سەرۆکاتیا باژێرڤانیا دھۆکێ دێ ١٠٠ ملیۆن دیناران دەتە باژێرڤانیا ھەلەبچە

22/11/2018 13:10

379

ئەڤرۆ نیوز، عەزیز ھەورامی:
زێدەتری چار سالانە ھەلەبچە بوویە پارێزگەە بەلێ ھەتا نوکە وەکو پێدڤی پرۆژێن خزمەتگۆزاری بوو نەھاتینە دابینکرن، سەرۆکا باژێرڤانیا وێ پارێزگەھێ ژی دیار کر کو ھەر ئێک ژ سەرۆکاتیێن باژێرڤانیێن دھۆک و ھەولێر و سلێمانی دێ ١٠٠ ملیۆن دیناران دەتە باژێرڤانیا ھەلەبچە.
کوێستان ئەکرەم، سەرۆکا باژێرڤانیا پارێزگەھا ھەلەبچە ئاشکرا کر کو وێ د کۆمبوونا سالانە یا جڤاتا وەزیرێن ھەرێما کوردستانێ دا ل ھەیڤا ١٢ یا سالا بۆری پێشنیار کر کو ھەر سێ پارێزگەھێن دھۆک و ھەولێر و سلێمانی کوژمەکێ پارەی ژ داھاتێ خوە بۆ بجە ئینا پرۆژێن ھەلەبچە دابین بکەن، ب خوەشحالیڤە ھەر سێ پارێزگەھان رازەمەندیا خوە ل سەر ڤێ چەندێ دیار کر کو ل سالا ٢٠١٨ێ ھاریکاریا پارێزگەە ھەلەبجە بکەن و گۆت: ” ھەر ئێک ژ سەرۆکاتیێن باژێرڤانیێن دھۆک و ھەولێر و سلێمانی دێ ١٠٠ ملیۆن دیناران دەتە باژێرڤانیا ھەلەبچە”.

كۆمبوونا سه‌رۆك بارزانی و عادل عه‌بدولمه‌هدی ده‌ستپێكر

22/11/2018 12:58

ئه‌ڤرۆ نیوز، ئازاد نسری:
سه‌رۆك مه‌سعود بارزانی به‌ری ده‌مه‌كێ‌ كێم گه‌هشته‌ جڤاتا وه‌زیرێن عیراقێ‌ و ژ ئالیێ‌ عادل عه‌بدولمه‌هدی سه‌رۆك وه‌زیرێن عیراقێ‌ ڤه‌ هاته‌ پێشوازیكرن.
نها كۆمبوونا بارزانی و عه‌بدولمه‌هدی ده‌ستپێكر و ته‌وه‌رێ‌ سه‌ره‌كی یێ‌ كۆمبوونێ‌ پێكئینانا كابینا نوو یا حوكمه‌تا عیراقێ‌ و چاره‌كرنا كێشێن د ناڤبه‌را هه‌ولێر و به‌غدا دا بیت.

شاندەکێ ئیدارا شەرعی یا شنگالێ دێ چیتە بەغدا

22/11/2018 12:39

101

ئەڤرۆ نیوز، رێوار مزیری:
قایمقامێ قەزا شنگالێ بۆ ئەڤرۆ نیوز دیار کر کو شاندەکێ ئیدارا شەرعی یا قەزا شنگالێ بۆ چارەکرنا ئاریشا دێ چیتە بەغدا و گۆت: “د بۆدجا ٢٠١٩ێ یا عیراقێ دا چو پارە بۆ شنگالێ نەھاتیە تەرخانەکرن”.
مەحما خەلیل، قایمقامێ قەزا شنگالێ ئاشکرا کر کو ب مەرەما چارەکرنا ئاریشێن قەزا شنگالێ نوکە بەرھەڤی بۆ چوونا شاندەکێ ئیدارا شەرعی یا شنگالێ بۆ بەغدا دھێنەکرن و گۆت: “ھەر دەمێ بەرھەڤیێن چوونا ڤی شاندی بۆ بەغدا تمامبوون دێ ژڤانێ چوونێ راگەھینین”.
ناڤھاتی ئاماژە دا وێ چەندێ کو ژ بەر نەبوونا خزمەتگۆزاریان و ئێمناھیێ ل قەزا شنگالێ ھەتا نوکە خەلکێ دڤەرێ وەکو پێدڤی نەشێن ڤەگەڕنە سەر مال و مولکێن خوە و گۆت: “ئەڤە د دەمەکی دایە کو د دستوورێ عیراقێ دا ھاتیە کو دڤێت بۆدجە ل دووڤ رێژا خوەجھیا دەڤەرێ بھێتە بەلاڤکرن، بەلێ ل دووڤ پێزانینێن وان بەغدا د بۆدجا ٢٠١٩ێ یا عیراقێ دا چو پارە بۆ شنگالێ تەرخانەکریە و گۆت: “ئەم ژ ڤێ چەندێ د رازی نینین و ب چو شێوەیان قەبوول ناکەین شنگال ژ بۆدجا عیراقێ یا بێ بەھر بیت”.

كيش كێشێن ل گه‌ل به‌غدا دشيان دايه‌ بهێنه‌ چاره‌كرن و كيش چاره‌ نابن؟

22/11/2018 12:28

247

ئه‌ڤرۆ نيوز، نيوار محه‌مه‌د سه‌ليم:

چاڤدێره‌كێ سياسى ل پارێزگه‌ها دهۆكێ ئاشكه‌را كر كو چوونا سه‌رۆك بارزانى بۆ به‌غدا يا گه‌شبينه‌، به‌لێ هه‌موو كێشان ژى چاره‌ ناكه‌ت.

موئه‌يه‌د ته‌يب، ئه‌ندامێ خولا سيێ يا جڤاتا نوونه‌رێن عيراقێ و چاڤدێرێ سياسى بۆ ئه‌ڤرۆ نيوز گۆت: “به‌رى چه‌ند رۆژان سه‌رۆك بارزانى داخۆيانه‌ك دا و راگه‌هاند كو پێكئينانا حوكمه‌تا نوو يا فيدرال ده‌رگه‌هه‌كێ نوو ل هه‌مبه‌ر دانوستاندنان بۆ چاره‌كرنا كێشێن ناڤبه‌را هه‌رێم و به‌غدا دا”.

زێده‌تر گۆت: “چوونا سه‌رۆك بارزانى به‌رده‌وامى دانه‌ ب وان گۆتنا و رژديا سه‌ركرداتيا پارتى يه‌ ل سه‌ر چاره‌كرنا كێشێن د ناڤبه‌را عيراقێ و هه‌رێما كوردستانێ دا”.

ئه‌ندامێ خولا سيێ يا جڤاتا نوونه‌رێن عيراقێ ئاشكه‌را ژى كر كو به‌رى نوكه‌ يا ژى رژد بوويه‌ د چاره‌كرنا كێشان دا، به‌لێ حوكمه‌تێن ئێك ل دووڤ ئێك يێن عيراقێ نه‌ڤيايه‌ كێشێن ناڤبه‌را به‌غدا و هه‌رێمێ دا چاره‌ ببن و هه‌ر ڤيايه‌ ئه‌ڤ كێشه‌ كوورتر لێ بهێن و بكه‌ڤنه‌ سه‌ر ئێك.

موئه‌يه‌د ته‌يب دا زانين ژى كو هه‌ر ژ به‌ر هندێ ژى سه‌رۆك بارزانى ڤێ گه‌رێ ژى چوو به‌غدا دا بزانين كا ڤێ جارێ دێ حوكمه‌تا عيراقێ يا رژد بيت ل سه‌ر چاره‌كرنا كێشان يان دێ هه‌ر وه‌كو يا به‌رى نها بيت.

ل دۆر وێ چه‌ندێ كا كيش كێشه‌ د شيان دايه‌ بهێنه‌ چاره‌كرن و كيش كێشه‌ ژى چاره‌ نابن؟ موئه‌يه‌د ته‌يب گۆت: “هنده‌ك كێشه‌ يێن هه‌ين دڤێت بهێنه‌ چاره‌كرن و نابيت وه‌كو نها بمينن ب تايبه‌ت د وه‌لاته‌كێ ديموكرات دا، كو ئێك ژ وان ژى ره‌وشا سه‌پاندى يا كه‌ركووك و شنگالێ يه‌ كو وه‌كو داگيركه‌ر سه‌ره‌ده‌رى ل گه‌ل وان ده‌ڤه‌ران دهێته‌ كرن”.

گۆتژى: “هه‌ر ديسا دڤێت مافێن هه‌رێما كوردستانێ د بوودجێ دا بهێنه‌ دياركرن و هه‌رێمێ ژى بڕيارا خوه‌ ل سه‌ر بابه‌تێن هه‌ستيارێن عيراقێ هه‌بيت”.

ل دۆر وان كێشێن نه‌هێنه‌ چاره‌كرن ژى دا نه‌ڤه‌شارت كو بوودجه‌ جاره‌كا دى نابيت 17%ێ، چونكو هه‌كه‌ سه‌رۆك وه‌زيران بڤێت ژى، هنده‌ك كه‌سێن د ناڤ جڤاتا نوونه‌ران دا هه‌ين ڤێ چه‌ندێ قه‌بوول ناكه‌ن. ره‌وشا پێشمه‌رگه‌ى وه‌كو يا ده‌زگه‌هێن ئه‌منى يێن حوكمه‌تا عيراقێ لێ ناهێت ژ لايێ مووچه‌ و چه‌ك و مه‌شقكرنێ ڤه‌، چونكو عيراقێ نه‌ڤێت هه‌رێمێ له‌شكره‌كێ ب هێز هه‌بيت به‌ره‌ڤانيێ ژ خوه‌ بكه‌ت. كێشێن هه‌رێما كوردستانێ ل دۆر په‌ترۆل و غازێ ژى چاره‌ نابن. جڤاتا دادوه‌رى ژى كو به‌روه‌خت هاتبوو دانان پێدڤى بوو هاتبايه‌ گوهۆڕين و كودان تێدا رۆل هه‌بايه‌، به‌لێ وه‌سان چێنه‌بوو و چێنابيت ژى.

ده‌رباره‌ى وێ چه‌ندێ كا يێ گه‌شبينه‌ يان نه‌، موئه‌يه‌د ته‌يب گۆت: “يێ گه‌شبينم، چونكو هه‌ر نه‌مانا عه‌بادى ب خوه‌ ل سه‌ر كورسيكێ ب خوه‌ تشته‌كێ ئه‌رێنى يه‌، ژ به‌ر كو ئه‌وى هه‌موو ده‌رگه‌هـ ل هه‌مبه‌ر كوردان گرت بوون”.

به‌رى نيڤرۆيا ئه‌ڤرۆ رۆژا پێنجشه‌مبى مه‌سعود بارزانى، سه‌رۆكێ پارتى ديموكراتى كوردستان ب سه‌ره‌دانه‌كا فه‌رمى گه‌هشته‌ به‌غدا و ژ لايێ محه‌مه‌د حه‌لبۆسى سه‌رۆكێ جڤاتا نوونه‌ران و هادى عامرى و چه‌ندين سه‌ركردێن عيراقى و وه‌زيرێن كابينا نوو هاته‌ پێشوازيكرن و بڕياره‌ چه‌ندين كۆمبوونان ژى بكه‌ت ل گه‌ل هه‌ر ئێك ژ عادل عه‌بدولمه‌هدى سه‌رۆك وه‌زيرێن عيراقێ ومحه‌مه‌د حه‌لبووسى سه‌رۆكێ په‌رله‌مانى كۆم بيت، زێده‌بارى هژماره‌كا سه‌رۆك ليستێن په‌رله‌مانى وه‌كو عه‌مار حه‌كيم ونورى مالكى و سه‌ركردێن سونان وه‌كو سالح موتله‌گ، سوبه‌هى ژى دێ ل گه‌ل موقته‌دا سه‌در كۆم بيت.

ئاگر به‌ربوو پشكه‌كا ناڤخۆيى

22/11/2018 11:57

264

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌رێ بنگه‌هێ به‌ره‌ڤانيا باژێرى ل قه‌زا به‌رده‌ره‌ش راگه‌هاند كو ل به‌رده‌ره‌ش ئاگر به‌ربوويه‌ پشكه‌كا ناڤخۆيى و ژبلى زيانێن ماددى زيانێن گيانى نينن.

رائيد عوسمان حه‌م عه‌بدولا، رێڤه‌به‌رێ بنگه‌هێ به‌ره‌ڤانيا باژێرى ل قه‌زا به‌رده‌ره‌ش د داخۆيانيه‌كێ دا بۆ ئه‌ڤرۆ نيوز گۆت: “سپێده‌هيا ئه‌ڤرۆ رۆژا پێنجشه‌مبى رێكه‌فتى 22ى چريا دويێ 2018 و ل ده‌مژمێر 8:45 هاتينه‌ ئاگه‌هداركرن ل سه‌ر روودانه‌كا ئاكر به‌ربوونێ ل ئێك ژ پشكێن ناڤخۆيى يێن به‌رده‌ره‌ش”.

زێده‌تر گۆت: “هه‌ر زوو گه‌هشتينه‌ جهێ روودانێ و ديار بوو كو ئاگر به‌رببوو ژووره‌كا قاتێ شه‌شێ، زوو شياين كونترۆلا ره‌وشێ بكه‌ين ب كۆنترلكرنا ئاگرى و گرتنا كاره‌بێ ژ ئاڤاهى هه‌موويێ”.

دا زانين ژى كو ب تنێ ژووره‌ك و تشتێ د ناڤ دا هاتبوونه‌ سۆتن و گۆت: “تشتێ باش ئه‌و بوو قوتابى ل ده‌وامێ بوون و چو زيانێن گيانى نه‌گه‌هشتبوونێ”.

رێڤه‌به‌رێ بنگه‌هێ به‌ره‌ڤانيا باژێرى ل قه‌زا به‌رده‌ره‌ش خۆيا ژى كر كو ئه‌گه‌رێ روودانێ ئه‌و بوو كو چار بۆ پێنج شه‌حنێن مۆبايلان د پشكه‌كێ كاره‌بێ دابوون و دياربوو چه‌ندين رۆژبوو نه‌هاتيه‌ ته‌مراندن.

نه‌ڤه‌شارت ژى كو ئه‌ڤ پشكا ناڤخۆيى يا ژماره‌كا قوتابيێن ئێزدى بوو و پتريا وان ژى خۆجهێن شنگالێ نه‌ و هنده‌ك ژى يێن شێخانن.

رائيد عوسمان حه‌م عه‌بدولا هيڤى ژى خواست كو ل ده‌مێ قوتابى ژ پشكێن ناڤخۆ ده‌ردكه‌ڤن باشتره‌ سركێتێ ژوورێ ببه‌نه‌ خوار ژ به‌ر كو زڤستانه‌ و ئه‌وان چو كار ب كاره‌بێ ڤه‌ نينه‌ ده‌ما ل جهێ خوه‌ نه‌بن.

سه‌رۆك بارزانى گه‌هشته‌ به‌غدا

22/11/2018 11:43

ئه‌ڤرۆ نيوز:

مه‌سعود بارزانى سه‌رۆكێ پارتى ديموكراتى كوردستان گه‌هشته‌ به‌غدا و هاته‌ پێشوازيكرن ژ لايێ محه‌مه‌د حه‌لبۆسى سه‌رۆكێ جڤاتا نوونه‌رێن عيراقێ و هادى عامرى و ڤيان سه‌برى، سه‌رۆكا فراكسيۆنا پارتى ديموكراتى كوردستان ل جڤاتا نوونه‌رێن عيراقێ چه‌ندين وه‌زير و سه‌كردێن عيراقى.

كيفاح شنگالى شيره‌تكارێ راگه‌هاندنێ يێ مه‌سعود بارزانى، سه‌رۆكێ پارتى ديموكراتى كوردستان بۆ ئه‌ڤرۆ نيوز گۆتبوو: “سه‌رۆك بارزانى دێ ل گه‌ل عادل عه‌بدولمه‌هدى سه‌رۆك وه‌زيرێن عيراقێ ومحه‌مه‌د حه‌لبووسى سه‌رۆكێ په‌رله‌مانى كۆم بيت، زێده‌بارى هژماره‌كا سه‌رۆك ليستێن په‌رله‌مانى وه‌كو عه‌مار حه‌كيم ونورى مالكى و سه‌ركردێن سونان وه‌كو سالح موتله‌گ، سوبه‌هى ژى دێ ل گه‌ل موقته‌دا سه‌در كۆم بيت”.

دياركر ژى كو گرنگترين پرسێن سه‌رۆك بارزانى دێ ل به‌غدا به‌حس كه‌ت مادێ 140 وده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ وپێدڤيا له‌زكرنى دنه‌هێلانا ره‌وشێن نه‌سروشتى ل وان ده‌ڤه‌ران ب تايبه‌ت ل كه‌ركووكێ وشنگالێ وخانه‌قينێ وزڤراندنا ره‌وشا وان وه‌كو به‌رێ، زێده‌بارى به‌حسكرنا به‌هرا هه‌رێما كوردستانێ ژ بودجه‌ى، ديسا پرسێن په‌ترۆلێ وغازێ وپێشمه‌رگه‌ى وبه‌هرا وان ژ رێككه‌فتن وهاريكاريان د پرچه‌ككرنێ ومه‌شقكرنێ دا”.

تلفریکەک دێ ل دەڤەرا ئامێدیێ ھێتە دانان

22/11/2018 11:43

1223

ئەڤرۆ نیوز، مەحمود نھێلی:
بەرپرسێ نڤیسینگەھا گەشتوگۆزارێ ل سیلاڤێ بۆ ئەڤرۆ نیوز دیار کر کو وان پلان ھەیە بۆ سالا ٢٠١٩ پێشڤەچوونێن باش د کەرتێ گەشتوگۆزاری دا بکەن ل دەڤەرێ و گۆت: “ئەڤ پێشڤەچوون و گەشەپێدانا د بوارێ گەشتیاری دا دێ ل دەڤەرێ دروست دبیت نەک بتنێ ل دێ ل ئامێدیێ یان سیلاڤێ بیت ئەڤە دێ جھێن گەشتیاری یێن ھەر شەش ناحیێن سەر ب قەزایێ ڤە ب خوە ڤە گریت و دێ گرنگی ب گەشتوگۆزارا ھاڤین و زڤستانێ ژی ھێتە دان”.
ناڤھاتی ئاماژە دا وێ چەندێ کو بۆ ئەڤ سالە ھەتا نوکە چو بەرھەڤی بۆ گەشتوگۆزارا زڤستانێ نەھاتینە کرن ژ بەر کو نوکە چ ل بەر دەستێ وان نینە و گۆت: “ئەم چاڤەرێ نە دەست ب تلەفریکا گەلیێ سەرسنکێ بھێتە کرن ھەروەسا مەلەڤانگەھەکە و یاریێن ئولومپی ژی د ڤی پرۆژەی دا ھەنە، لێ ژ بەر کو ئەو ژی ئێکە ژ پرۆژێن وەبەرئینانێ ژ بەر روتینیاتێن ب رێڤەچوونا کاری ھەتا نوکە دەست ب وی پرۆژەی نەھاتینەکرن”.

كه‌تیبێن حزبوللا واشنتۆنێ‌ ب پالدانا داعشێ‌ بۆ عیراقێ‌ تۆمه‌تبار دكه‌ن

22/11/2018 11:26

ئه‌ڤرۆ نیوز، ئازاد نسری:
كه‌تیبێن حزبوللا یا عیراقێ‌ هێزێن ئه‌مریكا تۆمه‌تبار دكه‌ن كو داعشێ‌ پال دده‌ت ل سووریێ‌ ڤه‌گه‌ڕیته‌ عیراقێ‌.
جه‌عفه‌ر حسێنی په‌یڤدارێ‌ كه‌تیبێن حزبوللا یا عیراقێ‌ راگه‌هاند، ئه‌مریكا دڤێت داعشێ‌ پال بده‌ت بۆ وێ‌ چه‌ندێ‌ ژ سوویا ڤه‌ڕیته‌ عیراقێ‌ و گۆت:(لڤینێن چه‌كدارێن داعش ل ده‌ڤه‌رێن سنووری، ئاماژه‌یه‌ بۆ وێ‌ یه‌كێ‌ كو وان دڤێت ده‌ڤه‌ر هه‌ر هوسا ب شه‌ڕ و كێشه‌ بمینیت).
ناڤهاتی ئاشكرا ژی كر كو كه‌تیبێن حزبوللا و هێزێن عیراقی سنوورێ‌ عیراق و سووریێ‌ یێ‌ كۆنترۆلكری و رێ‌ ناده‌ن چو هێزه‌كا بیانی ده‌ڤه‌رێ‌ كۆنترۆل بكه‌ت و گۆت:(ئه‌م وه‌كو هێزه‌كا داگیركه‌ر به‌رێخوه‌ دده‌ینه‌ هێزێن ئه‌مریكا ل سه‌ر ئاخا عیراقێ‌).
ژێده‌ر: RT

ب وێنه‌: چه‌ره‌زاتێن ب كرم ل دهۆكێ دهێنه‌ گرتن

22/11/2018 11:03

646

ئه‌ڤرۆ نيوز، نيوار محه‌مه‌د سه‌ليم:

ب مه‌ره‌ما دووڤچوونێ ل سه‌ر ره‌وشا بازارى، لژنا دووڤچوونا بازارى يا سه‌ر ب قايمقاميا قه‌زا دهۆكێ ڤه‌ سه‌ره‌دانا چه‌ندين جهێن دى كر و ل كۆمپانيا گيز ژى چه‌ره‌زێن ب كرم هاتنه‌ ده‌سته‌سه‌ركرن.

يوسف محه‌مه‌د حه‌سه‌ن، به‌رپرسێ لژنا دووڤچوونا قايمقاميا قه‌زا دهۆكێ بۆ ئه‌ڤرۆ نيوز گۆت: “د گه‌ريانا دوهى 21ى چريا دويێ 2018ێ دا، سه‌ره‌دانا چه‌ندين جهان كرن و شياين شه‌ش ته‌نێن چه‌ره‌زات و شريناهيێن ده‌م ب سه‌رڤه‌چوويى ل كۆمپانيا گيز و كارگه‌ها وان ده‌سته‌سه‌ر بكه‌ين”.

به‌رپرسێ لژنا دووڤچوونا قايمقاميا قه‌زا دهۆكێ دا زانين ژى كو ئه‌ڤ كۆمپانيه‌ هاته‌ سزادان و بۆ ماوێ چار رۆژان نابيت ده‌رگه‌هێن وێ بهێنه‌ ڤه‌كرن.

به‌رپرسێ لژنا دووڤچوونێ دياركر ژى كو ژ به‌ر نه‌پێگريا خودانێ كۆمپانيا رۆژ ژى ب رێنمايان ب گۆژمێ دوسه‌د هزار ديناران هاته‌ سزادان.

خواست ژى كو بۆ هه‌ر گازنده‌كا هه‌وه‌ هه‌بيت يان په‌يوه‌نديكرن ب لژنا دووڤچوونێ په‌يوه‌نديێ ب ڤێ ژمارێ بكه‌ن: ژمارا تەلەفونا گازندان (07501612622)

ئه‌ڤ وێنه‌ ب سۆپاسيڤه‌ ژ راگه‌هاندنا قايمقاميا قه‌زا دهۆكێ هاتينه‌ وه‌رگرتن

پارێزبەندی دێ بۆ مامۆستایان ژی وەکو پەرلەمانتاران ھەبیت

22/11/2018 10:35

1498

ئەڤرۆ نیوز، قائید میرۆ:
بەرپرسەکێ ئێکەتیا مامۆستایێن کوردستانێ دیار کر کو پڕۆژە قانوونەک ل دۆر پاراستنا تەخا مامۆستایان ھاتیە بەرھەڤکرن و گۆت: “پڕۆژە مامۆستایێن زانکۆیێ و یێن خانەنشینکری ژی ڤەدگەڕیت و د دەمێ پەسەندکرنێ دا وەکو پەرلەمانتاران دێ مامۆستایان ژی پارێزبەندی ھەبیت”.
عەبدولواحد محەمەد حاجی، جێگرێ سەرۆکێ ئێکەتیا مامۆستایێن کوردستانێ بۆ ئەڤرۆ نیوز دیار کر کو پشتی چەندین حالەتێن ھێرشکرنە سەر مامۆستایان ھاتینە تۆمارکرن ژ لایێ قوتابی و کەسوکارێن قوتابیان ڤە، ئێکەتیا مامۆستایان پڕۆژە قانوونەک بەرھەڤکر بۆ وێ چەندێ ل پەرلەمانی بھێتە پەسەندکرن ل دۆر پاراستنا ژیان و مافێن مامۆستا ل ھەرێما کوردستانێ و گۆت: “ئەم ل گەل وەزارەتێن پەروەردە و خواندنا بلند کۆمبووین و رازیبوونا وان ژی ل سەر پڕۆژەی ھەبوو، بەلێ دەمێ دگەل لیژنا پەروەردێ ئاخفتین لیژنا پەروەردێ وەسا ب باشزانی قانوونا عیراقێ وەکی خوە بھێتە بجە ئینان ل ھەرێما کوردستانێ، ئەم ژی رازیبووین بڤێ چەندێ، بەلێ مەرجێ ئێکەتیا مامۆستایان ئەو بوو مامۆستایێن خانەنشین و یێن زانکۆیێ ژی ڤەگریت”.
ناڤھاتی خویا کر کو پڕۆژە ھاتیە بەرھەڤکرن و راستڤەکرن بۆ ھاتیەکرن ل خۆلا پێنجێ یا پەرلەمانێ کوردستانێ دا دێ خواندنا ئێکێ بۆ ھێتەکرن و کەڤیتە دەنگدانێ، ل سالێن بۆری چەندین حالەتێن ھێرشکرنە سەر مامۆستایان ھاتینە تۆمارکرن، سالانە ھەتا ١٥ حالەتێن ھێرشکرنە سەر مامۆستا ھاتینە تۆمارکرن و ب دەرکرنا قانوونێ دێ زێدەتر مامۆستا ھێنە پاراستن و ھەیبەت دێ بۆ مامۆستای ڤەگەڕیت، لەوڕا ئەم چاڤەڕێی دەستپێکرنا کۆمبوونێن پەرلەمانی دکەن بۆ پەسەندکرنا پڕۆژە قانوونێ.

نيشاندان 1...1,000 9991,0001,001 2,000...2,813 زێده‌تر

لاپه‌ر 1,000 ژ 2,813