ئه‌ڤرۆ نيوز:

رێڤەبەرێ گشتی چاندنێ ل پارێزگەھا دھۆکێ بۆ ئەڤرۆ دیارکرکو ١٠٠ دونەمێن ئەردی دھێنە تەرخانکرن بۆ دەرچوویێن چاندنێ و فێتێرنەری، ئەوین نەھاتینە دامەزراندن و ل گۆری ھندەک رێنمایان دێ دەرچوویێ چاندنێ و فێتێرنەری ڤێ ئەردی بۆ مەرەمێن دروستکرنا پرۆژان وەرگرن بۆ ھەر دەرچوویەکێ مەرج ژی بگرن دێ پێنچ دونەمێن ئەردێ ھێنە تەرخانکرن.
د. لەزگین حەجی عساف رێڤەبەرێ گشتی چاندنێ ل پارێزگەھا دھۆکێ دیارکر رێنما دێ ھێنە دانان ل گۆر وان دێ ئەرد وھاریکاری وان دەرچوویان ھێتە کرن لێ ھەکەر نوکە ئەرد بھێتە دان بۆ دەرچوویێن چاندنی و فێتێرنەری بیێ ھاریکاری، زەحمەت بشین پرۆژان دروست بکەن و پێدڤیە ھاریکاری دگەلدا ھەبیت.
د. لەزگین حەجی عساف گۆتژی ل ھەیڤا بھێت دێ رێنما دەرکەڤن ل دھۆکێ ١٠٠ دونەمێن ئەردی ھاتینە حازرکرن ھەکە ھات رێنما دەرکەڤتن وئالیات یا روھن بیت ل پاشەرۆژی چ ھاریکاری بۆ وان کەسان بھێتە کرن نە بتنی پێنچ دونەمێن ئەردی بدەینە ھەر دەرچوویەکێ و پارە نەبیت و چوو پرۆژان ل سەر دروست بکەت،دێ پیشنیازا خوە دەینە وەزارەتی و مە پێ باشە رێنما دەرکەڤن کا کێژ دەرچوویێن چاندنێ مفادار بیت مە پێ باشە وەزارت بخوە بوودجەکێ بۆ پشتەڤانیا وان تەرخان بکەت،چونکو پرۆژەیێن چاندنێ پێدڤی ئاڤێ و پێدڤیانە وھەکەر پرۆژەکێ پەلەوەران بیت کا بەنگا چاندنێ دێ ھاریکاری وان کەت ، تشتەکێ وەسا بیت ئەو پرۆژەیێن دھێنە چێکرن خوە ل سەر پیێن خوە بگرن ودەرچویێن چاندنێ مفایێ ژی وەربگریت نە بتنی تەرخانکرنا ئەردی بیت.
رێڤەبەرێ گشتیی چاندنێ ل دھۆکێ دیارکر ھەکەر مە دیت ھزرەکا سەرکەڤتیە ئەو ١٠٠ دونەم دێ بنە دو سەد دێ ھیشتا ژێ ھێنە زێدەکرن،ھەکەر پرۆژە سەرکەڤن وبھێنە چێکرن و ھاریکاری ھەبیت پێنچ دونەم دکێمن بۆ دەخل ودانی ٢٥ دونەم و سەرانە لێ ئەڤە پێنچ دونەمن بتنی دێ بۆ پرۆژەیێن پەلەوەران وماسیا یان خانیێن پلاستیکی بۆ چاندنا فیقی وکەسکاتیی یان ژی پرۆژەکی کیڤارکا بێت وھیشتا پلان ئاشکرا نەبوویە کا دێ چ جۆرێن پرۆژەیێن چاندنی وفێتێرنەری بن لێ ئەو دەرچوویێن نە دامەزراندنێ دێ ئەرد ل سەر وان ھێتە بەلاڤکرن.
ماجد دەباغ دیارکر١٠٠ دۆنەمێن ئەردێ بۆ دەرچوویێن چاندنێ و فێتێرنەری ل ھەر پاریزگەھەکێ دھێنە تەرخانکرن دێ رێنما ھێنە دانان کا کێژ دەرچوو مفاداربن ومیکانزمەکا گونجایی ب ھەڤکاریا ھەموو لایەیان دێ ھێتە دانان بۆ ھندێ،پرۆژە بھێنە دروستکرن وبەرھەمدار بن ل ھەر پارێزگەھەکێ ٢٠ دەرچوو دێ مفاداربن ل گۆر ھندەک مەرج ورێنمایان،دبیت ئایندەیی دا ھیشتا ھزر بھێتە بەرفرەھکرن وپتر ئەرد بھێتە تەرخانکرن داکو مەزنترین ژمارا دەرچوویێن چاندنێ و فێتێرنەری مفاداربن و پرۆژان دروست بکەن.
رێڤەبەرێ راگەھاندنێ وەزارەتا چاندنێ و ژێدەرێن ئاڤێ گۆتژی: رێ ناھێتە دان کەسێن باوەرنەمێن دبلۆم وماستەر و دکتورایێ ھەین خزمەتا خوە ڤەگوھێزن بۆ وەزارەتەکا دێ بەلکو پێدڤیە ل رێڤەبەریێن سەر ب وەزارەتێن خوە ڤە خزمەتێ بکەن وھەولدان دھێنە کرن بۆ پشتەڤانیا وان دەرچوویێن نەھاتینە دامەزراندن بۆ ھندێ،کەرتی تایبەت گەشەبکەت وپرۆژەیێن چاندنێ و فێتێرنەری دروست بکەن و دابینکرنا ئەردی ژێ حوکمەتێ ب ستۆیێ خوە ڤەگریت بۆ وان دەرچوویێن حەز دکەن،پرۆژان دروست بکەن ئەڤە ژێ پینگاڤەکا گرنگە بۆ زێدەکرنا بەرھەمێ نافخۆیی چونکو کەسێن دەرچوویێ دێ ریێن زانستی و سەردەم کارێن چاندنێ وقێتێرنەری کەن دئەنجامدا ژێ دێ بەرھەمێ وان باشتر بیت.

ئەڤرۆ:
پەرلەمانتارەکێ کوردێ پەرلەمانێ عیراقێ راگەھاند کو بڕیارە شاندەکێ ھەرێمێ ژ بۆ دانوستاندنێ ل سەر بادەکا پەترۆلێ و بودجەی سەرەدانا بەغدا بکەنەت و شاندەکێ بەغداژی ژ بۆ ھەمان ئارمانج سەرەدانی ھەرێمێ بکەت. و گۆت “ھەرێم و بەغدا ب نیازن
د. ئەردەلان نورەدین ئەندامێ پەرلەمانێ عیراقێ بۆ ئەنادۆل راگەھاند کو بەری نھا ھەرێمێ بریار دابوو کو شاندەکی فرێکەتە بەغدا و دانوستاندنان ل سەر پرسا پەترۆلێ و بۆدجەی بکەت و گۆت “لێ پێزانین گەھشتینە مە کو وەزارەتا پەترۆلێ یا عیراقێ ژی بریار دایە شاندەکێ خوە فرێکەتە ھەرێما کوردستانێ داکو دووبارە بگەھنە ئەنجامەکێ باشتر ژ یێ نەری نھا گەھشتینێ، چونکی نھا بسەدەما ڤان ئالۆزیێن د ناڤبەرا ھەردو ئالیان دا سستیەک کەفتیە د پەیوەندیێن وان دا، لەورا ب دیتنا من ئەڤ جۆرە سەرەدانە فاکتەرەکە ژ بۆ ئیمزاکرنا رێککەفتنەکا نوو”.
پەرلەمانتارێ کورد خویا ژی کر کو عیراق وەکو جاران دژایەتیا سەربەخۆیا ئابووریا ھەرێمێ ناکەت و نھا چاڤێن خوە لێ دگریت و گۆت “ئەڤە دێ بیتە پالدەرەک کو ھەرێم ب دەلیڤە بزانیت پەترۆلێ گرەنتی بکەت و کڕیاران بۆ بۆ پەترۆلا خوە مسوگەر بکەت و ئەوی پارەیێ پێدڤی ب دەست بێخیت بۆ دابینکرنا پێدڤیێن خوە”.