دبیتە ساهی، بەستی رێکێن بەر نزار دگریت و هاتنوچوون ل وان جهان گەلەک ب زەحمەت دکەڤیت و دڤێت شۆفێر ب هشیاری د وان رێکان را هاتنوچوونێ بکەن، داکو تۆشی چ روودانێن هاتنوچوونێ نەبن.
کامیران محەمەد سەرۆکێ شارەوانیا کانی ماسێ بۆ ئەڤرۆ نیوز دیار کر: پشتی ل ڤان رۆژێن بوری رێژەکا باش یا بەفرێ ل سنۆری ناحیا کانی ماسێ باری و ب شەڤێ ئەسمانێ ڤێ دەڤەرێ دبیتە ساهی، بەستی رێیان دگریت و ب تایبەتی ژی ئەو رێکێن بەرنزار گەلەک بەستی دگریت و هەتا دانێ نیڤرۆ و جاران ژی هەموو رۆژێ شۆفێر نەشێن هاتنوچوونێ لێ بکەن، لەوما وان پێدڤی ب خوێ هەیە داکو ل وان جهان ب رەشینن یێن کو بەستی دگریت، ب تایبەتی ژی ل چەپێن بارۆخێ و چەپێن سەرزێری، چونکی ئەو بەستیە دبیتە ئاستەنگ بۆ هاتنوچوونا شۆفێران ل سەر جادێ، لەوما هەکە خوێ ل وان جهان بهێتە رەشاندن دێ ئەو بەستی حەلیێت و شۆفێر دێ شێن ب ساناهی هاتنوچوونێ کەن و تۆشی چ روودانان ژی نابن.

ئەڤرۆ نیوز ، زنار تۆڤی:

پشتی پێلەکا بەفرێ ناحیا کانی ماسێ و هەموو گوندێن ڤێ دەڤەرێ ڤەگرتین، هەر چەندە ژ ئالیێ تیمێن رامالینا بەفرێ رێک هاتینە ڤەکرن، لێ د هەمان دەمدا ب شەڤێ سەقایێ وێ دەڤەرێ دبیتە ساهی، بەستی رێکێن بەر نزار دگریت و هاتنوچوون ل وان جهان گەلەک ب زەحمەت دکەڤیت و دڤێت شۆفێر ب هشیاری د وان رێکان را هاتنوچوونێ بکەن، داکو تۆشی چ روودانێن هاتنوچوونێ نەبن.

کامیران محەمەد سەرۆکێ شارەوانیا کانی ماسێ بۆ ئەڤرۆ نیوز دیار کر: پشتی ل ڤان رۆژێن بوری رێژەکا باش یا بەفرێ ل سنۆری ناحیا کانی ماسێ باری و ب شەڤێ ئەسمانێ ڤێ دەڤەرێ دبیتە ساهی، بەستی رێیان دگریت و ب تایبەتی ژی ئەو رێکێن بەرنزار گەلەک بەستی دگریت و هەتا دانێ نیڤرۆ و جاران ژی هەموو رۆژێ شۆفێر نەشێن هاتنوچوونێ لێ بکەن، لەوما وان پێدڤی ب خوێ هەیە داکو ل وان جهان ب رەشینن یێن کو بەستی دگریت، ب تایبەتی ژی ل چەپێن بارۆخێ و چەپێن سەرزێری، چونکی ئەو بەستیە دبیتە ئاستەنگ بۆ هاتنوچوونا شۆفێران ل سەر جادێ، لەوما هەکە خوێ ل وان جهان بهێتە رەشاندن دێ ئەو بەستی حەلیێت و شۆفێر دێ شێن ب ساناهی هاتنوچوونێ کەن و تۆشی چ روودانان ژی نابن.