ئه‌ڤرۆ نیوز، عه‌لى حاجى :

رێڤه‌به‌رێ ناحیا ده‌ركارێ د داخویانیه‌كێ دا بۆ ئه‌ڤرۆ نیوز دیار كر سوپاێ توركیا روژانه‌ چه‌ند ده‌ڤه‌ره‌كێن سه‌ر ب ناحیا وان ڤه‌ توپباران دكه‌ن و  هێزه‌كا نوو یا سوپایێ توركیا ب چاڤ هاتیە دیتن كو د سنورێ دناڤبه‌را كوردستان و توركیا دا هاتینه‌ دناڤ ئاخا كوردستانێ دا .

زێده‌تر زێره‌ڤان موسا گۆت: (هێزەکا نوو یا سوپایێ توركیا کو دناڤ ئاخا كوردستانێ دا و  هاتینە دیتن ژی و ئەو هێزە هەتا گوندێ كولكێن دیشیشێ ئانكو گوندێ دێشیشا كه‌ڤن هاتینه‌ كو پشت وى گوندى هه‌تا سنورێ دناڤبه‌را مه‌ و توركیا دا نێزیكى شه‌ش گوندانه‌ كو د ماوه‌یێ وه‌كو رێڤه‌به‌رێ ناحیا ده‌ركارێ دا بۆ ئێكه‌م جاره‌ سوپایێ توركیا ب ڤى ره‌نگى دهێته‌ دناڤ ئاخا هه‌رێما كوردستانێ دا و دیفچوونێن مه‌ ژى د به‌رده‌وامن ل سه‌ر ڤێ چه‌ندێ، روژانه‌ سوپایێ توركیا توپبارانا چیایێن ناحیا مه‌ دكه‌ن ب تایبه‌تى ژى چیایێ خامتیرى كو ژ ده‌ستپێكا راگه‌هاندنا ئوپه‌راسیونێ ژلایێ سوپایێ توركیا ڤه‌ ل دژى هێزێن په‌كه‌كێ كو ب شێوه‌یه‌كێ چر ئه‌و چیایه‌ دهێته‌ بوردومان كرن .

ناڤبرى خویا كر ژى هه‌ر دیسان ل گوندێ په‌ره‌خا كه‌ڤن و ده‌روروبه‌رێن وێ روژانه‌ دهێته‌ توپباران كرن به‌لێ چو كه‌س د وى گوندى دا نه‌مایه‌ ژ به‌ر كو گونده‌ك نووتر هاتیه‌ ئاڤا كرن، هه‌تا نوكه‌ چو گونده‌ك نه‌هایته‌ تو‌پباران كرن ل سنورێ ناحیا مه‌ كو دشێین بێژن وه‌لاتى تێدا ئاكنجى بن و هه‌ر دیسان مه‌ رێگرى ژى ل چوونا وه‌لاتیان كریه‌ بۆ جهێن گه‌شت و گوزارى و گوندێن مه‌ترسیا توپبارانێ ل سه‌ر هه‌ى .

ئه‌ڤرۆ نیوز، عه‌لى حاجى :

رێڤه‌به‌رێ هاتن و چوونا زاخۆ د داخویانیه‌كێ دا بۆ ئه‌ڤرۆ نیوز دیار كریا پێدڤیه‌ ل ده‌ستپێكا ده‌روازا زاخۆ پره‌كا پیاده‌ بهێته‌ دانان و به‌رده‌وام ژى وان كامیره‌یێن هاتنوچوونێ داناینه‌ ده‌ستپێكا ده‌روازێ .

زێده‌تر عه‌قیدێ هاتنوچوونێ ره‌شید ئاده‌م گۆت: (پرانیا وان روودانێن ڤێ داویێ ل زاخۆ دروست بووین كو تێدا چه‌ند كه‌سه‌كان گیانێ خوه‌ ژده‌ست دا بوون بۆ ئه‌گه‌رێن ب كارئینانا له‌زاتیێ و خرابیا جادده‌یان ڤه‌دگه‌ریت كو ب تایبه‌تى ژى روودانا ل سه‌ر رێیا بێتاسێ بۆ گوندێ دولا كو خرابیا وێ جادده‌یێ و له‌زاتیا شوفێر روودانه‌كا دل ته‌زین ژبه‌ریا دوو حه‌فتیان په‌یدا كر و هه‌ر دیسان ئه‌م وه‌كو رێڤه‌به‌ریا هاتن و چوونا زاخۆ گه‌ل وێ چه‌ندێ نه‌ پره‌كا پیاده‌ ل به‌رامبه‌ر هه‌پى پارك بۆ لایێ دیترێ جادده‌یێ بهێته‌ دیتن ژبه‌ر كو جادده‌یه‌كا سه‌ره‌كى یه‌ و شوێر ژى ل وى جهى له‌زاتیێ ب كار دئینن و هه‌تا بویه‌ ئه‌گه‌ر گه‌نجه‌ك گیانێ خوه‌ ژده‌ست بده‌ت،بۆ كونترول كرنا له‌زاتیێ و شوفێران روژانه‌ ئه‌م كامیره‌یێن هاتن چونێ دانین ده‌ست پێكا ده‌روازا زاخۆ ژبه‌ر كو له‌زاتیه‌كا زێده‌ ل وى جهى دهێته‌ كرن) .

ناڤبرى ئاشکرا ژى كر روودانێن به‌ری نوكه ‌ل  زاخۆ كو مرن ل دووڤ خوه‌ ئیناین پرانیا وان كه‌سان ژى سنێله‌ و گه‌نج بوون و پێدڤیه‌ ئێدى بۆ به‌رژه‌وه‌ندیا خوه‌ و به‌رامبه‌رى خوه‌ شوفێر پێگێریێ ب رێنمایا بكه‌ت پێخه‌مه‌تى پاراستنا گیانێ خوه‌ .

ئەڤرۆ نیوز، عەلی حاجی :

رێڤەبەرێ ناحیا دەرکارێ د داخویانیەکێ دا بۆ ئەڤرۆ نیوز دیار کر پشتی هاتینە ئاگەهدار کرن ل سەر هەبوونا گورەکێ کو هندەک ژ شینوارێن وێ دەرکەڤتی یە ل کومەلگەها هیزاوا کو پشتی دیفچوون ل سەر هاتیە کرن کو ئەو گورە ڤەدگەریت بۆ زێدەتری ژ بەریا ١٠٠ سالان.

زێدەتر زێرەڤان موسا گۆت: (ئەڤرۆ روژا دوشەمبیێ ئەم هاتینە ئاگەهدار کرن ژلایێ هندەک وەلاتیان ڤە کو هندەک ژ هەستێن لەشێ مروڤان دیتینە و نیشانێن گوران دیار دکەت، پشتی مە سەرەدانا وی جهی کری و دیفچوونا بابەتی کری کو هندەک شاهد حالان بۆ مە دیار کری کو ئەڤ گورە ڤەدگەریت بۆ سالێن دەستپێکا ١٩٠٠ یان ژی دووماهیا سالێن ١٨٩٠ کو هژمارەکا وەلاتیێن کو ئاکنجی ل ڤی جهی کەسێن خوە ڤەشارتینە، کو هەتا هندەک بەر وەکو تەحت هاتینە دانان بۆ کێلیا وان گوران و هەر دیسان شاهد حالان ژی بۆ مە دیار کر کو ژ بەری ١٩٣٠ وان کەس و کارێن خوە ل ڤی جهی ڤەشارتینە و ل سەر دەمێ بابێ وان ژی ئەڤ گورە هەبوون، بەلێ پشتی خەلک ل سەر دەمێ رژێما بەعسا ژناڤچووی ڤە هاتینە ڤەگوهاستن بۆ هندەک دەڤەرێن دیتر و مالێن وان هاتینە خراب کرن ئەڤ گورە ژی زیان ڤێکەڤتبوون).

ل دور ژناڤچوونا وان گوران ناڤبری ئاشکەرا کر هەر دیسان کو پشتی هاتنا بارانێن زور و ئەو گورە زێدەتر ژناڤچوو بوون، بەلێ ل ڤێ دووماهیێ بارانان ب هندەک ژ نیشانێن وان گوران دیار کر بوو لەوما خەلکەکێ ب چاڤ ئەو گورە دیتینە و دێ دیفچوونەکێ ل سەر وان گوران کەین.

و گۆت ژی ئەو ئەردە د نەخشەیی دا جهێ ئاکنجیبوونێ یە لەورا دێ نڤیسارەکێ بۆ قایمقامیا زاخۆ و پارێزگەرێ دهوکێ رەوانە کەین کو تیمەکا تایبەتمەند ب زانستی ڤان ‘وران ڤەکەن و دیفچوونەکێ ل سەر راستی و دروستیا وان گوران بکەن ئەم وەسا پێشبینی دکەین کو ئەڤە رێژەیەکا زور یا گوران بیت و دێ بەردەوام ژی بین ل سەر هندێ هەتا کو دروستیا ڤان گوران ب شێوەیەکێ زانستی ب دەست مە بکەڤیت.