ئه‌ڤرۆ نيوز:
پشتى كو دوهى ئوپێك بريارا دا ماوێ رێككه‌فتنا كێمكرنا ئاستێ به‌رهه‌م ئينانا نه‌فتێ درێژ بكه‌ن، بهايێ نه‌فتێ د بازارێن جيهانێ دا بلند بوو و ئه‌ڤرۆ رۆژا ئه‌ينى ئێك به‌رميلا نه‌فتا برێنت بۆ 62 دۆلار و 99 سەنتان بلند بوو، ئه‌ڤه دده‌مه‌كێ دا يه كو دوهى ب 62 دۆلار و 63 سەنتان بوو.
هه‌ڤده‌م به‌رميلا نه‌فتا خاڤ ژى ئيڤاريا دوهى ب 57 دۆلار و 40 سەنتان بوو، ئه‌ڤرۆ ب 57 دۆلار و 61 سەنت بازار پێ دهێته كرن.
ئه‌ڤرۆ نيوز:
ئه‌ڤرۆ رۆژا ئه‌ينى نێچيرڤان بارزانى سه‌رۆكێ حوكمه‌تا هه‌رێما كوردستانێ گه‌هشته توركيا.
ب گۆره‌ى ئاژانسا ئه‌نادۆل يا توركيا نێچيرڤان بارزانى سه‌رۆكێ حوكمه‌تا هه‌رێماێ كوردستانێ ب رێيا ده‌رگه‌هێ ئيبراهيم خه‌ليل گه‌هشته توركيا.
هه‌مان ژێده‌ر ئاماژه ب وێ چه‌ندێ ژى كريه كو پشتى گه‌هشته وه‌لاتێ توركيا ل فرۆكخانا شه‌رفه‌دين ئالجى ل جزيرێ ل فرۆكه‌كێ سووار بوو و به‌ر ب سته‌مبۆل ب رێ كه‌فت.
هێشتا يا ديار نينه كا ل وه‌لاتێ توركيا نێچيرڤان بارزانى يێ سه‌رۆك وه‌زيرێن هه‌رێما كوردستانێ دێ چاڤ ب چ به‌رپرسێ وه‌لاتێ توركيا كه‌ڤيت، به‌لێ ئه‌ڤه ماوه‌كێ درێژه هه‌رێما كوردستانێ داخوازا سه‌ره‌دانه‌كێ بۆ وه‌لاتێ توركيا دكر، به‌لێ ژ به‌ر ئه‌نجامدانا ريفراندۆمێ وه‌لاتێ توركيا ره‌تدكر.
ئه‌ڤرۆ نیوز:
محه‌مه‌د حاج عوسمان، په‌رله‌مانتارێ ئێكه‌تیێ دوباره دوپات كر و راگه‌هاند : هێزه‌كا له‌شكه‌ری یا هه‌ڤپه‌یمانییا ب سه‌ركێشییا ئه‌مریكا چوویه كه‌ركووكێ و ل سه‌ربازگه‌ها كه‌ی وه‌ن خوه‌جهبوویه، ئه‌و ژی پشتی ردژی و بزاڤێن كوردان.”
محه‌مه‌د حاج عوسمان گۆت: به‌ری حه‌فتییه‌كێ ئه‌م ل به‌غدا د گه‌ل هه‌ڤپه‌یمانیێ دا كۆم بووین و مه خواست هێزه‌كا وێ بۆ كه‌ركووكێ بهێته هنارتن، ژبه‌ركو هێزێن ده‌ستهه‌لاتدار نها ل كه‌ركووكێ پشتی 16 چرییا ئێكێ هه‌تا نها گه‌له‌ك مافێن كوردان ل وێ پارێزگه‌هێ بنپێ كرینه.”
هه‌روه‌سا ناڤهاتی دیار كر: ئارمانجا سه‌ره‌كی یا هنارتنا وێ هێزێ ئه‌وه كو لژنه‌كا بجهئینه‌ر ژهێزێن ناڤخۆ یێن كه‌ركووكێ بهێته پێكئینان كو گرۆپه‌كێ كوردان ژی بخوه ڤه بگریت، بۆ پاراستنا هه‌موو وه‌لاتیێن ده‌ڤه‌رێ ژ زۆرداریێ، هێزه‌كا ب وی ره‌نگی ل سالا 2003 یێ ژی ل كه‌ركووكێ بوو و سه‌ركه‌فتنه‌كا باش بده‌ستڤه ئینابوو.”
ئه‌ڤرۆ نيۆز:
ئه‌ڤ شه‌ڤه ترومبێله‌ك ژسه‌ر پره‌كێ دكه‌ڤيته خوار ودئه‌نجامدا چار كه‌س بوونه قوربانى.
ريڤه‌به‌ريا هاتنوچوونا پاريزگه‌ها سلێمانيێ راگه‌هاند، ئه‌ڤ شه‌ڤه ترومبێله‌كا ژ جۆرێ (كه‌يا سالۆن) ژپرا ده‌باشان ل جادا شێستى ل نيڤا باژێرێ سلێمانيێ دكه‌ڤيت.
رێڤه‌به‌ريا ناڤبرى دياركر ژى كو ژ ئه‌نجامێ وێ روودانێ كه‌سه‌كى گيانێ خوه ژده‌ستدا وسێ كه‌س ژى برينداربوون.
ئه‌ڤرۆ نيۆز:
جێگرێ سه‌رۆك وه‌زيرێن هه‌رێما كوردستانێ، راگه‌هاند، كارێ سه‌ره‌كيێ حوكمه‌تا هه‌رێمێ پشتى چاره‌كرنا كێشا مووچه‌ى، دێ شووركرنا ده‌ستهه‌لاتا كارگێرى بيت بۆ پارێزگه‌ها وقه‌زا وناحيان.
ل دووڤ به‌ياننامه‌كێ كو به‌رى ده‌مه‌كێ كێم هاتيه به‌لاڤكرن، قوباد تاله‌بانى جێگرێ سه‌رۆك وه‌زيرێن هه‌رێما كوردستانێ گۆت، ئه‌ڤرۆ دچارچۆڤێ كۆمبوونا سه‌رۆك وه‌زيرێن هه‌ريمێ وجێگرێ وى ل گه‌ل دۆگلاس سيليمان باليۆزێ ئه‌مريكا ل عيراقێ، جێگرێ سه‌رۆك وه‌زيران دياركر پشتى چاره‌سه‌ركرنا كێشا مووچه‌ى، حوكمه‌تا هه‌رێمێ دێ چه‌ندين كاران كه‌ت.
ل دووڤ وێ به‌ياننامێ، كارين سه‌ره‌كيێ يێن حوكمه‌تێ پشتى چاره‌سه‌ركرنا كێشا مووچان، دێ شووركرنا ده‌ستهه‌لاتا كارگێرى بيت بۆ پارێزگه‌ها وقه‌زا وناحيان وهه‌مه جۆركرنا ئابوورى ب رێيا زێده‌تر گرنگيدانێ ب چاندنێ وپيشه‌سازى وكه‌رتێ گه‌شتيارى وب هێزكرنا ده‌ستهه‌لاتا دادوه‌رى.
ئه‌ڤرۆ نيۆز:
به‌رپرسێن له‌شكرى يێن ئه‌مريكى وكورد، ئه‌ڤرۆ پێنج شه‌مبى، دووپاتكر كو هه‌ڤپه‌يمانيا نێڤده‌وله‌تى هێزه‌كا تايبه‌ت بۆ بنگه‌هێ ( K1) يێ له‌شكرى ل باژێرێ كه‌ركووكێ هنارتيه.ومه‌ره‌م ژ به‌لاڤكرنا وێ هيزا تايبه‌ت به‌رهه‌ڤيه بۆ قۆناغا داهاتى وبۆ رێگريێ ل په‌يدابوونا ئالۆزيان ل ده‌ڤه‌رێن ناكۆكى ل سه‌ر.
فه‌رمانده‌يا هێزێن هه‌ڤپشك يا عيراقى، ئه‌ڤرۆ پێنج شه‌مبى، ده‌نگوباسێن به‌لاڤكرنا هێزه‌كا ئه‌مريكى ل كه‌ركووكێ ره‌تكربوو ودياركربوو كو (گرتن وپاراستنا ئاخێ) ل كه‌ركووكێ نه كارێ هێزێن بيانى يه.
به‌لێ هنده‌ك ژيده‌ران ژ پارێزگه‌ها كه‌ركووكێ، ل دووڤ شه‌فه‌ق نيۆز، دياركر كو هێزه‌كا ئه‌مريكى كو ژ چه‌ند سه‌دان سه‌ربازان پێكهاتيه ب رێيا هه‌ولێرێ يا گه‌هشتيه كه‌ركووكێ كو 40 هه‌مه‌ر دگه‌لدا بوون ول بنگه‌هێ ( K1) يێ له‌شكرى ل قه‌زا دبس ل رۆژئاڤايێ كه‌ركووكێ يێن جهگير بووين.
ئه‌ڤرۆ نيۆز:
وه‌زيره‌كێ حوكمه‌تا هه‌رێما كوردستانێ ئاشكراكر كو رێ چاره‌يێن نێڤده‌وله‌تى ژى بۆ ڤه‌كرنا گه‌شتێن ده‌رڤه ل فرۆكخانێن هه‌ريمێ دبێ مفا بوون وعه‌بادى به‌رسڤا داخوازيێن ڤه‌كرنا وان گه‌شتان ناده‌ت.
مه‌ولۆد باوه موراد وه‌زيرێ ڤه‌گۆهاستنێ وگه‌هاندنێ ل هه‌رێما كوردستانێ، ل دووڤ سايتێ فه‌رميێ وه‌زاره‌تێ، بۆ ده‌نگێ ئه‌مريكا گۆت، نزانم دێ كه‌نگى گه‌شتێن نيڤده‌وله‌تى ل فرۆكخانێن هه‌رێما كوردستانێ هينه ڤه‌كرن.
مه‌ولودى زێده‌تر گۆت، ئه‌م په‌يوه‌نديێ ب وه‌زيرێ ڤه‌گۆهاستن وگه‌هاندنێ ل عيراقێ دكه‌ين ل دۆر ڤێ پرسێ، به‌لێ ئه‌و دبێژيت ئه‌ڤ بابه‌ته يێ دده‌ستێ حه‌يده‌ر عه‌بادى سه‌رۆك وه‌زيرێن عيراقێ دا، ئاماژه دا ژى، عه‌بادى ژى به‌رسڤێ ناده‌ت.
دياركر ژى، هه‌رێما كوردستانێ په‌نا بريه به‌ر رێ چاره‌يێن نێڤده‌وله‌تى ژى، به‌لێ ئه‌وان تنێ گۆت، باده‌كێ هه‌وه يێ گه‌هشتيه ده‌ستێ مه. هه‌ر ئه‌ڤه بوو به‌رسڤا وان، چونكى ئه‌و رێكخراوێن نێڤده‌وله‌تى تنێ ده‌وله‌ت ئه‌ندامن تێدا ومامه‌لێ ل گه‌ل ده‌وله‌تان دكه‌ن.
ئه‌ڤرۆ نیۆز، نه‌وزاد هلۆرى:
وه‌زاره‌تا خواندنا بلند و ڤه‌كۆلینێن زانستى ل هه‌رێما كوردستانێ بۆ سالا خواندنێ یا 2017-2018 رازيبوون ل سه‌ر وه‌رگرتنا 178 قوتابیێن ئاواره‌یێن سووريێ و وه‌لاتێن دن نیشان دا ، داكو ل زانكویێن هه‌رێمێ درێژیێ ب خواندنا خوه بده‌ن ، ئه‌ڤ یه‌ك ژى د چارچۆڤێ بهرنامهكێ ئێكه‌تیا ئه‌ورۆپى دایه كو كۆژمێ ته‌رخانكریێ وى به‌رنامه‌ى 350 هزار دۆلارن به‌رامبه‌ر هه‌ر ساله‌كا خواندنێ هاتیه ته‌رخانكرن ژلایێ ئێكه‌تیا ئه‌ورۆپى ڤه.
عه‌باس ئه‌كره‌م ئاخفتنكه‌رێ وه‌زاره‌تا خواندنا بلند و ڤه‌كۆلینێن زانستى بۆ ئه‌ڤرۆ نیوز گۆت: ( د ده‌ما بۆرى دا ب رێیا بهرنامهكێ تایبه‌ت ، ئێكه‌تیا ئه‌ورۆپى ل گه‌ل رێكخراوا په‌نابه‌رێن جیهانى ، گه‌رنتیه‌كا مه‌زن بۆ گه‌نجێن ئاواره‌یێن سووريێ ته‌رخانكر ب تایبه‌تى ئه‌وێن كو حه‌زا خواندنا به‌كالوریۆس و ماسته‌ر و دكتورایێ ل وه‌لاتێن توركیا و لوبنان و مسر و ئوردن و هه‌رێما كوردستانێ هه‌ی بخوونن).
زێده‌تر گۆت: ( ل گۆره‌ى وى به‌رنامه‌یێ كو ژلایێ رێڤه‌به‌ریا ناڤه‌ندا وه‌رگرتنا قوتابیان ل وه‌زاره‌تا خواندنا بلند هاتیه دانان، به‌رنامه پێكدهێت ژ كریا خواندنێ ، مه‌زاختيێن ژیان و ئاكنجيبوونێ ، هاتنوچوون و بێمه‌یێن ساخله‌میێ ، هه‌ر دڤى چارچۆڤێ دا وه‌كو پشكا ئێكێ ئێكه‌تیا ئه‌ورۆپى26 هزار 684 دۆلار وه‌كو كریا خواندنێ بۆ سالا ئێكێ یا وان قوتابیان ئێخسته سه‌ر هژمارا به‌نكى یا زانكۆیان و تێدا 116 قوتابى دێ ل زانكۆیێن هه‌رێمێ هێنه وه‌رگرتن ، و ئه‌ڤ ساله ژى پرۆسه یا به‌رده‌وامه و ب فه‌رمانا وزارى يا هژمار 17340 ل رێكه‌فتى 29چریا دویێ 2017 كو وه‌زیرێ خواندنا بلند رازيبوون ل سه‌ر دایه، 148 قوتابیێن ئاواره‌یێن سووريێ و 30 قوتابیێن وه‌لاتێن دى ب سیسته‌مێ پارالێل دێ ل زانكۆیێن ” دهۆك ، پولیته‌كنیك یا دهۆكێ، زاخۆ، سلێمانیێ ، پولیته‌كنیك یا سلێمانیێ ، سه‌لاحه‌دین ، هه‌ولێر یا نوژدارى ، پولیته‌كنیك یا هه‌ولێر ، كویه و سوران” خوونن و سه‌رجه‌مێ هه‌موو وان قوتابیان ژى دبیته 178).
ئه‌ڤرۆنيۆز:
ئه‌ندامه‌كێ په‌رله‌مانێكوردستانێ راگه‌هاند، داهاتێ هه‌يڤانه يێ حوكمه‌تا هه‌رێما كوردستانێ 400 مليۆن دۆلارن ودبێژيت، دشيانێن حوكمه‌تێ دا هه‌يه هه‌يڤانه مووچێن فه‌رمانبه‌را ن دابين بكه‌ت، هه‌كه قه‌رێن ده‌ره‌كێ ژ وى داهاتى نه‌هێنه دان.
دلشاد شه‌عبان، ئه‌ندامێ لژنا دارايى وئابوورى ل په‌رله‌مانێ كوردستانێ گۆت، نوكه هه‌يڤانه حوكمه‌تا هه‌رێمێ 300 مليۆن دۆلار ژفرۆشتنا په‌ترۆلێ و100مليۆن دۆلار ژ ژێده‌رێن دى داهات يێ هه‌ى، ئه‌ڤه ژى وێ چه‌ندێ دگه‌هينيت كو حوكمه‌تا هه‌ريمێ دشێت هه‌يڤانه مووچێن فه‌رمانبه‌ران بده‌ت، ب مه‌رجه‌كى داهات بگه‌هنه ده‌ستى وقه‌ر ژ وى داهاتى نه‌هێنه دان.
دلشادى زێده‌تر بۆ باسنيۆز گۆت، داهاتێ نوكه يێ هه‌رێما كوردستانێ به‌راوردكرن ل گه‌ل به‌رى 16 ئوكتوبه‌رێ، نێزيكى 65% يێ كێمبووى، ژئه‌گه‌رێ ڤێ چه‌ندێ ژى پێدڤيه حوكمه‌تا هه‌رێما كوردستانێ هزر دهنده‌ك گوهۆرينێن دى دا بكه‌ت بۆ وێ چه‌ندێ بشێت هه‌يڤانه ب تمامى مووچێن فه‌رمانبه‌ران بده‌ت.
ئه‌ڤرۆنيۆز:
وه‌زاره‌تا په‌روه‌ردێ ل هه‌رێما كوردستانێ، پشتى ده‌ستپێكرنا دانا مۆله‌تا خواندنێ، چه‌ند رێنما بۆ دانا مۆله‌تێ ده‌ركرن.
ل دووڤ وان رێنمايێن وه‌زاره‌تا په‌روه‌ردێ بۆ دانا مۆله‌تێ دبوارێ خواندنێن(ماسته‌ر ودكتۆرايێ)، پێدڤيه مامۆستا، يان فه‌رمانبه‌ر لارى نه‌بوونا جهێ ده‌وامكرنا وى وئه‌و زانكۆيا وه‌ردگريت بينيت.
دوان رێنمايان داهاتيه ژى كو پێدڤيه ئه‌وێ داخوازا مۆله‌تێ دكه‌ت،سۆزنامه‌كێ داگريت كو پشتى تمامبوونا خواندنا خوه، دو جاران هندى ده‌مێ مۆله‌تێ دبوارێ په‌روه‌ردێ دا خزمه‌تێ بكه‌ت.
ديسا هاتيه كو هه‌ر مامۆستا وفه‌رمانبه‌ره‌كێ وه‌زاره‌تا په‌روه‌ردێ، بێ رازيبوونا وه‌زاره‌تا په‌روه‌ردێ بخوينيت ومۆله‌تێ وه‌رنه‌گريت، وى ده‌مى وه‌زاره‌تا په‌روه‌ردێ دانپێدانێ باوه‌رناما وى ناكه‌ت ول دووڤ قانوونێ دێ ڤه‌كۆلينێ دگه‌لدا كه‌ت.
دهه‌مان رێنمايان دا هاتيه، ئه‌وێن ل ده‌ستپێكا ڤێ سالێ ده‌ست ب خواندنێ كرى وژئه‌گه‌رێ راوه‌ستيانا مۆله‌ت دانێ ومامه‌لا مۆۆله‌ت دانێ بۆ نه‌هاتيه تمامكرن، دشێن رۆهنكرنێ بۆ وه‌زاره‌تا په‌روه‌ردێ بهنێرن دا كارێ پێدڤى بۆ وان بهێته كرن.
نيشاندان