ئەڤرۆ نیوز، لەزگین جوقی:
بەرپرسێ راگەهاندنێ ل رێڤەبەریا گشتی یا ساخلەمیا پارێزگەها دهۆكێ دیاركر كو ب ئامادەبوونا د. ئەفراسیاب موسا گرێبەستەك دگەل رێكخراوا( PUI) یا فەرەنسی بۆ هاریكاری و پشتەڤانیا سێ كەمپێن ئاواران هاتە ئێمزا كرن.
حەمزە رەزیكی، بەرپرسێ راگەهاندنێ ل رێڤەبەریا گشتی یا ساخلەمیا پارێزگەها دهۆكێ راگەهاند كو ئەڤرۆ 23/12/2020ێ گرێبەستەك دناڤبەرا ساخلەمیا دهۆكێ و رێكخراوا فەرەنسی دا هاتە ئێمزا كرن ل دووڤ گرێبەستێ رێكخراوا فەرەنسی دێ سالەكێ خزمەتێن چاڤدێریا ساخلەمیێ یێن دەستپێكێ پێشكیشی كەمپێن ئاواران كەت ب تایبەتی ژی ل كەمپا بێرسڤێ دوو و كەمپا باجد كەندالا و كەمپا ئیسیان خزمەتێ ئەنجام دەت د وارێ شێرەتكارێن ساخلەمیێ و دووڤچوونا چارەسەریێ بۆ نەخۆشیێن ڤەگر و نەڤەگر و خزمەتێن خوپاراستنا ساخلەمیێ.
ئەڤرۆ نیوز:
جێگرێ پارێزگارێ هەولێرێ راگەهاند کو ژ بۆ سەرێ سالا نوو چو ئاهەنگ ل هەولێرێ ناهێنە گێران و دەستووری ژی بۆ چ جهەکێ نەهاتیە دان و هەر جهەک ژی پێگیریێ ب رێنمایان نەکەت دێ هێتە سزادان.
مەسعود کارەش جێگرێ پارێزگارێ هەولێرێ ئەو یەک ژی دیار کر کو وەکو پارێزگار ژی ئەو چو ئاهەنگان ناگێرن و گۆت: (ژ بۆ پاراستنا وەلاتیان ژ ڤایرۆسێ کۆرۆنایێ و رێگری کرن ژ کۆمبوونێن جەماوەری وان بریارەکا وەسا دایە و داخواز ژ هەموو وەلاتیان ژی کر کو بۆ پاراستنا خوە، خوە ژ جهێن قەرەبالغ دوور بکەن).
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ١٦٥ کەسێن دی ل هەرێما کوردستانێ تووشی کۆرۆنایێ بووینە و سێ نەخوشێن کۆرۆنایێ ژی مرینە.
ل گۆر ئامارا وەزارەتا ساخلەمیێ ٣٥٨ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ژی ٨٤ کەسێن دی تووشی ڤایرۆسێ کۆرۆنایێ بووینە و نەخوشەک ژی مریە، هەروەسا ١٥٩ نەخوشێن کۆرۆنایێ ژی ل پارێزگەها دهۆکێ ب تەمامی چارەسەر بووینە.
ئەڤرۆ نیوز:
د. سامان بەرزنجی وەزیرێ ساخلەمیا هەرێما کوردستانێ راگەهاند کو وان هەموو رێڤەبەریێن گشتی یێن ساخلەمیێ ل هەموو پارێزگەهێن هەرێما کوردستانێ ئاگەهدار کرینە کو ل هەمبەر ڤایرۆسەکێ نوو کو ل بریتانیا سەرهلدایە بەرهەڤیان بکەن.
وەزیرێ ساخلەمیێ راگەهاند ژی ڤایرۆسەکێ نوو ل بریتانیا سەرهلدایە و ژ بەر هندێ ژی وان وەکو وەزارەتا ساخلەمیێ داخواز ژ هەموو رێڤەبەریێن ساخلەمیێ ل هەرێما کوردستانێ کرینە کو ب باشی دووڤچوونا هاتن و چوونا وان کەسان بکەن یێن کو ژ بریتانیا دهێنە هەرێما کوردستانێ و پشکنینێن پێدڤی بۆ وان بهێنە کرن دا ڤایرۆسا نها ل بریتانیا ل هەرێما کوردستانێ ژی بەلاڤ نەبیت.
ئەڤرۆ نیوز، عەلی حاجی:
رێڤەبەرێ ناحیا رزگاری د داخویانیەکێ دا بۆ ئەڤرۆ نیوز دیار کر ب شێوەیەکێ باش کار د دروست کرنا جاددەیا ژ ناحیا رزگاری بۆ زاخۆ هاتیە کرن و هەکە کار ب ڤی رەنگی بەردەوام بیت ژبەریا دەمێ دەست نیشان کری دێ کار تێدا ب دوماهی هێت .
زێدەتر سەروەر سەعید گۆت: (هەتا نوکە ب شێوەیەکێ گەلەک باش کار د دروست کرنا سایدێ ژ ناحیا رزگاری بۆ زاخۆ دهێتە کرن و ٥٠٪ ژی کار دروست کرنا وێ جاددەیێ دا هاتیە کرن و ب دوماهی هاتیە و بتنێ ٥٠٪ مایە کار د وێ جاددەیێ دا نەهاتیە کرن،کومپانی ب شەڤ و رۆژ کار دکەت پێخەمەتی وێ چەندێ کو د زووترین دەم دا کار ب دوماهی بهێت،هەکە هاتنا بارانێ نەبیتە ئەگەر کومپانی ب ئێکجاری کارێ خوە ناراوەستینیت و هەکە کار ب ڤی رەنگی بەردەوام بیت دێ ژبەریا دەمێ خوە یێ دەست نیشان کری دا کار ب دوماهی هێت و کەڤیتە د خزمەتا وەلاتیان دا،هەتا نوکە نێزیکی دوو – سێ کێلومەتران ب قاتەکێ قیری ئەو سایدە هاتیە قیر کرن و قیرکرنا وێ جاددەیێ ژی بەردەوامە).
ناڤبری ئەو ئەو یەک ژی دیار کر کو ئەو جاددەیە هاتیە بەرفرەهکرن و هەتا پیادە ژی دێ بۆ جاددەیێ هێتە دانان و هەتا نوکە ژی بێ کێشە کار د وی پروژەیی دا هێتە کرن و ئەم ب هێڤی نە ب زووترین دەم دا ئەو جاددەیە ب دووماهی بهێت.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری راگەهاند کو تێدا هاتیە ل هەرێما کوردستانێ ١٥٦ کەسێن دی تووشی کۆرۆنایێ بووینە و هەروەسا چار نەخوشێن کۆرۆنایێ ژی مرینە.
وەزارەتا ساخلەمیێ ئەو یەک ژی دیار کریە کو د ماوەیێ ٢٤ دەمژمێرێن بۆری دا ٢٨١ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ١٠٧ کەسێن دی تووشی کۆرۆنایێ بووینە و نەخوشەک ژی مریە، هەروەسا ١٤٩ نەخوشێن کۆرۆنایێ ژی ل پارێزگەها دهۆکێ ب تەمامی چارەسەر بووینە.
ئهڤرۆ نیوز، زنار تۆڤی:
ل شهڤا بورى ههتا سسپێدههیا ئهڤرۆ شهمبیێ، سۆپایێ تورکیا چهندین گوندێن ناحیا باتیفا یێن سهر ب قهزا زاخۆ ڤه بۆمبه باران کرینه.
دلشێر عهبدولستار، رێڤهبهرێ ناحیا باتیفا بۆ ئهڤرۆ نیوز دیار كر: ل شهڤا بورى ههتا سپێدههیا ئهڤرۆ، تۆپخانێن سۆپایێ توركیا ب بهانهیا ههبوونا گهریلایێن پهكهكێ چهندین گوندێن سنۆرى ل ناحیا باتیفا تۆپباران كرینه و هژمارهكا تۆپان ب دهردوورێن كۆمهلگهها بێگۆڤا و ناحیا باتیفا داینه، لێ زیانێن گیانى دوان تۆپبارانكرنا دا نهبوون.
ناڤهاتى گۆت ژى : تۆپخانێن تورکیا جهێن پهكهكێ ل گوندێن نزدورێ، رویسێ، شویدنێ، مەلا عەرەب، بەرانش، کەشانێ، خیزاڤا، بانکێ، منینێ، ئەڤلھێ تۆپباران کرینە و ڤێ چهندێ ترس لدهف خهلكێ دهڤهرێ پهیدا كرییه.
دلشێرى گۆت ژى: ئهڤه جارا ئێكێ یه سۆپایێ تورکیا گوندێ مەلا عەرەب تۆپباران دکەت، کو جهێ تۆپبارانێ چار کیلۆمەتران ژ سەنتەرێ باتیفا دوورە و هژمارەکا گۆلەیان نێزیکی سەنتەرێ باتیفا ژى کەفتیە.
ئەڤرۆ نیوز:
پەیڤدارێ هێزێن سووریا دیموکرات راگەهاند کو گرۆپێن چەکدارێن سەر ب تورکیا ب هاریکاریا لەشکرێ تورکیا چەند رۆژن دەست ب تۆپبارانکرنا باژێرکێ عەین عیسا و گوندێن دەوروبەرێن وێ کرینە و شەر ژی ب دژواری بەردەوام دکەت.
کینۆ گابریێل ئەو یەک ژی دیار کر کو هێزێن وان ب هەموو رەنگەکێ بەرەڤانیێ دکەن و ناهێلن هێزێن سەر ب تورکیا دەڤەرێن نوو ل رۆژئاڤایێ کوردستانێ داگیر بکەن و داخواز ژ ئەمریکا و روسیا ژی کر کو رێگریێ ل هێرشێن نوو یێن تورکیا بکەن.
نيشاندان