ئه‌ڤرۆنيوز:
داواكاريا گشتى دكۆمبوونا ئه‌ڤرۆ سێشه‌مبى 27/3/2018، پشت به‌ستن ب وێ پارچا ڤيديۆيێ ئه‌وا ل تۆرێن جڤاكى هاتيه به‌لاڤكرن، ئاشكرا دكه‌ت، قوتانا وى مامۆستايێ دانعه‌مر تاوانه وسوباهى دێ داواكاريه‌كێ پێشكێشى ده‌زگه‌هێن ئێمناهيێ يێن هه‌ولێرێ دێ كه‌ين.
بۆتان به‌كرشوانى، سكرتێرێ ده‌سته‌يا مافێن گشتى ل هه‌رێما كوردستانێ راگه‌هاند” داواكارى گشتى لقێ هه‌ولێرێ يێ ده‌سته‌يا مافێن گشتى دكۆمبوونا ئه‌ڤرۆ ب به‌رهه‌ڤبوونا پێنج دادوه‌ران ب كۆى ده‌نگان بريار دا وێ كه‌يسێ بلڤينن”.
سكرتێرێ داواكاريا گشتى يا هه‌رێمێ زێده‌تر بۆ وشه گۆت” چه‌ند كه‌سان هێرش كره سه‌ر خوه‌نيشانده‌ران ومامۆستايه‌كێ دانعه‌مر هاته قوتان ب شه‌قان، ل سه‌ر وى بابه‌تى نوكه داواكاريا گشتى ل هه‌ولێرێ سكالايا قانوونى دژى هێرشكرنا ل سه‌ر مامۆستايێ هه‌ولێرێ بلند كه‌ت”.
گۆت ژى” سوباهى وێ داواكاريێ دێ بۆ ده‌زگه‌هێن ئێمناهيێ يێن هه‌ولێرێ هێته بلندكرن كو ڤه‌كۆلينێ ل سه‌ر وێ پارچه ڤيديۆيێ بكه‌ت كو هێرش ل سه‌ر مامۆستايێ دانعه‌مر ونوشداره‌كى هاتيه كرن، دچارچۆڤێ مافێ گشتى دا”.
ل رۆژا 25 ئادارێ دخوه‌پيشاندانه‌كا هه‌ولێرێ دا، ژئاليێ كه‌سه‌كى ڤه هێرش ل سه‌ر مامۆستايه‌كى ب شه‌قان هاته كرن.
نيشاندان
