ئه‌ڤرۆ نیوز:
ل سه‌ر رێیا ئه‌رسش و وانێ، روودانه‌ك د ناڤبه‌را مینیپاسه‌كا رێڤینگا و قامیونه‌كێ روویدا و د ئه‌نجامدا 11 كه‌سان گیانێ خوه ژ ده‌ستدا و 4 كه‌س ژى ب گرانى برینداربوون.
ل دووڤ ئاژانسێن ده‌نگوباسێن توركى د مینیپاسێ دا قوتابى و ماموستا تێدابوون و ژبۆ ئه‌نجامدانا ئه‌زموونان دچوون وانێ.
پولیسێن توركى ل جهێ روودانێ ده‌ست ب ڤه‌كولینان كرینه بۆ زانینا ئه‌گه‌رێ روودانێ.
ئەڤرۆ نیوز، قائید میرۆ:
چەکدارێن داعش ل قەزا حەویجە یا نێزیک کەرکووکێ کوڕێ سەرکردەیەکێ بلندا گروپا نەقشبەندیا گولە بارانکرن و تەرمێ رادەستی کەس و کارێن وی ھاتەکرن.
غەیاس سورچی، کارگێڕێ مەلبەندێ ئێکەتیێ ل نەینەوا ب ئەڤرۆ نیۆز راگەھاند” ئەڤرۆ چەکدارێن داعش کۆڕێ سەرکردەیەکێ گروپا تیرۆرستیا نەقشبەندی ل قەزا حەویجە بناڤێ مەحەمەد فارس عوبێدی خەلکێ مووسل گولە بارانکر، ئەوژی ب تۆمەتا ئەڤان ناکۆکیێن ناڤبەرا گروپا داعش و گروپا نەقشبەندیا تیرۆرست.
سورچی گۆتژی” ئەف کەسێ ھاتیە کوشتن کۆڕێ سەرکردەیەکێ بلندێ نەقشبەندیە و ئەڤرۆ پشتی ل نێزیک کەرکووکێ ھاتیە کوشتن، تەرمێ وی ھاتە ڤەگەڕاندن بۆ کەس و کارێن وی ل باژێڕێ مووسل و بەری نوکە ئەڤی تیرۆرستێ نەقشبەندی چەندین کریارێن تیرۆرستی ئەنجامدابوون.
ئەڤرۆ نیوز، لەزگین جۆقی:
رێڤەبەرێ کومپانیا دەخلودانێ تایێ دھۆکێ و رێڤەبەرێ سایلویا فەیدی نازم محەمەد عەلی بۆ ئەڤرۆ نیوز تەکست ل سەر وێ چەندێ کر کو کوژمێ 12 ملیار و 944 ملیۆن دینارێن پارێ گەنمێ جوتیارین پارێزگەھا دھۆکێ گەھشتن و سوبەھێ دێ دەست بەلاڤکرنا پارێ گەنمی ل سەر جوتیاران ھێتە کرن.
نازم مەحمەد عەلی رێڤەبەرێ کومپانیا دەخلودانی تایی دھۆکێ دیارکر کو ل رۆژا 9/12/2015 چەکێ پارێ گەنمێ جوتیاران گەھشت و دێ ژ سوبەھی و وێڤە پارە ھێتە بەلاڤکرن و گۆت: جوتیارێن دەڤەرا زاخۆ پاری خوە ل بەنکا ھیزل زاخۆ وەرگرن و جوتیارین پارێزگەھا دھۆکێ د گەل وان جوتیارێن گەنمێ خوە دانایە گۆرەپانا ڤالاکرنا گەنمی ل روڤیا ل دەڤەرا بەردەرەش دێ پارێ خوە ل بەنکا گارە ل پارێزگەھا دھۆکێ وەرگرن و جوتیارێن دەڤەرا شیخان ژی دێ پارێ خوە ل بەنکا شێخان وەرگرن و وەرگرتنا پارەی دێ ل دووڤ رێزبەندیێ بیت.
رێڤەبەرێ سایلویا فەیدی نازم محەمەد عەلی تەکست ل سەر گۆتنێن رێڤەبەرێ کۆمپانیا دەخلودانی کر و گۆت: سوبەھی دێ دەست ب بەلاڤکرنا پارێ گەنمێ جوتیاران ھێتە کرن.
ئەڤرۆ نیوز:، لەزگین جۆقی:
سەرۆکێ لیستا برایەتی و پێکڤەژیانێ ل جڤاتا پارێزگەھا نەینەوا بۆ ئەڤرۆ نیوز دیارکر کو ھەولدان ب رێیا نڤیسینگەھا نیچیرڤان بارزانی سەرۆکێ حوکمەتا ھەرێما کوردستانێ بۆ ڤەگەراندنا تەرمێ 34 وەلاتین ھاتنیە نقوومکرن د دەریا ئینجە دا ل جزیرا فارماکونیسی یا وەلاتی یونانی د بەردەوامن.
سەیدۆ چەتۆ سەرۆکێ لیستا برایەتیی و پێکڤەژیانێ ل جڤاتا پارێزگەھا نەینەوا گۆت: “13 ژ وەلاتیێن د ئاڤی دا نقوم بووین خەلکێ دەڤەرا سنونێ نە و قەزا شنگالی نە، ژ ھندەک خێزانان ب تنی ئیک مایە ساخ و پتریا نقوم بوویان ژی زارۆ و ژنن”.
ئه‌ڤرۆ نيوز:
ئێكه‌تيا ئورۆپا راگه‌هاند كو ژ ئه‌گه‌رێ پابه‌ندنه‌بوون ب مه‌رجێن سلامه‌تيێ ڤه رێ ناده‌ت ئێدى هێلێن فرۆكه‌ڤانى يێن عيراقێ گه‌شتێ بۆ وه‌لاتێن ئورۆپا بكه‌ن.
د به‌ياننامه‌كێ دا كو ئێكه‌تيا ئورۆپا ل پێگه‌هێ خوه يێ ئه‌لكترۆنى به‌لاڤكريه، راگه‌هانديه، هێلا ئه‌سمانى يا عيراقێ خستيه ليستا وان هێلێن رێيا گه‌شتكرنێ بۆ وه‌لاتێن ئێكه‌تيا ئورۆپا پێ نه‌هێته دان.
ده‌رباره‌ى ئه‌گه‌رێ بڕيارێ ژى د به‌ياننامێ دا راگه‌هانديه، هێلا ئه‌سمانى يا عيراقێ پابه‌ند نه‌بويوه ب جهئينانا مه‌رجێن سلامه‌تيێ كو ل ئورۆپا كار پێ دهێته كرن.
هێلا ئه‌سمانى يا عيراقى نێزيكى 70 سالايه هاتيه دامه‌زراندن و نوكه 28 فرۆكه يێن هه‌ين ژ جۆرێ بيونگى يێن ئه‌مريكى و بۆمباردو يێن كه‌ندى و ب بهايێ ئێك مليار و 500 مليۆن دۆلاران دهێنه خه‌ملاندن و ب بۆچوونا شاره‌زايان ژى ئه‌ڤه دێ زيانه‌كا دى يا گه‌له‌ك مه‌زن ب ئابوورێ هێلا ئه‌سمانى يا عيراقێ گه‌هينيت.
ئه‌ڤرۆ نيوز:
شڤێدى ژ ئه‌نجامێ شۆرته‌كێ كاره‌بێ ئاگر به‌ربوو شوقه‌كا ئه‌ڤرۆ ستى يا قاتێ بنى و پاشان ژى ئاگر ڤێرا چوو و تيمێن قوتالكرنێ ل به‌ره‌ڤانيا باژێرى ژى ئاگر كۆنترۆل كر.
زێره‌ڤان عه‌بدولا، به‌رپرسێ پشكا قورتالكرنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “شڤێدى 12ى كانوونا ئێكێ 2015 و ل ده‌مژمێر 12:15 ژ ئه‌گه‌رێ شورته‌كێ كاره‌بێ ئاگر به‌ربوو شوقه‌كێ ل ئاڤاهيێ ژماره A23 د ناڤا شقێن ئه‌ڤرۆستى دا”.
زێده‌تر گۆت: “روودانا ئاگرى ل ئێك ژ شوقێن بنێ ئاڤاهى په‌يداببوو و به‌ر ب سه‌رى ڤه دچوو، تيمێن مه شيان د ماوه‌كێ كێم دا هه‌موو خێزانێن د ناڤ وى ئاڤاهى دا كو ژمارا وان 19 خێزان بوون قورتال بكه‌ن و ئاڤاهى هاته ڤالاكرن”.
دا زانين ژى كو ئه‌و شيان بێ زيانێن گيانى وى ئاگرى كۆنترۆلكرن كو پتريا وان ژن و زارۆ و پير بوون و گۆت: “ئه‌ڤ روودانا قورتالكرنێ ژ لايێ تيمێن بگه‌هێ مالتا و سێمێل يێن به‌ره‌ڤانيا باژێرى ب هاريكاريا ترۆمبێلا سله‌م يا قورتالكرنێ هاته ئه‌نجام دان”.
ئەڤڕۆ نیوز،زنار تۆڤی:
پشتی بۆ ماوەیەکێ ئەڤ دەڤەرە نەهاتیە بوردۆمانکرن جارەکادی شڤێدئ و لدەمژمێر 10 شەڤێ فرۆکێن سۆپایێ تورکی دەردورا گوندێ کێستە و ملا رەدێ و ئێکمالێ و هێسێ ل دەڤەرا بەرواری بالا و چەندین جهێن دیتر ل چیایێ مەتینا و رووبارێ زێی بوردۆمانکرن و جارەکادی ترس لدەف خەلکێ پەیداکر،لەورا بەری نوکە خەلکێ قەستا چیان دکر دچوونە شەڤیارێ،لێ ژ ئەڤ شەڤە پێدا ئێدی خەلک نەوێرن ل ڤێ دەڤەرێ بچنە شەڤیاران ژی.
ئه‌ڤرۆنیۆز، ئه‌یاد به‌رواری
سه‌رۆكێ توركیا (ره‌جه‌ه‌ب ته‌یب ئه‌ردوگان) راگه‌هاند، مه هزرا ڤه‌كێشانا سه‌ربازێن توركی ل نێزێك مووسلێ نینه و نه‌چووینه وێ ده‌ڤه‌رێ بۆ ئارمانجا شه‌ڕێ، به‌لكو تنێ بۆ مه‌شقدانێ یێن ل سه‌ربازگه‌ها به‌عشیقه و هنده‌ك ده‌ڤه‌رێن دی.
ل دووڤ ئاژانسا (ئه‌نادۆل) یا توركی، ئه‌ردوگانی د كۆنگره‌كێ رۆژنامه‌ڤانی دا ل گه‌ل سه‌رۆكێ بوسنه، گوت” دبیت توركیا هێزێن خوه ل نێزیكی مووسلێ زێده بكه‌ت، یان ژی كێم بكه‌ت، ل دووڤ هژمارا وان هێزێن هاتینه مه‌شقدان ل سه‌ر ده‌ستێ سه‌ربازێن توركی” خویاكر ژی” مه هزرا ڤه‌كێشانا سه‌ربازێن خوه نینه”.
ئه‌ڤرۆ نیوز:
سه‌رۆكێ حكومه‌تا هه‌رێما كوردستانێ نێچیرڤان بارزانى راگه‌هاند كو ل سالى بوورى سێ ئاسته‌نگێن مه‌زن بۆ هه‌رێما كوردستانێ چێبوون و دبێژیت: مه دڤێت قه‌ران ل چه‌ند بانكێن توركیا بكه‌ن”.
ددیداره‌كێ دا ل گه‌ل كه‌نالێ trt یا كوردى ، سه‌رۆكێ حكومه‌تا هه‌رێما كوردستانێ نێچیرڤان بارزانى راگه‌هاند سێ ئاسته‌نگێن مه‌زن بۆ روى ب روى هه‌رێما كوردستانێ بوون، ئێك ژ وان شه‌رێ داعش و دوێ هاتنا ملیونه‌ك و 700 هزار ئاواران بۆ هه‌رێمێ و یا سیێ ئه‌رزانبوونا بهایێ نه‌فتێ و گۆت” مه دڤێت كوژمه‌كێ پاره‌ى وه‌ك قه‌ر ل چه‌ند بانكێن توركیا وه‌ربگرین و بده‌ینه وان كومپانیێن ل هه‌رێمێ كار دكه‌ن”.
بارزانى به‌حسێ هنارتنا غازا هه‌رێمێ بۆ توركیا كر و راگه‌هاند” هه‌رێم و توركیا ل سه‌ر هنارتنا غازێ رێككه‌فتى نه، به‌لێ ئه‌ڤ پروسه دێ دو بۆ سێ سالان ڤه‌كێشیت هه‌تا كو غاز دگه‌هته توركیا”.
نيشاندان