ئه‌ڤرۆ نيوز:
به‌رپرسێن توركيا راگه‌هاند كو ده‌ڤه‌را شرنه‌خێ يا سنورى ل گه‌ل هه‌رێما كوردستانێ دێ بيته جهه‌كێ له‌شكرى يێ گرتى و هاتنوچوون بۆ ماوێ دو حه‌فتيان تێدا ناهێته كرن.
واليێ ويلايه‌تا هه‌كارى راگه‌هاند كو ژ ئه‌ڤرۆ رۆژا چارشه‌مبى رێكه‌فتى 5ى ته‌باخا 20155ێ 19ى ته‌باخێ هاتنوچوون ل وێ ده‌ڤه‌رێ ناهێته كرن و دێ بيته بنگه‌هه‌كێ له‌شكرى يێ گرتى.
ئەڤرۆ نیوز:
بۆ رۆژا چارێ خوەنیشادان ل باژێر و باژێرکێن سەر ب پارێزگەھا سلێمانیێ ڤە یێن دەستپێکرین و دوھی ٤-٨-٢٠١٥ ل قەزایا ھەلەبجا نوو، ناحیا خۆرمال، سیروان، ھەلەبجا شەھید خوەنیشادان بەرفەرھتر بوون، پشکا ھەرە مەزن یا ئەگەرێ وان خوەنیشاندانان دزڤریت بۆ شێوێ ب رێڤەچوونا کارێن ئیداری ل پارێزگەھێن سلێمانیێ و ھەلەبجە، ھەڤدەم چار مەزنە بەرپرسێن حکومی ل پارێزگەھا سلێمانیێ دەست ژکاری یا کێشای و چاڤەرێ دھێتە کرن چەند بەرپرسێن دی ژی دەست ژ کاری بکێشن.
ئەندامەکا جڤاتا پارێزگەھا سلێمانیێ ژ لیستا پارتی دیموکراتی کوردستان ژی راگەھاند، دناڤ خوەنیشادانێن سنۆرێ پارێزگەھێن سلێمانیێ و ھەلەبجە، خەلک دھێنە ھاندان بۆ وێ چەندێ خوەنیشادەر ھێرشێ بکەنە سەر بارەگایێن پارتی و دبێژیت دەستەک یێ ل پشت ڤێ بزاڤێ ھەی بۆ وێ چەندێ خوە ژ وێ بەرپرسیارەتیێ دەەربکەن کو تێدا د سەرکەفتی نەبوون.
مینا سامی ئەنداما جڤاتا پارێزگەھا سلێمانیێ ژ لیستا پارتیبۆ مالپەرێ فەرمیێ پارتی گوت” ل دووڤ قانوونێ، خوەنیشادان مافەکێ رەوایێ خەلکی یە ژبۆ داخوازاکرنا مافێن خوە، ل سنۆرێ پارێزگەھا سلێمانیێ، مە وەکو پارتی چو پۆستەکێ ئیداری مە نینە تاکو رەخنە ل مە بھێتە کرن، ھەکە پۆست ددەستێ مە دا ھەبان، دا باشتر ژ ھەولێرێ و دھۆکێ خزمەتێ کەین، بەلێ ئەوا جھێ دلگرانیێ ئەوە کو ھژمارەکا خوەنیشادەران چوونە سەر بارەگایێن پارتی، سەرەرای وێ چەندێ دەستھەلات ل ڤی سنۆری ددەستێ پارتی دا نینە”.
مینایێ گوت ژی” حوکمەتا ھەرێما ٤٣% ژ بودجەی بۆ پارێزگەھا سلێمانیێ دھنێریت، بۆچی خزمەتا وێ پارێزگەھێ پێ ناھێتە کرن؟، لەوما یا پێدڤیە رەخنە ل ئیدارا پارێزگەھێ بھێتە کرن، نەکو ل مە وەکو پارتی”.
ڤێ ئەنداما جڤاتا پاریزگەھا سلێمانیێ ژ لیستا پارتی دیموکراتی کوردستان ئاشکرا کر ژی” بەری دو رۆژان ل خورمال خوەنیشاندەر چوونە بەردەم بارەگایێ ناحیا خورمال، بەلێ پۆلیسان گوتە وان خوەنیشاندەران ھەرنە سەر بارەگایێ پارتی دیموکراتی کوردستان و ئەو خوەنیشاندەر ژی چوونە سەر بارەگایێ پارتی، بەرێ وێ روودانێ ژی ب رۆژەکێ ل باژێرێ سلێمانیێ دناڤ خوەنیشاندانەکێ دا، خەلک دھاتە ھاندان ھێرشێ بکەنە سەر بارەگایێن پارتی دیموکراتی کوردستان، بێگومان ئەڤ چەندە ژی وەسا دیار دکەت کو دەستەکێ ل پشت ڤێ چەندێ ھەی و دخوازن ئەو چەندە دووبارە ببیت کو ل ١٧ شۆباتێ ھاتیە روودان، ئەڤێ پێنگاڤێ ژی ب کارەکێ خرابکارانە د ھەژمێرین، چونکی پێدڤیە ھزر بکەن کا کی ئیدارا پارێزگەھا سلێمانیێ دکەت”.
ب دیتنا مینا سامی بەرپرسێن ئیداری یێن وی سنۆری د پرسا ب رێڤەبرنا کاروبارێن خەلکی و دابینکرنا خزمەتگوزاریان د سەرکەفتی نەبوون و دبێژیت” مافێ رەوایێ وەلاتیانە خوەنیشاندانان بکەن بۆ خزمەتگوزاریان ل دەڤەرێن وان، بەلێ ھاندانا وان کو ھێرشکرنێ ل سەر بارەگایێن پارتی، ئانکو ڕەڤینە ل وێ بەرپرسیارەتیێ”.
ئه‌ڤرۆ نیوز،زنار تۆڤى:
دلاوه‌ر خالد ئاژگه‌یى نوونه‌رێ حووكمه‌تا هه‌رێما كوردستانێ ل ئێكه‌تیا ئورۆپا تایبه‌ت بۆ ئه‌ڤرۆ نیوز راگه‌هاند:ئه‌ڤرۆ شانده‌كێ سێناتا پیران یا به‌لجیكى ب سه‌رۆكاتیا سیناتۆر ئه‌لێن دێسته‌كه سه‌ره‌دانا نوونه‌راتیا حووكمه‌تا هه‌رێما كوردستانێ ل ئێكه‌تیا ئورۆپا كر،د وێ سه‌ره‌دانێ دا ره‌وشا كوردستانێ و شه‌رێ دژى داعش و شه‌رێ دناڤبه‌را په‌كه‌كێ و توركیا و هه‌روه‌سا بارۆدوخێ مرۆڤى و ئه‌و هژمارا مه‌زن یا ئاواره‌یان كو هاتینه هه‌رێمێ هاتنه به‌حسكرن و گۆت ژى:مه داخواز ژ سیناتا به‌لجیكا كر كو هه‌ولێن خوه بێخنه گه‌ر بۆ هاریكاریكرنا گه‌ل و حووكمه‌تا هه‌رێما كوردستانێ برێیا حووكمه‌تا به‌لجیكا و هه‌روه‌سا به‌حس ل دوخێ پێشمه‌رگه‌یان هاته‌كرن و مه داخواز ژێكر كو به‌لجیكا هاریكاریێن سه‌ربازى یێن زێده‌تر بگه‌هینیته هێزێن پێشمه‌رگه‌ى ئه‌و ژى ب رێیا هنارتنا چه‌ك و ته‌قه‌مه‌نیان ب ره‌نگه‌كێ راسته‌وخو بۆ هه‌رێما كوردستانێ.
ناڤهاتى دیاركر ژى:سیناتۆر دێسته‌كه پشتگیریا خوه بۆ گه‌ل و هه‌رێما كوردستانێ دۆپاتكر و بریاردا كو دگه‌ل شانده‌كێ سیناتا به‌لجیكا ل ده‌مه‌كێ نێزیك دا سه‌ره‌دانا هه‌رێما كوردستانێ بكه‌ن،هه‌روه‌سا به‌رهه‌ڤیا خوه ده‌ربرى بۆ پێكئینانا گرۆپێ دۆستانیا كوردستانێ ل سیناتا به‌لجیكا بۆ به‌ره‌ف پێشبرنا په‌یوه‌ندیێن دولایه‌نى دناڤبه‌را هه‌ردو لایان دا و پشتگیریا زێده‌تر بۆ هه‌رێما كوردستانێ.
ئه‌ڤرۆ نیوز:
ل دووڤ راپرسیه‌كێ 60% ژ گه‌لێ توركيا د وێ باوه‌رێ دانه كو ره‌جه‌ب ته‌یب ئه‌ردوگان سه‌رۆك كومارێ توركیا رێگره ل هه‌مبه‌ر پێكئینانا حكومه‌تا نوو یا توركیا.
پشكداربوویێن راپرسیێ د وێ باوه‌ریێ دانه كو ئه‌گه‌ر هه‌لبژارتنێن پێشوه‌خت ل توركیا بهێته ئه‌نجامدان، دێ ئه‌نجام ب ڤى ره‌نكى بن، پارتا داد و گه‌شه‌پێدان، 42% و پارتا گه‌لا كومارى، 26% و پارتا نه‌ته‌وه‌په‌رست 15% و پارتا دیموكراتا گه‌لان، هه‌ده‌په 12%.
ئه‌ڤرۆ نيوز:
بزاڤا گۆران و ئێكه‌تيا نيشتمانيا كوردستان ره‌تكر كو چ رێككه‌فتن د ناڤبه‌را لايه‌نێن سياسى يێن هه‌رێمێ سه‌باره‌ت پرسا سه‌رۆكايه‌تيا هه‌رێم و درێژكرنا ويلايه‌تا سه‌رۆكێ هه‌رێمێ كربيت.
محه‌مه‌د توفيق رێكخه‌رێ ژوورا په‌يوه‌نديێن دبلوماسى يێن بزاڤا گۆران راگه‌هاند: هه‌تا نوكه چ رێكه‌فتنه‌ك د ناڤبه‌را لايه‌نێن سياسى سه‌باره‌ت پرسا سه‌رۆكايه‌تيا هه‌رێمێ نه‌هاتينه كرن.
ئه‌ڤرۆ نيوز:
ل سه‌ر زێده‌كرنا بهايێ كارتێن موبايلان نوونه‌رێ هه‌ر ئێك ژ كۆمپانيێن موبايل و وه‌زاره‌تا ڤه‌گوهاستنێ دێ بۆ په‌رله‌مانێ كوردستانێ هێنه داخواز كرن.
لژنا بازرگانى و پاراستنا مافێن بكاربه‌ر ل په‌رله‌مانێ كوردستانێ سه‌باره‌ت زێده‌كرنا بهايێ كارتا موبايلان ژ ئاليێ كومپانييێن موبايلان ڤه هه‌ر ئێك ژ نوونه‌رێن كومپانيێن كوره‌ك تليكوم و ئاسيا سێل و زه‌ين و ل گه‌ل نوونه‌رێ وه‌زاره‌تا ڤه‌گوهاستنێ يا حكوومه‌تا هه‌رێما كوردستانىێ دێ بۆ په‌رله‌مانى داخواز كه‌ن.
ئه‌ڤرۆ نيوز:
شانده‌كێ پارتا ديموكراتى گه‌لان، هه‌ده‌په، ئه‌ڤرۆ پشتى نيڤرۆ گه‌هشته گومركا ئيبراهيم خه‌ليل، ئوسمان بايده‌مير د كۆنگره‌كێ رۆژنامه‌ڤانى دا ئارمانجا سه‌ره‌دانا خوه بۆ كوردستانێ دياركر كو ئه‌و هاتينه دا راپۆرته‌كێ ل دۆر كاره‌ساتا زارگه‌له دروست بكه‌ت و راستيى بۆ رايا جيهانێ ديار بكه‌ن كو جهێ مخابنێ يه توركيا وه‌يا رايا گشتى تێگه‌هاندى يه كو سڤيل نه‌هاتينه كوشتن و ئارمانجا مه ئه‌وه كو شه‌هيدێن خوه ڤه‌گه‌رينن كو توركيا ناهێليت ڤه‌گه‌رينن كو باوه‌رم دێ حكومه‌تا هه‌رێمێ هاريكاريا مه كه‌ت.
بايده‌مير زێده‌تر گوت: مخابم ئه‌ردوگان مێزا دانوستاندنان تێكدا و داخوازێ ژ ئه‌ردوگان و داود ئوغلو و ئاك پارتى دكه‌م جاره‌كادى ڤه‌گه‌ره مێزا دانوستاندنێ.
ئه‌ڤرۆ نیوز:
ئه‌ندامه‌كێ سه‌ركردایه‌تیا یه‌كگرتووى ئیسلامیا كوردستان، راگه‌هاند هه‌ر چار لایه‌نێن سیاسى ( یەکێتی، گۆڕان، کۆمەڵ و یەکگرتووی ئیسلامی کوردستان) رازیبوون ب مانا مه‌سعود بارزانى سه‌رۆكێ هه‌رێما كوردستانێ بۆ ماوێ دو سالێن دى، ب مه‌رجه‌كێ پارتى ب سیسته‌مێ په‌رله‌مانى رازى ببیت ب رێیا راستڤه‌كرنا قانوونا سه‌رۆكایه‌تیا هه‌رێمێ.
نيشاندان