ئه‌ڤرۆ نیوز، ره‌وان نهێلى:
ئه‌نجوومه‌نێ سه‌ركردایه‌تیا ده‌ڤه‌را بادینان یا یه‌كگرتووى ئیسلامى كوردستان ئه‌ڤرۆ كومبوونه‌كا نه‌ئاسایى ئه‌نجامدا و پشتى كومبوونێ، سه‌عید عه‌لى عه‌بو سه‌رۆكێ جڤاتا سه‌ركردایه‌تیا یه‌كگرتووى ئیسلامى كوردستان ل ده‌ڤه‌را بادینان داخوازا ڤه‌گه‌ریانا دیندار نه‌جمان دوسكى كریه‌ بۆ مه‌یدانا سیاسى پشتى كو ده‌ست ژ كارێ خوه‌ كێشاى.
هه‌روه‌سا ئه‌نجوومه‌نێ سه‌ركردایه‌تیا ده‌ڤه‌را بادینان یا یه‌كگرتووى ئیسلامى كوردستان پێگیریا سه‌ركردایه‌تیا ده‌ڤه‌رێ ب ئێكرێزیا یه‌كگرتووى ئیسلامى كوردستان د چارچوڤێ په‌یره‌وێ ناڤخو یێ په‌سه‌ندكرى یێ كونگرێ شه‌شێ كریه‌.

ئه‌ڤرۆ نيوز، نيوار محه‌مه‌د سه‌ليم:

كۆمبوونا جڤاتا يه‌كگرتوو ئيسلامى كوردستان يا ده‌ڤه‌را بادينان ل دهۆكێ ده‌سپێكر و بڕياره‌ تێدا هه‌لويستێ خوه‌ ل سه‌ر روودانێن ڤێ دووماهيێ و ده‌ست ژ كاركێشانا د. ديندار نه‌جمان ب راگه‌هينن.

 ژێده‌ره‌كى ژ ناڤا يه‌كگرتوو ئيسلامى كوردستان راگه‌هاند كو نوكه‌ جڤاتا سه‌ركرداتيا يه‌كگرتوو ئيسلامى كوردستان ل بادينان د كۆمبوونێ دانه‌ و دێ دانوستاندنێ ل سه‌ر ره‌وشا نوكه‌ يا يه‌كگرتوو كه‌ن و ب تايبه‌ت ژى وه‌رگرتنا هه‌لويستێ خوه‌ ل دۆر ده‌ست ژ كاركێشانا د. ديندار نه‌جمان.

پێشتر ژى د. محه‌مه‌د مسته‌فا، به‌رپرسێ مه‌لبه‌ندێ سێ يێ يه‌كگرتوو ئيسلامى كوردستان راگه‌هاندبوو كو ئه‌و دێ هه‌لويسته‌كى ل دۆر ده‌ست ژ كاركێشانا ئێك ژ دامه‌زرێنه‌رێن يه‌كگرتوو ئيسلامى كوردستان وه‌رگرن.

دوهى رۆژا چارشه‌مبى رێكه‌فتى 24ى خزيرانا 2015ێ ژ به‌ر گرنگينه‌دان و پشتگوهـ هاڤێتنا يه‌كگرتوويێن ده‌ڤه‌را بادينان ژ لايێ يه‌كگرتوويێن ده‌ڤه‌را سلێمانيێ، د. ديندار نه‌جمان ئێك ژ دامه‌زرێنه‌رێن يه‌كگرتوو و ئه‌ندامێ مه‌كته‌با سياسيا وێ حزبێ ده‌ست ژ كاركێشانا خوه‌ راگه‌هاند.