ئەڤرۆ،عەزیز رەسول ھەورامانی
ئەڤرۆ ل پارێزگەھا ھەلەبچە کومەلەیا قوربانیێن ھەلەبچە و رێکخراوێن جڤاکێ سڤێل خونیشاندانەک ئەنجام دا و داخواز ل عیراقێ کر کو پێگیریێ ب برگێن دادگەھا تاوانێن نیڤدەولی بکەت.
حکمەت فایق ئەندامێ بلند یێ کومەلا قوربانیێن کێمیا بارانا ھەلەبچە بو ئەڤرۆ نیوز گۆت: ( وەکو کومەلا قوربانیێن کیمیا بارانا ھەلەبچە ب ھەلکەفتا ١٥ سالیا دەست بکاربوونا دادگەھا تاوانان مە خونیشاندانەک ئەنجام دا و تێدا داخواز ل عیراقێ کر کو پێگریێ ب رێنما و برگەیێن دادگەھا تاوانێن نیڤدەولی بکەت و ھەموو ئەوان تاوانباران ژی سزا بدەت کو بوینە سەدەما کێمیا بارانکرنا ھەلەبچە)
زێدەتر گۆت: (نھا ژی عیراق لسەر تاوانێن خوە بەردەوامە و ب رێیا ئینانا داعش بو ناڤا عیراقێ ھزاران کەسێن ئێزدی کرینە قوربانی ، ژبەرڤێ پێدڤی یە کومەتا ھەرێمێ گڤاشتنێن زور لسەر حکومەتا عیراقێ بکەت )

ئەڤرۆ نیوز ، نەوزاد ھلۆری:
رێڤەبەریا گشتی یا پەروەردا پارێزگەھا دھۆکێ دیارکر کو ئەڤرۆ رۆژا دوشەمبی رێکەفتی ١٧/٧/٢٠١٧ دێ ئەنجامێن ئەزموونێن قوتابیان بو سالا خواندنێ ٢٠١٦/٢٠١٧ یێن رێزا نەھێ بنەرەتی ھێنە راگەھاندن.
قوتابی دکارن ب رێیا ەڤی لینکی ئەنجامێن خوە بزانن پشتی کو دھێنە راگەھاندن.

ئەڤرۆ نیوز ، نەوزاد ھلۆری:
د درێژاھیا چالاکیێن خوە دا ژ بو رزگارکرنا رەڤاندیێن ئێزدی ئەڤرۆ دوو کچێن دن یێن ئێزدی لژێر دەستێ داعش ھاتنە روگارکرن و گەھشتنە دھۆکێ.
دڤی واریدا حسێن قائیدی رێڤەبەرێ نڤیسینگەھا رزگارکریێن ئێزدی بۆ ئەڤرۆ نیوز گۆت: ( ئەڤرۆ دوو کچێن ئێزدی ب ناڤێن ” ساھیرە نازدار ” کو ئاکنجیێن گوندێ شێخ خدر و گوندێ کرزرک بوون یێ سەر ب قەزا شنگاڵ بوون ھاتنە رزگارکرن و گەھشتنە ناڤا کەس و کارێن خوە)
زێدەتر گۆت: ( ھەول و بزاڤێن مە دێ بەردەوام بن ژ بوو رزگارکرنا رەڤاندیێن ئێزدی)

ئەڤرۆ نیوز ، نەوزاد ھلۆری:
حەفت ئاین ل ھەرێما کوردستانێ ب رەنگەک فەرمی ھەنە ، بەلێ ھەمووان ب رەنگەک فەرمی جھێ خوە د پروگرامێن خواندنێ ل پشکێن کولیژێن ئاینی ب تایبەتی کولیژێن ئیسلامی دا نەگریتە.
دڤی واریدا ئاڤان جاف چالاکڤان ل ھەولێرێ دیارکر کو پێدڤی یە ھەر حەفت ئاینێن ل ھەرێما کودرستانێ د پشکێن زانستێن ئیسلامی دا بھێنە بەحسکرن و بۆ ئەڤرۆ نیوز گۆت: ( لگورەی قانونا ھژمار پێنج یا سالا ٢٠٠٥ یا پەرلەمانێ کوردستانێ حەفت ئاین ل ھەرێما کوردستانێ ھەنە و مولەت ب وان ھاتیە دان کو چالاکیێن خوە بکەن و ل کولیژێن زانستێن ئیسلامی College of Islamic Sciences ئەڤا کو ل سالا ٢٠١٢-٢٠١٣ ھاتیە دامەزراندن کو ئەو ژی ل سێ پشکان پێکھاتیە ، پشکا شەریعەت ، پشکا خواندنێن ئیسلامی و پشکا بنەمایێن ئاین و سەنتەرێ سەلاحەدین ئەیوبی بو ڤەکولینێن زانستی )
زێدەتر گۆت: (ستراتیجیەتا ئەوان کولیژان ژی پێکدھێت ژ پەیرەوکرنا پەروەردەیەکا میانرەو کو دور بیت ژ ھزر و بیرێن توندوتیژی کو بگونجین ل گەل ھەموو تەخێن جڤاکی )
ل بارا ئارمانجێن ئەوان کولیژان ژی ئاڤان جاف گوت: (کولیژ بو مەرەمێن بلندکرنا ئاستیێ زانستی و رەوشەنبیریا قوتابیانە دوارێ ئیسلامی دا ھاتیە ڤەکرن ، دیسان پروپاکندەیەکە بو فەلسەفە و دانوستاندن و قبولکرنا بوچوونا بەرامبەر دناڤبەرا ھزر و بیرێن ژێکجودادا ، دیسان بەلاڤکرنا گیانێ ئەڤین و لێبوردن و مرۆڤایەتی دھەموو بواران دا ، و ب ھزێکرنا پەیوەندیێن دناڤبەرا زانست و رەھەندێن ژێکجودایێن ژیانێ وەکو رەھەندێن مرۆڤایەتی و ئازادی و پاراستنا ژینگەھێ ، و بەرھەڤکرنا کادرەکێ خودان شیان دوارێ راوێژان دوارێ زانستیێن ئیسلامی بو وەزارەت و دام و دەزگەھێن حکومەت و رێکخراوێن جڤاکێ سڤێل داکو بکارن زێدەتر کار بکەن بو رێکخستن و ھەڤدوو قبولکرنا گیانێ پێکڤە ژیانا ئولی)
ل دوماھیێ گۆت: ( نھا ب رەنگەک گشتی قوتابیێن دەرچویێن رێزا ١٢ێ ئامادەیی ل ھەردوو لقێن زانستی و وێژەیی و خواندنا ئیسلامی و دەرچوویێن ئامادەیێن سەر ب وەزارەتا ئەوقاف و کاروبارێن ئاینی ل پشکێن کولیژا ناڤبری دھێنە وەرگرتن ، ژبەرڤێ گرنگە د ناڤەندێن ئەڤان کولیژان دا بەحس ل ھەموو ئاینان بھێتەکرن)