ئەڤرۆ نیوز، نەوزاد هلوری:
ئەڤرۆ ئێڤاری گەنجەکێ گوندێ کونەمار یا سەر ب ناحیا شێروان مەزن یا سەر ب دەڤەرا بارزان د رووبارێ هاودیان کو روبارەکێ وەرزی یە خەندقی، ئه‌ڤه دبیتە ئێکەم روودانا خەندقینێ ل وی رووباری.
عه‌ميد (عیماد رێکانی)، رێڤه‌به‌رێ بەرەڤانیا باژێری ل سۆران بۆ ئەڤرۆ نێوز گۆت: (ب مەرەما بوراندنا دەمەکێ خوش و مەلەڤانیان خەلک قەستا هاودیان دکەت، بەلێ ئێک ژ وان وەلاتیان کو خەلکێ گوندێ کونەمار یا سەر ب ناحیا شێروان مەزنە خەندقی).
زێدەتر گوت: (روودان دەمژمێر 6:30 دروست بوویە، ئەو کەسێ خەندقی ژی ناڤێ وی سالار خسرویە و ژیێ وی 21 سالە، تەرمێ وی ژلایێ بەرەڤانیا باژێری و تیما مەلەڤانیا مێرگەسور و سوران هاتیە دەرئینان و رەوانەکرن بۆ نوشداريا داد ل سوران).
نيشاندان