ئهڤرۆ نیوز:
سالار مەحمود، ئهندامێ پهرلهمانێ كوردستانێ د نڤیسارهكێ دا، كو ئاراستهى ئهندامێن پهرلهمانێ كوردستانێ كرى، داخاز ژێ كرینه كو سوبه ب ههلكهفتا رۆژا ئالایێ كوردستانێ، ل دهمژمیێر 11 سپێدێ ب مهرهما لێكگوهۆرینا هزرو بیران و ئاسایى كرنا رهوشا ئالوزا ههرێمێ كومبوونهكا پهرلهمانى بهێته سازكرن.
ئامێدیێ؛ مەحمود نهێلی
ژ ئەنجامێ بۆردومانکرنا دەڤەرێ ژلایێن بالەفرێن لەشکەرێ تورکیا یا بەری دوو شەڤان پتر ژپێنجی مێشێن هنگڤینی ل گوندێ ردێنیا یا سەر ب ناحیا دێرەلوک هاتنه ژ ناڤبرن.
هالاتی لەزگین ردێنی خودانێ وان مێشان بۆ ئەڤرۆ دیار کر کو بەری دوو شەڤان گوندێ وانا ب بههانا ههبوونا بارەگەهێن پەکەکێ ب دژواری ژلایێ بالەفرێن لەشکەرێ تورکیاڤە هاتنە توپ بارانکرن و گۆت ؛ سوپاس بۆ خودێ ل دەمێ بوردومانکرنێ ئەم ل گوندی نەبووین و چ زیانێن جانی چێنەبوونە )
ناڤبری ئاشکرا کر کو ژبلی گۆندێ وانا چەندین گوندێن دیتر یێن دەڤەرا بەرێ گارێ ژلایێ ڤان بالەفران ڤە هاتنە بوردوماکرن و د ئەجامێ دا زیانین مالی یێن زور گەهاندینە خەلکێ گوندی و هەژمارەکا زورا مێشین وان ژ ناڤبرینە .
خویاکر بەری نها ژی هەر ژ ئەنجامێ توپ بارانا لەشکەرێ تورکیا بو سەر گوندێن وان چەندین مێشێن هنگڤینی یێن گوندیان هاتنە ژناڤبرن .
![12366529_10208255245724251_250894445_n [Desktop Resolution]](http://evronews.net/ku/wp-content/uploads/2015/12/12366529_10208255245724251_250894445_n-Desktop-Resolution.jpg)
![12399223_10208255245684250_1348102099_n [Desktop Resolution]](http://evronews.net/ku/wp-content/uploads/2015/12/12399223_10208255245684250_1348102099_n-Desktop-Resolution.jpg)
![12387986_10208255245804253_1179457702_n [Desktop Resolution]](http://evronews.net/ku/wp-content/uploads/2015/12/12387986_10208255245804253_1179457702_n-Desktop-Resolution.jpg)
ئهڤرۆ نیوز:
ئاڤاهیێ نوو یێ رێڤهبهریا گشتى یا روشنبیرى و هونهرى ل دهۆكێ كو دكهڤیته سهر گرهكێ بلند ل ئێتووتێ، ئاڤاهیهك بالكێشه ژبهر كو وهك تهپێ هاتیه دروستكرن و بالا مروڤى رادكێشیت، دو ماموستاییێن پهیمانگهها هونهرێن جوان ب ناڤێ رهجهب ئهحمهد و شڤان نیمهتولا ب ههلكهفتا رۆژا ئالا ، هزر د وێ چهندێ دا كریه كو وێنێ ئالایێ كوردستانێ ب رێیا داتاشوى، ل سهر ئاڤاهى بهێته نمايشكرن.
ئهڤرۆ نیوز:
پشتى كو پشكا ههرێما كوردستانێ 17% د پرۆژه قانوونا بودجێ 2016 یێ عیراقێ دا پهسهند بووى و هاتیه جێگیركرن، حهنان فهتلاوى سهرۆكا بزاڤا ئیراده ل پهرلهمانێ عیراقێ دلتهنگیا خوه دیاركر و راگههاند” د بزاڤا كێمكرنا بودجێ ههرێما كوردستانێ دا، پهرلهمانتارێن ههڤپهیمانیا نیشتمانى پشتا خوه دامه و نههاتنه ل گهل رهئیا مه”.
ئهڤرۆ ب تنێ 18 پهرلهمانتاران دهنگ بۆ كێمكرنا پشكا ههرێمێ د بودجا عیراقێ یا 2016 دا كو ببیته 13%، لهوما بزاڤا وان سهرنهگرت، پشتى كو پهرلهمانتارێن ههڤپهیمانیا نیشتمانى دهنگ ب وێ چهندێ داى كو بههرا ههرێمێ ههر 17% بمینیت.
ئهڤرۆ نيوز:
بهرى چهندهكێ، پهرلهمانێ عیراقێ بودجێ 2016 پهسهندكر و پشكا ههرێمێ وهك خوه كو 17% یه، هاته پهسهندكرن
ئارام مەحمود سكرتێرێ رۆژنامهڤانى یێ جێگرێ سهرۆكێ پهرلهمانێ عیراقێ راگههاند كو ژمارهكا پهرلهمانتارێن دهولهتا قانوونێ د ناڤ هولا پهرلهمانى دا دهنگێ خوه بلند كرن و دیاركرن كو دڤێت پشكا ههرێمێ بهێته كێمكرن، لهوما ئالوزى كهته ناڤ هولا پهرلهمانى و بۆ ماوێ چهندهكێ پهرلهمانتارێن دهولهتا قانوونێ هولا پهرلهمانى بجهـ هێلا،بهلێ پاشان هاتنهڤه ناڤ هولا پهرلهمانى و دهنگ ل سهر بودجێ دان و پشكا ههرێمێ وهك خوه كو 17% هاته پهسهندكرن.
ئهڤرۆ نيوز: بارزان مزوورى
لوقمان عهبدولا ژ هیێزا ئاگرى سهر ب یهكا 80 یا فهلهك بۆ ئهڤرۆ نیوز دیاركر كو ل دهمژمێر 3 و 45 دهقیقه داعش هێرش كریه سهر چهپهرێن هێزێن پێشمهرگهى ل میحوهرێ ناوهران و گۆت: داعش ب چهند ههمهر و خوهكوژا هێرش كره سهر پێشمهرگهى و شكهستنهكا مهزن خواریه، گهلهخێن وان گهلهك د جهدا ماینه و سوپاس بۆ خودێ چ پێشمهرگهیهك ژى بریندار نهبوویه.
ئهڤرۆ نيوز:
ھەر سال ل دووماھیا وەرزێ پاییزێ و ل دەستپێکا وەرزێ زڤستانێ و ب تایبەتی ل دەمێ باران و بەفربارینێ و شەڤێن تاری، نێچیرڤانێن کەوان و گیانەوەرێن کویڤی ڤێ چەندێ بۆ خوە بدەلیڤە دبینن و ب جارەکێ قەستا چیا و کێریان دکەن ل دەڤەرێن سنۆری بۆ گرتن و کوشتنا کەو و گیانەوەرێن دی یێن کویڤی، شەڤانە خەلک رێژەیەکا مەزن یا کەو و گیانەوەرێن دی یێن کویڤی دکوژن، ھەکە ب ڤی رەنگی نێچیر یا بەردەوام بیت، دێ گیانەوەرێن کویڤی گەلەک کێم بن. بەرواری بالا، زنار تۆڤی:
نێچیرڤانەکێ نەڤیا ناڤێ خوە بۆ رۆژناما ئەڤرۆ ئاشکرا بکەت دبێژیت: ئەڤە ماوەیەکێ درێژە ئەو و چەند ھەڤالەک شەڤانە دچنە شەڤیاران و ھەر شەڤ ئەو چەندین کەو و گیانەوەرێن دی یێن کویڤی دکوژن، ھەتا نوکە وان ب تنێ پتری 90 کەوان کوشتینە، جار ب جفتان و جاران ژی ئەو تۆران چێدکەن و ب سەر کەوان دا دگرن و کۆمێن کەوان پێکڤە د میننە دبن تۆران دا و ھەر جار ژمارەکا مەزن یا کەوان ئەو ب ساخی دگرن.
گۆت ژی: گرتن و کوشتنا کەوان بۆ وان گەلەکا ب ساناھیە ب شەڤێ، چونکی ئەو ب رۆژێ جھێن کەوان دەست نیشان دکەن و ب شەڤێ کارێ وان ب ساناھی دکەڤیت و ب لاوێتان دچنە کەوان و ھندەکان ب تۆران دگرن و جاران ب جفتان دکوژن. وی نێچیرڤانی زێدەتر گۆت: ل ڤی دەمی سالێ خەلک ب شەڤان دمیننە ل چیای بۆ کوشتنا پەزێن کویڤی و ل ڤان ھەر دو ھەیڤێن بۆری ل دۆرێن پتری 45 پەزێن کویڤی و ب سەدان کەو ژ لایێ نێچیرڤانان ڤە ھاتینە کوشتن، لەورا مە کارێ خوە کریە نێچیر و ئەم بۆ خوە زەوقێ ژ ڤی کاری دبینین و ئەم نەشێن چ جاران بھێلین. سەعەد سەلیم وەلاتیەکێ دی یە دبێژیت:ل دەڤەرێن چیایی و گوندێن بەردایی یێن ل سەر سنۆری گیانەوەرێن کویڤی گەلەک قەست دکەنێ و ڤێ چەندێ وەکریە کو خەلک قەستا چیا و وان گوندێن بەردایی بکەن بۆ مەرەما نێچیرێ، لەورا پێدڤیە جھێن شۆلەژێ رێ ل بەر دیاردا کوشتنا کەو و گیانەوەرێن کویڤی بگرن و ھەر کەسێ ڤی کاری دکەت بھێتە سزادان و زیندانکرن،چونکو نوکە گەلەک ژ خەلکێ کارێ خوە کریە نێچیر و ب شەڤێ دچنە شەڤیاران و ھەر گیانەوەرێ بکەڤیتە بەر سنگێ وان ئەو نێچیر دکەن، لەورا گەلەک جاران ب شەڤێ مرۆڤ دبینیت کو چیا و دول و نھال پری لاوێتن و ئەو کەس ھەمی نێچیرڤانن. گۆت ژی: دڤێت رادەیەک بھێتە دانان و ئێدی خەم ژڤی بابەت بھێتە خوارن و نەھێلن گیانەوەرێن کویڤی ب تایبەتی کەو بھێنە کوشتن، ژ بەر کو سرۆشتێ وەلاتێ مە ب گیانەرەرێن کویڤی یێ جوانە و ھەکە ئەو ژی نەمان و ھاتنە قرکرن، مرۆڤی گوە ل دەنگێ کەوان نابیت و خەلک دێ بێ بار بن ژ دیتنا وان گیانەوەران،دێ زیانەکا مەزن گەھیتە ڤی سامانێ نەتەوەیی، چونکی گیانەوەرێن کویڤی پشکەکا گرنگن ژ پێکھاتەیا وەلاتێ مە.
ئهڤرۆ نيوز:
سەرۆکێ لقی دھۆک یێ ئیکەتیا ھاوەردا وھناردکرنێ ل پارێزگەھا دھۆکێ بۆ ئەڤرۆ دیارکر ھندەک بازرگان یێن ژ بەر قەران چووینە ژ دەرڤەی وەلاتی لێ نە بازرگانێن مەزنن، بەلکو ھندەک بازرگان یێن سەرمایێ وان دەست نێشانکری وکاری فروتنا تشتان ب کۆم دکەن یێن چووینە ژ دەرڤەی وەلاتی ژ بەر قەران، ئەو بازرگانێن سەرمایێ وان دگەھشتە 100 ملیۆن وھەتا 150 ملیۆن دیناران بەھرا پتریا ئەو بازرگان یێن چووینە ژ دەرڤەی وەلاتی.
رێبەر ئیبراھیم سەرۆکێ لقی دھۆک ئیکەتیا ھاوەردا وھناردکرنێ ل پارێزگەھا دھۆکێ دیارکر ئەڤ سالە گەلەک سکالا ژێ یێن ھاتیە تۆمارکرن وتایبەتی ژی ل سەر کومپانێن کەل وپەلان بەلاڤ دکەن ئەو بریکارێن گەل وپەلان ب کۆم دفروشن وژبەر دانا پارەی گەلەک بازرگان سکالا ل سەر بریکارێن خوە تۆمارکرینە چونکی بریکار پارێ بازرگانان نادەن ئەوژی ھەموو ژبەر نەبوونا کاری ھەکەر کار ھەبیت چوو ئاریشە دروست نابن ئەڤە ژێ گرێدایی قەیرانا دارایی یە.
سەرۆکێ لقێ دھۆک ئیکەتیا ھاوەردا و ھناردکرنێ ل پارێزگەھا دھۆکێ گۆتژی ئەڤ سالە وگەلەک نەیا باش بوی و بازرگان زەرمەند بوینە ورێژا وان بازرگانێن کاردکرن ناگەھتە 20% ورێژا 80% بازرگانان نەشیا کاری خوە بازرگانیی ئەنجام بدەن وئەگەرێ سەرەکی ژی کەڤتنا پاریزگەھا نەینەوا وھاتنا تیرورستان بۆ ناڤ پارێزگەھێن عیراقی وسوریا راستی ژی رێک ھاتن گرتن و بازرگانان نەشیا شوول بکەن وقەیرانا دارایی ژی زۆر کارتێکرن ل بازرگان کر .
ناڤبری ئەوژی خۆیا کر گەلەک بازرگان بریکارێن وان ژێ ھاتنە وەرگرتن وئاریشە دروست بووین ژبەر نەبوونا پارەی وھندەک بازرگان ژێ کارناکەن چونکو نەشێن مەزاختیێن خوە ھەیڤانە بدەن وپیشبینی دھێتە کرن سالا بھێت 2016 ھەکەر رەوشا دارایی بڤی رەنگی بیت یا زەحمەتە ئەو رێژا 20% یا بازرگانێن کار ژی دکرن بشێن بەردەوامی ب کارێ خوە بدەن وزێدەکرنا باجێ زۆر کارتێکرنا ڤێ بارودوخی ل بازرگانیی کر چونکو پارە بازاری دا یێ کێمە و شوول نێنە پێدڤیە حوکمەت ژی باجێ زیدَە نەکەت ھەتا رەوش ئاسایی دبیت وپارە دھێتە ناڤ بازاری دا.
ئهڤرۆ نيوز:
حوکمەتا ھەرێما کوردستانێ ل بەرە کامیرەیێن ھاتن وچوونێ بدەتە کەرتێ تایبەت و پەرلەمانتارەک ژی دبێژیت، دانا کامیرەیێن ھاتن وچوونێ ب کەرتێ تایبەت دێ زیانێن مەزن بەر وەلاتی و شوفێران کەڤن، ژبەرکو دێ کۆمپانیا بزاڤان کەت زۆرترین پارە بۆ خوە کۆم بکەت و نابیتە ئەگەرێ کێمکرنا روویدانێن ھاتن و چوونێ.
بەھزار زێباری ئەندامێ پەرلەمانێ کوردستانێ بۆ رۆژناما ئەڤرۆ گۆت” حوکمەتا ھەرێما کوردستانێ لبەرە کامیرەیێن ھاتن وچوونێ بدەتە کەرتێ تایبەت و بۆڤێ مەرەمێ ل سنورێ پارێزگەھا سلێمانیێ دەست بڤی َ پلانێ ھاتیەکرن، ئەڤەژی دێ زیانێ ب وەلاتیێن ھەرێما کوردستانێ گەھینیت، ب تایبەتی نوکە ھەرێما کوردستانێ یا د قەیرانا ئابوریدا، چونکو کامیرەیێن ھاتن وچوونێ بابەتەکێ خزمەتگوزاری نینە، ھەتا حوکمەت ب شێوەیەکێ باش مفای لێ وەربگریت و باشتر کارێ خوە بکەن، ئەگەر ھات و حوکمەتێ ئەڤ پێنگاڤە جێ بەجێ کر، ئەڤە دێ کۆمپانیا کەرتێ تایبەت پتر بزاڤان بکەت بۆ کۆمکرنا داھاتێ خوە نەک بۆ کێمکرنا روویدانێن ھاتن وچوونێ.
زێباری گۆتژی” ئەم وەکی پەرلەمان دێ دوڤچوونێ بۆ ب کرێدانا کامیرەیێن ھاتن وچوونێ بکەین، ژبەرکو سیستەمێن پێشکەفتی بۆ کۆنتڕۆلکرنا لەزاتیا ترۆمبێلا ھەیە، بۆ نموونە ل ھندەک وەلاتان سیدی بۆ ترۆمبێلێن دەرڤەی باژێڕی کار دکەن ھاتینە دانان و لەزاتیا تڕۆمبێلێ ھاتیە دیاریکرن و ھەردەمێ سەرپێچی بھێتەکرن، ئەڤە دێ پێڕابوونێن قانوونی ھەمبەر ھێنە وەرگرتن، بەلێ یا ھەرێمێ ئەف سیستەم نینە و تنی دێ پارە بۆ حوکمەتێ و کەرتێ تایبەت ھێنە کۆمکرن.
نيشاندان