ئه‌ڤرۆ نیوز:
دنیا وه‌سفى ئه‌و قوتابیان هه‌مى وانه 100 ئینان و بوویه یا ئێكێ ل سه‌ر ئاستێ هه‌رێمێ، بزانه حه‌ز دكه‌ت ببیته چ؟
ئه‌و قوتابیا ل هه‌مى وانا 100 % ئیناى حه‌ز دكه‌ت ببیته چ ؟
نووترين نووچه
- دووماهی دەلیڤە ب حکومەتا ئیراقا فیدڕال دهێتە دان
- دەم پارتی و كەساتیێن سیاسی یێن باكورێ كوردستانێ سوپاسییا سەرۆك بارزانی دكەن
- پێنگاڤەكا دی یا گرنگ یا سەرئێخستنا پرۆسەیا ئاشتیێ بوو
- مەسرور بارزانی: پێشوازیێ ل پرۆسەیا ئاشتیێ و پێنگاڤا ئێكێ یا چەكدانانا پەكەكێ دكەم
- نوونەرێ سەرۆك بارزانی پشكداریێ د رۆژا نیشتمانییا كۆمارا مسرێ دا ل هەولێرێ كر
- شاندێ دەم پارتی بۆ نێچیرڤان بارزانی: بۆ سەرئێخستنا پرۆسەیا ئاشتیێ چاڤێ مە یێ ل بەردەوامییا پشتەڤانییا هەوە
- شاخەوان عەبدوللا: دڤێت سنۆرەك بۆ ڤێ بێرێزیێ و لادانێ ژ قانوونێ بهێتە دانان
- هشیار زێباری: سەرئێخستنا ئاشتیێ داخوازیا ژ مێژە یا سەرۆك بارزانی بوو
- چاڤدێرێن سیاسی: پشتی ژناڤبرنا چەکان دڤێت تورکیا پێنگاڤان بهاڤێژیت
- سەرۆك بارزانی و قاسم ئەعرەجی رەوشا سیاسی و دووماهی پێشهاتێن ئەمنی ل دەڤەرێ گەنگەشە كرن
سه‌ره‌كى نوچێن گرنگ
ئێكه‌ما پشكا وێژه‌یى ل سه‌ر ئاستێ هه‌رێمێ ژ دهۆكێ یه
فرۆكێن هه‌ڤپه‌یمانان 15 داعش كوشتن
ئه‌ڤرو نیوز ،بارزان مزوورى
عصمت ره‌جه‌ب، به‌رپرسێ لقا 14 ل مووسل بو روژناما ئه‌ڤرو دیار كر كو ئه‌ڤرو ده‌مژمێر 12:30 خوله‌ك ب شه‌ڤ 11 ته‌موزێ 2015 فروكه‌یێن هه‌ڤپه‌یمانان بوردومانا كاروانه‌كێ ترومبێلێن چه‌كدارێن تیرورستێن داعش كر دناڤ كوگه‌هه‌كا چه‌كى دا ل تاخێ كرامه و لدوڤ زانیاریێن دروست كو گه‌هشتینه، 15 داعش هاتینه كوشتن و 20 چه‌كدار برینداربوینه .
ناڤبرى گوت ژى: پتریا وان كوشتى و بریندارا بیانى نه گه‌له‌ك ژوان حه‌تا نها بێ سه‌روشینن.
وه‌زاره‌تا په‌روه‌ردێ سه‌ركه‌فتن د به‌لاڤكرنا ئه‌نجامێن قوتابیان دا نه‌ئینا
ئه‌ڤرۆ نیوز:
خوانده‌ڤانێن خوه ئاگه‌هدار دكه‌ین كو لینكى پشكا ئه‌زموونان ل وه‌زاره‌تا په‌روه‌ردێ سه‌ركه‌فتن نه‌ئینا كو قوتابیێن به‌رێز یێن 9 بنه‌ره‌تى و 12 ئاماده‌یى ئه‌نجامێن خوه بزانن و هه‌ر ده‌مژمێرا ئێكێ سێرڤه‌رێ وان تێكچوو و براستى دڤێت هزر ل ڤێ چه‌ندێ هاتبا كرن و وه‌كو سالێن بورى ئه‌نجام دابانه ده‌زگه‌هێن راگه‌هاندنێ داكو قوتابیان ب ساناهى ئه‌نجامێن خوه وه‌رگرتبان.
پانزین به‌رده‌وام دگه‌هته پارێزگه‌ها دهۆكێ
ئه‌ڤرۆنیۆز، سالار دۆسكى
پتریا پانزینخانێن حكومى ل سه‌نته‌رێ قه‌زا دهۆكێ ل گه‌ل سێمێلێ دگرتینه، سه‌رۆكێ لژنا سوته‌مه‌نیێ و پیشه‌سازى ژى ل سه‌ر گرتنا ئه‌ڤان پانزیخانان هاته ده‌نگ.
عه‌بدولسه‌مه‌د تێلى سه‌رۆكێ لژنا سوته‌مه‌نى و پیشه‌سازى ل سه‌رگرتنا پانزیخانان، بۆ مالپه‌رێ ئه‌ڤرۆ نیۆز گۆت: به‌هرا پانزینێ به‌رده‌وام یا دهێته پارێزگه‌ها دهۆكێ كو رۆژانه ملیۆنه‌ك دهێته به‌لاڤكرن.
هێشتا گۆت:به‌رده‌وام پانزین یا دهێنه به‌لاڤكرن، چونكه دانێ سپێدێ به‌هرا هه‌ر پانزیخانه‌كێ نیڤه‌ك دهێته‌دان و پشتى فتارێ نیڤا دى ل سه‌ر دهێته به‌لاڤكرن و به‌رده‌وام یا دهێت.
ره‌ئیا جه‌مال كوچه‌ر ل دۆر چونا گه‌نجان بۆ ده‌رڤه‌ى وه‌لاتى
ئه‌ڤرۆ نیوز:
د. جه‌مال كوچه‌ر ئه‌ندامێ په‌رله‌مانێ عیراقێ ل دۆر دیاردا چوونا گه‌نجان بۆ ده‌رڤه‌ى وه‌لاتى د په‌یجێ خوه یێ فێسبوكێ دا رایا خوه دیاركریه و ئه‌ڤه‌ژى ده‌قێ نڤیسینا وى یه:
چاره‌سه‌ریه‌كا خه‌له‌ت بو كێشه‌یه‌كا ره‌وا
ل ڤێ دوماهیێ چونا گه‌نجان بو ژ ده‌رڤه‌ى وه‌لاتى ب شێوه‌یه‌كێ به‌رچاڤ زێده‌بویه ، و دشێین بێژین ژ حاله‌تان بویه دیارده .. هه‌رگه‌نجه‌كێ پسیار ژێ بكه‌ى ؟ بوچى هه‌ڤالێن هه‌وه بریارا چونا ژ ده‌رڤه كریه د مێشكێ خودا ؟؟
به‌رسڤاوان یا بله‌ز و حازر ئه‌ڤه‌یه : ئه‌گه‌ر كار و دامه‌زراندن و پاره و موچه نه‌بن چ بكه‌ین ل ڤێرێ ؟
یا گه‌نج دبێژن راسته كار و دامه‌زراندن د كێمن و بوهنده‌كان هه‌ر نینن … به‌لێ پسیار ئه‌وه : ئه‌رێ ره‌ڤین ژ ژیوارى و چونا ژ ده‌رڤه‌ى وه‌لاتى تاكه چاره‌سه‌ره بو ده‌رباز بون ژ ڤان قه‌یرانان ؟؟ ئه‌رێ دێ چینه ژ ده‌رڤه دا كار ب كه‌ین ؟ ئه‌رێ ره‌وشا وه‌لاتێن ئه‌وروپى وه كى سالێن بورى یه و ده‌لیڤێن كارى دزورن ؟ ئه‌رێ ئه‌و كارێن ل وێ رێ هه‌ین ل ڤێ رێ ژى نینن ؟ بوچى ئه‌م د به‌رهه‌ڤین بو بیانیان هه‌مى كاران بكه‌ین و بو خو و ملله‌تێ خو د به‌رهه‌ڤ نینین ؟؟ ئه‌رێ هێلانا ئاخێ و وه‌لاتى و دوست و كه‌س و كاران هوسا یا ب ساناهى یه ؟ … هتد .
ئه‌ڤ پسیاره و چه‌ندین پسیارێن دى پێتڤیه ئه‌و گه‌نجێن هزر د چونا ژ ده‌رڤه‌ى وه‌لاتى دا دكه‌ن به‌رسڤان بو دروست بكه‌ن پاشى بریارێ ل سه‌ر بده‌ن .
و به‌رى ڤێ هه‌میێ دێ بێژین كى به‌رپرسه ژ سه‌رهلدانا ڤێ دیاردێ ما نه حكومه‌تا هه‌رێمێ یه ؟؟ .. و مانه ئه‌ركێ وێ یه كار و داهاته‌كى بو ڤان گه‌نجان دابین بكه‌ت ؟.. له‌وما دێ بێژمه گه‌نجان ل شوینا هوین ژ ژیوارى ب ره‌ڤن ، پسیارا مافێن خو بكه‌ن .. و ب هێز ده‌رگه‌هێن حكومه‌تێ ب قوتن.
و دێ بێژمه حكومه‌تێ ژى : مانه ئه‌ركێ هه‌وه‌یه ده‌رفه‌تێن كارى و خوش گوزه‌رانیێ بو گه‌نج و هاولاتیێن ملله‌تێ خو دابین بكه‌ن ؟ ئه‌رێ هند زانكو و په‌یمانگه‌ه بوچى هاتینه ڤه‌كرن ئه‌گه‌ر كه‌س نه هێته دامه‌زراندن ؟ كانێنه ئه‌و سوزێن د بانگه‌شه‌یێن هه‌لبژارتنان دا د هاتنه دان ؟ …
و ئه‌گه‌ر بهانه ئه‌و بیت كو ئه‌م یێ د قه‌یرانه‌كا ئابورى و شه‌رى دا د بورین ، من چوار پێشنیار یێن بو هه‌وه هه‌ین و چ بارگرانیێن ئابورى ل هه‌وه زێده نا كه‌ن ..
1-دویڤ چونه‌كا هویر ژبوى موچه‌یێن نه یاسایى (بن دیوار) بكه‌ن ل شوینا هه ر ئێك ژوان گه‌نجه‌كێ خوادان شیان و باوه‌رنامه ب دامه‌زرینن .
2-هه‌ر فه‌رمانبه‌ره‌كێ گه هشتیه ژیێ خانه‌نشینیێ (تقاعد) خانوبه‌ربكه‌ن و گه‌نجه‌كى ل جهێ وى ب دامه‌زرینن .
3- هه‌ر فه‌رمانبه‌ره‌ك یان حزبیه‌ك كو ژ موچه‌یه‌كى زێده‌تر هه‌بن موچه‌یێ باشتر بو ب هێلێن و یێ دى ببرن و ل شوینا كارى وى ده‌رفه‌تێ بو گه‌نجه‌كێ دى ب ره‌خسینن .
4-رێخوشكه‌ربن و هاریكاربن بو گه‌نجان ژبوى كاركرنێ د كه‌رتێ تایبه‌ت دا ل دویف باوه‌رنامه‌یێن وان . و ژبو ڤى كارى چه‌نیدین كومپانیێن وه‌به‌رهێنان و پیشه‌سازیێ ب دامه‌زرنینن یان ژى ژ ده‌رڤه بیننه دناڤ كوردستانێ دا . چونكه پتریا كومپانیێن ل كوردستانێ هه‌ین د ڤان بواران دا كارناكه‌ن و مه پێتڤى ب ڤان بواران یا هه‌ى ژ بوى دیتنا ده‌لیڤێن كارى بو گه‌نجان .
هیڤیدارم حكومه‌تا هه‌رێمێ ب ئه‌ركێ خو راببیت به‌رمبه‌ر گه‌نجێن وه‌لاتێ مه .. و گه‌نج ژى ژ بریارا خو لێڤه‌ببن و وه‌لاتى بجه نه هێلن ، دا كوردستانا خو یا ره‌نگین ئاڤه‌دان بكه‌ین ، و به‌ره‌ڤ سه‌ربه‌خو بونێ پێنگاڤان ب هاڤێژین ..
فتاره‌كا به‌رفره‌هـ بۆ پێشمه‌رگه‌ى دهێته رێكخستن
ئه‌ڤرۆنیۆز، سالار دۆسكى
فتاره خوارنه‌ك بۆ 700 پێشمه‌رگان دهێته‌چێكرن، 1250 ده‌ستێن جلكێن زارۆیان ذى ل سه‌ر زارۆیێن شه‌هیدان و پێشمه‌رگێ كوردستانێ دهێنه به‌لاڤكرن.
هێرش ره‌شید به‌رپرسێ رێكخراوا مه‌ند بۆ مالپه‌رێ ئه‌ڤرۆ نیۆز دیاركر پێشمه‌رگێ كوردستانێ د سه‌نگه‌ران دایه به‌رامبه‌ر دوژمنى، وه‌ك رێكخراوا مه‌ند بۆ یه‌كسانیێ ل گه‌ل رێكخراوا كوردش رابووین ب به‌رهه‌فكرنا فتاره‌كێ ل محوه‌رێ كه‌سكێ هیڤى یا مه ئه‌وه شیابین خزمه‌تا پێشمه‌رگێ كوردستانێ بكه‌ین.
هێرش هێشتا گۆت: هه‌تا 700 پێشمه‌رگێ كوردستانێ به‌رهه‌ڤى ڤێ فتاره خوارنێ ببون.
ناڤبرى هێشتا گۆت: دیسا مه 1250 ده‌ستێن جلكان ل سه‌ر زارۆیێن شه‌هیدان و زارۆیێن پێشمه‌رگێ كوردستانێ به‌لاڤ كرن، ئه‌ڤه هه‌ر دو رێكخراوێن ناڤبرى ب هه‌فكارى ل گه‌ل كومبانيا mrf هاته ئه‌نجامدان.
ئه‌ڤه شه‌قه ب رێیا ڤى لینكى قوتابیێن9 و 12 ئاماده‌یى ئه‌نجامێن خوه وه‌ربگرن
ئه‌ڤرۆ نیوز،زنار تۆڤى:
په‌یڤدارێ وه‌زاره‌تا په‌روه‌ردێ یا حوكه‌مه‌تا هه‌رێما كوردستانێ فاتح مه‌وله‌وى زاده دا دیاركرن:كو وه‌زاره‌تا په‌روه‌ردێ یا حوكمه‌تا هه‌رێمێ ئه‌ڤ شه‌ڤه ل ده‌مژمێر 8 شه‌ڤێ ل رێكه‌فتى 10/7/2015 ل دیوانا وه‌زاره‌تا په‌روه‌ردێ و د كونگره‌كێ روژنامه‌ڤانى دا دێ ئه‌نجامێن تاقیكرنێن پولا 9 بنه‌ره‌تى و 12 ئاماده‌یى دێ هێنه راگه‌هاندن و گوت ژى:ئه‌ڤ ساله 131 هزار قۆتابیێن ئاماده‌یى تاقیكرن ئه‌نجام داینه.
خوانده‌ڤان و قوتابیێن خوشتڤى ب رێیا ڤى لینكێ ل خوارێ هوین دشێن ل ده‌مژمێر 8 ڤه‌كه‌ن و ئه‌نجامێن خوه بزانن.
ڤى لینكى ڤه‌كه
پێزانينێن هویر ل دۆر قه‌یرانا ئابوورى یا یونانێ
ئه‌ڤرۆ نیوز،زنار تۆڤى:
ل دووڤ ئاماران،ژ سێ هاولاتیێن یۆنانى ئێك ژ وان ل ژێر هێلا هه‌ژاریێ دژیت،رێژا بێكاریێ ژى 25% ل وى وه‌لاتى ده‌ربازكریه و حكومه‌ت ژى 320 ملیار دۆلاران یا قه‌رداره.
ئه‌و قه‌یرانا دارایى یا سالا 2008 روى ب روى چه‌ند وه‌لاتێن جیهانێ بووى،ل دووڤ دا پتریا وان وه‌لاتان رزگار بوون،لێ هێشتا وێ قه‌یرانێ یۆنان به‌رنه‌دایه، ب ره‌نگه‌كێ كو هه‌تانوكه ژ سێ وه‌لاتیان كه‌سه‌ك ل ژێر هێلا هه‌ژاریێ دایه و مه‌ترسیا خه‌لكێ ژ هندێ هه‌یه كو بكه‌ڤنه هێلا هه‌ژاریێ،له‌ورا پارێن سندوقا وه‌زاره‌تا داراییا وى وه‌لاتى جهێ دلخۆشیێ نینه بۆ خه‌لكێ یۆنانێ،هژمارا خوجهێن یۆنانێ نێزیكى 11 ملیۆن كه‌سانه،لێ دنوكه‌دا 3 ملیۆن و 800 هزار وه‌لاتى كو دبنه رێژه‌یا 36% مه‌ترسیا هندێ ل سه‌ره كو بكه‌ڤنه ژێر هێلا هه‌ژاریێ،د ده‌مه‌كى دا ئه‌و رێژه‌یه ل سالا 2008، 27.6% بوو،ل دووڤ داتایێن دامه‌زراوا ئه‌لستاتا یۆنانى ژمارا وان كه‌سێن ل سالا 2008 هه‌ژاربوون 19.7% بوو،به‌لێ ل سالا 2013 ئه‌و رێژه گه‌هشته 22%.
ده‌رباره‌ى ب داهاتیێ سالانه یێ تاكى ل یۆنانێ ئه‌لستاتێ دیاركریه،ل سالا 2013 داهاتیێ سالانه یێ تاكى 8 هزار و 879 یۆرو بوویه،د ده‌مه‌كى دا مه‌زاختنا هه‌ر تاكه‌كى بۆ هندێ پێ بژیت 17 هزار و 270 یۆرونه،سه‌باره‌ت نه‌دادپه‌روه‌ریا كۆمه‌لایه‌تى ئه‌لستات ئاشكه‌را دكه‌ت:داهاتیێ سالانه 20% یێ توێژا ده‌وله‌مه‌ندان شه‌ش جار هندى داهاتیێ رێژا 20% ژ یا خه‌لكێ هه‌ژار زێده‌تره،ل بارێ ریژه‌یا بێكاریێ ل دووڤ داتایان د مه‌ها نیسانا ئه‌ڤ ساله‌دا ئه‌و رێژه گه‌هشتیه 25.6%،د ده‌مه‌كى دا ل سالێن 2013 و 2014 ئه‌و رێژه 27.9% بوویه،ل دووڤ داتایان 3 ملیۆن و 543 هزار كه‌س ل یۆنانێ فه‌رمانبه‌ر و خۆدان كارن،د به‌رامبه‌را دا ئێك ملیۆن و 216 هزار كه‌س بێكارن،وه‌لاتێ یۆنانێ ئێكه ژ وان وه‌لاتێن دكه‌ڤیته ل سه‌ر رێیا هه‌رسێ كیشوه‌رێن ئۆروپا و ئاسیا و ئه‌فریكا،ژلایێ سیاسى ڤه ئێكه ژ وه‌لاتێن ئێكه‌تیا ئۆروپا و نافچه‌یا یۆرۆ و ئه‌نداما ناتۆیه،ژلایێ ئابوورى ڤه،زێده‌تر پشت به‌ستنێ ل سه‌ر كه‌رتێ گه‌شتیارى دكه‌ت،ل دووڤ ئامارا بانكا جیهانى ل سالا 2013 ئابوورێ یۆنانێ ل رێزبه‌ندا 43 یا جیهانى بوویه،ژ به‌رهه‌مئینانا نافخۆیى ب برا 242 ملیار دۆلاران،هه‌روه‌سا ل سالا 2013 خودانا پله‌یا 15 بوو ل رێزبه‌ندیا 28 وه‌لاتێن ئێكه‌تیا ئۆروپا. ژ ئه‌گه‌رێ قه‌یرانا ئابوورى ل دووماهیا 2008 یۆنان نه‌چار بوو،قه‌ران ژ نافچه‌یا یۆرۆ و سندۆقا دراڤێ نێڤده‌وله‌تى و بانكا ئۆروپا بكه‌ت،كو سه‌رجه‌مێ قه‌ران 320 ملیار یۆرۆنه،له‌ورا پێدڤیه یۆنان رێفۆرمێن ئابوورى ژبۆ دانا قه‌رێن خوه جێبه‌جێ بكه‌ت،لێ ژ ئه‌گه‌رێ دژواربوونا قه‌یرانان و رێكنه‌كه‌فتنا حوكمه‌تا نوو ب سه‌رۆكاتیا سپراسى دگه‌ل وه‌لاتێن نافچه‌یا یۆرۆ،قه‌یرانێن وى وه‌لاتى به‌ره‌ف خرابتربوونێ ڤه دچن،ب ره‌نگه‌كى حوكمه‌تا یۆنانێ نه‌شیا به‌رى ده‌ستپێكا ڤێ هه‌یڤێ ئێك ملیار و 600 ملیۆن یۆرۆیا قه‌رێن خوه بده‌ت،ئه‌ڤه‌ژى د ده‌مه‌كێ دایه كو پێدڤیه هه‌تا رۆژا 20/7/2015 سێ ملیار و 500 ملیۆن یۆرۆیێن دى ژ قه‌رێن خوه بده‌ت،لێ شاره‌زایێن ئابوورى دبێژن:چ هیڤى نینه بۆ دانه‌یا وان قه‌ران.
سامى ئه‌ترووشى: ئاسایى یه مه‌سعود بارزانى د پوستێ خوه دا بمینیت
ئه‌ڤرۆنیۆز، سالار دۆسكى:
سامى ئه‌ترووشى ئه‌ندامێ به‌رێ یێ په‌رله‌مانێ عیراقێ بۆ مالپه‌رێ ئه‌ڤرۆ نیۆز گۆت: بێ گۆمان به‌غدا و گشت دوژمنێن كوردستانێ لێ دگه‌رن كه‌نگى ئێك رێزیا ملله‌تێ كوردستانى تێتێك بده‌ن، و چو هێجه‌ت هه‌بیت، بدیتنا من پرسا سه‌روكێ هه‌رێمى راسته پرسه‌كا نافخویى یه به‌لێ كارتێكرنێ دكه‌ت لسه‌ر په‌یوندیتن مه دگه‌ل به‌غدا وگشت وه‌لات ولایه‌نان، وئه‌گه‌ر ب حه‌كیمانه چاره‌سه‌ر نه‌بیت دێ كوردا زۆر لاواز كه‌ت، كارتێكرنه‌كا خراب ل سه‌ر ئه‌ڤرۆ وئایندا كوردستانى ژیك هه‌یه، چونكه دێ ب ده‌لیڤه هێته زانین لایه‌نێن ده‌ره‌كى ده‌ستێت خوه پتر بێخنه دناڤ مالا كوردیدا وتێك بده‌ن.
هێشتا گۆت: جارێ بدیتنا من پرسه‌كا وه‌سا گرنگ نه ب هه‌لویستێن روژا ٢٣ حوزه‌یرانێ دهێته چاره‌سه‌ركرن و نه ب كێمتری دو مه‌ها كو مای دێ هێته چاره‌سه‌ركرن.
سامى ئه‌ترووشى هێشتا گۆت: بێ گومان ب تنى ب سازانا نشتیمانى دێ هێته چاره‌سه‌ركرن، ئاسایى یه ئه‌و سازانه دخازیت كو به‌رێز مسعود بارزانى هه‌تا دووماهى یا ڤێ خولا په‌رله‌مانى بمینیت دپوستێ خوه دا، و دڤى ده‌مى دا ده‌ستور بهێته ئێك لایكرن وپرسا سه‌روكایه‌تیى بێ گومان تیدا بهێته چاره‌سه‌ركرن.
نيشاندان
WP Facebook Auto Publish Powered By : XYZScripts.com