ئه‌ڤرۆ نیوز:
باراك ئوباما سه‌رۆكێ ئه‌مریكا د گوتارا ستراتیژیه‌تا نوو یا ئه‌مریكا ل دژى داعش راگه‌هاند: پێدڤیه روى ب روى وان توران ببین یێن داعش ل جیهانێ دروست كرن و ئاماژه ب وێ یه‌كێ كر كو ئه‌مریكا د شه‌رى دا نینه ل گه‌ل ئیسلامێ، به‌لكو شه‌رێ ئه‌مریكایه دژى تیرورێ و ئه‌ركێ ئه‌مریكا یه شه‌رى دژى داعش بكه‌ت.
ئوباما سه‌ركێ ئه‌مریكا هه‌روه‌سا دیاركر كو ئه‌و چ هێزێن پیاده بۆ شه‌رێ دژى داعش ناهنێرنه سوریا و عیراقێ، و دیاركر كو ئه‌و هێزا هشكانى ئه‌وا ناڤخویى ل وه‌لاتێ سووریا و عیراقێ، دڤێت ئه‌و شه‌رێ داعش بكه‌ت، ئوباما دیاركر كو ل ڤان دووماهیان داعش 40 ده‌ڤه‌ر ل عیراقێ یێن ژ ده‌ست داین، كو ئه‌وژى بۆ لاوازیا وێ دزڤریت.
ئه‌ڤرۆ نيوز:
رۆژ عه‌زيز كه‌ريم، به‌رپرسێ ئێكه‌تيا ئاوارێن عيراقێ ل توركيا د داخۆيانيه‌كێ دا بۆ سۆمه‌ريه نيوز راگه‌هاند: ل كه‌نارێن وه‌لاتێ ئيتاليا گه‌شتيه‌كا مشه‌ختبوويان بن ئاڤ بوو و هێزێن ده‌ريايى يێن ئيتالى ژى شيان ژماره‌كا مشه‌ختبوويان رزگار بكه‌ن، به‌لێ ژماره‌كا مشته‌ختبوويان خه‌ندقين كو 12 ژ وان گه‌نجێن هه‌رێما كوردستانێ نه.
ئاماژه ب وێ چه‌ندێ ژى كر كو ئه‌و گه‌شتى ژ يونان بۆ ئيتاليا ب رێ كه‌فت بوو و ل كه‌نارێن ئيتاليا بن ئاڤ بوويه و هێشتا ژمارا درستا وان كه‌سێن گيانێ خوه ژ ده‌ست داين نه‌هاتيه زاينن.
ئه‌ڤرۆ نيوز:
ميديايێن سه‌ر ب ئێكه‌تيێ ڤه راگه‌هاندبوو كو ئه‌ڤرۆ د كۆمبوونا مه‌كته‌با سياسى يا ئێكه‌تى نشتيمانى كوردستان دا، دێ به‌رسڤا شاندێ پارتى ديموكراتى كوردستانێ ل دۆر پرسيار سه‌رۆكاتيا هه‌رێمێ هێته دان.
عيماد ئه‌حمه‌د ئاخفتنكه‌رێ فه‌رمى يێ ب ناڤێ ئێكه‌تى نشتيمانى كوردستان د داخۆيانيه‌كێ دا راگه‌هاند: كۆمبوونا ئه‌ڤرۆ يا ئێكه‌تى نشتيمانى كوردستان نه بوو به‌رسڤدانێ بوو ل سه‌ر پێشينازا شاندێ پارتى ديموكراتى كوردستان، به‌لكو بۆ دانوستاندنێ بوو ل سه‌ر پرسێن ناڤخۆ يێن ئێكه‌تى نشتيمانى كوردستان.
دوهى نێچيرڤان بارزانى، جێگرێ سه‌رۆكێ پارتى ديموكراتى كوردستان ب هه‌ڤالينيا شانده‌كى سه‌ره‌دانا مه‌كته‌با سياسى يا ئێكه‌تى نشتيمانى كوردستان كر و د كۆمبوونه‌كێ دا پێشنيازا خوه بۆ پرسا سه‌رۆكاتيا هه‌رێما كوردستانێ خسته به‌ر سينگێ ئێكه‌تيێ.
ئەڤرۆ نیۆز، قائید میرۆ:
بەری دەستپێکرنا ئۆپەڕاسیۆنا گرتنا مووسل، بڕیارە پۆلیسێن نەینەوا بھێنە ڤەگوھاستن بۆ بەغدا و جڤاتا پارێزگەھێ ژی دخوازیت بڕیار شێخان و مەخموور ڤەنەگەریت.
سەیدو چەتو، سەرۆکێ لیستا برایەتی و پێکڤەژیانێ بۆ ئەڤرۆ نیۆزز راگەھاند” گورەی بڕیارەکا وەزارەتا نافخۆیا عێراقێ، شەش ھزار پۆلیسێن نەینەوا دێ ھێنە ڤەگوھاستن بۆ پارێزگەھا بەغدا.
سەیدو گۆتژی” ئەم دێ بزاڤان بکەین، بڕیار نەھێتە بجە ئینان یانژی ئەگەر ھاتە بجە ئینان، دوادزە یەکەیێ، ئیداری ھەنە ڤەنەگەریت، چونکو جھێن ئازادکرینە حوکمەت تێدا کارێ خوە دکەت، وەکی قەزا شێخان و مەخموور.
ئەڤرو نیوز،بارزان مزووری:
ھەلۆ کەرکوکی، رێڤەبەرێ ئاسایشا کەرکووک بۆ مالپەرێ ئەڤرو نیوز ئاشکرا کر کو هێرشا شڤێدى يا چه‌كدارێن داعش بۆ سه‌ر كه‌ركووك ب سه‌رپه‌رشتيا مه‌لا شوان بوويه و چه‌كدارێن خوه ژ هه‌موو ميحوه‌ران كۆمكرينه و دێ وێ هێرشێ دا پشكدار كرينه.
هه‌لۆ كه‌ركووكى دا زانين ژى كو 15 ته‌رمێن داعش كه‌فتينه ده‌ستێ پێشمه‌رگه‌يى و ژماره‌كا مه‌زن يا ته‌رمێن خوه قورتالكرينه و گه‌له‌ك ترۆمبێل ژى هاتينه سۆتن ب تايبه‌ت ژ لايێ فرۆكێن هه‌ڤپه‌يمانان ڤه.
رێڤەبەرێ ئاسایشا کەرکووک دا زانين ژى كو نها ره‌وشا باژێرێ كه‌ركووك گه‌له‌ك يا ئارامه و خه‌لكى هه‌ست ب ترسێ نه‌كريه و ژيان لێ يا سرۆشتى يه.
ئەڤرۆ نیوز،زنار تۆڤی:
ھەڤسەرۆکێ پارتا گەلان ھەدەپێ سەلاحەددین دەمیرتاش د پرێس کونفرانسەکی دا ل ئیستەمبۆلێ دادیارکرن،کو وان وەکو ھەدەپێ مەرجێن خوە ژ بۆ پێکئینانا حوکمەتەکا ھەڤپەیمانی ل تورکیا دانە دیارکرن و گوت:ب وان مەرجان ئەم دێ تەڤلی حوکمەتەکا ھەڤپەیمانی بین ئەگەر دستۆرێ بنگەھیێ تورکی بھێتە گوھۆرین و ھەروەسا ھەر چار وەزیرێن دکابینا سەرۆکوەزیرێن تورکی دا ئەحمەد داود ئوغلۆی گەندەلی کری بھێنە سزادان و ژکارێ وان بھێنە لادان و بھێنە دادگەھکرن و ھەروەسا دیارکر ژی:دڤێت ئێدی حوکمەتا تورکیا رێکێ بدەتە مە کو ئەم ب ساناھی سەرەدانا ئیمرالیێ بکەین و ھەڤپەیڤینا دگەل عەبدولا ئوجەلانی بکەین و دڤێت تورکیا رەوشا وی باشتر بکەت و گوت:ئەگەر ئەڤ مەرجێن مە بجە بھێن ئەم دشێین حوکمەتەکا ھەڤپەیمانی دناڤ پەرلەمانێ تورکیادا پێکبینین.
ئەڤرۆ نیۆز، قائید میرۆ:
شەڤا بۆری چەکدارێن داعش ل چەند لایانڤە ھێرشەکا بەرفرەهـ کرە سەر ھێزێن پێشمەرگەی ل بەرەیێ کەرکووکێ و ژ لایێ پێشمەرگەی ھاتیە شکاندن، زیانێن زۆر گەھشتینە چەکدارێن و ھژمارەکا زۆر یا چەکدارێن ھاتینە کوشتن و بریندارکرن.
غەیاس سورچی، کارگێڕێ مەلبەندێ ئێکەتی نیشتیمانی کوردستان ل نەینەوا دداخویانیەکێ دا ب ئەڤرۆ نیۆز راگەھاند” ئەڤرۆ ب دەھان تەرمێن چەکدارێن داعش و بریندارێن وان ڤەگەڕیانە باژێڕێ مووسل، ئەڤژی پشتی شکەستنا شەڤا بۆری یا تیرۆرستێن داعش ل باشوورێ باژێڕێ کەرکووکێ ھەمبەر پێشمەرگەی، بریندار ل نەخۆشخانەیێن کۆماری و سەلامیە دھێنە چارەسەرکرن و تەرمێن چەکدارێن وانژی ل نۆشداریا داد یا مووسلن.
غەیاسی گۆتژی” ھەردو نەخۆشخانەیێن باژێڕێ مووسل ھاتینە دۆرپێچکرن ژلایێ چەکدارێن داعشڤە و گورەی زانیاریێن گەھشتینە مە پتریا کوشتیێن داعش ڤەگەڕیای مووسل خەلکێ بیانینە.
ئەڤرۆنیۆز، ئەیاد بەرواری
ژێدەرەکێ رۆژنامەڤانی ژ بەغدا بۆ ئەڤرۆنیۆز ئاشکراکر کو فرۆکەکا عیراقی ژ جۆری سیخۆی دەڤەرا بەغداد ئەلجەدیدە ل پایتەختێ عیراقی بومبەبارانکر.
وی ژێدەرێ رۆژنامەڤانی دیارکر ژی” بومبەبارانکرن ژ ئەگەرێ شاشیەکا تەکنیکی بوو ژ لایێ وێ فرۆکا عیراقی ڤە کو بومبەک دجھێ خوەدا ئاسێ بوو و ل سەر دەڤەرا بەغدادئەلجەدیدە کەفتیە و چار کەس کوشتینە و ١٢ ژی بریندار کرینە”.
ژلایەکێ دی ڤە یەکا راگەھاندنا لەشکری ل فەرماندەیا پرۆسێن ھەڤپشک یا لەشکرێ عیراقێ د بەیاننامەکێ دا راگەھاند” پشتی فرۆکەکا عیراقی یا شەڕکەر ژ جۆری سوخۆی ژ بومبەبارانکرنا جھێن تیرۆرستێن داعشێ بۆ بنگەھێ خوە زڤری و ژ ئەنجامێ شاشیەکا تەکنیکی، بومبەک ژ فرۆکێ کەفتە خوار و ب سێ مالان ل دەڤەرا بەغداد ئەلجەدیدە کەفت و د ئەنجامدا زیانێن گیانی و دراڤی ژێ پەیدابوون”.
وێ بەیاننامێ پەسنا فرۆکەڤانێ وێ فرۆکا عیراقی کر و ئاماژە دا وێ چەندێ کو لژنەکا ڤەکۆلینێ یا ھاتیە پێکئینان ژبۆ زانینا ئەگەرێ وێ شاشیا تەکنیکی و دیارکر دێ ئەنجامێن ڤەکۆلینێ بۆ رایا گشتی ھێنە ئاشکراکرن.
ئه‌ڤرۆ نيوز:
بڕيارده‌را لژنا دارايى و ئابوورى ل په‌رله‌مانێ كوردستانێ راگه‌هاند كو حه‌فتيا بهێت دێ ده‌ست ب به‌لاڤكرنا مووچێ هه‌يڤا گۆلانێ هێته كرن.
هێڤا حاجى ميرخان، بڕيارده‌را لژنا دارايى و ئابوورى ل په‌رله‌مانێ كوردستانێ راگه‌هاند كو حه‌فتيا بهێت دێ ده‌ست ب به‌لاڤكرنا مووچێ هه‌يڤا گۆلانێ يێ وه‌زاره‌تا پێشمه‌رگه و ده‌زگه‌هێ ئاسايشێ ل هه‌رێما كوردستانێ هێته كرن، ئه‌ڤێن دى دێ ل پشتى جه‌ژنێ وه‌رگرن.
بڕياره ل رۆژا سێشه‌مبى ژ ڤێ حه‌فيێ ل مووچێ هه‌يڤا نيسانێ يێ خانه‌نشينكريان پێ بهێته دان و پێنجشه‌مبى ژى يێ هه‌رسێ سه‌رۆكاتيێ هه‌رێمێ.
نيشاندان