ئه‌ڤرۆ نیۆز، قائید میرۆ
شه‌ڤا بۆری هێزێن پێشمه‌رگه‌ی ل میحوه‌رێ گوێڕ هێرشه‌كا تیرۆرستێن داعش شكاند و گورزه‌كا كوژه‌ك ل چه‌كدارێن داعش كه‌فتیه‌.
ژێده‌ره‌كێ هێزێن پێشمه‌رگه‌ی ب ئه‌ڤرۆ نیۆز راگه‌هاند” ده‌مژمێر 12ی شه‌ڤا چه‌كدارێن داعش هێرش كریه‌ سه‌ر هێزێن پێشمه‌رگه‌ی ل گوندێ تلڕیم یێ سه‌ر ب ناحیا گوێڕ و بۆده‌مێ ده‌مژمێره‌كا شه‌ڕه‌كێ گران بڕێڤه‌چوویه‌.
ژێده‌ری گۆتژی” پێشمه‌رگه‌ی ب چه‌كێن گران و سڤك به‌رسڤا هێرشا داعش دایه‌ و د ئه‌نجامدا هێرش هاتیه‌ شكاندن و زیانێن مه‌زن گه‌هشتینه‌ تیرۆرستێن داعش، به‌لێ قه‌باره‌یێ ئه‌ڤان زیانا ناهێته‌ زانین.

ئه‌ڤرۆ نیۆز، قائید میرۆ
كادره‌كێ پێشكه‌فتیێ پارتی دیموكراتی كوردستان ئاشكراكر، پارتی یا به‌رهه‌ڤه‌ بۆ هه‌لبژارتنێن به‌روه‌خت و پێشبینی ژی كر، پارتی پتری 38 كۆرسیان بده‌ستڤه‌ بینیت.
شه‌فیع زراری، كادرێ پێشكه‌فتیێ پارتی دیموكراتی كوردستان ب ئه‌ڤرۆ نیۆز راگه‌هاند” ئه‌م وه‌كی پارتی د به‌رهه‌ڤین بۆ هه‌لبژارتنێن به‌روه‌خت و پارتی چاوا به‌رێ خوه‌ به‌رهه‌ڤكریه‌ بۆ هه‌لبژارتنان بهه‌مانشێوه‌ ئه‌م دێ به‌رهه‌ڤبین بۆ هه‌ر هه‌لبژارتنه‌كا به‌روه‌خت ئه‌گه‌ر بهێته‌ ئه‌نجامدان.
زراری گۆتژی” پێشبینی دكه‌ین د هه‌لبژارتنان دا پتری 38 كۆرسیێن په‌رله‌مانی بده‌ستڤه‌ بینین، راسته‌ قه‌یرانا دارایی هه‌رێما كوردستانێ ڤه‌گرتیه‌ و كاریگه‌ری لسه‌ر وه‌لاتیان هه‌یه‌، به‌لێ ئه‌گه‌ر كار گه‌هشته‌ هه‌لبژارتنان جه‌ماوه‌رێ پارتی گوهێ خوه‌ ناده‌ت ڤان قه‌یرانان.