ئەڤرۆ نیوز:
پشتی دەستپێکرنا ئۆپەراسیۆنا تورکیا ل رۆژهەلاتێ فراتێ هەر دو وەلاتێن بریتانیا و فرەنسا داخوازا بلەز یا کۆمبوونا جڤاتا ئاسایشێ بۆ رەوشا باکورێ سووریێ دکەن.
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
وه‌زاره‌تا كاره‌بێ: به‌روه‌خت ده‌مژمێرێن پێدانا كاره‌بێ دێ كێم بن
ئه‌ڤرۆ نيوز:
وه‌زاره‌تا كاره‌با حوكمه‌تا هه‌رێما كوردستانێ ئاگه‌هداريه‌ك بۆ وه‌لاتيێن هه‌رێمێ و سه‌رجه‌م پشكدارێن خوه يێن كاره‌بێ به‌لاڤ كر.
ل دووڤ ڤێ راگه‌هاندنێ وه‌زاره‌تا كاره‌بێ ئاگه‌هداريا پشكدارێن خوه يێن كاره‌بێ دياردكه‌ت رێككه‌فتى 11-10-2019 هه‌تاكو 17-10-2019 كومپانيا دانا غاز ب سه‌رپه‌رشتيا وه‌زاره‌تا سامانێن سروشتى وه‌كو ئاماده باشيه‌ك بۆ وه‌رزێ زڤسانێ دێ ده‌ست ب چاكسازيا سيسته‌مێ به‌رهه‌مئينانا غازا سروشتى د كێلگه‌يا كۆرمۆر دا كه‌ت ب ڤێ چه‌ندێ ژى دێ سه‌رجه‌مێ 450 مێگاواتێن كاره‌بێ كێم كه‌ن.
وه‌زاره‌تا كاره‌بێ هه‌موو پشكدارێن خوه يێن كاره‌بێ ژى دلنيا دكه‌ت كو ل نێزيك دێ تيمێن كونترولا كاره‌بێ مژوولى خوه ئاماده‌كرنێ بن د ڤى ماوه‌ى دا كارتێكرنا كێمكرنا كاره‌بێ رێكبێخيت.
ئەردۆگان: ئۆپەراسیۆنا رۆژهەلاتێ فراتێ دەستپێکر
سەرۆک بارزانی ژ بۆ رۆژئاڤا داخوازەکێ ژ فرەنسا دکەت
ئەڤرۆ نیوز:
سەرۆک مەسعود بارزانی ل گەل کونسولێ گشتی یێ فرەنسا ل هەولێرێ کۆمبوو و دلگرانیا خوە ل هەمبەر ئەگەرێ هێرشەکا سەربازی یا تورکیا بۆ سەر رۆژئاڤایێ کوردستانێ دیار کر کو و داخواز ژ فرەنسا کر رۆلەکێ کاریگەر بۆ رێگریکرن ژ هێرشا تورکیا بگێریت.
سەرۆک بارزانی ل گەل ئولیڤیێ دیکۆتینی کونسولێ گشتی یێ فرەنسا ل هەولێرێ بەحسێ روودانێن ل دەڤەرێ و پێشهاتێن ل سووریێ کر و داخواز کر فرەنسا وەکو هێزەکا کاریگەر یا د هەڤپەیمانیا نێڤدوەلەتی یا ل دژی داعشێ ب رۆلێ خوە رابیت دا چو کارەساتێن دی ل رۆژئاڤایێ کوردستانێ روو نەدەن.
ڤيديۆ: قايمقامێ ئامێديێ به‌رسڤا پارێزگارێ دهۆكێ دا
هه‌ردو قايمقامێن شنگال نامينن
ئه‌ڤرۆ نيوز:
پارێزگارێ نه‌ينه‌وا راگه‌هاند كو پێشڤه‌چوونێن باش د ناڤبه‌را هه‌رێما كوردستانێ و به‌غدا دا هه‌نه ل دۆر كێشا شنگال و هه‌ردو قايمقام نامينن.
مه‌نسور مه‌رعيد، پارێزگارێ نه‌ينه‌وا د ديداره‌كێ دا ل گه‌ل رووداو راگه‌هاند كو دژيوارى دا، مه‌حما خه‌ليل قايمقامێ شه‌رعى يێ شنگالێ يه، به‌لێ خه‌لك ئێدى وى قه‌بوول ناكه‌ن، قايمقامێ دژى يێ سه‌پاندى يه و چو سيفه‌تێن قانوونى نينن، “ژ به‌ر هندێ نه‌شێين دوسيا ئه‌منى بكه‌ين دده‌ستان دا”.
ئاشكه‌را ژى كر كو نها پێشڤه‌چوونێن باش د ناڤبه‌را هه‌رێما كوردستانێ و عيراقێ دا هه‌نه و ل نێزيك ئه‌ڤ كێشه دێ هێته چاره‌كرن و گۆت: “هه‌ردو قايمقام نامينن”.
هه‌سه‌ده: گه‌فێن توركيا قه‌بوول ناكه‌ين
ئه‌ڤرۆ نيوز:
هێزێن سوريا ديموكرات (هه‌سه‌ده) راگه‌هاندنه‌ك ده‌رباره‌ى ئه‌گه‌رێ هێرشا له‌شكرى يا توركيا بۆ سه‌ر رۆژئاڤايێ كوردستانێ به‌لاڤكر و راگه‌هاند كو ب تۆندى ئيدانا هه‌ر هێرشه‌كێ دكه‌ن بۆ سه‌ر رۆژئاڤايێ كوردستانێ و هێرشێن توركيا ژى قه‌بوول ناكه‌ين.
ئه‌ڤرۆ رۆژا چارشه‌مبى 9ى چريا ئێكێ 2019 هێزێن سوربا ديموكرات راگه‌هاندنه‌ك ل دۆر كاودانێن رۆژئاڤايێ كوردستانێ به‌لاڤكر و ئاماژه ب وێ چه‌ندێ كر كو ئه‌و دێ ب گيان و رۆحێ به‌ره‌ڤانيێ ژ ده‌ڤه‌رێ كه‌ن و ناهێلن توركيا هێرشێ بكه‌ته سه‌ر ده‌ڤه‌رێن رۆژئاڤايێ كوردستانێ.
سەرۆك بارزانى بەرسڤا دونالد ترامپ دا
ئەڤرۆ نیوز، نەوزاد هلۆرى:
سەرۆك مەسعود بارزانى، د تویێتەكىێ دا بەرسڤا سەرۆكىێ ئەمریكا دونالد ترامپ دا كو پیێشتر بەحس ل ڤەكیێشانا هیێزیێن ئەمریكا ل رۆژئاڤایىێ كوردستانىێ و كوردان دكر.
دەقا پەیاما بارزانى
هێژا سەرۆك دونالد ترامپ، بۆ ئاگەهداریا جەنابێ تە گەلێ كوردستانێ هەردەم داخوازا مافیێن رەواییێن خوە كریە و بەرەڤانى ل خوە كریە، پیێشمەرگەى ئەفسانەیا داعشێ شكاند و كورد پشكەكا كارتیێكەربوون ل هەڤپەیمانیا دژى تیرورێ، خوینا كوردان زۆر ژ چەك و پارەى بهاترە ………. ل گەل ریێزێن مە”
جڤاتا وه‌زيران ئه‌ڤرۆ دێ كۆم بيت
ئه‌ڤرۆ نيوز:
بڕياره ئه‌ڤرۆ جڤاتا وه‌زيرێن هه‌رێما كوردستانێ كۆم ببيت و چه‌ند بابه‌تێن په‌يوه‌نديدار گه‌نگه‌شه بكه‌ت.
ژێده‌ره‌كى ژ جڤاتا وه‌زيرێن هه‌رێما كوردستا،ێ راگه‌هاند كو ئه‌ڤرۆ رۆژا چارشه‌مبى رێكه‌فتى 9ى چريا ئێكێ 2019 جڤاتا وه‌زيرێن هه‌رێما كوردستانێ دێ كۆم بيت.
ئاشكه‌را ژى كر كو دێ كۆمبوون بۆ دانوستاندنێ بيت ل دۆر كاودانێن سياسى يێن عيراق و سوريا و پێشهاتان و هه‌لويستێ هه‌رێما كوردستانێ و ئاماده‌كاريێن لايه‌نێن په‌يوه‌نديدار يێن هه‌رێمێ بۆ هه‌ر ئه‌گه‌ر و پێشهاته‌كێ ژ ده‌رئه‌نجامێ گوهۆڕينێن ل ده‌ڤه‌رێ روو دده‌ن ب تايبه‌ت ژى هاتنا ئاواران.
دا زانين كو كۆمبوون دێ چه‌ند ته‌وه‌رێن دژى ب خوه ڤه گريت ب تايبه‌ت يێن وه‌زاره‌تا كار و كاروبارێن جڤاكى وه‌كو دانانا ميكانيزما پێدڤى بۆ زامنكرنا ده‌سته‌به‌ريا كرێكاران و پێدانا پارێ پشكداريێن كرێكاران.
ب وێنه: ئه‌ڤرۆ ل زاويته 10 كه‌س بريندار بوون
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا پۆليسێن هاتنوچوونا زاويته راگه‌هاند كو ئه‌ڤرۆ د روودانه‌كا ترافيكى دا 10 كه‌س بريندار بووينه و زيانێن مه‌زن ژى ب ترۆمبێلێن وان كه‌فتينه.
سالح جه‌ميل، راگه‌هاندكار ل رێڤه‌به‌ريا هاتنوچوونا زاويته بۆ ئه‌ڤرۆ نيوز، راگه‌هاند كو ئه‌ڤرۆ 9ى چريا ئێكێ 2019 ل ده‌مژمێر 7:30 ل سه‌ر جاددا سه‌ره‌كى يا ناحيا مانگێشك بۆ كۆمه‌لگه‌ها باگێرا روودانه‌ك د ناڤبه‌را دو ترۆمبێلان دا روودا.
زێده‌تر گۆت: “ئه‌ڤ روودانه ژ جورێ لێكدان بوو د ناڤبه‌را هه‌ر ئێك ژ ترۆمبێلا پيكئاپ تويوتا بارهه‌لگر و ترۆمبێلا پيكئاپ دێر بارهه‌لگر، د ئه‌نجام دا 10 كه‌س بريندار بوون و بۆ نه‌خۆشخانا ته‌نگاڤيان ل دهۆكێ هاتنه ره‌وانه كرن.
سالح جه‌ميل ئاشكه‌را ژى كر كو زيانێن مه‌زن ژى ب به‌ر هه‌ردو ترۆمبێلان كه‌فتينه و هيڤى ژى ژ شوفێران خواست كو پێگريێ ب رێنمايێن هاتنوچوونێ بكه‌ن ب مه‌ره‌ما ساخى و سلامه‌تيا گيان و سامانێ وان.
د ماوێ چار سالێن بۆرى دا ل هه‌رێما كوردستانێ چار هزار و 100 كه‌سان ژ ئه‌گه‌رێ روودانێن هاتنوچوونێ گيانێ خوه ژ ده‌ست دايه.
نيشاندان
WP Facebook Auto Publish Powered By : XYZScripts.com