ئەڤرۆ نیوز:
ل ٦-١١- ٢٠١٥ ێ ، دو سال دەبازبوون ل سەر خۆلا چارێ یا پەرلەمانی کو ھەموو فراکسیۆن پشکدارببون د کابینا ھەشتێ یا پەرلەمانی دا، ب دیتنا چاڤدێرێن سیاسی لیستێن ئۆپۆزسیۆنێ ھەمان رۆلێ خۆلا سیێ ھەبوو و خوە ژبیرکربوو کو پشکدارن د حوکمەتێ دا.
دیندار نەجمان چاڤدێرێ سیاسی بۆ رۆژناما ئەڤرۆ گوت” نابینم دو سالێن خولا چارێ چو جوداھیەکا مەزن ھەبیت ل گەل خولێن دی، چونکی لیستێن ھەر سێ فراکسیۆنێن ئۆپۆزسیۆنێ ھەمان رۆلێ خۆلا بەرێ ھەبوویە و ھەر بکارێ بەرھنگاریبوونا حوکمەتێ رادبوون وەکو پشکداری دکابینا حوکمەتێ دا و لەوما بوو ئەگەرێ قەیرانا نوکە یا ھەرێم تێدا دبوریت”.
دیندار نەجمان ھێشتا ژی گۆت” سەرۆکاتیا پەرلەمانی بەرپرسە ژ وێ قەیرانا سیاسی یا مەزن ل ھەرێما کوردستانێ ھەی، رۆژا ێ٢٣ خزیرانێ ل سەر پرسا سەرۆکاتیا ھەرێما کوردستانێ کو گومان تێدا نەبوو ئەڤ پرسە ل پەرلەمانی دا ناھێتە چارەسەرکرن و تایبەتی ب پەراوێزخستنا ھێزەکا مەزن وەک پارتی دیموکراتی کوردستان”.
ل دۆر نە پەیدابوونا چار سالێن ئارامیێ دبن سیبەرا حوکمەتا بنکە فراوان دا، دیندار نەجمان دۆسکی گۆت”دروستبوونا بزاڤا گۆڕان ل سەر دژایەتیکرنا ھەر دو حزبێن دەستھەلاتدار بوو و خەلکەک ل دۆر کومبوو چونکی نەیێ رازیبوو ژ وان ھەردو حزبان، دەمێ گۆڕان ھاتیە دحوکمەتا بنکە فراوان دا، ژ قۆناغا دژایەتیێ ھاتە د قۆناغا (تەوافق) دا، وێ سیاسەتێ کارتێکرنەکا نەرێنی ل سەر جەماوەرێ گۆڕان کر، ب دیتنا وان گۆڕان پێ گوھۆرا پارتی و ئێکەتی یە و ڤێ چەندێ وەکر کو سیاسەتا گۆڕان خوەیا نەبیت دناڤبەرا حوکمەت و ئۆپۆزسیۆنێ دا.
ب دیتنا نەجمانی حوکمەتێن بنکەفراوان د سەرکەفتی نابن و دبێژیت” حوکمەتێن بنکەفراوان دلاوازن و گەلەک جاران درێژخایەن نابن و دھێنە ھەلوەشاندن و ئەڤ نموونێن حوکمەتان ل وەلاتێن فرە حزبی پەیدا دبن، چونکی چو حزبەک نەشێت پتریا دەنگان ب دەست خوەڤە بینیت”.
سەبارەت ئەگەرێ پێکئینانا حوکمەتێ د ناڤبەرا پارتی و ئێکەتی و ئێکگرتوو دا، حکمەت نەجمانی گوت” درەوشەکا وەک نوکە دا کو ھەرێم تێدا دبوریت، ئێکرێزیا پارتێن سیاسی یا گرنگە و گوھۆرینا حوکمەتێ ب رێیێن قانوونی تشتەکێ نورمالە، لێ دڤێت بەری ڤێ پێنگاڤێ ئاسایکرنا رەوشێ ل ھەرێما کوردستانێ بھێتەکرن و ب دیتنا من گوھۆرینا حوکمەتێ دڤان کاودانان دا د بەرژەوەندا مللەتی دا نینە” لێ گوت ژی” ل دووڤ پێزانینێن من، چو سیناریۆ بۆ ھەلوەشاندنا حوکمەتێ و ئاڤاکرنا حوکمەتەکا نوو نینن و ھەکە ئەڤ نیازە ھەبن، گەلەک سیناریۆ یێن ھەین بۆ حوکمەتەکا نوو، ئەوژی پێکئینانا حوکمەتێ د ناڤبەرا پارتی و ئێکەتیێ دا، یان پارتی و ئێکەتی ل گەل ئێکگرتوو”.
نووترين نووچه
- سەرۆك بارزانی و پارێزگارێ سەلاحەدین ڕەوشا سیاسی یا ئیراقێ گەنگەشە كر
- مەسرور بارزانی و بالیۆزێ ئەلمانیایێ دوپاتیێ ل سەر پێشڤەبرنا پەیوەندییان دكەن
- مەسرور بارزانی: دەستێ دۆستینیێ بۆ پێكهینانا حوكمەتێ مە بۆ هەموو ئالییان درێژ كریە
- سەرۆك بارزانی: هەكە ئەم ب خوە نەبین كەس مە ناپارێزیت
- د دژوارترین قووناغان دا مام جەلال دەنگێ تێكگەهشتن و پێكڤەكاركرنێ بوو
- سەرۆكێ حوكمەتا هەرێمێ و بالیۆزێ كرواتیایێ ب هێزكرنا پەیوەندییان گەنگەشەكر
- سیروان بارزانی: مووچەیێ پێشمەرگەی ناگەهیتە نیڤا مووچەیێ لەشكەرێ ئیراقێ
- ئیراق ئەگەرێ بجهنەئینانا سیستەمێ ئاسیكۆدایە
- سەرۆك بارزانی: هێزا پێشمەرگەیێ كوردستانێ هەر دێ مینیت و هەرێمێ پارێزت
- سەرۆك بارزانی و خەمیس خەنجەر دوپاتیێ ل هەماهەنگییا د ناڤبەرا هێز و ئالییێن سیاسی دا دكەن
سهرهكى نوچێن گرنگ
چه‌كدارێن سووری ئه‌ڤ جورێ مۆشه‌كان ب ده‌ست كه‌فتيه
ئه‌ڤرۆنیۆز، ئه‌یاد به‌رواری
به‌رپرسه‌كێ له‌شكری ل بنگه‌هێ (حه‌ما) یێ ئه‌سمانیێ سووری راگه‌هاند، چه‌كدارێن سووری مۆشه‌كێن ( ئه‌رد ئه‌سمان) یێن هه‌ین كو دشێن ئارمانجێن خوه ل بلنداهیا چار هزار و 500 متران لێده‌ن.
وی ئه‌فسه‌ری روسی، ل دووڤ ئاژانسا نوڤوستی یا رووسی، دیاركر كو چه‌كداران مۆشه‌كێن (ستینگه‌ر) و چه‌ندین جۆرێن دی یێن مۆشه‌كان یێن هه‌ین، كو هنده‌ك ژوان چینی نه و ژ له‌شكرێ سووری یێن بده‌ستڤه‌ئیناین و ب كارئینانا وان مۆشه‌كان چه‌ندین فرۆكێن له‌شكرێ سووری یێن ئێخستین.
ل سووریێ 15 فرۆكخانێن له‌شكری و بنگه‌هێن ئه‌سمانی یێن هه‌ین، پێنج ژ وان یێن دده‌ستێ چه‌كداران دا و ئێك ژی سێ ساله یا دۆرپێچكریه ژلایێ چه‌كداران ڤه.
جوانترین نه‌خشێ ئاڤاكرنێ ل سالا 2015
رۆژنامه‌كا بریتانی ئه‌و كه‌سێ فرۆكا روسی په‌قاندی ئاشكرا دكه‌ت
ئه‌ڤرۆنیۆز، ئه‌یاد به‌رواری
رۆژنامه‌كا بریتانی ناڤێ وی كه‌سێ پلانا په‌قاندنا فرۆكا روسی دانای ئه‌وا ل رۆژا ئێكێ ڤێ مه‌هێ ل هنداڤی ده‌ڤه‌را سینا یا مسری كه‌فتی و 227 كه‌سان گیانێ خوه ژ ده‌ستدای كو پتریا وان روسی بوون، ئاشكرا دكه‌ت.
رۆژناما (سه‌نده‌ی تایمز) یا بریتانی به‌لاڤكر كو ( ئه‌بو ئوسامه ئه‌لمسری) پلانا په‌قاندنا وێ فرۆكێ دانابوو و شیا ب ڕێیا په‌یوه‌ندیێن خوه، یان ژی ب گه‌فان، ماده‌كا ته‌قینه‌ر یان ژی بۆمبه‌كا ژلایێ هنده‌ك كه‌سێن ب سه‌ر ویڤه هاتیه چێگرن، بكه‌ته دناڤ وێ فرۆكێ دا.
رۆژناما ناڤبری دیاركر ژی” هه‌والگیریا بریتانی گرته‌یه‌كا ده‌نگی یا ده‌گمه‌ن یا (ئه‌بو ئوسامه ئه‌لمسری) یا هه‌ی و ب ڕێیا وێ گرته‌یێ شیاینه وی ده‌نگێ هه‌ڤبه‌ر بكه‌ن ل گه‌ل وی ده‌نگێ هاتی پشتی به‌یانناما ده‌نگی ئه‌وا به‌رپرسیاره‌تیا داعشێ ژ كه‌فتنا وێ فرۆكێ راگه‌هاندی “.
سه‌ره‌رای وێ چه‌ندێ كو (ئه‌بو ئوسامه ئه‌لمسری) كه‌سایه‌تیه‌كێ مژه‌وی یه، هه‌تاكو بۆ مسریان ب خوه ژی، به‌لێ ل دووڤ رۆژناما بریتانی، هه‌والگیریا بریتانی پێزانینێن رۆهن ل سه‌ر وی كه‌سی یێن هه‌ین كو ئه‌و چه‌نده ژی ڕێ دده‌تێ ب ڕێیا تیمه‌كا هێزێن ئه‌سمانی یێ ن بریتانی ژناڤببه‌ت كو ل به‌ره ل ده‌مه‌كێ نێزیك بگه‌هیته سینایێ، پشتی رێككه‌فتنه‌كا سێ لایه‌نی ( بریتانی، مسری و روسی).
ئه‌بو ئوسامه ئه‌لمسری ژ كه‌سایه‌تیێن مژه‌وی یه دناڤ رێكخستیا داعش یا تیرۆرستی دا، لێ ل دووڤ وێ رۆژنامێ، ئه‌و سه‌ركردێ راسته‌قینه‌یێ داعشێ یه، هنده‌ك راپۆرتێن مسری ژی ئاماژێ دده‌نه وێ چه‌ندێ كو (ئه‌لمسری) ناڤێ وی (یوسری عه‌بدولمنعم) كو پشتى شوره‌شا گه‌لێ مسری دژی حوسنی موباره‌كی، شیای ژ زیندانێن مسرێ ب ڕه‌ڤیت ل گه‌ل چه‌ندین تیرۆرستێن دی، لێ هنده‌ك راپۆرتێن دی دیاردكه‌ن (ئه‌لمسری) ژ ده‌ڤه‌را (عه‌ریشه) و ناڤێ وی یێ دروست (محه‌مه‌د ئه‌حمه‌د عه‌لی ئه‌بو ئوسامه ئه‌لمسری) یه و به‌رنیاسترین كه‌سێ مسری یه كو ژلایێ بزاڤا حه‌ماس یا فلستینی ڤه هاتیه مه‌شقدان به‌ری به‌ر ب سووریێ بچیت و پشكداریێ د شه‌ڕی دا بكه‌ت ل وی وه‌لاتی بۆ ده‌مێ چار سالان.
کۆنگرێس هنارتنا هێزا حشکانی بۆ عێراق و سووریا دێ شروڤه كه‌ت
ئه‌ڤرۆ نیوز:
ژماره‌ك ژ كۆنگریسمانێن ئه‌مریكا ل جڤاتا نوونه‌رێن ئه‌مریكا داخواز ژ پاول ریان سه‌رۆكێ ئه‌نجوومه‌نێ نوێنه‌رێن ئه‌مریكا كریه كو قانوونا تایبه‌ت ب شه‌رێ داعش بئێخیته كارناما ئه‌نجوومه‌نى هه‌تاوه‌كو ده‌نگ ل سه‌ر بهێته دان و ده‌ستهه‌لات ب ئوباما سه‌رۆكێ ئه‌مریكا بهێته دان هێزا سه‌ربازى دژى داعش بكار بینیت.
ل دووڤ قانوونێ، ده‌ستهه‌لات ب سه‌رۆكێ ئه‌مریكا دهێته دان، هێزا سه‌ربازى ل شه‌رى دژى داعش بهێته بكارئینان، ئانكو ژبلى پێشكێشكرنا راروێژكارێن سه‌ربازى، سوپایێ ئه‌مریكا دشێت پشكداریێ د شه‌رێ دژى داعش دا بكه‌ت.
ئه‌ڤرۆ نيوز ڤيديۆيه‌كا شنگال به‌لاڤ دكه‌ت
كێشا ده‌رخستنا پاسپورتان ل هه‌رێمێ هاته چاره‌كرن
ئه‌ڤرۆ نیوز:
سالار مه‌حمود رێڤه‌به‌رێ پاسپورێن سلێمانیێ راگه‌هاند كو كو ئه‌ڤرۆ 1 شه‌مبى، كێشا وان وه‌لاتیان هاته چاره‌كرن ئه‌وێن پاسپورتێن وان به‌رزه دبوون و پێدڤیبوو بچنه به‌غدا و گۆت:
به‌رى نوكه چ كه‌سى پاسپورتا خوه به‌رزه‌كربا پێدڤیبوو بچیته به‌غدا و د ده‌ستهه‌لاتا پاسپورتێن هه‌رێمێ دا نه‌بوو، بۆ دووباره پاسپورتێ چێكه‌ن، به‌لێ نوكه ئه‌و كێشه هاته چاره‌كرن و نوكه وه‌لاتیێن پاسپورتێن وان به‌رزه دبن دماوێ 24 سه‌عه‌تاندا دشێن ل رێڤه‌به‌رێن پاسپورتێن هه‌رێمێ جاره‌كادى پاسپورتان بۆ خوه ده‌ربێخن.
خواندنا بلند: نه‌چنه ڤان زانكۆيان
ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ د راگه‌هاندنه‌كێ دا كو دانه‌ك بۆ ئه‌ڤرۆ نيوز ره‌وانه‌كريه، تێدا داخواز ژ قوتابيان دكه‌ن نه‌چنه وان زانكۆيێن ده‌رڤه‌ى ئيدارا هه‌رێما كوردستانێ “حه‌دبا، نۆر، قه‌له‌م كتاب” ب به‌هانه‌يا وێ چه‌ندێ كو شێوازێ ده‌وامێ ل وان كوليژ و په‌يمانگه‌هان ب گۆره‌ى پێدڤياتيا زانستى و كارگێرى نينه.
د به‌هانه‌كا دى يا وه‌زاره‌تا خواندنا بلند و ڤه‌كۆلينێن زانستى دا ئاماژه ب وێ چه‌ندێ كريه كو پێوه‌رێ وه‌رگرتنا نمران ل وان زانكۆيان گه‌له‌ك كێمتره ژ پێوه‌رێ وه‌رگرتنێ ل زانكۆيێن تايبه‌ت يێن هه‌رێما كوردستانێ.
ده‌قێ راگه‌هاندنێ:
دەقی راگەیەندراوەکەی وەزارەتی خوێندنی باڵای هەرێمی کوردستان:
ڕاگه‌یاندراوی وه‌زاره‌تى خوێندنى باڵا له‌باره‌ى زانكۆكانى (حه‌دبا، نور، قه‌ڵه‌م، كتاب) وه‌زاره‌تى خوێندنى باڵا و توێژینه‌وه‌ى زانستى ئاگادارى سەرجەم ئەو خوازیارانە دەکات کە دانیشتوى پارێزگەکانى هەرێمى کوردستان و دەیانەوێ لە زانکۆ تایبەتەکانى ناوچە کوردستانیەکانى دەرەوەى ئیدارەى هەرێمى کوردستان بخوێنن، وەک کولێژە زانکۆییەکانى (حه‌دبا، نور، قه‌ڵه‌م, كتاب و…هتد)، کە ڕوو لەو کۆلێژە زانکۆیانە نەکەن، چونکە شێوازی دەوامكردن لەو کۆلێژە زانكۆیانە بەگوێرەی پێویستى زانستى و کارگێڕى نییە، لەگەڵ ئەوەشدا، پێوەری وەرگرتن زۆر نزمترە بەراورد لەگەڵ پێوەری وەرگرتن لە زانكۆ تایبەتیەكانی هەرێمی کوردستان.
وەک پیشتر ڕامانگەیاندوە وەزارەتى خوێندنى باڵا و توێژینەوەى زانستى بەهیچ شیوەیەک مامەڵە لەگەڵ ئەو کولێژە زانکۆیانە ناکات و، لە نوسراوەکەشماندا بەژمارە (٦٨٣١) كه له ڕێكه‌وتى (6/4/2015) بۆ ئه‌نجومه‌نى وه‌زیران بەرزمان کردوەو و، و ئەنجومەنى وەزیرانیش بەنوسراوى ژمارە (٣١٩٣) لە ڕێکەوتى (٢٢/٤/٢٠١٥) گشاتاندى بۆ سەرجەم وەزارەت و دەزگاو دامەزراوەکانى هەرێمى کوردستان پێکردوە, لە ئیستاو داهاتوشدا ئیمتیاز بەهەڵگرانى بڕوانامەى ئەو کۆلێژە زانکۆیانە نەکرێت.
بۆیە ئەوانەى ئێستا لەو کۆلێژە زانکۆیانە دەخوێنن کاتى خۆیان بەفیڕۆ دەدەن و پارەکەشیان بەهەدەر دەچێت، بۆیە داواش لەو کەسانە دەکەن کە دەیانەوێ لەو کولێژە زانکۆیانە بخوێنن با ئەوانیش پارەو کاتى خۆیان بەفیڕۆ نەدەن و، باوەڕیش بەو ڕێکلامانە نەکەن کە لە شارو شارۆچکەکانى هەرێمى کوردستان بڵاویان دەکەنەوە، بەڵکو لە بڕى ئەوە باشترە ڕوو لە زانکۆ تایبەتەکانى هەرێمى کوردستان بکەن، کە مۆڵەتى خوێندن و کارکردنیان لە وەزارەتى خوێندنى باڵا و توێژینەوەى زانستى هەرێمى کوردستان وەرگرتوە و، لە چوارچێوەى سیاسەت و بریار و ڕێنماییەکانى وەزارەتەکەمان کار دەکەن.
ڕاگەیاندنى
وەزارەتى خوێندنى باڵا و توێژینەوەى زانىستى
٨/١١/٢٠١٥
راسته دێ 15 رۆژان بيته تارى و رۆژ ده‌رناكه‌ڤيت؟
ئه‌ڤرۆ نيوز، نيوار محه‌مه‌د سه‌ليم:
پشتى به‌لاڤبوونا نووچێ وێ چه‌ندێ كو ئه‌رد دێ بۆ ماوێ 15 رۆژان د تاريێ دابيت هه‌ر ژ رۆژا 15\11\2015 و ھەتا 29\11\2015ێ ئه‌ڤرۆ نيوز شيا نووترين پێزانينان ل سه‌ر ڤێ بوويه‌رێ ب ده‌ست خوه بێخيت.
د. ره‌مه‌زان حه‌مزه، مامۆستايێ زانكۆيا دهۆك د داخويانيه‌كا تايبه‌ت دا، بۆ ئه‌ڤرۆ نيوز گۆت: “پشتى زێده‌بوونا ده‌زگه‌هێن ميديايى و هه‌بوونا ژێده‌رێن زێده يێن به‌لاڤكرنا نووچان، گه‌له‌ك بابه‌تێن بێ بنه‌ما دهێنه به‌لاڤكرن”.
زێده‌تر گۆت: “به‌لاڤبوونا نوچێ تاريبوونا ئه‌ردى بۆ ماوێ 15 رۆژان كو ژێده‌رێ وێ ژى كربوو ئاژانسا ناسا، چو راستى بۆ نينه و هه‌كه ته‌ماشه‌ى مالپه‌رێ فه‌رمى يێ ئاژانسا ناڤبرى ژى بكه‌ن چو تشتێ ژ وى ره‌نگى تێدا نينه”.
ئاخفتنێن نه‌وشيروان مسته‌فا دچنه دخانا تيرۆرێ دا
ئه‌ڤرۆ نيوز:
ب گۆره‌يى پارچه‌كا ڤيديۆيێ كو به‌لاڤ بوويه، نه‌وشيروان مسته‌فا، به‌حس ل چاوانيا تێكدانا ره‌وشا هه‌رێما كوردستانێ دكه‌ت و داخواز دكه‌ت ته‌قێ ل كونسلخانه‌يان بكه‌ن و ئه‌نده‌زيارێن كۆمپانيێن په‌ترۆلێ بره‌ڤينن، جێگرێ سه‌رۆكێ لژنا ناڤخۆ و ئاسايشێ ل په‌رله‌مانێ كوردستانێ ژى دبێژيت: “ئه‌و گۆتن دچنه خانه‌يا تيرۆرێ، ژ به‌ر هندێ پێدڤيه ل دووڤ قانوونا دژى تيرۆرێ مامه‌لێ ل گه‌ل بكه‌ن”.
نازم كه‌بير هه‌ركى، جێگرێ سه‌رۆكێ لژنا ناڤخۆ و ئاسايشێ ل په‌رله‌مانێ كوردستانێ بۆ مالپه‌رێ فه‌رميێ پارتى ديموكراتى كوردستان راگه‌هاند: گۆتنێن نه‌وشيروان مسته‌فا ده‌رابه‌رى تێكدانا ره‌وشا هه‌رێما كوردستانێ و ته‌قه‌كرن ل فونسلخانان، ره‌ڤاندنا ئه‌نده‌زيارێن كۆمپانيێن په‌ترۆلێ و چه‌ند كارێن دى يێن تێكده‌رانه، زۆر د مه‌ترسيدارن و پێدڤيه داواكاريا گشتى بێده‌نگ نه‌بيت و كه‌يسى بلڤينيت، چونكو ئه‌ڤه دچيته د خانا تيرۆرێ دا، ژ به‌ر هندێ پێدڤيه ب گۆره‌ى قانوونا دژى تيرۆرێ سه‌ره‌ده‌ريێ ل گه‌ل بكه‌ن.
هه‌ركى گۆتژى: “ئه‌ڤ ئاخفتنێن كرين، ترس يا د ناڤ خه‌لكێ هه‌رێما كوردستانێ و بيانيان دا دروست كرى، چونكو به‌حس ل گه‌ل تشتێن مه‌ترسيدار دكه‌ت، ژ به‌ر هندێ پێدڤيه ژبلى داواكاريا گشتى، كونسلخانه و كۆمپانيێن په‌ترۆلێ ژى خوه بێده‌نگ نه‌كه‌ن، چونكو گه‌ف يێن ل وان ژى كرين”.
جێگرێ سه‌رۆكێ لژنا ناڤخۆ و ئاسايشێ ته‌كست ل سه‌ر وێ چه‌ندێ ژى كر كو پێدڤيه هه‌موو لا د ده‌بارێ وان گۆتنان دا بهێنه ده‌نگ و نابيت ب ئاسايى ببورن، چونكو ئه‌ڤه گه‌فه‌كا مه‌زنه بۆ سه‌ر ئاسايشا هه‌رێما كوردستانێ و زيانه‌كا زۆر ب هه‌رێما كوردستانێ د گه‌هينيت.
د گرته‌يه‌كا ڤيديۆى دا، كو تله‌ڤزيۆنا زاگرۆس به‌لاڤكريه، رێكخه‌رێ بزاڤا گۆڕان، ب گڤاشتن ل سه‌ر هه‌رێما كوردستانێ گه‌فان ل سه‌قامگێريا هه‌رێما كوردستانێ دكه‌ت و دبێژيت: “ته‌قێ ل دو كۆنسلخانان بكه‌ن و دو ئه‌نده‌زياريێن كۆمپانيێن په‌ترۆلێ ب ره‌ڤينن”.
نيشاندان
WP Facebook Auto Publish Powered By : XYZScripts.com