ئەڤرۆ نیوز:

ئەڤرۆ مەسرور بارزانی شیرەتکارێ ئاسایشا هەرێما کوردستانێ پێشوازی ل هندریک ڤان دیفێلد بالیۆزێ وەلاتێ بەلجیکا ل عیراقێ و ئوردنێ کر و د هەڤدیتنێ دا بەحسێ رەوشا عیراقێ و گشتی یا دەڤەرێ و کوردستانێ هاتە کرن.

ژ ئالیێ خوە ڤە بالیۆزێ بەلجیکا ب گرنگی بەحسێ پرۆسێسا پێکئینانا کابینا نوو یا حوکمەتێ کوردستانێ کر و بەرهەڤیا وەلاتێ خوە بۆ هاریکاریێن پتر بۆ هەرێما کوردستانێ دیار کر و هەروەسا هێڤی خواست کو مەسرور بارزانی بشێت د کابینا نوو یا حوکمەتا هەرێما کوردستانێ دا سەرکەفتی بیت.

مەسرور بارزانی ژی هێڤیا سەرکەفتنێ بۆ بالیۆزێ بەلجیکا ل عیراقێ و ئوردنێ خواست و دیار کر پەیوەندیێن هەرێما کوردستانێ و بەغدا نها باشن و بزاڤ دهێنە کرن هەموو پرسێن هەی ب رێیا دستوورێ بهێنە چارەکرن.

ئه‌ڤرۆ نيوز:

به‌رى ده‌مه‌كێ كێم و ژنشكه‌كێ ڤه‌، ئێكه‌تى نشتيمانى كوردستان بڕيار دا پشكدارى كۆمبوونا ئه‌ڤرۆ يا په‌رله‌مانێ كوردستانێ نه‌كه‌ت.

بڕياره‌ ئه‌ڤرۆ په‌رله‌مانێ كوردستانێ د روونشتنا خوه‌ يا ئاسايى يا پێنجێ دا، سه‌رۆكێ هه‌رێما كوردستانێ هه‌لبژێريت و به‌ربژارێ پارتى ديموكراتى كوردستان، نێچيرڤان بارزانى، ب هێزترين به‌ربژارێ ڤى پۆستى يه‌.

ب گۆره‌ى رێكه‌فتنێن سياسى بڕياربوو هه‌ر ئێك ژ ئێكه‌تى نشتيمانى كوردستان و بزاڤا گۆڕان و پێكهاته‌ و سوشاليست پشته‌ڤانيا به‌ربژارێ پارتى ديموكراتى كوردستان بكه‌ن، به‌لێ به‌رى ده‌مه‌كێ كێم و ژنشكه‌كێ ڤه‌، ئێكه‌تى نشتيمانى كوردستان خوه‌ ژ پشكداريكرن د ڤێ كۆمبوونێ دا ڤه‌كێشا.

هێشتا ديار نه‌بوويه‌ كا دێ سه‌رۆكێ هه‌رێما كوردستانێ هێته‌ هه‌لبژارتن يان هه‌لبژارتن دێ هێته‌ پاشخستن، به‌لێ ب گۆره‌ى قانوونێ و رێژا قانوونى يا پشكداريێ د شيان دايه‌ كۆمبوونا په‌رله‌مانێ كوردستانێ بهێته‌ كرن و سه‌رۆكێ هه‌رێمێ بهێته‌ هه‌لبژارتن و پشكدارينه‌كرن و كرنا ئێكه‌تيێ د ڤێ روونشتنێ دا وه‌كو ئێكه‌، به‌لێ دێ مينيت كا دێ بزاڤێ كه‌ن ئێكه‌تيێ رازى كه‌ن پاشى پشكدار بن يان ژى دێ كۆمبوون ب رێڤه‌ چيت و سه‌رۆك هێته‌ هه‌لبژارتن.

سه‌رۆكاتيا په‌رله‌مانێ كوردستانێ ئاشكه‌را كريه‌ كو پێنج كه‌س بۆ پۆستێ سه‌رۆكێ هه‌رێما كوردستانێ د به‌ربژارن، ئه‌و ژى نێچيرڤان بارزانى، به‌ربژارێ پارتى ديموكراتى كوردستان، ئومێد عه‌بدولسه‌لام قادر، محه‌مه‌د حه‌مه‌ سالح قادر، رێبوار عه‌زيز مسته‌فا و هيوا عه‌بدولا خدر وه‌كو به‌ربژارێن سه‌ربه‌خۆ.

پێشتر ژى ئۆمێد خۆشناو، سه‌رۆكێ فراكسيۆنا پارتى ديموكراتى كوردستان راگه‌هاند بوو كو سه‌رۆكێ هه‌رێما كوردستانێ ل په‌رله‌مانى هێته‌ هه‌لبژارتن و رێوره‌سمێن سووندخوارنا سه‌رۆكێ هه‌رێمێ دێ كه‌ڤنه‌ پشتى جه‌ژنێ.

ئه‌ڤرۆ نيوز:

ئه‌ڤرۆ په‌رله‌مانێ كوردستانێ دێ كۆم بيت و سه‌رۆكێ هه‌رێما كوردستانێ هه‌لبژێريت.

ب گۆره‌ى كارنامێ سه‌رۆكاتيا په‌رله‌مانێ كوردستانێ ده‌مژمێر 11:00ى به‌رى نيڤرۆيا ئه‌ڤرۆ رۆژا سێشه‌مبى 28ى گۆلانا 2019ێ ب مه‌ره‌ما هه‌لبژارتنا سه‌رۆكێ هه‌رێما كوردستانێ، په‌رله‌مان دێ كۆم بيت.

سه‌رۆكاتيا په‌رله‌مانێ كوردستانێ ئاشكه‌را كريه‌ كو پێنج كه‌س بۆ پۆستێ سه‌رۆكێ هه‌رێما كوردستانێ د به‌ربژارن، ئه‌و ژى نێچيرڤان بارزانى، به‌ربژارێ پارتى ديموكراتى كوردستان، ئومێد عه‌بدولسه‌لام قادر، محه‌مه‌د حه‌مه‌ سالح قادر، رێبوار عه‌زيز مسته‌فا و هيوا عه‌بدولا خدر وه‌كو به‌ربژارێن سه‌ربه‌خۆ.

پێشتر ژى ئۆمێد خۆشناو، سه‌رۆكێ فراكسيۆنا پارتى ديموكراتى كوردستان راگه‌هاند بوو كو سه‌رۆكێ هه‌رێما كوردستانێ ل په‌رله‌مانى هێته‌ هه‌لبژارتن و رێوره‌سمێن سووندخوارنا سه‌رۆكێ هه‌رێمێ دێ كه‌ڤنه‌ پشتى جه‌ژنێ.

ئه‌ڤرۆ نيوز:

وه‌زاره‌تا په‌روه‌ردێ ل هه‌رێما كوردستانێ د رۆهنكرنه‌كێ دا به‌لاڤكر كو بێهنڤه‌دانا رۆژێن جه‌ژنا ره‌مه‌زانێ ل هه‌فتيا داهاتى بۆ وه‌زارتا په‌روه‌ردێ هاته‌ هه‌لوه‌شاندن.

ل دووڤ نڤيساره‌كا رێڤه‌به‌ريا گشتى يا ئه‌زموونان ل وه‌زاره‌تا په‌روه‌ردێ ئاگه‌هداريا قوتابيان ومامۆستايان هاتيه‌ كرن ل دۆر ئه‌زموونێن 12 ئاماده‌يى كو رۆژه‌كا  بێهنڤه‌دانێن جه‌ژنا ره‌مه‌زانێ هاتيه‌ هه‌لوه‌شاندن.

د وێ نڤیسارێ دا هاتیه‌” ئه‌زموونا زمانێ عه‌ره‌بى وپه‌روه‌ردا ئیسلامى ل دووڤ خشتێ ئه‌زموونان دێ ل هه‌مان رۆژا خوه‌ ئانكو ل رۆژا ئێكشه‌مبى 2/6/2019 هێته‌ ئه‌نجامدان وتنێ ئه‌و رۆژه‌ نابیته‌ بێهنڤه‌دان”.