ئه‌ڤرۆ نيوز:
ل ده‌ستپێكا مامه‌له‌كرنا ئه‌ڤرۆ يا بازارێ نه‌فتێ دا، ئێك به‌رميلێ نه‌فتا برێنێت ب 46 دولاران و 23 سه‌نتان ره‌فتار پێ هاته كرن، ئێك به‌رميلا نه‌فتا تكساس ژى ب ئاستێ 44 دولار و 47 سه‌نتان ره‌فتار پێ هاته كرن.
نه‌فت گران بوو
نووترين نووچه
- نێچیرڤان بارزانی ئامادەییا هەرێمێ بۆ پێشڤەبرنا هاریكارییێن هەڤپشك ل گەل ئیستۆنیا نیشادا
- جڤاتا وەزیران رازیبوونا خوە ل سەر تێكگەهشتنا تایبەت ب مووچەی و شایستەیێن دارایی دیاركر
- مەسرور بارزانی و وەزیرێ بەرگریێ یێ ئەستۆنیا پێشڤەبرنا هەڤبەندییان گەنگەشە دكەن
- كورد ب ئێكگرتی دشێن بگەهنە هەموو مافێن خوە
- ب چار درۆنان هێرش ل سەر زەڤیێن پەترۆلێ یێن شێخان و زاخۆ هاتە كرن
- شەرمزاركرنا هێرشێن درۆنی ل سەر هەرێما كوردستانێ یا بەردەوامە
- سەرۆك بارزانی پشكداری د رێوڕەسمێ رۆژا نیشتمانییا فرەنسا دا كر
- پێدڤییە بەغدا پێرابوونێن ب لەز بۆ رێگرتنێ ل وان هێرشان وەربگریت
- گەل و سیاسەتمدارێن كوردستانێ نابنە بەندە و فەرمانبەرێن دەستێن شۆڤینییان
- پێدڤییە حوكمەتا ئیراقێ رێگریێ ل میلیشیا و گرۆپێن چەكدار بكەت
سهرهكى نوچێن گرنگ
11 ملیار دینارێن دزی یێن فەرمانبەران ھاتینە دیتن
ئەڤرۆ نیوز:
سەرۆکێ لیژنا ساخلەمیێ ل پەرلەمانێ عیراقێ ئاشکرا کر کو ئەو 11 ملیار و 400 ملیۆن دینارێن مووچێن رێڤەبەریا ساخلەمیا نەینەوا ھاتینە دزین شەش ملیار دینار ژ وان ھاتینە دیتن و نوکە ل بانکا رەشید یا مەرکەزی دەستەسەر کرینە و گۆت “کۆمپانیا گۆمانلێکری ھەشت ملیار دینار وەکو رەسید ل دەف حوکمەتێ ھەنە و نوکە ئەو ژی ھاتینە راگرتن”.
د. فارس بریفکانی سەرۆکێ لیژنا ساخلەمیێ ل پەرلەمانێ عیراقێ بۆ رۆژناما ئەڤرۆ دیار کر کو ئەو 11 ملیار و 400 ملیۆن دینار مووچێن دو ھەیڤێن فەرمانبەرێن رێڤەبەریا ساخلەمیا نەینەوا بوون و وەزارەتا ساخلەمیێ رێکەفتن ل گەل کۆمپانیا (عبر الخلیج) کربوو، کو وی پاریەی رەوانە بکەت، لێ وێ کۆمپانیێ حیلەکا قانوونی کریە و رابوویە ئەو کۆژمێ پارەی ب ناڤێ کۆمپانیا (عگاء الغری) کریە د بانکێ دا و ئەو پارە ب ڤی ئاوایی بەرزەبوویە و گۆت “ئەڤ ھەردو کۆمپانیە وەکو تۆرەکێ بوون بۆ ڤەگوھساتنا پارێ عیراقی بۆ ئوردنێ، لێ پشتی پەیوەندیێن مە ل گەل ئالیێ ئەمنی شەش ملیار ھاتینە گرتن و نوکە د بانکا مەرکەزی دا دەستەسەرکرینە و بەردەوام یێ بزاڤان دکەین کو مامەلە زوو ل دەف قازیێ نەزاھێ ب دووماھی بینین داکو ئەو شەش ملیار وەکو مووچێ ھەیڤەکێ بھێنە خەرجکرن”.
بریفکی ئاشکرا ژی کر کو ھەشت ملیار دینار رەسیدێ کۆمپانیا (عطاء الغری) کو کۆمپانیا گومانلێکریە ل دەف حومەتێ داناینە و نوکە یێ دەستەسەر کریە و ھەکە پارە نە ھاتە زڤراندن ئەو پارێ مایی دێ ژ وان ھەشت ملیار دیناران راکەین و گۆت “ئالیێن خەمسار گەلەکن و لێکۆلین یا بەردەوامە، کو وەزارەتا ساخلەمیێ رۆلێ خوە ھەیە و رەنگە لیژنا حساباتان ژی بیت، ئەم دشێین بێژین ئەڤە خەمسارن، لێ ئەم نە شێین تۆمەتبار بکەین ھەتا دووماھیا لێکۆلینان”.
د. فارس بریفکانی سەرۆکێ لیژنا ساخلەمیێ ل پەرلەمانێ عیراقێ پشتی وان وەکو لیژنا ساخلەمیێ ل پەرلەمانێ عیراقێ گەلەک بزاڤ کرین، وەزارەتا ساخلەمیا عیراقێ فەرمانەکا ئیداری یا وزاری دەرکریە کو ژ فەرمانگەھا کارگێری و قانوونی دەرکەفتیە کو ب ھیچ ئاوایەکی نابیت پارێن نەینەوا و ئەنبار و سەلاحەدین ب رێیا نڤیسنگەھێن ئەھلی ڤە بھێنە رەوانەکرن، بەلکی دێ ژ بەغدا بۆ وان فەرمانگەھێن پەیوەندیدار ھێنە رەوانەکرن ئەو ژی ب رێیا لقێن بانکا مەرکەزی یان ب رێیا بانکا بازرگانی یا عیراقی (TBI) و ئەڤ فەرمانە ل رۆژا 17-4-2016 کار پێ ھاتیەکرن.
ژڤانێ دووباره نووژه‌نكرنا پرا خانى هاته ده‌ستنيشانكرن
ئه‌ڤرۆ نيوز:
ل دووڤ بڕیارا سەرۆکێ ھەرێما کوردستانێ کۆمپانیا جێبەجێکار پرۆژێ پرا خانی دێ بجە ئینیت و بادەکا وان بۆ دادگەھا ڤەکۆلینێ دێ ھێتە رەوانەکرن و لایەنێ خەلەتی کری بەرپرسە خەرجیان بدەت، بژار مۆنیب، سەرۆکێ باژێرڤانیا زاخۆ دیار کر کو ل دووڤ بڕیارا سەرۆکێ ھەرێمێ ل حەفتیا بھێت کارێ پرا خانی دێ ھێتە ئەنجامدان.
ئەندازیار بژار مۆنیب، سەرۆکێ باژێرڤانیا زاخۆ دیار کر کو کێشەیا پرا خانێ ھەیاما شەش ھەیڤایە چو بەرپرسێن پارێزگەھا دھۆکێ نەشیاینە بڕیارێ بدەن ژ دیزاین و جێبەجێکرنێ بۆ وێ چەندێ کو لایەنێ خەمسار سزا بدەن گۆت: “ھەموو لژنێن ھەلسەنگاندن و شیرەتکاری دیار کرینە کو کۆمپانیا جێبەجێکار یا خەمسارە و چو بەرپرسەکی کۆمپانی سزا نەدایە ھەتا بڕیارا سەرۆکێ ھەرێمێ گەھشتیە مە ژنوو ل حەفتیا بھێت دەست ب کاری دێ ھێتە کرن”.
مەسعود بارزانی، سەرۆکێ ھەرێما کوردستانێ ل رۆژا 30-3-2016 د سەرەدانەکا مەیدانی دا سەرا پڕا خانی ل زاخۆ کربوو و گۆتبوو بەرپرسێن پارێزگەھا دھۆکێ خەلکێ زاخۆ موستەھەقی وێ چەندێ نینە ھەوە بۆ دەمێ شەش ھەیڤان د ڤێ ئاریشێ دا ھێلاین و گۆتبوو: “ئەز ھەر ژ نوکە د بێژم بلا دەست ب کارێ درۆستکرنا پرا خانی بھێتە کرن و بلا کۆمپانیا جێبەجێکار پرێ ب دووماھی بینیت و خەرجیێن وێ ب ستۆیێ خوە ڤە بگریت و دووڤدا بلا دادگەە بریارێ ل سەر لایەنێ خەمسار بدەت “.
د لایەکێ دی دا سەرۆکێ باژێرڤانیا زاخۆ ئاماژە دا وێ چەندێ کو وان ڤەکۆلین ل سەر ھندێ کریە کو نێزیکی 50 ھزار ترۆمبێلان د ناڤ زاخۆ دا ھەنە و ھەر ئێک ژوان رۆژانە زێدەتری 10 کیلۆمەتران دبڕیت و گۆت: “ئەو پارە یێن شۆفێران سەرا گیرۆبوونا پرا خانی د ھەیاما دو سال و نیڤێن بۆری دا ل ترۆمبێلێن خوە مەزاختین ژ مەزاختیێن پرێ زێدەتر بووینە”.
ل دووماھیێ بژار مۆنیب دیار کر کو وان دو پێشنیار بۆ چێکرنا پرێ ھەنە، یا ئێکێ: ھەردو جھێن چووینە خوار کو 68 سم دنگان لبن بدانن، بەلێَ ئەو ب ڤێ چەندێ رازی نابن و پێشنیارا دویێ ئەوە کو سەرێ پرێ ھەموو بھێتە راکرن و سەرو ژنوو ھەموو بھێتە دانان و گۆت: “نوکە دیزاینەکا نوو بۆ کارێ پرێ دھێتە دانان و د حەفتیا بھێت دا مەزاختیێن چێکرنێ ھێنە تەخمینکرن و بڕیار ھاتیە دان د دەمێ شەش ھەیڤان دا پر ب دووماھی بھێت و ب کەڤیتە د خزمەتا وەلاتیان دا”.
ئه‌ڤ وه‌زاره‌ته دێ مووچه‌ى وه‌رگرن
ئه‌ڤرۆ نيوز:
وەزارەتا دارایی و ئابووری ل حوکمەتا ھەرێما کوردستانێ دوھی رۆژا شەمبی رێکەفتی 23ی نیسانا 2016ێ خشتەکێ نوو مووچان راگەھاند کو مووچێن چەندین وەزارەتان تێدایە و ھەر ژ رۆژا ئێکشەمی ھەتا پێنجشەمبی دێ یێ بەردەوام بیت.
د ڤی خشتەی دا دیارکریە کو ئەڤرۆ رۆژا چار شەمبی رێکەفتی 27ی نیسانا 2016ێ دێ ھەر ئێک ژ وەزارەتا باژێرڤانى و گه‌شتوگۆزار و وه‌زاره‌تا ئه‌وقاف و كاروبارێن ئاينى مووچەی وەرگرن.
سه‌رۆكى باژێرڤانیا دهۆك یێ به‌رێ هاتیه گرتن
ئه‌ڤرۆ نیوز:
لیوا تارق ئه‌حمه‌د رێڤه‌به‌رێ پولیسێن پارێزگه‌ها دهوك بۆ رووداو راگه‌هاند ئه‌و 9 تومه‌تبارێن هاتینه گرتن یێن شاره‌وانیان، سه‌رۆكێ باژێرڤانیا دهۆك یێ به‌رێ و سه‌رۆكێ باژێرڤانیا شێخان یێ به‌رى تێدانه.
سه‌باره‌ت كه‌سێن دى یێن هاتینه گرتن، لیوا تارق دیاركر كو پرانیا وان ل سنورێ باژێرڤانیا زاویته‌نه ، هه‌روه‌سا ئه‌ندازیاره‌كێ باژێرڤانیا دهۆك ژى تێدایه.
ل دور چاكسازیێ 93 باده‌ك ئاراسته‌ى لژنا ده‌ستپاكیێ هاتینه كرن
سه‌رۆك بارزانى: هنده‌ك كه‌س ل خورماتوو یێن بوینه ژێده‌رێن فتنێ
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ ل دۆر ئالۆزیێن باژێركێ خورماتوو راگه‌هاندنه‌ك به‌لاڤكر و دبێژیت: روودانێن چه‌ند رۆژێن بۆرى یێن باژێركێ خورماتوو كو بووینه ئه‌گه‌رێ گرژى و نه‌سه‌قامگیریێ جهى دلگرانیا مه‌یه.
ئاماژه ب وێ چه‌ندێ ژى كریه، كو یا ئاشكرایه هنده‌ك كه‌س و ئالیان كو به‌رى نوكه ژى ژێده‌رێ گرفت و فتنێ بووینه، نوكه ل بن ناڤه‌كێ نوو ده‌ست د كێشه و فتنه‌گه‌ریان دا هه‌یه و دڤێت شه‌ر و دوبه‌ره‌كیێ د ناڤ خه‌لكێ ده‌ڤه‌رێ دا دروستبكه‌ن.
سه‌رۆك بارزانى د راگه‌هاندنێ دا دبێژیت: ب مخابنى ڤه ژ ئه‌نجامێ وان روودانان هژماره‌كا وه‌لاتیان و پێشمه‌رگان شه‌هید و بریندا بوون، سه‌ره‌خۆشیێ ل كه‌سوكارێن شه‌هیدان دكه‌م و هیڤیا ساخبوونێ بۆ برینداران دخوازم.
سه‌رۆك بارزانى داخوازێ ژ به‌رپرسێن هه‌رێمێ و فه‌رماندێن پێشمه‌رگه‌ى دكه‌ت كو ل گه‌ل ئاقلدارێن ناڤ حه‌شد، ئه‌وێن كو دژى فتنێ نه دیالۆگێ بكه‌ن، بۆ وێ چه‌ندێ رێ ل وان كه‌سان بگرن یێن دڤێن ئاگرێ شه‌ر و فتنێ هه‌لكه‌ن و به‌خته‌وه‌ریا خه‌لكێ ده‌ڤه‌رێ تێك بده‌ن و دبێژیت: پێدڤیه پێشمه‌رگێ كوردستانێ به‌ڕه‌ڤانیێ ژ خه‌لكێ ده‌ڤه‌رێ بكه‌ت و رێ ل هه‌ر ده‌ستدرێژیه‌كێ بۆ سه‌ر مال و مولكێ وه‌لاتیێن خورماتوو بگریت.
نه‌مسا دێ به‌رده‌وام پشته‌ڤانیا هه‌رێمێ كه‌ت
ئه‌ڤرۆ نیوز:
د چارچووڤێ كۆمبوونا دگه‌ل سه‌رۆك وه‌زیرێن هه‌رێما كوردستانێ دا، بالیۆزێ نه‌مسا ل عیراقێ، پشته‌ڤانیا ته‌مام یا وه‌لاتێ خوه بۆ هه‌رێمێ نیشا دا و دیار كر، نه‌مسا د رێیا نه‌ته‌وێن هه‌ڤگرتى دا، دێ به‌رده‌وامیێ ده‌ته هاریكاریێن خوه. ل گۆر مالپه‌رێ فه‌رمی یێ حوكمه‌تا هه‌رێما كوردستانێ، ئه‌ڤرۆ سه‌رۆك وه‌زیرێن هه‌رێما كوردستانێ، پێشوازی ل میشێل دێسێر بالیۆزێ نه‌مسا ل عیراقێ و شاندێ دگه‌ل دا كر و د كۆمبوونا هه‌ردو ئالیان دا، بالیۆزێ نه‌مسا دیار كر، وه‌لاتێ وی و هه‌موو ئورۆپا، رێزێ ل خه‌باتا گه‌لێ كورد و هێزێن پێشمه‌رگه‌ی دگرن كو ب خوینا خوه، ده‌ڤه‌ر ژ مه‌ترسیا تیرۆرێ پاراستی یه. ژ ئالیێ خوه‌ڤه نێچیرڤان بارزانی، داخواز ژ جڤاكا نێڤده‌وله‌تی كر، هاریكاریا زێده‌تر یا خه‌لك و حوكمه‌تا هه‌رێمێ و هێزێن پێشمه‌رگه‌ی و ئاواران بكه‌ن و سوپاسییا هاریكاریێن به‌رده‌وامێن حوكمه‌تا نه‌مسا ژی كر.
پۆليسێن دهۆكێ 9 سه‌رۆك و ئه‌نده‌زيار و كارمه‌ندێن باژێرڤانيان ده‌سته‌سه‌ركرن
ئەڤرۆ نیوز،زنار تۆڤی:
ژلایێ رێڤەبەریا پارێزگەها دهوکێ 9 کەس کو ب سەر باژێرڤانیێن پارێزگەها دهوکێ ڤەنە هاتنە دەستەسەرکرن و رێڤەبەریا پارێزگەها دهوکێ رادگەهینیت کو نوکە هەمی ژلایێ رێڤەبەریا پۆلیسێن دهوکێ هاتینە دەستەسەرکرن.
رائید هێمن سلێمان رێڤەبەرێ راگەهاندنا پۆلیسێن پارێزگەها دهوکێ دیارکر کو رۆژا سێشەمبی 26.4.2016 نەه کەس ژ پارێزگەها دهوکێ و دەوروبەران ژلایێ رێڤەبەریا پۆلیسێن پارێزگەها دهوکێ هاتینە دەستەسەرکرن.
ناڤهاتی گۆت ژی: پشتی کو بریار ژلایێ دادوەرێ دەستپاکیا دهوکێ دەرچووی، تیمێن پۆلیسان دەست ب ڤەکۆلینێ کر و مە نەه کەس دەستگیر کرینە.
ئاماژە دایە هندێ کو ئەڤ بریارە لدووڤ ماددێ(340،307،316) بۆ هژمارەکا سەرۆک باژێرڤانیان و فەرمانبەران و ئەندازیاران
ل سنوورێ پارێزگەها دهوکێ دەرچوویە.
پێنج وه‌زيرێن كابينا عه‌بادى هاتنه گوهۆڕين
ئه‌ڤرۆ نيوز:
د كۆمبوونا دويێ يا جڤاتا نوونه‌رێن عيراقێ دا، عه‌بادى ناڤێ وه‌زيران خواندن و وه‌زيرێن ژێده‌رێن ئاڤێ و ساخله‌ميێ و په‌روه‌ردێ و داد و خواندنا بلند و كاره‌با و وه‌زاره‌تا ده‌رڤه خستنه به‌ر ده‌نگدانێ.
د كۆمبوونێ دا وه‌زيرێن كاره‌بێ و خواندنا بلند و ساخله‌ميێ و كار و ژێده‌رێن ئاڤێ هاتنه گوهاڕتن.
په‌رله‌مانتاران ب ته‌ماميا ده‌نگان روودانێن حه‌فتيا بۆرى يێن جڤاتا نوونه‌رێن عيراقێ ب نه‌ئاسايى ل قه‌له‌م دان و ره‌تكرن.
په‌رله‌مانتاران داخواز ژ عه‌بادى كر كو د ماوێ 48 ده‌مژمێرێن بۆرى دا ناڤێ ئه‌وان وه‌زيران پێشكێش بكه‌ت يێن نه‌هێنه گوهۆڕين، به‌لێ عه‌بادى داخوازا ماوه‌كێ زێده‌تر دكه‌ت.
عه‌بادى د كۆمبوونێ دا راگه‌هاند كو ئه‌و نه‌شێت هه‌موو وه‌زيران ب ئێكجارى لاببه‌ت و دڤێت بۆ هه‌ر وه‌زيره‌كى پێگوهۆڕه‌كى ڤه‌بينيت و پاشان ده‌نگى ل سه‌ر بده‌ت.
سه‌دريان داخوازا گوهۆڕينا 9 وه‌زيران يا كرى و عه‌بادى راگه‌هانديه كو ئه‌و يێ ئاماده‌يه 10 وه‌زيران ب گوهۆڕيت و ناڤێن 10 وه‌زيران راگه‌هاندينه.
كانديدێن نوو يێن وه‌زاره‌تێن په‌روه‌رده و داد ده‌نگێن پێدڤى نه‌ئينان و عه‌لا دلشێر بۆ وه‌زيرێ كاره‌بێ ده‌نگێن پێدڤى ب ده‌ست ئينان.
حسێن شه‌هرستانى ژ وه‌زاره‌تا خواندنا بلند هاته ده‌رخستن و عه‌بدولره‌زاق عيسا ل جهێ وى هاته دانان و ده‌ست ژ كاركێشانا ئيبراهيم جه‌عفه‌رى ژ پۆستێ وه‌زاره‌تا ژ ده‌رڤه هاته ره‌تكرن.
حه‌سه‌ن جونێبى بۆ وه‌زاره‌تا ژێده‌رێن ئاڤێ هاته هه‌لبژارتن و عه‌لا غه‌نى بۆ وه‌زاره‌تا ساخله‌ميێ و وه‌فا مه‌هداوى بۆ وه‌زاره‌تا كار ده‌نگێن پێدڤى ب ده‌ست خوه ڤه ئينان.
ديسا تێكه‌لكرنا وه‌زاره‌تا وه‌رزش و لاوان و رۆشه‌نبيرى و وه‌زاره‌تێن ڤه‌گوهاستن و گه‌هاندنێ هاتنه ره‌تكرن.
كۆمبوونا جڤاتا نوونه‌رێن عيراقێ ده‌مژمێر 18:15 ده‌قيقه ب دووماهى هات و بڕياره ل رۆژا پێنجشه‌مبى رێكه‌فتى 28ى نيسانا 2016ێ جاره‌كا دى ل كۆم ببيت.
نيشاندان
WP Facebook Auto Publish Powered By : XYZScripts.com