ئهڤرۆنیۆز، ئهیاد بهروارى
رۆژنامهكا بریتانی دیاركر كو رێكخستیا دهولهتا ئیسلامی (داعش) چهكێ كیمیاوی ل حهلهب ل سووریێ بكارئینایه و ئهڤه دبیته جارا دویێ پشتى دژى هێزێن كوردی ل عیراقێ بكارئیناى.
رۆژناما (تلگراف) یا بریتانی بهلاڤكر” داعشێ ل دهڤهرا مارع ل باكوورێ حهلهبێ غازا خهردهل بكارئینایه و 30 كهس تووشی وێ غازێ بووینه و ئهڤه جارا ئێكێ نینه داعش هێرشان ب غازا خهردهلێ دكهت كو بهری نوكه دژى هێزێن كوردی ل عیراقێ بكارئینابوو، ڤێ چهندێ ژى مهترسی پهداكرینه كو داعشێ چهكێ كۆمكوژ ههبیت”.
رۆژناما بریتانی پێشبینیا وێ چهندێ دكهت كو داعشێ ئهو چهكه ژ عومبارێن عیراقێ یێن سهردهمێ رژێما سهدامی بدهستڤهئینابن، یان ژی دهست ب سهر چهكێ كیمیاوی د عهمبارێن لهشكرێ سووری دا گرتبیت، دیسا داعشێ دهست ب سهر دهزگههێ (بهرق) ل مووسلێ دا گرتبوو كو رێژهكا چهكێ نه ئاسایی تێدابوو”.
لێ رۆژناما تلگراف ئاماژێ ب بۆچوونهكا رۆژناما (بریتون گۆردون) یا تایبهتمهند ب وارێ ئهمنی ڤه كریه كو بهلاڤكریه” ههبوونا ڤی جۆره چهكی ددهستێ داعشێ دا وێ هانددهت ئێكسهر بكاربینیت وهكو شهڕهكێ دهروونی، لێ ئهڤه رامانا وێ چهندێ نادهت كو داعشێ رێیهكا مهزن ژ وی چهكی یا ههی”.
ئهڤرۆ نیوز،زنار تۆڤى:
عهمید سهرحهد قادر رێڤهبهرێ پولیسێن قهزا و ناحیێن كهركووكێ بۆ دهزگههێن راگههاندنێ دیاركر:كو ئهڤ گرۆپێ تیرۆرستى یێ كو هاتیه دهستگیركرن جهمیل تالب مهحموود سهرپهرشتیا وان دكر دناڤ رێكخراوا داعش دا شیان بهێنه دناڤا كهركووكێ دا،ههروهسا ڤى گرووپى بهرى نوكه دگهل رێكخراوا ئهنسارولسونه و داعش و گرۆپا نهقشهبهندیێ كار كریه و چهندین كارێن تیرۆرى ل دۆزخورماتوو و دووز ئهنجامداینه، لێ ئهڤرۆ هێزێن پۆلیسان ل كهركووكێ شیان وى گرووپا تیرۆرستى بگرن.
ئهڤرۆنیۆز، ئهیاد
ژێدهرهكی ژ پۆلیسێن عیراقێ راگههاند، رێكخستیا داعش یا تیرۆرستی ئاڤاهیێ قایمقامیا بێجی یا ب سهر پارێزگهها سهلاحهدین ڤه كونترۆلكر.
ئهفسهرهكێ پۆلیسێن عیراقێ بۆ شهفهق نیۆز گوت” تیرۆرستێن داعشێ دوهی هێرش كره سهر تاخێ تامیم و شیان ئاڤاهیێ قایمقامیا بێجی كونترۆل بكهن”.
حهیدهر عهبادی سهرۆك وهزیران و فهرماندێ گشتیێ هێزێن چهكدار ل رۆژا دو شهمبی سهرهدانا بهرهیێن شهڕى ل پارێزگهها سهلاحهدین كربوو ژ وان ژی قهزا بێجی ب مهرهما ئاگههداربوون ل سهر رهوشا ئۆپهراسیۆنێن لهشكری دژی داعشێ و پلانا رزگاركرنا پالاوگهها بێجێ و هندهك دهڤهرێن دهروبهر.
ئهڤرۆنیۆز، ئهیاد بهروارى:
وهزیرێ دهرڤهیێ توركیا راگههاند، ئهمریكا و توركیا ل نێزیك دێ دهست ب ئۆپهراسیۆنهكا ئهسمانى یا مهزن ژبۆ دهركرنا چهكدارێن داعشێ ژ باكوورێ سووریێ ل سهر سنۆرێ توركیا.
مهولود چاویش ئوگلۆ وهزیرێ دهرڤهیێ توركیا بۆ رویتهرز گوت” دانوستاندنێن ل دۆر ڤێ ئۆپهراسیۆنێ ل رۆژا ئێكشهمبی 23/8 ب دووماهی هاتینه و سعودیه و قهتهر و ئوردن و بریتانیا و فرهنسا ژى دێ پشكداریێ تێدا كهن و ل نێزیك دێ دهست ب وێ ئۆپهراسیۆنێ دژی داعشێ هێته كرن” گوت ژی” ئهو ئۆپهراسیۆنه نامهكه ژی بۆ سهرۆكێ سووری بهشار ئهسهد كو پێدڤیه ل سهر وی بهر ب دیتنا چارهكا سیاسی بۆ شهڕێ سووریێ بچیت”.
ل دووڤ هندهك ژێدهرێن ئاگههدار مهرهما ئهمریكا و توركیا ژ وێ ئۆپهراسیۆنێ دابینكرنا پاراستنا ئهسمانی یه بۆ ئۆپۆزسیۆنا سووری یا چهكدار د چارچۆڤێ پرۆسا دهركرنا داعشێ ژ سنۆرێ توركیا و سووریا كو درێژاهیا وێ 80 كیلۆمهترن.
ژلایێ خوهڤه پهیڤدارێ وهزارهتا دهرڤهیا ئهمریكا جون كێربی د كونگرهكێ رۆژنامهڤانیدا ل واشنتۆن راگههاند” ل دهمهكێ نێزیك هێزا ئهسمانی یا توركی دێ پشكداریێ د شهڕێ دژى داعشێ دا كهت”.
ئهڤرۆ نیوز:
هێمن هەورامی، ئهندامێ سهركردایهتیا پارتى دیموكراتى كوردستان دیاركر كو پارتى میكانزما خوه بۆ پرسا سهرۆكایهتیا ههرێمێ یا ههى.
ڤى ئهندامێ سهركردایهتیا پارتى دیموكراتى كوردستان ئاماژه ب وێ یهكێ كر كو ههلویستێ پارتى یێ روونه كو بریته ژ ههلبژارتنا سهرۆكى ژ ئالیى گهلى ڤه، چونكه ئهڤ میكانزمه بیاڤى دیموكراسى و پشكداریا سیاسى زێدهتر ب وهلاتیان ددهت و كهلتورێ سیاسى و دیموكراسى باشتر دچهسپینیت.
ئهڤرۆ نیوز:
رۆژا دوشهمبى ل سهلاحهدین مهسعود بارزانى سهرۆكێ ههرێما كوردستانێ پێشوازیا شاندهكێ بلندێ وهلاتێ نهرویج كر كو پێهاتبوون ژ بورگ برێندێ وهزیرێ دهرڤهیێ نهرویج و ئینا ئیركسن وهزیرا بهرهڤانیا نهرویج و خانم سیسیل برییا بالیوزا نهرویج ل عیراقێ.
شاندێ نهرویجى ئامادهبوونا سهرۆك بارزانى ل بهروكێن شهرى ب ئهگهرهكێ گرنگ و ئیلهام بهخش ل قهلهمدا بۆ بلندكرنا ورهیا پێشمهرگهى و سهكهفتن ل بهرانبهر تیرورستان، ههروهسا ئهو یهك ژى ب سهرۆك بارزانى راگههاند كو وهلاتێ وى دێ بهردهوام بیت د پشتهڤانیكرنا ههرێما كوردستانێ دا د ههمووقوناغاندا.
ئهڤرۆ نیوز:
وهزیرێ پهروهردێ یێ حكوومهتا ههرێما كوردستانێ راگههاند: ل دهستپێكا ههیڤا بهێت دێ گرێبهستا ماموستایان هێته نووكرن.
پشتیوان سادق وهزیرێ پهروهردێ یێ حكوومهتا ههرێما كوردستانێ د كۆنگرهكێ رۆژنامهڤانى دا راگههاند” ئهو چوار هزار ماموستایێن ب رهنگهكێ گرێبهست ژ ئالیێ وهزارهتا پهروهردێ ڤه هاتیه دامهزراندن ل ههیڤا بهێت دێ گرێبهستێن وان بۆ هێنه نووكرن”.
وهزیرێ پهروهردێ یێ حكوومهتا ههرێما كوردستانێ ئاماژه ب وێ یهكێ ژى كر كو ژ ئهگهرێ دروستبوونا قهیرانا دارایى دو هزار خواندنگهه هاتینه راوهستاندن.
نيشاندان