ئه‌ڤرۆ نیوز،زنار تۆڤى:

سكرتێرێ گشتى یێ نه‌ته‌وێن ئێكگرتى بان كى مونى د كونگره‌كێ رۆژنامه‌ڤانى دا ل ئاڤاهیێ گشتى یێ نه‌ته‌وێن ئێكگرتى دا دیاركرن: نوكه‌ عێراق د ره‌وشه‌كا گه‌له‌كا ئالۆز و خراب دا دبۆریت و ره‌وشا گه‌له‌ك وه‌لاتیێن وێ دمه‌ترسیێ دایه‌.
هه‌روه‌سا گوت ژى:25% ژ خه‌لكێ عێراقێ پێدڤیا وان ب هاریكاریێن سه‌ربازى و مرۆڤى هه‌نه‌ و ئه‌گه‌ر زوو ئه‌و هاریكارى نه‌گه‌هنه‌ خه‌لكێ عێراقێ دبیت هێشتا كاره‌ساتێن مه‌زنتر و جه‌رگ ئێشتر روو بده‌ن و عێراقه به‌ره‌ف ره‌وشه‌كا مه‌ترسیدار ڤه‌ بچیت،له‌ورا گرنگه‌ ل سه‌ر هه‌مى وه‌لاتێن جیهانێ هاریكاریا خه‌لكێ عێراقێ بكه‌ن،ژ پێخه‌مه‌ت بشێن خوه‌ بگه‌هیننه‌ كناره‌كێ ئارام و ره‌وشا وان به‌ره‌ف باشیێ ڤه‌ بچیت.

ئه‌ڤرۆ نیوز،زنار تۆڤى:
جۆتیارێن ده‌ڤه‌را به‌روارى بالا وه‌سا دده‌نه‌ خویاكرن كو ژ ئه‌گه‌رێ هاتنا پێله‌كا گه‌رمێ ل ڤان رۆژێن بۆرى كارتێكرنه‌كا مه‌زن و به‌رچاڤ ل داروبارى و به‌رهه‌مێ وێ كریه‌ و هه‌روه‌سا ژ ئه‌گه‌رێ هاتنا هرۆبایه‌كێ بهێز ل شه‌ڤا 23/7/2015 گه‌له‌ك به‌رهه‌مێ داروبارى بتایبه‌تى دارا سێڤێ ل هنده‌ك گوندان وه‌راندینه‌.
زانا ئه‌حمه‌د جوتیاره‌كێ ڤێ ده‌ڤه‌رێ یه‌ بۆ ئه‌ڤرۆ نیوز دبێژیت:ئه‌ڤ ساله‌ گه‌رمه‌كا مه‌زن هات و ژ ئه‌نجامێ وێ چه‌ندێ به‌لگێن داروبارێن وه‌كى سێڤێ و هرمیكێ سۆتن و هه‌روه‌سا گه‌رمێ كارتێكرنه‌كا مه‌زن ل به‌رهه‌مێ داروبارێ وه‌كى سێڤان كریه‌ و پێڤه‌ سۆتینه‌ و ژ ئه‌نجامێ ڤێ گه‌رمێ گه‌له‌ك سێڤ وه‌ریاینه‌ و ئه‌گه‌ر ب ڤى ره‌نگى گه‌رم یا به‌رده‌وام بیت ئه‌ڤ ساله‌ دێ به‌رهه‌مێ سێڤان گه‌له‌كێ كێم بیت،ژبه‌ركو گه‌رما دژوار سێڤان دسوژیت .
گوتژى:ئه‌ڤ چه‌ندین ساله‌ گه‌رم ب ڤى ره‌نگى ل ڤێ ده‌ڤه‌رێ په‌یدا نه‌بوویه‌ و ئه‌گه‌ر هه‌بیت ژى ب ڤى ره‌نگى زیان نه‌دگه‌هانده‌ داروبارى و به‌رهه‌مێ وان و له‌ورا ئه‌ڤ ساله‌ دێ زیانه‌كا مه‌زن گه‌هیته‌ به‌رهه‌مێ مه‌ و داروبارێ مه‌ یێ چاندنێ. عه‌لى سه‌عدولا جۆتیاره‌كێ دى یێ ده‌ڤه‌را به‌روارى بالایه‌ دبێژیت:ل شه‌ڤا 23/7/2015 ژ ئه‌گه‌رێ هاتنا هرۆبایه‌كێ بهێز گه‌له‌ك سێڤ وه‌راندن و هنده‌ك دارێن سێڤان ب ئێكجارى هاتینه‌ وه‌شاندن و سێڤ نه‌ماینه‌ پێڤه‌ و وى هرۆبایى زیانه‌كا مه‌زن گه‌هاندیه‌ به‌رهه‌مێ مه‌ یێ چاندنێ د ئه‌ڤ ساله‌دا.
ناڤهاتى دبێژیت:ئه‌ز دبینم ئه‌ڤ ساله‌ژى ئه‌م دێ بینه‌ پالێن پیشى و به‌رهه‌مێ مه‌ یێ چاندنێ هه‌مى دێ خرابیت و وه‌ریت و كه‌د و ماندیبوونا مه‌ دێ ب هه‌روه‌ چیت،چونكى وى هروبایى و گه‌رمێ زیانه‌كا مه‌زن گه‌هاندیه‌ مه‌ ژ هه‌مى لایه‌كیڤه‌،هه‌روه‌سا عه‌لى گوت ژى:گه‌رمێ زیان گه‌هاندیه‌ باجان سوركان و پتریا باجانێن ڤێ ده‌ڤه‌رێ خراب بووینه‌.

ئه‌ڤرۆ نیوز،زنار تۆڤى:
سه‌رۆكێ ئه‌مریكا باراك ئۆباما د پرێس كونفرانسه‌كى دا ل كۆچكا سپى یا ئه‌مریكا دیاركر:ژبۆ سلامه‌تیا ئه‌مریكا و سه‌ربازێن وێ نوكه‌ سه‌ربازێن ئه‌مریكى د چ شه‌رێن زه‌مینى دا ل رۆژهه‌لاتا ناڤه‌راست دا به‌شدارنابن، لێ ل عێراق و سوریێ مه‌ زیان گه‌هاندینه‌ تیرورستێن داعش و دێ به‌رده‌وام بین ل سه‌ر هێرشێن ئه‌سمانى ل سه‌ر مۆلگه‌یێن داعش ل وان هه‌ردوو وه‌لاتان.
هه‌روه‌سا دوى كۆنفرانسى دا خویاكر ژى:ئه‌مركیا دێ هه‌مى شیانێن خوه‌ به‌رامبه‌ر تیرورستێن داعش مه‌زێخیت ژ پێخه‌مه‌ت بشێین ڤێ رێكخراوا تیروى ژ ناڤ ببه‌ین و ئارامیێ ل ڤێ ده‌ڤه‌رێ په‌یدا بكه‌ین و ئه‌ڤه‌ ئێكه‌ ژ ئارمانجێن مه‌ یێن سه‌ره‌كى،لێ ب هیچ ره‌نگه‌كى سه‌ربازێن مه‌ د شه‌رێ زه‌مینى دا پشكدار نابن.

ئه‌ڤرۆ نیوز:

ل ده‌مێ پشكداریكرنێ د پرسا پشكه‌كا شه‌هیدێن ته‌قینا پرسوس، سه‌لاحه‌دین ده‌میرتاش هه‌ڤسه‌رۆكێ پارتا دیموكراتا گه‌لان كوشتنا دو پولیسێن تورك یێن روحایێ شه‌رمزار.
سه‌لاحه‌دین ده‌میرتاش هه‌ڤسه‌رۆكێ پارتا دیموكراتا گه‌لان گۆت: خوزى نه‌ گه‌نجێن مه‌، نه‌ سه‌ربازێن مه‌، نه‌ پولیسێن مه‌ گیانێ خوه‌ نه‌كربانه‌ قوربانى، 32 گه‌نج مه‌ كرنه‌ قوربانى به‌لێ خوین ب خوینى پاقژ نابیت.