ئه‌ڤرۆ نیوز:
سه‌رۆكێ حوكمه‌تا هه‌رێما كوردستانێ راگه‌هاند، به‌ری بڕیار ل سه‌ر شێوه‌كێ دی یێ حوكمڕانیێ بهێته‌ دان، پێدڤیه‌ ڕاستیا عیراقێ ژ ڕوویێ پێكهاتێن نه‌ته‌وی و ئاینی و مه‌زهه‌بی و جوگرافی ڤه‌ بهێته‌ زانین، چونكو قۆناغێن پێشتر یێن پێكڤه‌بوونێ شكه‌ستن ئینا و هه‌رێما كوردستانێ یا به‌رهه‌ڤه‌ ب دانوستاندنان ل سه‌ر شێوێ دی یێ ب ڕێڤه‌برنێ و حوكمی و په‌یوه‌ندیان، ڕێككه‌فتنێ بكه‌ت كو ببیته‌ جهێ خوه‌شیێ بۆ هه‌موو ده‌ڤه‌رێ.
نێچیرڤان بارزانی د ڕێوڕه‌سمێن دیدارا سلێمانیێ دا دووپاتی ل وێ چه‌ندێ كر كو كێشێن سیاسی یێن ناڤخوه‌یی ل هه‌موو وه‌لاتان ڕوودده‌ن، به‌لێ یا گرنگ ئه‌وه‌ حه‌ز و ئیرادا چاره‌سه‌ركرنێ هه‌بیت، له‌وما نوكه‌ ده‌مێ وێ چه‌ندێ یه‌ هه‌موو لایه‌نێن كوردستانێ وێ حه‌ز و ئیرادێ ب تمامی نیشا بده‌ن و په‌رله‌مان بهێته‌ كاراكرن و ببیته‌ جهێ باوه‌ریێ و ئارامیێ بۆ هه‌موو گه‌لێ كوردستانێ.

ئه‌ڤرۆ نیۆز، قائید میرۆ
وه‌زیره‌كێ حوكمه‌تا هه‌رێما كوردستانێ ئاشكراكر، ژلایێ چه‌كدارێن داعش ته‌قه‌ ل وه‌زیرێ چاندنێ هاتیه‌كرن و ب سه‌لامه‌ت ده‌رچوویه‌.
عه‌بدولستار مه‌جید، وه‌زیرێ چاندنێ یێ حوكمه‌تا هه‌رێما كوردستانێ ب ئه‌ڤرۆ نیۆز راگه‌هاند” ئه‌ڤرۆ ب مه‌ره‌ما گه‌هاندنا هه‌ڤكاریا بۆ هێزێن پێشمه‌رگه‌ی مه‌ سه‌ره‌دانا میحوه‌رێ گوێڕ كر، به‌لێ ژلایێ چه‌كدارێن داعش ته‌قه‌ ل مه‌ هاته‌كرن، به‌لێ چو زیانێن گیانێ نه‌بوون و تیما مه‌ ب سه‌لامه‌ت ده‌رچوون.
عه‌بدولستاری گوت ژی” د سه‌ره‌دانا خوه‌دا بۆ سه‌نگه‌رێن پێشمه‌رگه‌ی مه‌ هژماره‌كا مریشك و هێكا بۆ هێزێن پێشمه‌رگه‌ی برن وه‌كو هه‌ڤكاریه‌ك بۆ پێشمه‌رگه‌ی.

ئه‌ڤرۆ نیوز:
رێڤه‌به‌رێ گشتى یێ دیوانا وه‌زاره‌تا ساخله‌میێ، خالس قادر راگه‌هاند سوبه‌ رۆژا پێنج شه‌مبى دێ مووچێن وه‌زاره‌تا ساخله‌میێ هێنه‌ دان.

ئه‌ڤرۆ نيوز:

ژبو رێزگرتن و وه‌فادارى بو گيانێ پاکێ شه‌هيدێن كاره‌ساتا هه‌له‌بجه‌ ،  ئه‌ڤرۆ ل ده‌مژمێر (11) ‌ى سپێدێ پرانيا فه‌رمانبه‌رێن دام و ده‌زگه‌هێن حكومى بو ماوێ پێنج خوله‌كان بێ ده‌نگى راوه‌ستيان .

هه‌ژي گوتنێ يه‌ كو ل 16/3/1988 رژێما به‌عسا ژ نافچووى د به‌رده‌واميا تاوانين خودا دژى گه‌لێ کوردستانێ ئێك ژ مه‌زنترين و درنده‌ترين كاره‌سات دژى خه‌لكێ باژێرێ حه‌له‌بچه‌ ئه‌نجام دا وتێدا (5000) كه‌س شه‌هيد بوون و ب هزاران كه‌س ژى بريندار بوون ژ سه‌ده‌ما ب کارئينانا چه‌کێ کيمياوي يێ قه‌ده‌غه‌کري ل جيهانێ .

ئه‌ڤرۆ نیوز:
سه‌رۆكا فراكسیۆنا ئێكه‌تیێ ل په‌رله‌مانێ كوردستانێ راگه‌هاند، جار جاره‌ ئه‌ندام مه‌كته‌ب سیاسیێن حزبان داخویانیان دده‌ن كو ئاگه‌هدارى باده‌گا په‌ترۆلێ نینن، ئه‌وێ ڤان ره‌نگه‌ داخویانیان دده‌ن موزایه‌دان دكه‌ن و بۆ به‌رژه‌وه‌ندیێن خوه‌ یێن تایبه‌ت وه‌دبێژین، چونكو حزبان نوونه‌ر د حوكمه‌تێ دا یێن هه‌ین و دشێن ب رێیا وان پرسیارا باده‌كا په‌ترلێ بكه‌ن.
بێگه‌رد تاله‌بانى دیار كر ژى كو چه‌ندین جاران د كۆمبوونێن جودا یێن حزبا وێ دا، قوباد تاله‌بانى جێگرێ سه‌رۆكێ حوكمه‌تا هه‌رێمێ به‌حسێ وێ چه‌ندى كریه‌ كو ئاگه‌هدارى هه‌موو گرێبه‌ستێن فه‌رمى یێن په‌ترۆلێ یه‌، لێ ئاگه‌هدارى هوورده‌كاریێن فرۆتنا وێ په‌ترۆلێ نینه‌ یا د ناڤخوه‌ دا ب تانكه‌ران دهێته‌ فرۆتن.
بێگه‌رد تاله‌بانى بۆ رووداو ئاماژه‌ ب وێ چه‌ندێ ژى كر كو تیمێ ئێكه‌تیێ د حوكمه‌تێ دا هه‌ر ژ سه‌رده‌مێ ” عومه‌ر فه‌تاح و عیماد ئه‌حمه‌د و به‌رهه‌م سالح” ئاگه‌هدارى گرێبه‌رستێن فه‌رمى یێن په‌ترۆلێ بوویه‌.