هه‌ولێر، قائید میرۆ
په‌رله‌مانتاره‌كێ پارتی ل دۆر پشكداریا پارتی د كۆمبوونا سبه‌هى یا په‌رله‌مانی دا دیاركر، به‌ری ده‌ستپێكرنا كۆمبوونا په‌رله‌مانی فڕاكسیۆنا پارتی دێ كۆمبیت و دئ هه‌لویستێ خوه‌ دیاركه‌ت.
ڤه‌مان فه‌یسه‌ل، په‌رله‌مانتارێ پارتی و ئه‌ندامێ لیژنا قانوونی ب ئه‌ڤرۆ نیۆز راگه‌هاند” بۆ كۆمبوونا سبه‌ یا په‌رله‌مانی هێشتا پارتی چو بڕیارێن دوماهیێ ل دۆر پشكداریكرن و نه‌كرنێ نه‌داینه‌ و بڕیاره‌ به‌ری ده‌ستپێكرنا كۆمبوونێ فڕاكسیۆنا پارتی كۆمبیت و تێدا هه‌لویستێ خوه‌ دیاربكه‌ت.
ڤه‌مانی ره‌تكر، جێگرێ سه‌رۆكێ په‌رله‌مانی جه‌عفه‌ر ئێمنكی چو گه‌ف ل په‌رله‌مانی كربوو و گۆت” ئه‌و زانیاریێن هاتینه‌ به‌لافكرن دۆرن ژ راستیێ و كاك جه‌عفه‌ری چو گه‌ف نه‌كرینه‌”.

ئه‌ڤرۆ نیۆز، سالار دۆسكى :
سه‌رۆكێ لژنا سوته‌مه‌نیێ و پیشه‌سازى ل جڤاتا پارێزگه‌ها دهۆكێ كبۆ ئه‌ڤرۆ نیۆز ئاشكراكر كو وى په‌یوه‌ندى ب كومپانیا توركى كریه‌ ئه‌وا كو دێ رابیت ب ئینانا پانزینێ بۆ كوردستانێ، ل دووڤ گۆتنێن كومپانیا پانزین ئه‌ڤرۆ ئێڤارى پانزینا ئیماراتى گه‌هشتیه‌ مێرسینێ و هاتیه‌ پشكنینكرن.
عه‌بدوسه‌مه‌د تێــــــــــلى سه‌رۆكێ لژنا سوته‌مه‌نیێ و پیشه‌سازیێ ل جڤاتا پارێزگه‌هێ زێده‌تر بۆ ئه‌ڤرۆ نیۆز گۆت ژى: نوونه‌رێ كومپانییێ ئاگه‌هداركرینه‌ كو پانزین گه‌هشتیه‌ مێرسینێ و هاتیه‌ پشكنینكرن و سوبه‌ رۆژا سیێ شه‌مى دێ ده‌ست ب باركرنێ هێته‌كرن ب تانكه‌ران و ژڤانه‌ رۆژا چارشه‌مبى بگه‌هیته‌ عومباران ل هه‌رێما كوردستانێ و پارێزگه‌ها دهۆكێ و قه‌یرانا پانزینێ نه‌مینت.
هێشتا گۆت: پانزینا دهێت بۆ هه‌موو پارێزگه‌هێن هه‌رێما كوردستانێ یه‌ و ئه‌ڤه‌ ل دووڤ گرێبه‌ستا وه‌زاره‌تا سامانێن سرۆشتى ل حوكمه‌تا هه‌رێما كوردستانێ ئه‌ڤ پانزینه‌ هاتیه‌ كرین.