فراكسیۆنا پارتی دیموكراتی كوردستان ل جڤاتا پارێزگەها كەركووكێ راگەهاند، ب هیچ شێوەیەكی ئاگەهداری كۆمبوونا جڤاتا پارێزگەها كەركووكێ ب لەغدا نەبوون و بەرۆڤاژی قانوونێ د هەژمێرن.
د بەیاننامەیەكێدا، فراكسیۆنا پارتی دیموكراتی كوردستان ل جڤاتا پارێزگەها كەركووكێ دبێژیت» رۆژا 10 ئاب ل هۆتێلا رەشید ل باژێرێ بەغدا كۆمبوونەك هاتە ئەنجامد ب ناڤێ جڤاتا پارێزگەها كەكووكێ، ل ڤێرێ ب هەموو ئالییەكی رادگەهینین، ئەم ئەندامێن جڤاتا پارێزگەها كەركووكێ ب هیچ شێوەیەكی ئاگەهداری ئەوێ كۆمبوونێ نەبووین و نەهاتینە ئاگەهداركرن ژی ل دۆر ئەنجامدانا كۆمبوونا جڤاتێ».
گۆت ژی» ئەڤە ژی بەرۆڤاژی مادەیا حەفتە ژ قانوونا هەژمار 21 یا سالا 2008 یا راستڤەكری، لەوما پێرابوونێن گرێدانا ئەوێ روونشتنێ ب نەقانوونی د هەژمێرن و داخواز دكەین پڕۆسەیا هەلبژارتنا پارێزگەری و سەرۆكێ جڤاتا پارێزگەهێ و حوكمەتا خوەجهی ب شێوەیەكێ قانوونی بڕێڤەدچیت».
ئەو بەیاننامەیە ژ ئالیێ هەر ئێك ژ حەسەن مەجید رەشید و شۆخان حەسیب حەسەن، ئەندامێ جاا پارێزگەها كەركووكێ ژ فراكسیۆنا پارتی هاتە بەلاڤكرن.
ل شەڤا 9 ئاب ل هۆتێلا رەشید ل بەغدا، بێی پشكدارییا پارتی دیموكراتی كوردستان، بەرەیێ توركمانی و پشكەك ژ ئەرەبێن جڤاتا پارێزگەها كەركووكێ، كۆمبوونەك هاتە كرن و تێدا رێبوار تەها وەكو پارێزگەر و محەمەد حافز وەكو سەرۆكێ جڤاتا پارێزگەها كەركووكێ هاتنە هەلبژارتن









