ئەڤرۆ نیۆز، قائید میرۆ:
ئەندامەکێ جڤاتا پارێزگەھا نەینەوا تەکەزکر، ھێرشێن ئەسمانی بۆ رزگارکرنا مووسل دەستپێکریە و دێ ھێرشێن ھشکانیژی ھێنە دەسپێکرن.
غەزوان حامد، ئەندامێ جڤاتا پارێزگەھا نەینەوا ب ئەڤرۆ نیۆز راگەھاند” پڕۆسا ئازادکرنا مووسل دەستپێکریە، بەلێ تنێ ژلایێ ھێرشێن ئەسمانی بۆسەر بنکە و بارەگایێن تیرۆرستێن داعش، گورەی زانیاریێن مە ھێرشێن ئەسمانی دەستپێکەکە بۆ رزگارکرنا مووسل و نێزیکبوونا ھێرشێن ھشکانی.
حامد دیارکر، نوکە سەرکردایەتیا پۆپەڕاسیۆنا ئازادکرنا مووسل ل دەڤەرا مەخموور دەست بکاربوویە و پشتی دەڤەرێن رومادی و بێجی بھێنە رزگارن ئیدی دێ رزگارکرنا مووسل بکەڤیتە بجە ئینانێ دا.
نووترين نووچه
- نێچیرڤان بارزانی ئامادەییا هەرێمێ بۆ پێشڤەبرنا هاریكارییێن هەڤپشك ل گەل ئیستۆنیا نیشادا
- جڤاتا وەزیران رازیبوونا خوە ل سەر تێكگەهشتنا تایبەت ب مووچەی و شایستەیێن دارایی دیاركر
- مەسرور بارزانی و وەزیرێ بەرگریێ یێ ئەستۆنیا پێشڤەبرنا هەڤبەندییان گەنگەشە دكەن
- كورد ب ئێكگرتی دشێن بگەهنە هەموو مافێن خوە
- ب چار درۆنان هێرش ل سەر زەڤیێن پەترۆلێ یێن شێخان و زاخۆ هاتە كرن
- شەرمزاركرنا هێرشێن درۆنی ل سەر هەرێما كوردستانێ یا بەردەوامە
- سەرۆك بارزانی پشكداری د رێوڕەسمێ رۆژا نیشتمانییا فرەنسا دا كر
- پێدڤییە بەغدا پێرابوونێن ب لەز بۆ رێگرتنێ ل وان هێرشان وەربگریت
- گەل و سیاسەتمدارێن كوردستانێ نابنە بەندە و فەرمانبەرێن دەستێن شۆڤینییان
- پێدڤییە حوكمەتا ئیراقێ رێگریێ ل میلیشیا و گرۆپێن چەكدار بكەت
سهرهكى نوچێن گرنگ
ب وێنه: به‌ره‌ڤانيا باژێرى پێنج خێزان ژ مرنێ قورتال كرن
ئه‌ڤرۆ نيوز:
ئه‌ڤرۆ سپێدێ ل دۆميز ئاگر به‌ربوو دو ماركێتان و ژيانا چه‌ند مالان د سه‌ر شوقێن ڤان ماركێتان دا كه‌فتبوو د مه‌ترسيێ دا، تيمێن به‌ره‌ڤانيا باژێرى پشكا فه‌يديێ شيان ڤێ روودانێ كونترۆل بكه‌ن بێ ى كو چو زيانێن گيانێ هه‌بن.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “ده‌مژمێر 6:00ى سپێده‌هيا ئەڤرۆ رۆژا شه‌مبى رێكه‌فتى 24ى چريا ئێكێ، بنگه‌هێ به‌ره‌ڤانيا باژێرى ل فه‌يديێ سه‌ر ب پارێزگه‌ها دهۆكێ ڤه هاته ئاگه‌هداركرن كو ئاگر به‌ربوويه ئاڤاهيه‌كى و دو ماركێتان ب ناڤێ “به‌هدينان 2 و چرا 2″ل ده‌ميز”.
زێده‌تر گۆت: “جهێ مه‌ترسيێ ئه‌و بوو كو د سه‌ر ڤان ماركێتان دا، شوقه هه‌بوون و وه‌لاتى تێدا د ئاكنجى بوون، به‌لێ هه‌ر زوو تيمێن ڤێراگه‌هشتنا ده‌سپێكى گه‌هشتنه جهێ روودانێ و شيان گيانان قورتال بكه‌ن و ب تنێ هنده‌ك زيانێن مادى ب هه‌ردو ماركێتان كه‌فتن”.
ل دۆر ئه‌گه‌رێ روودانێ ژى گۆت: “خودانێ ئێك ژ ڤان ماركێتان سپێلێتا خو هێلابوو هه‌ل و ببوو ئه‌گه‌ر كو شورته‌كێ كاره‌بێ دروست ببيت ئه‌ڤ روودانه نه‌خواستى په‌يدا بوويه”.
هيڤى ژى خواست كو وه‌لاتى هشيارى ئاميرێن كاره‌بێ بن ده‌مێ ماركێت و دكانێن خوه دگرن و بزاڤێ بكه‌ن ئاميرێن كۆنترۆلا ئاگرى ل ناڤ ئاڤاهيێن خوه بدانن دا دوور بن ژ ڤان ره‌نگه روودانان.
ل دووماهيێ ژى گۆت: “هيڤى ژ وه‌لاتيان دكه‌ين كو ئێدى گازندا نه‌بوونا ئاڤێ د ناڤ ترۆمبێلا ئاگرڤه‌مراندنێ دا نه‌كه‌ن، چونكو چو ترۆمبێل ژ ئاڤاهيێ رێڤه‌به‌ريێ ده‌رناكه‌ڤن بێ ئاڤ و شێفت بۆ شێفتى ئاڤا خر ترۆمبێلا دهێته پشكنينكرن”، خواست ژى ل شوونا ڤان كاران په‌سنا كارمه‌ندێن به‌ره‌ڤانيا باژێرى بكه‌ن يێن به‌رده‌وام ژيانا خوه د ئێخنه د مه‌ترسيێ دا.
توركمان داخواز پۆستێ جێگرێ سه‌رۆكێ حوكمه‌تێ دكه‌ن
ئەڤرۆ نیوز، قائید میرۆ:
تورکومانێن ھەرێما کوردستانێ داخوازێ پۆستێ جێگرێ سەرۆک وەزیرێن ھەرێما کوردستانێ دکەن و بەرپرسەکێ تورکومانژی دبێژیت، ھێشتا مە بڕیار نەدایە دێ پشکداری حوکمەتێ ببین یانژی نە.
ئایدن مەعرۆف، سەرۆکێ بەرەیا تورکومانی لھەرێما کوردستانێ ب ئەڤرۆ نیۆز راگەھاند”دانوستان دناڤبەرا لایەنێن سیاسی دبەردەوامن بۆ چارەسەرکرنا ئاریشەیان و ئەگەر کابینا حوکمەتێ بھێتە راستڤەکرن یانژی کابینەکا نوو بھێتە پێک ئینان ئەم وەکی تورکومان پۆستێ جێگرێ حوکمەتێ ب مافێ خوە دزانین و داخوازا پۆستێ جێگرێ سەرۆکێ حوکمەتێ دکەین.
ئایدنی گۆتژی” بەری نوکەژی مە داخوازا ئەڤی پۆستی کربوون و نوکەژی ئەم رژدین لسەر داخوازا خوە، بەلێ ئەگەر کابینەکا نوو ھاتە پێک ئینان ھێشتا مە بڕیار نینە دێ پشکداربین یانژی نە.
بۆچوونا ئه‌مريكا و هه‌ڤپه‌يمانان ل دۆر مانا سه‌رۆك بارزانى
ئەڤرۆ نیۆز، قائید میرۆ:
کادرەکێ پێشکەفتیێ پارتی دیموکراتی کوردستان ئیماژە بڤێ چەندێ دکەت ھەڤپەمان و خەلکێ بیانیژی دگەل مانا سەرۆک بارزانینە بۆڤێ قۆناغێ.
فەرھاد ئاکرەیی، کادرێ پێشکەفتیێ پارتی ب ئەڤرۆ نیۆز راگەھاند” بۆڤێ قۆناغێ پێدڤیە سەرۆک بارزانی د پۆستێ خوەدا بمینە و نەک تنێ پارتی بەلکۆ ئەمریکا و ھەڤپەیمانژی پێداگیرن کۆ سەرۆک د پۆستێ خوەدا بمینە.
ئاکرەیی گۆتژی” نوکە پارتی مژولی راستڤەکرنا کابینا حوکمەتێ یە و ڤێ جارێ پارتی دێ حوکمەتێ دگەل ئێکەتیێ و ئێکگرتوو پێک ئینیت، بەلێ مە چو ھێلێن سوور لسەر کۆمەلا ئیسلامی نینە و دێ دانوستانان دگەل کەین.
جێگرێ سه‌رۆكێ په‌رله‌مانى و سه‌رۆكێن لژنان دێ كۆم بن
ئه‌ڤرۆ نيوز:
بڕيار بوو سوبه‌هى 25ى چريا ئێكێ كۆمبوونا جێگرێ سه‌رۆكێ په‌رله‌مانێ كوردستانێ و سه‌رۆكاتيا لژنان ب رێڤه بچيت، به‌لێ ژ به‌ر كو بهێنڤه‌دانا فه‌رمى يه، كۆمبوون هاته پاشخستن.
ڤه‌مان فه‌يسه‌ل، سه‌رۆكێ لژنا وه‌رزش و لاوان ل په‌رله‌مانێ كوردستانێ بۆ مالپه‌رێ فه‌رميێ پارتى ديموكراتى كوردستان راگه‌هاند: “ب گۆره‌يى په‌يره‌وێ ناڤخۆ يێ په‌رله‌مانێ كوردستانێ ئێك ژ جه‌ركێن جه‌عفه‌ر ئێمينكى جێگرێ سه‌رۆكێ په‌رله‌مانێ كوردستانێ ئه‌وه كو سه‌رپه‌رشتيا كۆمبوونێن لژنێن په‌رله‌مانێ كوردستانێ بكه‌ت و ب وێ مه‌ره‌مێ دا لژنه ده‌ست ب كارێن خوه بكه‌ن، ژ به‌ر ڤێ مه‌ره‌مێ ژى بڕيار بوو سوبه‌هى رۆژا ئێكشه‌مبى رێكه‌فتى 25ى چريا ئێكێ كۆمبوونا جێگرێ سه‌رۆكێ په‌رله‌مانێ كوردستانێ و سه‌رۆكاتيا لژنان برێڤه بچيت، به‌لێ ژ به‌ر كو سوبه‌هى بهێنڤه‌دانه ل سه‌رانسه‌رى هه‌رێمێ، كۆمبوون هاته پاشخستن، بڕياره ژى ب زووترين ده‌م ئه‌ڤ كۆمبوونه بهێته ئه‌نجام دان”.
په‌روه‌ردا دهۆكێ ڤێ هوشداريێ دده‌ته قوتابى و مامۆستايان
ئه‌ڤرۆ نيوز:
رێڤه‌به‌ريا په‌روه‌ردا پارێزگه‌ها دهۆكێ هوشداريێ دده‌ته قوتابى و مامۆستايان كو ب گۆره‌يى نڤيساره‌كێ وه‌زاره‌تا په‌روه‌ردێ ل حوكمه‌تا هه‌رێما كورستانێ نابيت ب چو ره‌نگه‌كى و بۆ چ هه‌لكه‌فته‌كێ قوتابى و مامۆستا خوارن و ڤه‌خوارنێ ببه‌نه قوتابخانێ.
ده‌قێ بڕيارێ:
ل دویف نڤیسارا وه‌زاره‌تا په‌روه‌ردێ یا هژماره (16847) یارێكه‌فتى 5/10/2015 و نڤیسارا رێڤه‌به‌ریا گشتیى یا په‌روه‌ردا پارێزگه‌ها دهوكێ/رێڤه‌به‌ریا چالاكیێن قوتابخانا یا هژماره (13941) یا رێكه‌فتى 13/10/2015 ب هیچ شێوه‌یه‌كى نابیت مامۆستا و قوتابى خوارن و ڤه‌خوارنان بهیچ هه‌لكه‌فت و ئاهه‌نگه‌كێ بینه دناف ناڤه‌ندێن خواندنێ دا, هه‌ر ژباخچێن ساڤا و هه‌تا قوتابخانێن بنه‌ره‌تى و ئاماده‌یى , بو زانین و پێگیریكرنێ , دگه‌ل رێزگرتنێ.
داعش پارزينگه‌ها بێجى تالان كر
ئه‌ڤرۆ نيوز:
داعش پتريا كه‌ره‌ستێن پارزينگه‌ها بێجى بۆ سوريا ڤه‌گوهاستن و ژێده‌ره‌كى ژ وازاره‌تا په‌ترۆلا عيراقێ راگه‌هاند: 50% ژ پارزينگه‌ها بێجى ژ كار كه‌فتيه.
ژێده‌ره‌كى ژ وه‌زاره‌تا په‌ترۆلا عيراقێ بۆ رۆژناما “حه‌يات” چاپا له‌نده‌ن راگه‌هاند: داعش پتريا كه‌ره‌ستێن پارزينگه‌ها بێجى و پشكه‌ك ژ وێ پارزينگه‌هێ بۆ سوريا ڤه‌گوهاستينه.
ئه‌ڤه د ده‌مه‌كى دايه كو شه‌ر و پێكدادان بۆ ئازادكرنا وێ ده‌ڤه‌رێ د به‌رده‌وامن، ژ ده‌مێ ڤێ رێكخراوێ ده‌ست ب سه‌ر وان ده‌ڤه‌ران دا گرتى چه‌كدارێن وان گه‌له‌ك جاران كه‌ره‌ستێن كارگه‌هـ و دامه‌زراوێن ده‌ست ب سه‌ر دا گرتى بۆ ده‌ڤه‌رێن دى ڤه‌گوهاستينه يێن كو زێده‌تر ل بن كۆنترۆلا وان، ئه‌ڤه ژى ژ ترسا ژ ده‌ستدانا وێ ده‌ڤه‌رێ دا كو پاشتر ژى بازرگانيێ پێ بكه‌ن.
چاڤدێر ئاماژێ ب وێ چه‌ندێ دكه‌ن كو بازرگانى ب وان كه‌ره‌ستێن گرنگێن شوونوارى و مرۆڤى وه‌كو پشكه‌كا گرنگ ژ ژێده‌رێ داهاتێ وێ رێكخراوێ دهێته هژمارتن، هه‌ر چه‌نده ب به‌رچاڤ وه‌سان نيشان دده‌ن كو ئه‌و شوونوار يێن ژ ناڤ برين.
ئه‌لمانيا ده‌ست ب ڤه‌گه‌راندنا كۆچبه‌ران كر
ئه‌ڤرۆ نيوز:
قانوونه‌كا نوو يا ئه‌لمانيا چو وارێ ب جهئينانێ كو رێ ب حوكمه‌تا وه‌لاتێ وان دده‌ت ئه‌و كۆچبه‌رێن مافێ كۆچبه‌راتيێ پێ نه‌هاتيه دان ڤه‌گه‌رينيت.
ئه‌ڤ قانوونا نوو يا بۆ په‌نابه‌ران هاتيه ده‌ركرن، بڕيار بوو ل 1ى چريا دويێ ب كه‌ڤيته وارێ بجهئينانێ، به‌لێ ئه‌ڤرۆ رۆژا شه‌مبى رێكه‌فتى 24ى چريا ئێكێ ده‌ست ب كار بوو و ب گۆره‌يى به‌ندێن ڤێ قانوونێ، ژ ئه‌ڤرۆ ب ره‌نگه‌كێ به‌رفره‌هـ ئه‌و كۆچبه‌رێن به‌رسڤا نه‌رێنى ل ئه‌لمانيا وه‌رگرتين دێ ڤه‌گه‌رينيته ئه‌وى وه‌لاتێ ژێ هاتين.
سكرتێرێ په‌رله‌مانی ژ كۆمه‌لا ئیسلامی ناهێته وه‌رگرتن
ئه‌ڤرۆ نیۆز، قائید میرۆ
په‌رله‌مانتاره‌كێ پارتی دیموكراتی كوردستان ته‌كه‌زكر، چو تشتێن فه‌رمی نینه بۆ وه‌رگرتنا پۆستێ سكرتێرێ په‌رله‌مانی ژ كۆمه‌لا ئیسلامی.
مه‌ردان خدر، په‌رله‌مانتارێ فڕاكسیۆنا پارتی ب ئه‌ڤرۆ نیۆز راگه‌هاند” سكرتێرێ په‌رله‌مانی بشێوه‌یه‌كێ ده‌مكی ب كۆمه‌لا ئیسلامی هاتبوودان و به‌هرا ئێكه‌تیێ یه، به‌لێ چو تشته‌كێ فه‌رمی نینه ئێكه‌تی ئه‌ڤی پۆستی ل كۆمه‌لێ وه‌ربگریت، تنێ نوكه به‌حسێ پێداچوونێ د پۆستێ سه‌رۆكایه‌تیا په‌رله‌مانی دا دهێته كرن، له‌وڕا خه‌لكه‌ك داخویانیا دده‌ن و به‌حسێ پۆستێ سكرتێرێ په‌رله‌مانی دكه‌ن.
مه‌ردانی دیاركر، پۆستێ سكرتێرێ په‌رله‌مانی ئه‌ڤه دوساله دایه كۆمه‌لا ئیسلامی و ئێكه‌تیێ به‌حسێ وه‌رگرتنه‌ڤا ئه‌ڤی پۆستی نه‌كریه، ئه‌گه‌ر بخوازن ژی هه‌ر پۆستێ وانایه، به‌لێ جارێ ئێكه‌تیێ لبه‌ر نینه وه‌ربگریت.
شڤێدى داعش شكه‌ستنه‌كا مه‌زن خار
ئه‌ڤرو نیوز،بارزان مزوورى
ئه‌فسه‌ره‌ك ژ هه‌والگیریا هێزێن پێشمه‌رگه‌ى ل میحوه‌رێ گوێر بو مالپه‌رێ ئه‌ڤرو نیوز ئاشكرا كر كو ل شه‌ڤا بورى ده‌مژمێر 2 شه‌ڤ 23/10/2015 چه‌كدارێن تیرورستێن داعش هێرش كره سه‌ر ئێك ژ ره‌بیعه‌یێن پێشمه‌رگه‌ى ل باكورێ گوێر هه‌ر ژ ده‌ست پێكا هێرشێ خوكوژه‌ك هاته دناڤ ره‌بیعێ دا و خو په‌قاند و لدوڤ دا هێرشه‌كا دژوار ب سه‌ر پێشمه‌رگه‌ى دا هاته خار و پێشمه‌رگه ب قه‌هره‌مانیا خو هێرشا وان تێك شكاند و نه‌گه‌هشتن ته‌رمێن خو قورتال كه‌ن و جهـ دا مان.
ژێده‌رى دیاركر كو پێشمه‌رگه‌ى شه‌ره‌كێ مه‌زن دگه‌ل داعش كر دوێ هێرشێ دا و وان پلانه‌ك مه‌زن دارشتبوو ژبه‌ر كو هێزه‌كا مه‌زن ئینابو بس خو ل به‌ر قاره‌مانیا پێشمه‌رگه‌ى پیلانا وان سه‌رنه‌گرت.
نيشاندان
WP Facebook Auto Publish Powered By : XYZScripts.com