ئەڤرۆ نیوز:
شارەزایەکێ لەشکەری ئاشکرا دکەت کو باشترە پێشمەرگە د شەرێ ئازادکرنا مووسل دا پشکدار بیت، لێ ب مەرجەکی پێدڤی یە ھزرا برێڤەبرنا مووسل پشتی داعش و بەری ئازادکرنێ ب ھێتەکرن، و دیارکر پێشمەرگە دێ ب کێمترین زیان و ب مەزنترین دەسکەفت ژ مووسل ڤەگەریت.
عەمید چیای حەسەن مەحمو شارەزایێ لەشکەری بۆ رۆژناما ئەڤرۆ گۆت: ھەکە داعش ب تنێ لەشکەری ب ھێتە ژناڤبرن ئەڤە تە چو نەکر، چونکە دی چیتە جھەکێ دی شین بیت، داعش نوکە ھاتیە دۆرپێچکرن و یا بەر ب بچووک بوونێ ڤە دچیت، ھەکە بەری دو سالان پرسیار ژ خەلکێ مووسل ھاتبا کرن، کا داعش یا چەوایە دا بێژن یا باشە و زالگەە نەماینە و ھاریکارە، و ئەڤە پشتی بۆرینا دو سالان ل سەر داگیرکرنا ئەڤان دەڤەرا خەلک تێ گەھشت کو ئەڤە نەموسلماننەتیە و دیسا ئەڤێ رێکخراوێ ژی سیاسەتا خوە یا دروست نیشادا و ئەو توند و توندڕەوی یا دژوار ل وەلاتیان کر.
چیایی گۆت: دەمێ چەکێ ھەر دو وەلاتێن سوریا و عیراقێ کەفتینە د دەستێن داعشێ دا، ئەو شیانێن ئابووری و بیرێن گازێ و بازرگانیکرن بڤێ سامانی وەرگرتنا خویکێ ژ وەلاتیان ئەڤ رێکخراوە ب ھێز کەفت، لەشکەرێ عیراقێ و سوریێ ل گەلەک جھا سەر دەستێ وان ھاتە شکاندن، کی ما ل دەڤەرێ؟ ھێزا پێشمەرگێ کوردستانێ، داعش ب وێ بھانا، دا پتر خەلکی ل خوە کوم بکەت، و پتر ناڤ و دەنگیا خوە بەر بەلاڤ بکەت، ھێرش کرە دەڤەرێن کوردی و ل سەر پێشمەرگێ کوردستانێ و ب ئەڤێ رێکێ گەلەک کەسێن ژ نەتەوە عەرەب یێن توندڕەو گەھشتنە داعش ب بھانا وێ چەندێ کو مللەتێ کورد نەگەھیتە کیانێ خوە و شەرێ کوردان بکەن.
عەمید چیای، گۆت: ھێرشا داعش بۆ سەر پێشمەرگەی دو ئەگەر ھەبوون، ئێک ئەو ھێرش گەلەک یا ب ھێز بوو، دیسا مە باوەرنەدکر دێ ھێرش ھێتە سەر پێشمەرگێ کوردستانێ و دەڤەرێن کوردی، و ئەڤە بۆ ئەگەر ئەم پێداچوونێ د خوە دا بکەین، لەشکەری و بەرھەڤی یا شەڕی بکەین و ھێزێن ھەڤپەیمانان ھاریکاریا مە کر، و بەرامبەر ئەڤێ رێکخراوا توند ڕەو یا تیرۆرست راوستیان.
عمید چیایی ھێشتا گوت: ژ ئەنجامێ شەڕی ل گەل پێشمەرگێ کوردستانێ، داعش زیانەکا مەزن گەھاندە خوە ژ کوبانێ ھەتا خانەقین و گەلەک سەرکردێن لەشکەریێن مەزن ژ دەست داینە و ھەموو ئەو بووینە ئەوێن شارەزا د دانانا پلانێن لەشکەری دا، نوکە بتنێ سەرکردێن لەشکەریێن داعش ب تنێ عیراقی ماینە ئەو ژی کەڤنە بەعسینە ، و ئەڤان د نافخوە دا باوەری ب داعش و ئیسلاما پیرۆز نینە، و بتنێ ئارامانج ئەوە خوە دیار کەت کو ئەو ھێشتا مایە و بگەھیتە دەستھەلاتێ، دبینم داعش وەک پێشتر نەمایە ھێرشا بکەت، و ئەردی بگرن و ب ستینن، ب تنێ داعش یا شەری دکەت بمینت، چەند ئەگەر ھەبوون داعش گەھشتە ڤێ قووناغێ، ئێک پێشمەرگە یێ شەر مان و نەمانێ ل گەل دکەت، دیسا ھێزا ھەڤپەیمانان بەرامبەر کو بوویە ئەگەر نەھلیت داعش ھێزا خوە ڤەگوھێزیتە جھەکێ دی، دیسا مرۆڤێن داعش یێ بەر ب کێمبوونێ دچن، ئەو مرۆڤێن پشتەڤانیێ لێ دکەن بێ ھیڤی بووینە ژ داعش و دیسا تورکیا ژی دژی داعش راوستیایە و پەترۆلا وێ ناھێتەکڕین و رێ ھاتینە گرتن، و ئەڤە ئەگەرن لەشکەری بەر ب لاواز بوونێ ڤە بچیت، لێ ژناڤچوونا وێ ب دەمی ڤە گرێدایە و ئەڤە دمینت ل سەر رێککەفتنێن دھێنەکرن و کاودانێن سیاسی ل دەڤەرێ.
چیایی گۆت: ھێرشا ل سەر فەلوجە دەمێ لەشکەرێ عیراقێ ھێرش کری ل دەسپێکێ پێشڤەچوونەکا مەزن ب خوە ڤە دیت و ئەگەر بڤی رەنگی با دبیت ماوەکێ کێم دا فەلوجە ھاتبا ئازادکرن، لێ مایتێکرنا حەشدا شەعبی و نەتەوێن ئێکگرتی پێشڤەچوونا لەشکەری گیروکر و راوستیا و بڤی رەنگی حوکمەت نەشێت فەلوجە پێلیت و ب ھێتە مووسل.
عەمید چیای، شارەزایێ لەشکەری ھەمبەر شەرێ مووسل ژی گۆت: ھەکە جھەک بۆ داعش ما کو شەرێ دووماھیێ تێدا بکەت، دێ مووسل بۆ ئازادکرنێ یا ب ساناھی بیت، زێدەتر گۆت: پێشمەرگی دەڤەر گرتیە ژ شنگال و زمار و ھەتا ئەسکی مووسل و بادووش و گوێر و مەمخمور و ھەمان دەم دەڤەرا دی بەعاج و تەلەعفەر و گەیارە و حەمام عەلی و ھەموو دەشتە، ھەکە تو ڤێ دەشتێ بگری تو پێدڤی ب ھزران ھێزێن لەشکری، نێزکترین خالا لەشکرێ عیراقێ بۆ مووسل ل بێجی و مەسفایێن بیجی یە، وەک خالا دەسپێکێ لەشکرێ عیراقێ دشێت ھێزا خوە ل مەسفایێن بێجێ زێدەکەت و دیسا ل مەخمور ژی و ل مەمخمور ھەتا دەربازی گەیارە دبیت پرەک ھەیە و ب تنێ ئەو رێکە و دێ شەر ھێتەکرن، چونکە چو رێ دی نین لەشکری دەربازکەی، ژ بێجی ھەتا دگەھیتە بەغدا پتر 200 کیلومەتران ھەیە و ئەو رێک ژی نەیا ئارامە و ھەتا لەشکر ئەڤان 200 کیلومەتران دا چەکی و ئەرزاقی و ھەر تشتەکی بگەھینت و دێ تووشی کەمینان و پەقینان بیت و سلامەتی نەیا گرنتی کریە، لەوما دبینم دێ پتر پشست بەستن ل سەر پێشمەرگەی ھێتەکرن و پێشمەرگە یێ نێزیکە بۆ نموونە ل خازر پێنچ کیلۆمەتران ژ مووسل دوورە و گەلەک دەڤەران پێشمەرگە یێ نێزیکی سەنتەرێ مووسلە، دبینم پتر دشێت شەڕی ل گەل داعش بکەت.
عەمید چیایی گۆت: ھەکە مووسل ھاتە ئازادکرن کی دێ رێڤەبەریا ڤی باژێری کەت؟ بۆچی دێ بار پتر کەڤیتە سەر ملێن پێشمەرگەی ؟ چونکی ھەکە لەشکری سەحکەینێ پێشمەرگە ژ لەشکرێ عیراقێ باشترە بۆ ئازادکرنا مووسل، چونکە خوارن و چەک و ھاتن و چوونا پێشمەرگەی نێزیکترە ژ لەشکرێ عیراقێ وەک برن و ئینان و رێکا پاقژ کریە و بەرۆڤاژی لایێ دی ژ مووسل ھەتا دگەھیتە بەغدا رێ نەیا ئارامە و مەترسی ھەیە، ھەکە پێشمەرگەی پشکداری شەرێ ئازادکرنا مووسل کر، نابیت شەھیدان بدەین و شەری بکەین و بێژن مەمنون و خودێ ژ ھەوە رازی بیت، دێ حوکمەتا عیراقێ حەقێ پێشمەرگەی دەتێ؟، ئەو کوردێن دناڤ مووسل دا دژین دێ ب ئازادانە ژین؟، ئەم ھەموو دزانین ھەتا بەری شەرێ داعش ناڤخوەیا حوکمەتا مووسل و نەیا بەغدا دانپیدان نەدکر کو ئەڤە ئەردێ کوردانە، لەوما دبینم بەری ھزر کرن د ھێرشا لەشکری ل سەر ئازادکرنا مووسل دا ب ھێتەکرن، پێدڤی یە ھزرا سیاسی ب ھێتەکرن و پشتی ئازادکرنێ دێ چەوا بیت و دانپیدان ب ھێتەکرن کو ئەڤە مافێ مەیە وی دەمی ئەم مەجبورین ھەکە مافێ مە ل دەف داعش بیت بچین ژێ وەربگرین، و نەچارین چەند زیانێ بدەین چونکە ئاخ و مللەتێ مەیە دڤێت ئەم ئازاد بکەین، ڤێت حوکمەتا عیراقێ دانپیدانێ بکەت، کو ئەو پێشمەرگێ ب ھێتە شەھیدکرن یێ بۆ عیراقێ دکەت، و ھەموو ماف ھەبن وەک خانەنشین وەک لەشکرێ عیراقێ سەردەری ل گەل ب ھێتەکرن.
ناڤبری ھێشتا گۆت: شەرێ ناف کولانان دیارناکەت کا دێ چەند زیان ھەبن و دبیت تاخەک بھێنە خرابکرن ھەتا دگەھیە چەکدارەکی، ھەکە داعش نەھێلا خەلک دەرکەڤیت و چوونە ناف مالا و مرۆڤ وەک چەپەر ب کارئینان، یان دڤێت شەری بکەی و دێ زیان ھەبن، یا دڤێت تو دورپێچ بکەی و ھێدی ھێدی ئەو خوە رادەست بکەن و ھەکە وەک چەپەر ھاتنە بکارئینان دێ زیان ھەبن.
عەمید چیایی حەسەن مەحمو گۆت ژی: نوکە پێشمەرگە باشترین ھێزە ل سەر ئەردی ل شەرێ دژی داعش و گۆمان نینە ئەڤ باشترین ھێزە ل شەرێ مووسل پشکدار نەبیت، نە دبەرژوەندا مە دایە ئەم پشکداری شەرێ ئازادکرنا مووسل نەبین، دیسا مە بریار دایە شەرێ داعش بکەین ل کیرێ بیت، چونکە ئەم بریندارکرینە، دیسا ئەو جورعەتا وان ھێرش کریە سەر مە، دیسا ئەڤە دو سالە ئەڤ ھنارتنا رێژا مەزنا ئاواران بۆ دەڤەرێن مە و تێکدانا کاودانێن ئابووری ل دەڤەرێ، راستە نوکە لەشکەری باشترین و ئێکبوونا مە باشتر، لێ مانا داعش ل مووسل مەترسیە بۆ سەر ھەرێمێ و سەنتەرێ دھۆک 40 کیلۆمەتران دووری داعشە و ئەڤە نابیت ، دیسا دێ باشتربیت پێشمەرگە پشکداربیت و دبینم دێ بکێمترین زیان و ب مەزنترین دەسکەفت دێ پێشمەرگە ژ مووسل ڤەگەریت.

ئه‌ڤرۆ نيوز:

شێخ رافع ئه‌لره‌فاعى مفتيێ سونه‌يێن عيراقێ بۆ باسنيوز راگه‌هاند: ميليشياتێن حه‌شه‌د شه‌عبى تاوانێن كۆمكوژيێ به‌رامبه‌ر وه‌لاتيێن سڤيل ل فه‌لۆجه‌ ئه‌نجام داينه‌، ژ به‌ر هندێ داخوازێ دكه‌ين ده‌ست ب جهـ خوه‌ ژ به‌ره‌يێن شه‌رى ل دژى داعش ل سنورێ فه‌لۆجه‌ ڤه‌كێشن.

گۆتژى: “حه‌شه‌د شه‌عبى دامه‌زراوه‌يه‌كا تيرۆرستيه‌ و حالێ وێ ژى وه‌كو يێ داعشه‌ و خرابتر ژ داعش تاوانێن دژى مرۆڤاتيێ ئه‌نجامداينه‌ و ب ئه‌شكه‌نجه‌دانا كه‌سانێن سڤيل و سۆتنا ته‌رمێن وان رادبيت”.