ئەڤرۆ نيوز:
رێڤەبەریا پلاندانان و دووڤچوونێ ل وەزارەتا بازرگانییا عیراقی د بەیاننامەکێ دا دیار کریە، کو د ماوەکێ نێزیک دا دێ پلێتا ئاھێن خوارنێ یا ھەردو سالێن 2017 و 2018 بەلاڤ کەن.
ئیبتیھال ھاشم سابت رێڤەبەرا پلاندانان و دووڤچوونێ ل وەزارەتا بازرگانیا عیراقی دیار کر کو بەلاڤکرنا پلێتا ئاھێن خوارنێ دێ ل بەغدایا پایتەخت دەست پێ کەن، کو ب ئاوایەکێ نوو و ب سالۆخەتێن باش ھاتیە چاپکرن کو سەختەکرنا وێ یا ب زەحمەتە.
رێڤەبەرا پلاندانان و دووڤچوونێ ل وەزارەتا بازرگانیا عیراقی خویا ژی کر نھا پێزانینان دکەنە وان پلێتان دان و ب ئاوایێ گەڕ گەڕ ژ چاپخانا نەھرەین یا حکوومی وەردگرن و ل دەمەکێ نێزیک و ل گۆر پارێزگەھان دێ ب سەر وەلاتیان دا بەلاڤ کەن و ل دەستپێکێ دێ ل بەغدا بەلاڤ کەن و گۆت: د دو ھەڤێن بھێت دا دێ ل سەر ھەمی پارێزگەھێن عیراقێ ھێنە بەلاڤکرن و دێ ھەمێ خێزانان ڤەگریت ھەتا یێن ئەو دەڤەرێن ھاتینە رزگارکرن ژی.
وەزارەتا بازرگانیا ئیراقێ د ھەیڤا ئادارا بۆری دا راگەھاندبوو کو دەست ب چاپکرنا پتر ژ ھەشت ملیۆن و پێنجی ھزار کۆپیێن پلێتا ئاھێن خوارنێ یا 2017 و 2018 کرییە.
ئه‌ڤرۆ نيوز:
بەرپرسەکێ بەرێ یێ وەزارەتا سامانێن سرۆشتیێن ھەرێما کوردستانێ ئیماژە ب ڤێ چەندێ دکەت، کو ب ئەگەرێ مەزاختنا کریا کۆمپانیێن بیانی و بلندبوونا بھایێ پەتڕۆلێ، جارەکا دی کۆمپانیێن بیانی دەست ب بەرھەمئینانا پەتڕۆلێ ل چالێن ھەرێما کوردستانێ کریە و دیار کر، ب ڤێ چەندێ ژی نوکە رێژەیا بەرھەمئینانا پەتڕۆلێ زێدە کریە.
دکتۆر عەلی حەسەن بەلو، شێوەرمەندێ بەرێ یێ وەزارەتا سامانێن سرۆشتی رۆژناما ئەڤرۆ گۆت: پشتی کو ئەڤ سالە حوکمەتا ھەرێما کوردستانێ کریا کۆمپانیێن بیانی یێن کەرتێ پەترۆلێ مەزاختی و ھەیڤانە کریا وان دھێتە بەلاڤکرن، ھژمارەکا زۆرا وان کۆمپانیا ڤەگەڕیاینە سەر کارێن خوە و دەست ب بەرھەمئینانا پەترۆلێ ل ھەرێما کوردستانێ کریە، ھندەک ژ وان کۆمپانیا ژبەر مسوگەربوونا پارێ خوە ژلایێ حوکمەتێ ڤە دەست ب دەرئینانا پەترۆلێ ل چالێن نوو کریە و دشێم بێژم کەرتێ پەترۆلێ بەرەف پێشڤە چوویە و ئەڤ سالە گەشە کریە.
دکتۆر عەلی بەلوی گۆت ژی: بێگومان پشتی ڤەگەڕیانا کۆمپانیێن بیانی رێژەیا بەرھەمئینانا پەترۆلێ ژی زێدە کریە، بەلێ ژبەرکو نوکە ئەز د ناڤ حوکمەتێ دا نینم لەوڕا من ئامارێن فەرمی بەردەست نینن رێژەیا زێدەبوونا بەرھەمئینانا پەتڕۆلا ھەرێمێ چەندە، بەلێ ب پشتڕاستی ڤە دێ بێژم رەوشا بەرھەمئینانا پەتڕۆلێ زۆر باشترە ژ بەرێ و زێدە بوویە، ئەگەرەکێ دی یێ زێدەبوونا بەرھەمئینان و گەڕیان ل دووڤ چالێن پەتڕۆلێ بلندبوونا بھایێ پەتڕۆلێ یە د بازاڕێن جیھانێ دا.
ئه‌ڤرۆ نيوز:
نوونەرەکا کورد لپەرلەمانێ عێراقێ ئاماژە بوێ چەندێ دکەت، د کۆمبوونا رۆژا ئێک شەمبیا پەرلەمانێ عێراقێ پڕۆژە بڕیارەک ژلایێ سەرۆکێ پەرلەمانێ عێراقێ ئێخستە بەر دەنگدانێ و دوڤدا ھاتە پەسەندکرن، دیارکر، ئەڤێ بڕیارێ زیانێن خوە ھەنە بۆ ھەموو عێراقێ ژبەر کو پشکداریا سیاسیێن عێراقێ د چالاکی و کۆڕ و کۆمبوونادا ھاتیە قەدەغەکرن بێی کو پیڤەر ھاتبنە دیارکرن بۆ ئەڤان چالاکیان.
دکتۆر ئەشواق جاف، ئەنداما فڕاکسیۆنا پارتی دیموکراتی کوردستان لپەرلەمانێ عێراقێ بۆرۆژناما ئەڤرۆ گۆت: دکۆمبوونا رۆژا ئێک شەمبی دا پەرلەمانێ عێراقێ پڕۆژە بڕیارەک پەسەندکر و گورەی ئەڤێ پڕۆژە بڕیارێ ژی، نابیت چو پەرلەمانتار و سیاسیەکێ عێراقی و ھەرێما کوردستانێ پشکداری چو کۆڕ و کۆبوونەوە و چالاکیەکێ لنافخۆ دەرڤەیا عێراقێ دا بکەت، ھەکە بھێت و ئەڤێ چالاکیێ زیان بۆ ئاسایشا نیشتیمانیا عێراقێ ھەبن، بەلێ من بخوە دەنگ بڤێ بڕیارا پەرلەمانی نەدایە و ئەز دژی دەرکرنا بڕیارێ مە، چونکە ئەڤێ بڕیارێ زیان بۆ عێراقێ و ھەرێما کوردستانێ ھەنە و چو دەزگەھەک ل عێراقێ نینە، چاڤدێریا ئەڤان ھەموو چالاکی و کۆڕ و کۆمبوونان بکەت و ھەلسەنگاندنێ بۆ بکەت، کو ئایا کیش کۆمبوونێ زیان بۆ سەر ئاسایشا نیشتیمانی و نەتەوەیا عێراقێ ھەنە.
دکتۆر ئەشواق جاف گۆتژی: ھەکە سبەی ئەم وەک پەرلەمانتار ھاتینە گازیکرن بۆ چالاکیەکێ چاوا بزانین ئەڤێ چالاکیێ زیان بۆ ئاسایشا نەتەوەیی ھەنە، واتە بەرچاڤ رۆنی تێدانیە و بڕیارەکا مەتاتیە و دشێن ب حەزا بکاربینن، ھەکە ئەو بخوازن دێ بێژن فلانە چالاکیێ زیان ھەنە و ئەگەر نەخوازنژی چو دەنگا ناکەن، بڕیار زیانێن زۆر بۆ ھەرێما کوردستانێ ژی ھەنە، ژبەرکو زۆر چالاکی و کۆڕ و کۆمبوون یێن لدۆر پڕۆسا ریفڕاندۆمێ و پرسا سەربخۆیێ ژی تێنە گێڕان، کی دبێژیت مەرەما عێراقێ ئەو بیت بھێنە قەدەغەکرن، لەو بدیتنامن کارەکێ شاشە ئەف بڕیار ھاتیە دەرکرن و دێ کارڤەدانێن خراپ ھەبن، ھەتا من گۆتە سەرۆکێ پەرلەمانی ژی دەنگێن پێدڤی بدەستڤە نەئیناینە، بەلێ ئەو ھەر یێ رژدبو لسەر بڕیارا خوە گۆت، دەنگێن پێدڤی لسەر بڕیارێ ھەنە و رێژا قانوونی یا پەرلەمانتاران تمامبوویە.
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ د دیداره‌كێ دا بۆ رۆژناما لافیگارۆ یا فره‌نسى راگه‌هاند، ده‌مێ راگه‌هاندنا ده‌وله‌تا سه‌ربخو یا كوردى هاتیه و گۆت” مه دڤێت عیراقێ ب ره‌نگه‌كێ ئاشتیانه و ب رێیا دانوستاندنان بجه بهێلین “.
سه‌باره‌ت پرسا ریفراندومێ ژى، سه‌رۆك بارزانى دیاركریه: چ جارا ده‌وله‌تا كوردى دروست نابیت ئه‌گه‌ر چاڤه‌رێ بین وه‌كو دیاریه‌ك جڤاكێ نێڤده‌وله‌تى پێشكێشى مه بكه‌ت”.
سه‌باره‌ت كه‌ركووكێ ژى، سه‌رۆك بارزانى دیاركریه: بێ گومان كه‌ركووك كوردستانییه، ژ ئالیێ دیرۆكى و جوگرافى ڤه، به‌لێ ئه‌ڤ چه‌نده رامانا وێ چه‌ندێ ناگه‌هینیت كو ب تنێ مۆلكێ كوردایه”.
ئه‌ڤرۆ نيوز:
ده‌زگایێ ره‌وشه‌نبیرى و راگه‌هاندن یێ پارتى دیموكراتى كوردستان ب هه‌لكه‌فتا ده‌ربازبوونا 25 سالان ل سه‌ر دامه‌زراندنا ته‌له‌فزیونا دهۆك، په‌یامه‌كا پیرۆزباهیێ ئاراسته‌ى رێڤه‌به‌ر و هه‌موو كارمه‌ندێن ته‌له‌فزیونێ كریه و د پشكه‌كا په‌یامێ دا هاتیه” ته‌له‌فزیونا دهۆك، ئێكه‌مین كه‌نالێ ته‌له‌فزیونى یێ پارتى دیموكراتى كوردستانه ل پارێزگه‌ها دهۆك كو ل 3/5/1992 وه‌ك كه‌ناله‌كێ ناڤخویى یێ كوردستانى ده‌ست ب په‌خشێ خوه كرى، ئه‌ڤ كه‌ناله خودان په‌یام و به‌رنامه‌كێ راستگویانه‌یه، ژ پێخه‌مه‌ت خزمه‌تكرنا بیاڤێ میدیا و كولتورێ نه‌ته‌وێ مه و كویركرنا گیانێ برایه‌تى و پێكڤه‌ژیانێ ل وێ ده‌ڤه‌را خوشتڤى”.
ده‌زگایێ ره‌وشه‌نبیرى و راگه‌هاندن یێ پارتى سه‌ره‌راى ده‌ستخوشیكرنێ ل ستافێ ته‌له‌فزیونا دهۆك، پشته‌ڤانیا ده‌زگایێ ژى بۆ زێده‌تر پێشكه‌فتنا ته‌له‌فزیونێ دووپات كریه.
ئه‌ڤرۆ نيوز:
جڤاتا وه‌زیرێن هه‌رێمى ئه‌ڤرۆ ستراتیژیا به‌رهنگاربوونا گه‌نده‌لیێ په‌سه‌ند كر، ل دووڤ راگه‌هاندنه‌كا جڤاتێ، ئه‌ڤه بۆ جارا ئێكێ یه ستراتیژیه‌كا ب ڤى ره‌نگى بۆ به‌رهنگاربوونا گه‌نده‌لیێ وه‌كو پرۆژه‌كێ هه‌ڤپشك بۆ به‌رهنگاربوونا گه‌نده‌لیێ دهێته به‌رهه‌ڤكرن ب راوێژ ل گه‌ل رێكخراوێن جڤاكى مه‌ده‌نى و ل ژێر سه‌رپه‌رشتیا رێكخراوا ( وێستمینسترى یا به‌ریتانى بۆ دیموكراسیێ) كو رێكخراوه‌كا نێڤده‌وله‌تى یه و ژ پێخه‌مه‌ت نه‌هێلانا گه‌نده‌لیێ ل جیهانێ كار دكه‌ت.
د ڤێ ستراتیژیه‌تێ دا میكانزما به‌رهنگاربوونا گه‌نده‌لیێ ل سه‌ر چار ئاستێن سه‌ره‌كى هاتیه دارێژتن، كو پێكدهێت ژ خوه‌پاراستن و رێگرتن ژ گه‌نده‌لیێ، سه‌روه‌ریا قانوونێ، هشیارى و راهێنان و هه‌ماهه‌نگیا ناڤبه‌را لایه‌نێن په‌یوه‌ندیدار د ناڤبه‌را خوه و ل گه‌ل جڤاكێ مه‌ده‌نى كو ئه‌ڤ ستراتیژیه بۆ ماوێ 25 سالانه كو دێ پلانێن بجهئینان و چاڤدێدیكرن و هه‌لسه‌نگاندنێ ژى ب خوه‌ڤه گریت.
ئه‌ڤرو نیڤرو 2-5-2017به‌رێز فه‌رهاد ئه‌مین ئه‌تروشی پارێزگه‌رێ دهوكێ ب ئاماده‌بونا ئوسمان یونس جێگرێ پارێزگه‌ری بو كاروبارێن ته‌كنیكی پێشوازیا محمد احمد اسماعیل سه‌روكێ ده‌زگه‌هێ مین وته‌قه‌مه‌نیا ل كوردستانێ وشاندێ دگه‌لدا كر.
دهه‌ڤدیتنه‌كێدا به‌حسێ ره‌وشا رێڤه‌به‌ریا مین وته‌قه‌مه‌نیا ل پارێزگه‌هێ وئه‌و كار وخزمه‌تا دبوارێ راكرن وژناڤبرنا مین وته‌قه‌منیا پێشكێش دكه‌ن هاته كرن.
پاش ل هولا پارێزگه‌هێ ب ئاماده‌بونا پارێزگه‌رێ دهوكێ وسه‌روكێ ده‌زگه‌هێ مینا وجێگرێن پارێزگه‌ری ورێڤه‌به‌رێن گشتی و دچار چوڤێ رێكه‌فتنا سیاسی یا دناڤبه‌را پارتی دیموكراتی كوردستان وئێكگرتویا ئیسلامی بو پشكداریكرنێ دئاڤاكرنا حكومه‌تا خوجهیدا ل پارێزگه‌ها دهوكێ رێ ورسمێن گوهورینا رێڤه‌به‌رێ گشتی یێ مین وته‌قه‌مه‌نیا هاتنه گێران وبه‌رێز مسعود شفیق رشید وه‌كو رێڤه‌به‌رێ گشتی یێ مین وته‌قه‌منیا ل پارێزگه‌ها دهوكێ ل شوینا به‌رێز (عوینان یوسف) هاته دانان .
پارێزگه‌رێ دهوكێ دپه‌یڤه‌كێدا گوت: خوشحالین ئه‌ڤرو ئه‌م شیاین پشكه‌كا دی ژوێ رێكه‌فتنا سیاسی بجه بینین یا دناڤبه‌را پارتی وئێكگرتو دا هاتیه واژوكرن بو پشكداریكرنێ دحكومه‌تا خو جهیدا و زوربه‌یا وێ رێكه‌فتنێ هاتیه بجه ئینان وجێگرێ پارێزگه‌ری ودوو رێڤه‌به‌رێن گشتی وسێ رێڤه‌به‌رێن ناحیا وچه‌ند رێڤه‌به‌ر وپوستێن دن ده‌ست ب كاربوینه.
هه‌روه‌سا گوت: ئه‌ڤ رێكه‌فتنه یا سه‌ركه‌فتی بویه وهه‌موو رێڤه‌به‌را كارێن خو ب رێك وپێكی ئه‌نجامداینه ویا فه‌ره ئه‌ڤ سه‌ربوره ل جهێن دن ژی بهێته په‌یره‌وكرن بو وێ یه‌كێ خزمه‌تا گشتی باشتر بهێته كرن وپیروزباهی ل رێڤه‌به‌رێ نوو كر وسه‌ركه‌فتن بو خواست وپشته‌ڤانیا پارێزگه‌هێ نیشان دا ، هه‌روه‌سا سوپاسیا رێڤه‌به‌رێ به‌رێ كر ل دور ئه‌و خزمه‌تا ل سالێن بوری پێشكێشكری.
پاش سه‌روكێ ده‌زگه‌هێ مینا ل كوردستانێ پیروزباهیا رێڤه‌به‌رێ نوو كر وسه‌ركه‌فتن بو خواست هه‌روه‌سا سوپاسیا رێڤه‌به‌رێ به‌رێ كر ل دور ئه‌و خزمه‌تا پێشكێش كری وته‌كه‌زكر كو ده‌زگه‌هێ مینا دێ به‌رده‌وام پشته‌ڤانیا رێڤه‌به‌ریا گشتی یا مین وته‌قه‌مه‌نیا كه‌ت تا ده‌ڤه‌ر ژمین وته‌قه‌مه‌نیا دهێنه پاقژكرن تایبه‌تی ژی ده‌ڤه‌رێن ژتیرورستێن داعش هاتینه رزگاركرن بو وێ یه‌كێ خه‌لك بشێت ڤه‌گه‌رنه سه‌ر جه وارێن خو.
مسعودشفیقرشیدرێڤه‌به‌رێ‌گشتییێ‌مینوته‌قه‌منیالپارێزگه‌هادهوكێ ته‌كه‌زكر كو ئه‌و دێ ب وه‌فاداری كار وخزمه‌تێ كه‌ت ودێ ل جهێ وێ باوه‌ریێ بیت یا پێ هاتیه راسپاردن.
هه‌ژی گوتنێ یه ل دویڤ ورێكه‌فتنا دناڤبه‌را پارتی وئێكگرتو دا هاتیه واژوكرن 25پوستێن پارێزگه‌ها دهوكێ بو ئێكگرتویا ئیسلامی هاتینه ته‌رخانكرنا وهه‌تا نوكه پتر یا وان پوستا ده‌ست ب كاربوینه.
نيشاندان