ئهڤرۆ نیوز:
ب هەلکەفتا روژا جیهانی یا موزیکێ رێڤەبەریا گشتی یا رەوشەنبیری و هونەری دهوک رێڤەبەریا هونەری موزیکێ، کونسێرتەکا مەزن سازكر كو هونەرمەندان (حسن شریف ،عبدالقهار زاخویی ، گوران سالح ، کیژان ابراهیم ) هەروەسا تیپا روباد یا موزیکێ و کورالا پەیمانگەها هونەرێ جوان دهوك پشكدارببون.
دڤێ کونسێرتێ دا سێ هونەرمەندێن مەزن یێن هەرێما کوردستانێ ژ لایێ رێڤەبەریا گشتی یا رەوشەنبیری و هونەری دهوک هاتنە رێز لێنان ئەو ژی ( ئەنوەر قەرەداغی ژ سلێمانیێ و سید احمد ژ هەولێرێ و وەلید خالد ژ دهوکێ) .
ئهڤرۆ نيوز، بارزان مزوورى:
ئەفسەرەکى ژ ھێزێن پێشمەرگەی ل میحوەرێ ناوەران بو مالپەرێ ئەڤرو نیوز ئاشکرا کر کو ئەڤرو دەمژمێر 4:30ى ئیڤاريا 1ى چريا ئێكێ يا سالا 2015ێ چەکدارێن تیرورستێن داعش مژوولی ڤەگوھاستنا چەکدارێن خوه بوون فروکەیێن ھەڤپەیمانان کاروانەکێ ترومبێلێن ڤەگوھاستنێ بوردومان کرن ژمارەکا مەزن یا چەکدارا دناڤ بو ھەموو ب ترومبێل ڤە ھاتن ناڤبرن.
ناڤبری دیار کر کو چەکدارێن تیروستێن داعش پشتی پێشمەرگەی جەندین گوند ل میحوەرێ کەرکوک ددەستێن وان دا ئیناینە دەر شکەستن کەفتیە ھەمی میحوەرێن وان ھەولێن سستکرنا میحوەرا کریە چەکدارێن خو ژ ترسێن پێشمەرگەی بو ناڤ باژێرێ مووسل ڤەگوھاستینە ،
ناڤبری گوت ژی کو دناڤ باژێرێ مووسل ژی ترس ژ ناڤ وان دروست بویە ھەولێن کوشتنا دەستگیرکرنێن ددەستێن وان دا دکوژن.
ئهڤرۆ نیوز:
حهیدهر عهبادی سهرۆك وهزیرێ ئیراقێ گۆت كو حكومهتا ئیراقێ دێ بخێرهاتنا هێرشێن ئاسمانیێن رووسیا كهن ل دژی داعش ل ئیراقێ.
پشتی پرسیار ژ عهبادی هاتیه كرن كا ئهڤ یهكه ل گهل رووسیا گهنگهشهكریه گۆت : هیشتا نه، لێ ههكهر رووسیا ڤێ یهكێ بخازیت ئهم دێ هزر تیدا كهین و بخێرهاتنێ لێ كهین.
ئهڤ ئاخڤتنا عهبادی د كۆنگرهكێ رۆژنامهڤانی دا ل پشتی گۆتارا وی یا ل نهتهوێن ئێكگرتی هات كو تیدا بهحسێ رۆلی پێشمهرگه ل دژی داعش نهكر.
ئەڤرۆ نیوز، زنار تۆڤی:
پشتی عەبادی ل کومبۆنا نەتەوێن ئێکگرتی بەشداری کری وەک سەڕۆک وەزیرێن عێراقێ و ب نۆنەراتیا وەلاتێ عێراقێ، پشتی پەیڤا خوە د وێ کومبۆنێدا پێشکێشکری ب ئێکجاری بەحسێ رۆلێ پێشمەرگەی نەکر کو قارەمانانە شیاینە بەرسنگێ داعش بگرن و دربێن کۆژەک لێ بدەن.
لەورا ئەڤرۆ کۆتلەیا کوردستانی ل پەرلەمانێ عێڕاقێ بەیاننامەک بەلاڤکر و ئاماژە دا هندێ کو عەبادی د وی کۆنفراسی دا بەحسێ خەباتا پێشمەرگەی و رۆلێ کوردستانێ نەکریە بۆ حەواندنا ئاوارەیان، ڤێ وەکریە کو ئێدی کورد قەبوول ناکەن کو عەبادی ڤان هەلویستێن خەلەت دوبارە بکەت و رێزێ ل گەلێ کورد نهگریت، لەورا دێ ل دژی هەلویستێ وی راوەستین، ئەڤە هندێ دگەهینیت کو عەبادی گرنگیێ ب پێشمەرگەی نادەت ل شەرێ دژی داعش.
ئەڤرۆ نيوز:
د پرۆژێ قانوونا بودجا ٢٠١٦ یا عیراقێ وەک سالێن چویی بەحسێ خویکێ ژ ١٥% خستینە سەر ترۆمبێلان، لێ بریاردەرێ لژنا دارایی ل پەرلەمانێ عیراقێ دیارکر ئیسال ئەو برگا بودجێ ناھێتە بجھکرن ب ھێسانی و نابیت ل ھەرێما کوردستانێ بھێتە بجھکرن.
ئەحمەد حاجی بریاردەرێ لژنا دارایی یا جڤاتا نونەرێن عیراقێ راگەھاند: باج ل سەر ئینانا ترۆمبێلان ئیسال ناچیتە دبیاڤێ بجھکرنێ، هاتنا ترۆمبێلێن ب زوری ل توخیبێن ھەرێما کوردستانێ و پیگیر نابیت ب وێ باجا ب رێژا ١٥% بکەڤیتە سەر ھاتنا ترۆمبێلان، حوکمەتا عیراقێ نەشێت وەک کرینا کارتا موبایلێ سەرکەفتی بیت .
ئەڤرۆ نیوز: کاروان باعەدری:
ئێزدی و مەسیحیان د نڤیسینەکێ دا داخوازی پێشکێشی پەرلەمانێ ئەلمانیا کرن کو تێدا روونشتنەکی دەربارەی رەوشا وان یا کۆچبەریێ کۆمببن
د وان داخۆازیان دا سێ خال پێشکێش کرینە بۆ پەرلەمانێ ئەلمانیا:
١- راکرنا پەنجەمۆرا ئێزدیا و مەسیحیا (رێککەفتنا دبلن یا پەنجەمۆرێ).
٢- د انا مافێ پەنابەرێتیا مرۆڤایەتی بۆ ئیزدی و مەسیحیان.
٣- ھاریکاری کرن بۆ ڤەگرتنا ھەموو خیزانێ دەمێ کێشان بۆ وی وەلاتی.
ئەڤرۆ نيوز:
دارا ناتق ئەندامێ سەرکردایەتیا پارتی دیموکراتی کوردستان- ئیران بۆ رۆژناما ئەڤرۆ دیار کر کو دەمەکە ھەڤدیتن د ناڤبەرا مەکتەبا سیاسی یا پارتیا مە و پارتی دیموکراتی کوردستان کو ئەو ژی ھەڤالێن مە بوون و بەری چەند سالان ژ بەر ھندەک ناکۆکیێن ناڤخوەیی ژ مە جودا ببوون، بەردەوام دکەن و گۆت: (بەری نھا گەلەک ھەڤدیتن ھاتینە کرن، لێ سێ رۆژ بەری نھا ب ئامادەبوونا سکرتێرێ ھەر دو پارتیان ھەڤدیتنەک باش برێڤە چوو و کۆمەکا نێرینان سەبارەت ب ھەڤگرتنا ھەر دو پارتیان ھاتنە پێشکێش کرن و ب کەیفخوشی ڤە دێ بێژم کو ب رەنگەکێ باش ھەر دو ئالیان پێشەوازی ل وان پێشنیازان کرینە و بریارە د چەند رۆژێن دیتر ژی کۆمبوونەکا دی یا بەرفرەە د ناڤبەرا ھەردو جڤاتێن پارتیان دا برێڤە بچیت و ئەز باوەرم ئەو خالێن کو نەھاتینە گەنگەشە کرن ژی دێ ل وێ کۆمبوونێ دا ھێنە چارەکرن).
دارا ناتق د پشکەکا دی یا ئاخڤتنا خوە دا ئەو یەک ژی دیار کر کر ھەر دو ئالی رێککەڤتینە کو ل ژێر ناڤێ پارتی دیموکراتی کوردستان- ئیران پێکڤە کار بکەن، د کۆمبوونا داھاتی دا دێ ل سەر ژڤانێ کۆنگرێ ھەڤگرتنێ ژی بریارا دووماھیێ ھێتە دان، چونکو ھەر دو ئالی ل سەر ئارمانجێن پارتیێ و شێوەیێ خەباتێ ب تەمامی رێککەڤتینە و چو ناکۆکیێن بەرچاڤ نینن و ژ بەر ھندێ ئەز گەشبینم دێ د دەمەکێ گەلەک نێزیک دا ھەر دو ئالی ئێکەتیا خوە راگەھینن و دەست ب قۆناغەکا نوو بۆ خەباتا رۆژھەلاتێ کوردستانێ بکەن و گۆت: (وەک ئەم دزانین کو نھا رەوشەکا نوو ل دەڤەرێ ب گشتی ھاتیە پێش و ھەروەسا دەلیڤەکا زێرین بۆ کوردان ژی ھاتیە پێش و ژ بەر ھندێ ژی د چەندین کۆمبوونێن سەرکردایەتیا پارتیا مە دا مە بەحسێ ڤێ یەکێ کریە کو دڤێت نە تنێ ھەر دو ئالیێن پارتیا مە بەلکو ھەموو پارتیێن رۆژھەلاتێ کوردستانێ بەرەیەکێ نوو بۆ خەباتێ دروست بکەن، چونکو ئەو یەک داخوازیا سەرەکی یا خەلکێ رۆژھەلاتێ کوردستانێ یە و ئەرکێ سەر ملێ مە یە کو ئەم ل گۆر داخوازیێن خەلکێ خوە بزاڤێ بکەین).
سەبارەت ب شێوەیێ خەباتێ و رێڤەبرنا پارتیێ ژی ناڤھاتی راگەھاند کو د کۆمبوونا سێ رۆژ یا بەری نھا سەبارەت ب شێوەیێ برێڤەبرنا کاروبارێن پارتیێ گەلەک دانوستاندن ھاتنە کرن و ھەر دو ئالی ژی گەھشتنە ھندەک خالێن ھەڤپشک و نھا چو ناکۆکی سەبارەت ب رێڤەبرنا کاروبارێ پارتیێ دا نینن و وەکو من گۆتی د کۆمبوونێن داھاتی دا دێ بریار ل سەر گێرانا کۆنگرەکێ بۆ ھەڤگرتنێ ھێتە دان و بێگومان ئەو کۆنگرە دێ ببیتە قۆناغەکا نوو بۆ خەباتا رۆژھەلاتێ کوردستانێ و گۆت: (من دڤێت ڤێ یەکێ ژی دیار بکەم کو ھەر پشتی ئەو ھەڤالێن مە ژ مە جودا بووین ھەتا نھا بەردەوام سەرکردایەتیا پارتیا مە بزاڤ کرینە کو ئەو ھەڤالێن مە جارەکا دی ل گەل مە کار بکەن، چونکو ھێزا مە د ھەڤگرتنێ دایە و قۆناغا نھا ژی ڤێ یەکێ دخوازیت).
ئەڤرۆ نی,ز، ئەیاد بەرواری:
پشتی ھێزێن پێشمەرگەی دوھی چەندین گوند ل دەڤەرا رۆژئاڤایێ کەرکووکێ رزگارکرین، وان سەرکەفتنان دەنگڤەدانەکا بەرچاڤ ل کۆمبوونێن جڤاتا ئاسایشا نێڤدەولەتێ ل نیویورک ھەبوون.
جۆن کیری وەزیرێ دەرڤەیێ ئەمریکا د گۆتارەکێ دا د چارچۆڤێ کۆمبوونێن جڤاتا ئاسایشا نێڤدەولەتی دا دوھی ل نیویورک گوت” ل ٣٠-٩-٢٠١٥ ێ، کورد شیان چەندین گوندێن دەوروبەری باژێرێ حەویجە ل باشوورێ رۆژئاڤایێ کەرکووکێ ب ھاریکاریا ھەڤپەیمانیا نێڤدەولەتی کونترۆل بکەن”. دووپاتی ل وێ چەندێ ژی کر کو پێشمەرگەی پێشڤەچوونێن بەرچاڤ ل جھێ ھێرشێ یێن کرین.
ژلایێ خوەڤە محەمەد حاجی مەحموود ئێک ژ فەرماندێن پێشمەرگەی ل میحوەرێ کەرکووکێ و سکرتێرێ حزبا سوشیالیستا دیموکراتا کوردستانێ بۆ مالپەرێ فەرمیێ پارتی گوت” ئەو پلانا ھاتیە دارێشتن ١٠٠% یا سەرکەفتی بوو و زیانەکا مەزن یا مادی و گیانی یا ب تیرۆرستان کەفتی”.
زێدەتر گوت ژی” پلانا وەزارەتا پێشمەرگەی و ھێزێن ھەڤپەیمانیا نێڤدەولەتی ب باشی ھاتە بجھئینان و زێدەتر ژ ٢٠٠ کیلۆمەترێن دو جارکی ژ تیرۆرستێن داعشێ ھاتنە رزگارکرن و زێدەتر ژ ١٢ گوندان رزگاربوون و شەر ھەر یێ بەردەوامە”.
ل دۆر گرنگیا رزگارکرنا وان ١٢ گوندان، محەمەد حاجی مەحموود گوت” ئەو گوند دکەڤنە سە جادا سەرەکی یا حەویجە و ریاز و تەلوەرد و کەرکووکێ کو ئەو جادەیە کەرکووکێ و مووسلێ پێکڤە گرێددەت و ئێدی کەرکووک ب تمامی ژ مەترسیێ دووربوو”.
ئاماژ دا وێ چەندێ ژی کو نوکە ھێزێن راکرنا مین و تەقەمەنیان یێن ل دەڤەرێ و مژوولی راکرنا مین و تەقەمەنیانە ژ وان گوندێن ھاتینە رزگارکرن”.
ئەڤرۆنیۆز، ئەیاد بەرواری:
ھەردو وەزیرێن دەرڤە یێن ئەمریکا و روسیا راگەھاندن، بریارە ئەڤرۆ پێنج شەمبی دانوستاندنێن لەشکری د ناڤبەرا ئەمریکا و روسیا ژبۆ گرەنتیا نە ھەلکرنا ئاگرێ شەڕی د ناڤبەرا وان ھەردو وەلاتان دا ل سووریێ.
د کونگرەکێ رۆژنامەڤانی دا پشتی کۆمبوونا جڤاتا ئاسایشا نێڤدەولەتی ل نیویورک و پشتی ھێرشا ئەسمانی یا روسیا یا ئێکی ل سووریێ، جون کیری وەزیرێ دەرڤەیێ ئەمریکا و سیرگی لافروف وەزیرێ دەرڤەیێ رووسی دووپاتی ل سەر دانوستاندنان کر ب مەرەما نە پێکدانانێن لەشکری دەمێ ئەنجامدانا ھێرشێن ئەسمانی یێن رووسی و ئەمریکی ل سەر داعشێ ل سووریێ.
ئهڤرۆ نيوز:
گرۆپێ تيرۆرستى يێ داعش ل ويلايهتا نهينهوا د گرتهيهكا ڤيديۆيى دا، شههيدكرنا ژمارهكا پێشمهرگێن ئێخسير يێن ناڤ دهست داعش بهلاڤكر كو تێدا ب رهنگهكێ دڕندانه و وهحشيانه سهرێ وان دبڕن.
ب گۆرهيى وێ گرتا ڤيديۆيى كو پشتهڤانێن داعش رۆژا چارشهمبى رێكهفتى 30ى ئيلۆنا 2015ێ ل تۆڕێن جڤاكى بهلاڤكريه، ژمارهكا پێشمهرگهيێن ئێخسير ژ لايێ چهكدارێن داعش ڤه ب رهنگهكێ دڕندانه و وهحشيانه دهێنه سهرژێكرن.
ئێك ژ وان چهكدارێن پێشمهرگهيان شههيد دكهت كورده و ب زمانێ كوردى پهيامێ بۆ خێزانێن ئێخسير و مهسعود بارزانى سهرۆكێ ههرێما كوردستانێ دهنێريت، ديسا گهفا داگيركرنا ههولێرا پايتهختێ ههرێما كوردستانێ دكهت,
ئهڤ ڤيديۆيه ب تهكنيكهكا بلند هاتيه تۆماركرن و مۆنتاژكرن، ئهڤه ژى هندێ دگههينيت كو شههيد كرنا وان يا بهرى ماوهكى يه و ئامادهكارى بۆ هاتيه كرن و وهسان دهێته نيشاندان كو د وێ ڤێديۆيێ دا پێشمهرگهك قورئانێ دخوينيت و ئێكێ دى ژى شاده ددهت، ژمارا ئهو پێشمهرگێن دهێنه شههيد كرن حهف كهسن.
بهلاڤكرنا ڤان رهنگه ڤيديۆيان ددهمهكى دايه كو پێشمهرگهيى دوهى ل ميحوهرێ رۆژئاڤايێ كهركووكێ سهركهفتنێن گهلهك مهزن تۆماركرينه و شياينه 17 گۆندان ژ دهستێ چهكدارێن داعش دهربێخن و وهكو پرۆپاكندهنهكرن بۆ چهكدارێن تيرۆرستێن داعش ئهڤرۆ نيوز ب پێدڤى ديت ڤيديۆيا ڤێ روودانا دلتهزين بهلاڤ نهكهت.
نيشاندان