ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ د به‌ياننامه‌كێ دا ب هه‌لكه‌فتا سه‌ركه‌فتنێن هێزێن پێشمه‌رگه‌يى ل باشوورێ كه‌ركووك و داقوق ب ده‌ست ڤه هاتى به‌لاڤكر و ده‌ستخۆشى ل هێزێن پێشمه‌رگێ كوردستانێ كرن و سه‌ره‌خۆشى ل كه‌سوكارێن شه‌هيدان كر و هيڤيا زوو ساخبوونا برينداران ژى خواست.
ده‌مژمێر 5ى سپێده‌هيا ئه‌ڤرۆ رۆژا چارشه‌مبى رێكه‌فتى 26ى ته‌باخا 2015ێ ل باشوورێ كه‌ركووك نێزيكى داقوق شه‌ر د ناڤبه‌را هێزێن پێشمه‌رگه‌يى و چه‌كدارێن داعش دا ده‌ستپێكر و هێزێن پێشمه‌رگه‌يى 10 گۆندێن وى سنورى كۆنترۆلكرن.
ده‌قێ په‌ياما سه‌رۆكێ هه‌رێما كوردستانێ
پشتی وێ یەکێ کو بەری سبەھیا رۆژا چارشەما 2015.8.26 ھێزێن پێشمەرگەیێن کوردستانێ ل ئۆپەراسیۆنەکی بەرفرەھ دا ل میحوەرا باشوورێ کەرکووکێ ئێریش کرن سەر بارەگەھێن تەرۆریستێن داعیش رێزدار کۆسرەت رەسوول ئەلی جیگرێ سەرۆکێ ھەرێما کوردستانێ و مھەمەدێ ھاجی مەھموود سەرپەرەشتیارێ میحوەرێن کەرکووک و مستەفا سەیید قادر وەزیرێ پێشمەرگە و جەعفەر شێخ مستەفا فەرماندەیێ یەکێ ھەفتھ ب جوودا و ل رێیا تەلەفۆنێ برێز سەرۆکێ ھەرێما کوردستانێ ژ سەرکەفتنێن پێشمەرگە و تێکشکاندنا تەرۆریستان و ئازادکرنا وان ھەموو جھێن کو ل پلانا ھەلمەتا ھێزێن پێشمەرگە دا ھەبوو ئاگاھدار کرن.
ھەر ل ڤێ پەیوەندیا تەلەفۆنیێ دا رێزدار جیگرێ سەرۆکێ ھەرێما کوردستانێ و سەرپەرەشتیارێ میھوەرێن کەرکووک و وەزیرێ پێشمەرگە و فەرماندەیێ یەکێ ھەفتھ ب ھەلکەفتا ڤێ سەرکەفتنا ھێزێن پێشمەرگەیێن کوردستانێ پیرۆزباھیێ ل سەرۆک بارزانی و گەلێ کوردستانێ کر.
ل بەرانبەر دا سەرۆک بارزانی دەستخوەشیێ ل جیگرێ سەرۆکێ ھەرێما کوردستانێ و سەرپەرەشتیارێ میھوەرێن کەرکووک و وەزیرێ پێشمەرگە و فەرماندەیێ یەکێ ھەفتن و وان ھەموو پێشمەرگە و فەرماندە و ھێزێن ئاساییشێ کر کو بەشداری وێ ئۆپەراسیۆنە بوونە و سپاسیا قەھرەمانیا وان کر و ھێڤیا سەرکەفتنێ ژ بۆ وان خوەست. ھەر وھا سەرخوەشیێ ژی ل کەسوکارێ شەھیدان کر و ھێڤیا باشبوونێ ژی ژ بۆ برینداران خوەست.
نيشاندان