ئه‌ڤرۆ نيوز:

وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاندنه‌ك ده‌رباره‌ى به‌لاڤكرنا مووچێ هه‌يڤا ئيلۆنێ يێ سالا 2015ێ يێ فه‌رمانبه‌ران به‌لاڤكر و ئه‌ڤه‌ ده‌قێ وێ يه‌:

راگه‌هاندنه‌ك ژ وه‌زاره‌تا داراى و ئابوورى ل حوكمه‌تا هه‌رێما كوردستانێ:

وه‌زاره‌تا داريى و ئابوورى ل حوكمه‌تا هه‌رێما كوردستانێ دێ يا پابه‌ند بيت ب مه‌زاختنا مووچێ هه‌يڤا ئيلۆنێ يێ سالا 2015ێ يێ داموده‌زگه‌هێن حوكمه‌تا هه‌رێما كوردستانێ. ژ به‌ر قه‌يرانا داراى، د ڤێ حه‌فتيێ دا دێ نيڤا مووچێ هه‌يڤا ئيلۆنێ يێ سالا 2015ێ يێ وه‌زاره‌تا په‌روه‌ردێ هێته‌ به‌لاڤكرن و وه‌زاره‌ت دێ بزاڤێ كه‌ت د ماوه‌كێ نێزيك دا نيڤا دى دێ هێته‌ به‌لاڤكرن.

وه‌زاره‌تا داراى و ئابوورى

2016-1-17

ئه‌ڤرۆ نيوز:

وه‌زاره‌تا دارايى و ئابوورى يا حوكمه‌تا هه‌رێما كوردستانێ ئه‌و ده‌نگو ره‌تكرن يێن به‌حس ل وێ چه‌ندێ دكه‌ن كو ب تنێ دێ مووچێ بنه‌ره‌ت يێ فه‌رمانبه‌ران هێته‌ دان.

ئه‌ڤرۆ رۆژا ئێكشه‌مبى 17ى كانوونا دويێ 2016ێ راگه‌هاندنا وه‌زاره‌تا داراى و ئابوورى يا حوكمه‌تا هه‌رێما كوردستانێ بۆ NRT راگه‌هاند: “وان ده‌نگويان ره‌تدكه‌ين يێن به‌حس ل وێ چه‌ندێ دكه‌ن كو ب تنێ دێ مووچێ بنه‌ره‌ت يێ فه‌رمانبه‌ران هێته‌ به‌لاڤكرن”.

ئه‌ڤرۆ نيوز:

وەزارەتا چاندنێ یا حوکمەتا ھەرێما کوردستانێ داخوازا دەستپێکرنا قەڕێن چاندنێ بۆ جۆتیاران دکەت و راگەھاند کو ل چەند رۆژێن داھاتی دێ پڕۆژەیێ خودانکرنا چێلێن شیری ھێتە دەستپێکرن، کو ھەر جۆتیارەک دێ 10 چێلان وەرگریت و بشێوەیێ قەڕ دێ حوکمەت ئەڤان چێلا بۆ جۆتیاران کڕیت.
دکتۆر ئەنوەرعومەر، رێڤەبەرێ گشتیێ پلاندانانێ ل وەزارەتا چاندنێ بۆ رۆژناما ئەڤرۆ گۆت “ژبەر قەیرانا دارایی وەزارەتا چاندنێ وەکو پێدڤی نەشیایە ھاریکاریا جۆتیاران بکەت، بەلێ مە ھژمارەکا پڕۆژێن ستراتیژی ھەنە، ھەروەسا ھژمارەکا پڕۆژێن نوو ھەنە پەیوەندی ب قەڕێن حوکمەتێڤە ھەیە، ئێک ژ وان پڕۆژان دانا چێلێن شیریە بۆ جۆتیاران و ھەر جۆتیارەک دێ 10 چێلێن شیری وەرگریت و مفای ژ بەرھەمێ ئەڤان چێلا بینیت”.
دکتۆر ئەنوەری خویا ژی کر کو ھەموو جۆتیارێن مفادار ژ پڕۆژێ چێلان دێ بەرھەمێ شیرێ خوە دەنە حوکمەتێ یان جھێن دیارکری ھەتا پتر مفادار ببن و گۆت “مە چ پڕۆژێن ستراتیژی ل پارێزگەھا دھۆکێ نینن، بەلێ ئەڤ پڕۆژێ خودانکرنا چێلێن شیری دێ جۆتیارێن دھۆکێ ژی ڤەگریت و دشێن ناڤێن خوە تۆمار بکەن”.