ئه‌ڤرۆ نيوز:

 وه‌لاتێ هۆله‌ندا بۆ به‌رسينگگرتنا رێكخراوا داعش چه‌ك و ته‌قه‌مه‌نيا بۆ هێزا پێشمه‌رگه‌ى هنێريت و بۆ ڤێ چه‌ندێ ژى دێ راوێژێ ب ئه‌لمانيا كه‌ت.

ب گۆره‌يى راپۆرته‌كا رادپۆ و تله‌ڤزيۆنا فه‌رمى يا هۆله‌ند “NOS” بڕيت كوندێرز وه‌زيرێ ده‌رڤه‌ يێ ئه‌وى وه‌لاتى ئاشكه‌را كريه‌ كو ده‌رباره‌ى هنارتنا چه‌ك و ته‌قه‌مه‌نيان بۆ پێشمه‌رگه‌ى ل گه‌ل ئه‌لمانيا دێ راوێژێ كه‌ن، “ئه‌ڤه‌ بڕياره‌ك نينه‌ كو ئه‌م ب تنێ بده‌ين”.

وه‌لاتێ ئه‌لمانيا ماوه‌كه‌ چه‌ك و ته‌قه‌مه‌نيان بۆ هه‌رێما كوردستانێ ره‌وانه‌ دكه‌ت و هه‌ڤده‌م مه‌شقێ ژى ب هێزێن پێشمه‌رگه‌ى دكه‌ت، نوكه‌ له‌شكرێ هۆله‌ندا ژى ل هه‌ولێر مژوولى مه‌شقكرنا هێزێن پێشمه‌رگه‌ى نه‌، به‌لێ وه‌زيرێ ده‌رڤه‌ يێ هۆله‌ندا دبێژيت: “مه‌شقكرن ب تنێ بۆ به‌رسينگگرتنا داعش به‌س نينه‌”.

برێت كۆندێرز د ڤێ ده‌ربارێ دا گۆت: “شه‌ر ل گه‌ل داعش دڤێت د رێيا هێزا هشكاتى دا بۆ وێ ده‌ڤه‌رێ درێژى هه‌بيت نه‌ك يێن ئورۆپى”.

پشتى سه‌ركه‌فتنێن هێزێن پێشمه‌رگه‌يێ كوردستانێ ب سه‌ر چه‌كدارێن داعش و ب تايبه‌ت پاش رزگاركرنا شنگال، وه‌لاتێن ئورۆپى پشته‌ڤانێن خوه‌ بۆ حوكمه‌تا هه‌رێما كوردستانێ و ب تايبه‌ت پێشمه‌رگه‌ى زێده‌ كريه‌.

ئەڤرۆ نیوز، ئەیاد بەرواری:
جڤاتا ئاسایشا نێڤدەولەتی ئەڤرۆ شەمبیێ د بریارەکێ دا ڕێ دا وەلاتێن ئەندام د نەتەوێن ئێکگرتی دا ھەموو پێرابوونێن پێدڤی دژی رێکخستیا دەولەتا ئیسلامی (داعش) یا تیرۆرستی وەرگرن.
جڤاتا ئاسایشا نێڤدەولەتی د بریارا خوەدا ئەوا ژلایێ فرەنسا ڤە ھاتیە بەرھەڤکرن، داخوازێ ژ ھەموو وان وەلاتێن شیان ھەین کو ھەموو پێرابوونێن پێدڤی کو ل گەل قانوونێن نێڤدەولەتی بگونجن، ل دەڤەرێن ل بن کونترۆلا داعشێ ل سووریێ و عیراقێ ب کاربینن.
بریارا ناڤبری دیاردکەت کو وەلاتێن ئەندام د نەتەوێن ئێکگرتی دا د داخوازکرینە کو بزاڤێن خوە رژدتر لێبکەن و د ھەڤکاربن ب ئارمانجا نەێھلان و راوەستاندنا کریارێن تیرۆرستی ئەوێن داعش و گرۆپێن گرێدای ریچکخستیا قاعیدە دکەن.
جڤاتا ئاسایشا نێڤدەولەتی د ڤێ بریارا خوەدا دبێژیت، داعش گەفەکا جیھانی یە ل سەر ئاشتی و ئێمناھیا نێڤدەولەتی و رژدیا خوە دوپاتکر ژی ل سەر نەھێلانا ڤێ گەفێ ب ھەر شێوەکێ ھەی.

ئه‌ڤرۆ نيوز:

چه‌ند پلاندانه‌ره‌كێن هێرشێن پاريس كو ژ لايێ هێزێن ئه‌منى يێن فره‌نسا و ئێكه‌تيا ئورۆپا د داخوازكرينه‌ و دووڤچوون بۆ دهێته‌ كرن، ژ لايێ ده‌زگه‌هێن “ميت” هه‌والگه‌ريا توركيا ڤه‌ هاتنه‌ ده‌سته‌سه‌ركرن.

شه‌ڤا ئه‌ينى 20ى چريا دويێ يا 2015ێ هه‌ر ئێك ژ ئه‌حمه‌د ده‌نحامى يێ 26 سالى و نه‌ژاد مه‌غربى و خوجهێ به‌لچيكا و ئه‌حمه‌د تاهر يێ 29 سالى و محه‌مه‌د وه‌رده‌ يێن 23 سالى كو وه‌لاتيێن سوريێ نه‌ و تۆمه‌تبارن د دانانا پلانا هێرشێن پاريس دا، ل ده‌مێ ڤه‌گه‌ريانێ بۆ سوريا ژ لايێ هه‌والگه‌ريا نشتيمانى يا توركيا “ميت” و هێزێن دژى تيرۆرى ل ئه‌نتاليا هاتنه‌ ده‌سته‌سه‌ركرن.