ئه‌ڤرۆ نيوز:
بڕياره سوبه‌هى كۆمبوونا دويێ يا سه‌رۆكێ هه‌رێما كوردستانێ ل گه‌ل لايه‌نێن سياسى يێن كوردستانێ بهێته ئه‌نجام دان.
فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ راگه‌هاند: سوبه‌هى كۆمبوونا دويێ يا مه‌سعود بارزانى، سه‌رۆكێ هه‌رێما كوردستانێ ل گه‌ل لايه‌نێن سياسى يێن باشوورێ كوردستانێ بهێته ئه‌نجام دان.
فوئاد حسێن بۆ K24 ئاشكه‌را كر كو ئه‌ڤرۆ 6ى شوباتا 2016ێ كۆمبوونا ناڤبه‌را ئه‌ندامێن كۆميتا كاراكرنا په‌رله‌مان و حوكمه‌تێ ب رێڤه بچيت و نوكه كۆمبوونێ يا ده‌سپێكرى.
ئه‌ڤرۆ نيوز:
تۆڕا ميدياى يا رووداو ل پۆرتالێ خوه يێ ديجيتال ميديا به‌لاڤكريه كو محه‌مه‌د حاجى ئه‌ندامێ به‌رێ يێ جڤاتا نشتيمانيا گۆڕان په‌يوه‌ندى ب پارتى ديموكراتى كوردستان كر.
محه‌مه‌د حاجى پێشتر به‌رپرسێ ژوورا په‌يوه‌نديێن بزاڤا گۆڕان بوو و پشتى جودابوونا خوه ژ گۆڕان د چه‌ندين هه‌لكه‌فتان دا ئه‌گه‌رێن ده‌ست ژ كار كێشنانا خوه راگه‌هاند بوون.
ديسا ده‌رباره‌ى كارێ وى يێ سياسى يێ داهاتى ژى دا بوو زانين كو ئه‌و دێ چيته ناڤ رێزێن پارتيه‌كێ كو گرنگيێ ب بابه‌تێ ده‌وله‌تبوون و سه‌به‌خۆيا كوردستانێ بده‌ت وه‌كو ئاماژه‌ك بۆ پارتى ديموكراتى كوردستان به‌لێ بێى كو ناڤێ وێ ببێژيت.
ئەڤرۆ نیوز، لەزگین جۆقی:
د پرێس کونفرانسەکى دا ئەڤرۆ 6 شوبانا 2016ێ ل ھۆلا رێڤەبەریا گشتيا ساخلەمیا پارێزگەھا دھۆکێ ب ھەلکەفتا رۆژا جیھانیا پەنچەشێرێ، چەندین ئامارێن تووشبویێن ئەنچەشێرێ ھاتنە راگەھاندن و داخواز ژ وەلاتیان ھاتیە کرن پێش وەخت پشکنینێن خوە بکەن.
د. زەکی عه‌لى بەرواری رێڤەبەرێ سەنتەرێ نەخۆشیێن په‌نجه‌شێرێ ل دھۆکێ دیارکر کو سالا 2015ێ ل سەرانسەری پارێزگەھا دھۆکێ 1022 تووشبویێن په‌نجه‌شێرێ یێن ھاتنیە تۆمارکرن بەرامبەر ل گه‌ل سالا 2014ێ رێژه دکێمبوونێ دایە، سالا 2014ێ ل سەرانسەری دھۆکێ 1160 کەس ھاتبوونە تۆمارکرن و گۆتژی: “ل سالا بۆری 418 کەسان ژ بەر نەخۆشیا په‌نجه‌شێرێ گیانێ خوە ژ دەست داینە و سالا 2014 ژێ ل پارێزگەھا دھۆکێ په‌نجه‌شێرێ دووماھی ب ژیانا 310 وەلاتیان ئینایە”.
د. زەکی عەلی ئەو ژی دیارکر کو ب پشتەڤانیا سندوقا په‌نجه‌شێرێ 11 وەلاتيێن نەخۆش بۆ وەلاتی تورکیا یێن ھاتینە رەوانەکرن، لێ پارێزگەھا دھۆکێ ئامیرێ تیشکێ نينە، وەلاتی قەستا پارێزگەھێن دى دکەن و داخوازێ ژ خەلکێ خوە دکەين پێش وەخت پیشکنینا خوە بکەن و ھاتنا ئاواران زۆر بارگرانی یا دروستکری، چونکو بەغدا ب تنی رێژا 20% دەرمانێن په‌نجه‌شێرێ بۆ ھەرێمێ رەوانە دکەت د وەختەکى دا ئاوارێن سێ پاریزگەھێن عیراقێ ل ھەرێمێ نە و رێژا تووشبویێن په‌نجه‌شێرێ د ناڤ ئاواران دا ژى گەلەک زێدەتره ژ وێ رێژا دەرمانێن په‌نجه‌شێرێ یێن بەغدا بۆ ھەرێمێ رەوانە دکەت، داخوازێ دکەين بەغدا پێداچوونێ د وێ رێژا دەرمانێن په‌نجه‌شێرێ دا بکەت و بەھرا ھەرێمێ زێدەتر لێ بکەت ژ بەر رێژا زۆر يا ئاواران ل ھەرێمێ.
ئه‌ندامه‌كێ مه‌كته‌با سياسى يا ئێكگتروو ئيسلامى كوردستان راگه‌هاند كو بڕيار ئێكگرتوو ل ناڤه‌راستان ئه‌ڤ ساله كۆنگرێ خوه يێ حه‌فتێ بگێريت.
هيوا ميرزا، ئه‌ندامێ مه‌كته‌با سياسى يا ئێكگرتوو ئيسلامى كوردستان گۆت: “ل ده‌سپێكا هه‌يڤا ئه‌يارێ يا ئه‌ڤ ساله ئێكگرتوو دێ كۆنگرێ خوه يێ حه‌فتێ گێريت”.
ئێكگرتوو ئيسلامى كوردستان ل 6ى شوباتا 1994 و د درۆژه‌كا وه‌كو ئه‌ڤرۆ دا هاتيه دامه‌زراندن و بۆ ماوێ 18 سالان، سه‌لاحه‌دين محه‌مه‌د بهائه‌دين ئه‌ميندارێ وێ بوو و پاشان د كۆنگرێ شه‌شێ دا، محه‌مه‌د فه‌رج وه‌كو ئه‌ميندارێ وێ پارێ هاتيه هه‌لبژارتن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 7ى شۆباتا 2016ێ ئه‌سمان دێ ب ته‌مامى ئه‌ورێ باراناوى بيت و ل ده‌ڤه‌رێن چياى يێن پارێزگه‌هێ دێ به‌فر بيت و ل ئه‌گه‌رێ هه‌بوونا بريسيان ژى يێ هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن ئێكگرتى يێن ده‌ريا سۆر و ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ب ته‌مامى ئه‌ورێ باراناوى بيت و ل ده‌ڤه‌رێن چياى يێن پارێزگه‌هێ دێ به‌فر بيت و ل ئه‌گه‌رێ هه‌بوونا بريسيان ژى يێ هه‌ى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى دێ 6 بۆ 8كم بيت، پلێن گه‌رمێ ژى دێ د ناڤبه‌را (6 بۆ 12) پلان دا بيت.
ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا شەمبی رێککەفتی 6/2/2016 دێ بڤی رەنگێ خوارێ بن لسەرانسەری پارێزگەھا دھۆکێ
لناڤ سەنتەرێ باژێرێ دھۆک دێ بڤی شێوەی بن:
دانێ سپێدێ : 1- جاددا بارزان شندوخا
2 دانێ سپێدێ : – جاددا شەھیدێن ئێکی شواتێ نێزیک ھولا دیلان
دانێ شەڤ : 3- جاددا بارزان گەڤەرکێ
دانێ شەڤ : 4- جاددا زرکا نێزیک گولخانا مالتا
دانێ شەڤ : 5- جاددا بارزان شندوخا
تێبینی: ژبەر زوربونا روودانان 24 دەمژمێران رادار دێ ل جاددا بارزان شندوخا یا دانای بیت
رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان نێزیک گومەلگەھا مەھەتێ
رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا رۆڤیا نێزیک گوندێ ئامیان
2- جاددا بەردەرەش بو ناحیا کەلەک نێزیک گوندێ گەویلان
رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا باشقال دناڤبەرا ترافیکا شورەش و گوندێ باشقال
2- لسەر جاددا سەرەکی پیشەسازی دناڤبەرا ترافیکا ئازادی بو دووریانا گەرەکا پیشەسازی
رادارێن قەزا سێمێل دێ لڤان جھان ھێنە دانان
1- جاددا سەرەکی دناڤبەرا سێمێل بو کومەلگەھا دوومیز
2- جاددا سەرەکی یا دوبانێ
3- جاددا سەرەکی یا تەناھی بو سێمێل
راداراێن قەزا زاخو دێ لڤان جھان ھێنە دانان
1- جاددا سەرەکی یا گەلیێ زاخو نێزیک گوندێ حەسەن ئاڤا
2- جاددا سەرەکی یا بێدارێ
رادارێن قەزا ئامێدیێ دێ لڤانا جھان ھێنە دانان
1- جادداسەرەکی یا دناڤبەرا سەرسنک بو ئامێدیێ
رادارێن ناحیا زاویتە دێ لڤان جھان ھێنە دانان
1- جاددا زاویتە بو دھۆک
2- جاددا ئێتیت بو دھوک
ئه‌ڤرۆ نیوز، ئه‌كره‌م ئیبراهیم
ئه‌ڤرو سپێدێ ( فه‌رهاد ئه‌مین ئه‌تروشى ) پارێزگه‌رێ دهوكێ پێشوازیا (كلاودیا روس) جێگرا سه‌روكێ په‌له‌مانێ ئه‌لمانیا قیدرال و شاندێ دگه‌لدا كر ,
دهه‌ڤدیتنه‌كێ دا ب ئاماده‌بونا (ئیسماعیل محه‌مه‌د ئه‌حمه‌د) هاریكارێ پارێزگه‌رێ دهوكێ بو كاروبارێن مروفایه‌تى به‌حسێ ره‌وش و سه‌روبه‌رێ ئاواره و په‌نابه‌ران ل سنورێ پارێزگه‌ها دهوكێ و ئه‌و كارو خزمه‌تێن ژلایێ پارێزگه‌ها دهوكێ و رێكخراوێن UN و خیرخازى ڤه بو دهێنه پێشكێش كرن هاته كرن ,
پارێزگه‌رێ دهوكێ به‌حسى پلانا پارێزگه‌هێ یا هاریكارى كرنا ئاواره و په‌نابه‌را كر و دیار كر كو پێدڤیه جڤاكێ نێڤ ده‌وله‌تى باشتر هاریكاریا پارێزگه‌ها دهوكێ و حكومه‌تا هه‌رێمێ بكه‌ت داكو باشتر خزمه‌تا ئاواره و په‌نابه‌را بهێته كرن و دیار كر حكومه‌تا به‌غدا ل دیف ئاستى پێدڤى هاریكارى بو ئاواره و په‌نابه‌را نه‌كرینه و هه‌مى ئاوارێن هاتینه پارێزگه‌هێ ئه‌ركێ حكومه‌تا فیدراله هاریكاریا وان بكه‌ت ژبه‌ر كو ژ ده‌ڤه‌رێن ژێر ده‌ستهه‌لاتا وان هاتینه ,
دلایه‌كێ دیێ هه‌ڤدیتنێ دا پارێزگه‌رێ دهوكێ داكوكى ل وێ چه‌ندێ كر كو پێدڤیه هاریكاریێن باش بو ده‌ڤه‌رێن نوى رزگار كرى بهێنه كرن داكو خه‌لك قه‌ستا جه و وارێن خو بكه‌نه و بزاڤێن ژرد بهێنه كرن بو ئاڤه‌دانكرنا وان ده‌ڤه‌را و ڤه‌گه‌راندنا خه‌لكێ ئاواره هه‌روه‌سا هاریكاریا خه‌لكێ پارێزگه‌ها دهوكێ ژى بهێته كرن ژبه‌ر كو گه‌له‌ك زیان گه‌هه‌شتیبنه ژێرخانا وێ دگه‌له‌ك بیاڤادا ,
ژلایێ خوڤه جێگرا سه‌روك په‌رله‌مانێ ئه‌لمانیا سوپاسى و ده‌ست خوشیا خه‌لكێ پارێزگه‌ها دهوكێ و كارگێریا پارێزگه‌ها دهوكێ كر بو وان هاریكارێن بو ئاوارا و په‌نابه‌را كرین و دیار كر كو ئه‌م دزانین گڤاشتینێن مه‌زن ل سه‌ر پارێزگه‌ها دهوكێ هه‌نه و حكومومه‌تا به‌غدا هاریكاریا پێدڤى نه‌كریه و ئاماژه كر كو ئه‌و یێن هاتین بزانن چ ئاریشه و ئاسته‌نگ هه‌نه داكو هاریكار بن بو چاره‌كرنا وان ژبه‌ر كو نوكه هه‌رێم دقه‌یرانا ئابورى و شه‌رى دژى داعش و هاتنا ڤێ رێژا مه‌زن یا ئاوارا دایه , و گوت مه‌دڤیت هاریكاریا كوردستانێ بكه‌ین چونكى كوردستان دشێت ته‌ناهیێ ل ده‌ڤه‌رێ په‌یدا بكه‌ت و ته‌ناهیا هه‌ى بپارێزیت ,,, و ئه‌ز هاتیمه دا پێزانینا كوم بكه‌م و لدیف وان پێدڤیا هاریكاریا كوردستانى بین ,
دیڤدا پارێزگه‌رێ دهوكێ و جێگرا سه‌روك په‌رله‌مانێ ئه‌لمانیا سه‌ره‌دانا كه‌مپا شاریا یا ئاوارا كر و سه‌حكره وان خزمه‌تێن بو دهێنه پێشكێش كرن ل وان بنگه‌هێن رێكخراوا جى ئاى زید یا ئه‌لمانێ دورست كرین و گه‌ریانه‌ك دناف كه‌مپا شاریا دا كر و گوهداریا پێدڤى و كێم و كاسیان ژ ئاوارا كر و دیڤدا سه‌ره‌دانا كه‌مپا ئاكرێ یا ئاوارا هاته كرن و سه‌حكره ره‌وشا ئاوارا و پێدڤیێن وان …
ئه‌ڤرۆ نيوز:
كێشه كه‌فتنه ناڤبه‌را فه‌رماندێن حه‌شه‌د شه‌عبى و حوكمه‌تا عيراقێ و سه‌رۆك وه‌زيرێن عيراقێ ژى لژنه‌كێ بۆ چاره‌كرنا ڤێ كێشێ پێك دئينيت.
فه‌رمانده‌يێن حه‌شه‌د شه‌عبى ژ جوداهيا د ناڤبه‌را مووچێ وان و له‌شكرێ عيراقێ دا د نه‌ره‌حه‌تن و هنده‌ك كه‌فێن ده‌ست به‌ردانێ ژ ڤى كارى كريه، چونكو وه‌سان دبينن حوكمه‌تا عيراقێ ل سه‌ر بنه‌مايێ زانستى بۆدجێ هێزان نامه‌زێخيت و جوداهيێ د ناڤبه‌را وان دا دكه‌ت.
نڤيسينگه‌ها تايبه‌تا حه‌يده‌ر عه‌بادى سه‌رۆك وه‌زيرێن عيراقێ ژى ئه‌ڤرۆ رۆژا ئه‌ينى رێكه‌فتى 5ى شوباتا 2015ێ راگه‌هاند: ده‌رباره‌ى كێشێن حه‌شدا شه‌عبى لژنه‌ك هاتيه پێكئينان و ل سه‌ر چاوانيا به‌لاڤكرنا مووچان و بۆدجێ و پێدڤيێن له‌شكرى دێ ڤه‌كۆلينێ كه‌ت.
فه‌رماندێن حه‌شه‌د شه‌عبى گه‌فێن وێ چه‌ندێ دكه‌ن كو هه‌كه د ماوه‌كێ كێم دا به‌رسڤا داخۆازيێن وان نه‌هێته دان دێ به‌ره‌يێن شه‌رى چول كه‌ن.
نيشاندان