ئەڤرۆ نيوز:
وەزیرێ دارایی یێ حوکمەتا عیراقێ ب وەکالەت بۆچوونا سەرۆک وەزیرێن عیراقێ ل دۆر ھنارتنا پارەکێ تایبەت بۆ مامۆستایێن ھەرێما کوردستانێ دیار دکەت و راگەھاند، عەبادی دڤێت پارەکێ زۆر بۆ وەزارەتا پەروەردا حوکمەتا ھەرێما کوردستانێ بھنێریت و نوکە ل میکانزمەکێ بۆ ھنارتنا وی پارەی دگەریێت.
فازل نەبی، بریکارێ وەزارەتا دارایی یێ عیراقێ ئاشکرا کر، دەربارەی مووچێ مامۆستایێن ھەرێما کوردستانێ، وی پرسیار ئاراستەی حەیدەر عەبادی کریە، کا چ مەرەم ھەیە و دێ چاوا شێت ھاریکاریا وەزارەتا پەروەردا ھەرێما کوردستانێ کەت و گۆت: “عەبادی دیارکریە کو ئەو یێ بەرھەڤە پارەکێ زۆر بۆ ھەرێما کوردستانێ بھنێریت”.
بریکارێ وەزارەتا دارایی یێ عیراقێ خویا ژی کر، عەبادی ھزرا ھنارتنا مووچەی و کۆژمەکێ پارەی بۆ پەروەردا ھەرێما کوردستانێ یا ھەی، لێ نوکە ل میکانزما ھنارتنا وی پارەی دگەریێت ھەتا بجە بینیت.
د چارچوڤێ دیدارەکێ دا ل گەل رادیۆیا نەوا، فازل نەبی ئاشکرا کر، حەیدەر عەبادی و وەزیرێن کابینا وی، دیتنا وان دەربارەی کورد و ھەرێما کوردستانێ و پێشمەرگەی ھاتیە گوھۆرین و یا ئەرێنیە.
نووترين نووچه
- سەرۆكێ حوكمەتا هەرێمێ و قونسلێ ئەمریكا دوپاتیێ ل هنارتنا پەترۆلا هەرێمێ دكەن
- بڕیارا وەزارەتا خواندنا بلند یا ئیراقێ یا قەدەغەكرنا ئەنجامدانا ئەزموونان ب زمانێ كوردی هاتە هەلوەشاندن
- ل دۆر شكاندنا هێرشێن درۆنی مە داخواز كر کو سیستەمێ بەرگریێ هەبیت
- فەرمانبەرێن سلێمانیێ باجا سەختەیا هندەك كەسان ددەن یێن كو دژی هەژمارا من بوون
- 11 سال ل سەر جینۆسایدا شنگالێ دەربازبوون و هێشتا خەلكێ شنگالێ نەشیاینە ڤەگەڕن
- فرهنسا: دڤێت مافێن کوردان د دستوورێ سووریێ دا بهێنە گەرەنتیکرن
- سەرۆك بارزانی و مەسرور بارزانی پیرۆزباییێ ل عەلی باپیر و سەركردایەتییا نوو یا كۆمەلا دادگەریێ دكەن
- پێدڤییە حوكمەتا فیدرال د زووترین دەم دا مووچەی ب هنێریت
- مالپەڕێ (العربی الجدید): هێرشێن درۆنی 70% ژ بەرهەمئینانا پەترۆلێ ل هەرێما كوردستانێ كێمكریە
- چاڤدێرەكێ سیاسی یێ ئیراقی: پێشبینییا شەڕەكێ نوو ل دەڤەرێ دهێتە كرن كو دەستپێكا وی ل بەغدا بیت
سهرهكى نوچێن گرنگ
شاخەوان عەبدوللا: نەھنارتنا پارێ پێشمەرگەی ئەم دلگران کرینە
ئەڤرۆ نيوز:
فرێ نەکرنا پشکا بودجا ھێزێن پێشمەرگێ کوردستانێ ژ لایێ حوکمەتا عیراقێ ڤە بۆچوونێن جودا د دووڤ خوە دا ئینان و پەرلەمانتارەکێ کورد ژ لژنا ناڤخوە یا جڤاتا نوونەرێن عیراقێ ژی ئاماژێ ب گیرۆبوونا وی کۆژمێ پارێ پێشمەرگەی دکەت و دلگرانیا خوە دیار دکەت.
ھەتا نوکە حوکمەتا عیراقێ ئەو کۆژمێ پارەی یێ ژ ئەنجامێ رێککەفتنا ھەولێر و بەغدا بەحس لێ ھاتیە کرن، ناھاتیە ھنارتن، ئەڤە ژی د دەمەکی دایە کو ھێزێن پێشمەرگەی ب ھەڤپشکی ل گەل سۆپایێ عیراقێ د ئوپەراسیۆنا ئازادکرنا مووسل دا پشکدارن.
شاخەوان عەبدوللا، ئەندامێ لژنا ناڤخوە ل جڤاتا نوونەرێن عیراقێ بۆ باسنیوز گۆت: “ئەم ژ نەھنارتنا پارێ پێشمەرگەی ژ لایێ حوکمەتا عیراقێ ڤە گەلەک دلگرانین، ل دووڤ رێککەفتنا ھەردو لایان، دڤیا ئەو پارە بۆ کوردستانێ ھتبا ھنارتن و ل سەر پێشمەرگەی ھاتبا بەلاڤکرن”.
وی پەرلەمانتارێ کورد دیار ژی کر، ئەو دێ پەیامەکێ ئاراستەی حەیدەر عەبادی، سەرۆک وەزیرێن عیراقێ کەن و دڤێت عەبادی دەملدەست وی پارەی فرێکەت، چونکو نوکە ھێزێن پێشمەرگەی پێدڤیا پێ ھەی و گۆت: “ھەکە بەغدا پێگریێ ب رێککەفتنێ نەکەت، دڤێت پێداچوون د رێککەفتنا ھەولێر و بەغدا دا بھێتە کرن”.
ئەڤ سالە چو زانکۆیێن نوو دێ ھێنە ڤەکرن؟
ئه‌ڤرۆ نيوز:
پەیڤدارێ وەزارەتا خواننا بلند و ڤەکۆلینێن زانستی یا حوکمەتا ھەرێما کوردستانێ دیار کر، ئەڤ سالە چو زانکۆیێن نوو ل ھەرێما کوردستانێ ناھێنە ڤەکرن و دبێژیت: ھێشتا یا رۆھن نینە دێ دەوام ل زانکۆیێن سلێمانیێ و ھەلەبجە ھێتەکرن یان نە و ئەڤێ پرسێ پەیوەندی ب ئیدارا زانکۆیانڤە یا ھەی.
عەباس ئەکرەم، پەیڤدارێ وەزارەتا خواندنا بلند و ڤەکۆلینێن زانستی بۆ رۆژناما ئەڤرۆ خویا کر، ئەڤ سالە بۆ سالا نوو یا خواندنێ 2016 – 2017 چو پشک و کۆلیژ ژ ئەگەرێ قەیرانا دارایی ناھێنەگرتن و دێ خواندن ل ھەموو زانکۆ و کۆلیژان یا بەردەوام بیت، بەروڤاژی ھەکە مەرجێن قانوونی و کارگێری ھەبن، زانکۆیێن ھەرێما کوردستانێ دشێن پشکێن نوو ڤەکەن و گۆت: “ھەر زانکۆ و کۆلیژەکا مەرجێن قانوونی ھەبن، دشێت پشکێن نوو ڤەکەت و وەزارەتژی دێ یا ھەڤکاربیت بۆ پێشڤەبرنا ئاستێ زانستی و خواندنێ ل ھەرێما کوردستانێ؛ نەخاسمە ھەکە پێشنیار و پشکێن نوو ھاتبنە ڤەکرن.
عەباس گۆتژی: “ھێشتا یا رۆھن نینە دێ دەوام ل زانکۆیێن پارێزگەھێن سلێمانیێ و ھەلەبجە ھێتەکرن یان نە، ژ بەر کو دەواما زانکۆیان پەیوەندی ب زانکۆیانڤە ھەیە و وەزارەت نەشێت بڕیارێ ل سەر بدەت دەوامێ دێ کەن یان ناکەن، ئەڤ سالە ل ھەرێما کوردستانێ چو زانکۆیێن نوو، یێن کەرتێ حوکمەتێ و کەرتێ تایبەت ناھێنە ڤەکرن، ھەر ئەو زانکۆ ماینە یێن ل سالێن بۆری ھەین و چو زانکۆیین دی زێدە نەبووینە”.
10 ژ سۆزێن ترامپی داین
ئه‌ڤرۆ نیوز:
ئێك ژ بهێزترین و ئازرینه‌رترین هه‌ڤركییا هه‌لبژارتنێن سه‌رۆكاتیێ د دیرۆكا ئه‌مریكا دا هاتنه كرن و دۆنالد ترامپ سه‌ركه‌فتن ل سه‌ر هیلاری كلینتۆنێ بده‌ستڤه ئینا.
د درێژییا بانگه‌شه‌یا هه‌لبژارتنان دا ترامپی وه‌كی هه‌ر به‌ربژاره‌كی چه‌ندین سۆز دان، سۆزێن سه‌ره‌كی یێن ترامپی داین ده‌هـ سۆز بوون.
1-ژناڤبرنا داعشێ
ترامپی گۆتییه كو هه‌رده‌ما ئه‌و گه‌هشته كۆچكا سپی دێ فه‌رمانێ كه‌ت د ده‌مێ 30 رۆژان دا داعش ب ته‌مامی بهێـه ژناڤبرن، هه‌روه‌سا ناڤهاتی ئۆباما و كلینتۆن ب ئه‌گه‌رێ چێبوونا داعشێ سووچباركرینه.
2- هه‌لوه‌شاندنا رێككه‌فتنا ئه‌تۆمییا ئیرانێ
ترامپی ڤێ رێككه‌فتنێ ب كاره‌سات ناڤدكه‌ت و سۆز دایه ئێك ژ كارێن وی یێن سه‌ره‌كی وه‌ك سه‌رۆكێ ئه‌مریكا، هه‌لوه‌شاندنا ڤێ رێككه‌فتنێ یه، ژبه‌ركو ئیران هه‌ر دشێت چه‌كێ ئه‌تۆمی چێكه‌ت و رێككه‌فتن بتنێ وی وه‌لاتی زه‌نگین دكه‌ت.
3- هه‌لوه‌شاندنا “ئۆباما كێر”
بیمه‌یا ساخله‌میێ ژ گرنگترین ده‌ستكه‌فتێن باراك ئۆباماینه وه‌ك سه‌رۆك كو ب “ئۆباما كێر” دهێـه نیاسین، لێ ترامپی چه‌ندین جاران نیازا خوه بۆ هه‌لوه‌شاندنا وێ ده‌ربرییه، ب ڤێ یه‌كێ ژی ب ملیۆنان ئه‌مریكی دێ بێ بیمه‌یا ساخله‌می بن.
4-قه‌ده‌غه‌كرنا چوونا په‌نابه‌رێن سووری بۆ ئه‌مریكا
ترامپ ب دژواری ل دژی وه‌رگرتنا په‌نابه‌رێن سوورییه ل ئه‌مریكا، هه‌تا رێ ب زارۆكێن سووری ژی ناده‌ت ل ئه‌مریكا بهێنه وه‌رگرتن و په‌نابه‌رێن مینا په‌نابه‌رێن سۆری ب تایبه‌ت و موسلمان ب گشتی ب هه‌سپێ ترۆی بناڤ كرینه كو ل گۆری گۆتنا وی تیرۆرست خوه تێدا ڤه‌دشێرن.
5- قه‌ده‌غه‌كرنا ده‌ڤه‌رێن بێ چه‌ك
ترامپی سۆز دایه هه‌ر ل رۆژێن ده‌ستپێكێ یێن سه‌رۆكاتییا خوه وێ بریارێ نه‌هێلیت كو چه‌ندین جهێن مینا قوتابخانه و بنگه‌هان چه‌ك لێ هاتییه قه‌ده‌غه‌كرن، ترامپ ڤێ بریارێ وه‌ك دیاریه‌ك دبینیت بۆ كه‌سێن خراب كو مه‌به‌ستا وی تیرۆرستن.
6- ڤه‌كێشان ژ هه‌ڤپه‌یمانییا ئوقیانۆسێ ئارام
ترامپ ل دژی هه‌ڤالبه‌ندییا ئۆقیانۆسێ ئارامه سۆزا ڤه‌كێشانێ ژێ دایه كو 12 وه‌لات تێدا پشكدارن ژ وان ژی ئه‌مریكا، لێ هێشتا كۆنگرێسێ ئه‌مریكا په‌سه‌ند نه‌كرییه.
7- گه‌فكرن ل هنده‌ك وه‌لاتان
ترامپی گه‌ف كرینه كو هنده‌ك وه‌لاتان دووربێخیت ژ پرۆگرامێ ڤیزا ئه‌مریكا، گه‌ر هاتو ئه‌و وه‌لات وان په‌نابه‌رێن تاوان ل ئه‌مریكا كرین نه‌ڤه‌كێشن.
8- ده‌رسنۆركرنا ملیۆنان كه‌سان ژ ئه‌مریكا
ترامپی سۆزا ده‌رسنۆركرنا ب ملیۆنان په‌نابه‌رێن نه‌قانوونی ل ئه‌مریكا دایه و سۆز دایه ل دۆر ڤێ یه‌كێ قانوونێن كۆچبه‌ریێ توند بكه‌ت.
9- ئاڤاكرنا دیواره‌كی
ژ ئازرینه‌رترین سۆزێن ترامپی داین ئاڤاكرنا دیواره‌كی یه ل سه‌ر سنۆرێ ئه‌مریكا و مه‌كسیكێ بۆ رێگرتن ژ كۆچبه‌ران و دیاركرییه مه‌كسیك دێ هه‌قێ دیواری ده‌ت.
10- ڤه‌گه‌راندنا مه‌زناهییا ئه‌مریكا
درووشمێ سه‌ره‌كی یێ بانگه‌شه‌یا ترامپی “ڤه‌گه‌راندنا مه‌زناهییا ئه‌مریكا” بوو، لێ شرۆڤه نه‌كرییه دێ چاوا ڤێ یه‌كێ كه‌ت.
پرسیار ل ڤێره ئه‌وه كا دێ شێت ڤان سۆزان بجهبینیت؟
بارزانى پیرۆزباهیێ ل تره‌مپ دكه‌ت
ئه‌ڤرۆ نیوز:
سه‌رۆك بارزانى د په‌یامه‌كێ دا، پیرۆزباهى ل دونالد تره‌مپ كرن وه‌كو سه‌رۆكێ هه‌لبژارتیێ ئه‌مریكا و راگه‌هاند” گه‌لێ كوردستانێ چاڤه‌رێى پشته‌ڤانیا تمام ل جه‌نابێ هه‌وه دكه‌ت بۆ بده‌ستڤه‌هاتنا مافێن وان یێن ره‌وا”
بارزانى سوپاسیا حكومه‌ت و گه‌لێ ئه‌مریكا دكه‌ت بۆ پشته‌ڤانیكرنا ل هه‌رێما كوردستانێ و راگه‌هاند : هیڤیخوازین ئه‌و هاریكاریه و هه‌ڤپه‌یمانیا مه ل ئاینده‌دا زێده‌تر به‌ده‌وام و بهێز بیت.
پيرۆزباهيێ ل تره‌مپ دكه‌ت
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ پيروزباهى ل دونالد تره‌مپ كرن ب هه‌لكه‌فتا هه‌لبژارتنا وى وه‌ك سه‌رۆكێ نوو يێ ئه‌مريكا و راگه‌هانديه: ئه‌ڤ هه‌لبژارتنێن ئه‌مريكا دده‌مه‌كێ دايه كو ئه‌م مژوولى ئوپه‌راسيونه‌كا به‌رفره‌هين ل مووسل و ده‌وروبه‌رێن وێ بۆ نه‌هێلانا تيرورستێن داعش، خه‌لكێ كوردستانێ ئاگادارى وێ يه‌كێ نه كو به‌رى نوكه به‌رێز تره‌مپ ل ده‌مێ هه‌لبژارتنان پشته‌ڤانيا خوه بۆ حوكمه‌ت هه‌رێمێ و پێشمه‌رگه دووپات كريه،
سه‌رۆك بارزانى سه‌را ميحوه‌رێ باشيك دده‌ت
ئه‌ڤرۆ نيوز:
سه‌رۆك بارزانى ئه‌ڤرۆ سه‌را سه‌نگه‌رێن هێزێن پێشمه‌رگه‌ى ل ميحوه‌رێ باشيك دا و ئاموژگاريا فه‌رماندێن پێشمه‌رگه‌ى ل وى ميحوه‌رێ كرن، سه‌رۆك بارزانى ئاموژگاريێن پێدڤى ئاراسته‌ى فه‌رماندێن پێشمه‌رگه‌ى كرن و داخواز ژێ كر كو باژارۆكێ باشيك ب زووترين ده‌م ژ مين و ته‌قه‌مه‌نى و پاشماييێن داعش پاقژ بكه‌ن بۆ وێ يه‌كێ روونشتڤانێن وێ ناوچێ بشێن ب پشت راستى ڤه‌گه‌رنه سه‌ر مال و حالێن خوه.
ئێدى شوفێر دێ ل ئامێدیێ موله‌تا شوفێریێ وه‌رگرن
ئه‌ڤرۆ نیوز ، نه‌وزاد زاده هلورى:
ب مه‌ره‌ما پتر خزمه‌تاكرنا خه‌لكێ ده‌ڤه‌رێ ، رێڤه‌به‌ریا گشتى یا هاتن و چوونا دهوكێ پشكا دانا موله‌تێ بو شوفێران ل رێڤه‌به‌ریا هاتن و چوونا ئامێدیێ ڤه‌كر و ژ ئه‌ڤرۆ وێڤه شوفێر دكارن هه‌ر ل ئامێدیێ موله‌تا شوفێریێ وه‌ربگرن.
دڤى واریدا كاوه ئه‌حمه‌د به‌رپرسێ پشكا ده‌ستوردانێ ل رێڤه‌به‌ریا هاتن و چوونا ئامێدیێ بو ئه‌ڤرۆ نیوز گۆت : ( ب مه‌ره‌ما پتر خزمه‌تكرنا خه‌لكێ ده‌ڤه‌را ئامێدیێ ئه‌ڤرۆ ب به‌رهه‌ڤبوونا رێڤه‌به‌رێ گشتیێ هاتن و چوونا دهوكێ و قایمقامێ ئامێدیێ پشكا ده‌ستوردانێ ل رێڤه‌به‌ریا هاتن و چوونا ئامێدیێ هاته ڤه‌كرن )
زێده‌تر گۆت : ( شوفێرێن ئامێدیێ ژ ئه‌ڤرۆ وێڤه دكارن هه‌موو قوناغێت وه‌رگرتنا موله‌تێ ل ئامێدیێ بكه‌ن هه‌تا كو دگه‌هیته ترایێ و وه‌رگرتنا موله‌تێ و پێدڤى ناكه‌ت بچنه دهوك و سوران و هه‌ر شوفێره‌كێ كارتا وى یا زانیاریان یا ئامێدیێ بیت دكاریت ل ڤێره موله‌تێ وه‌ربگریت )
به‌رپرسێ پشكا ده‌ستوردانێ ل ئامێدیێ دیاركر ژى كو رۆژانێن دوشه‌مبى و سێشه‌مبى ئه‌و ل نڤیسینگه‌ها قه‌دشێ ترایێ دخزمه‌تا شوفێران داینه و رۆژانێن ئێكشه‌مبى و چوارشه‌مبى و پێنج شه‌مبى ژى ل ئامێدیێ تاقیكرنان ب وه‌لاتیان دكه‌ن و داخوازا پێشكێشكرنێ وه‌ردگرن و گۆت ژى : ( مه ل هژمار ئێك ده‌ستپێكریه و هه‌تا نها 57 موله‌تێن گشتى و 60 موله‌تێن تایبه‌ت ژى ب شوفێران داینه كو ئێك ژ وان ژى بو ئافره‌ته‌كێ هاتیه دان )
ڤيديۆ: تره‌مپ د ده‌رحه‌قا كوردان دا چ گۆتيه؟
ئه‌ڤرۆ نيوز:
دونالد تره‌مپ وه‌كو به‌ربژێرێ كۆماريان وه‌كو سه‌رۆك كۆمارێ 45ێ يێ ئه‌مريكا هاته هه‌لبژارتن، پشتى شيايى زێده‌ترى 270 ده‌نگان ب ده‌ست خوه ڤه بينيت.
تره‌مپ د ده‌رحه‌قا كوردان دا دبێژيت: “ئه‌ز مه‌زنترين پشته‌ڤانێ كوردانم، دێ بزاڤێ كه‌م ل گه‌ل كوردان ئاش بن و پێكڤه شه‌رێ دژى ده‌وله‌تا داعش بكه‌ن، ئه‌ز گه‌له‌ك يێ ب پێشمه‌رگه‌ى و هێزێن كوردى سه‌رسامم، ژ به‌ر هندێ پشته‌ڤانه‌كێ نموونه‌ى يێ وانم”.
ل 13ى چريا ئێكێ 2016ى دبێژيت: “من دڤێت په‌يوه‌نديێن مه ل گه‌ل كوردێن عيراقێ زێده‌تر گه‌شێ پێ بده‌م، ئه‌م دشێين ل گه‌ل وان كارێن باشتر و زێده‌تر بكه‌ين”.
ئه‌میندارێ گشتى یێ یه‌كگرتوو ل دهۆكێ يه
ئه‌ڤرۆ نيوز:
ئه‌ڤرو ل رێكه‌فتى (9-11-2016) ل ده‌مژمێر (12)ى نیڤرو سه‌لاحه‌دین محمه‌د بهائه‌دین ئه‌میندارێ گشتى یێ یه‌كگرتوو ب هه‌ڤالینیا شانده‌كا بلند ب سه‌ره‌دانه‌كێ گه‌هشتنه باژێرێ دهۆكێ .
سه‌عید عه‌لى عه‌بۆ سه‌رۆكێ سه‌ركردایه‌تیا یه‌كگرتوو ل بادينان دياركريه بریاره د سه‌ره‌دانا ئه‌ڤجاره دا ئه‌میندارێ گشتى یێ یه‌كگرتوو چه‌ندین كوومبوون و هه‌ڤدیتنان دگه‌ل مه‌لبه‌ند و رێكخستنێن سنورێ ده‌ڤه‌رێ ئه‌نجام بده‌ت و ژ نێزیك هایدارى ره‌وشا وان و كارو چالاكى و خه‌باتا وان ل ڤێ ده‌ڤه‌رێ بیتن.
نيشاندان
WP Facebook Auto Publish Powered By : XYZScripts.com