ئه‌ڤرۆ نیوز:
دلشاد شه‌عبان جێگرێ سه‌رۆكێ لژنا سامانێن سروشتى ل په‌رله‌مانێ كوردستانێ بۆ ئه‌ڤرۆ نیوز دیاركر ئه‌و مژوولى چاره‌كرنا كێشا پانزینا دهۆكێ یه ل گه‌ل وه‌زاره‌تا سامانێن سروشتى و گۆت: ئه‌ڤرۆ 430 هزار لترێن پانزینێ ره‌وانه‌ى دهۆكێ هاتنه كرن و سوبه دێ 450 هزار ره‌وانه‌ى دهۆكێ هێنه كرن و گرێبه‌ستا ئینانا پانزینێ بۆ دهۆكێ و پارێزگێن دى هاتینه ئیمزاكرن.
ئه‌ڤرۆ نیوز: قه‌یس ئیسماعیل
ئه‌ڤ رۆژه سالانه ل 20-6 دهیته ئه‌نجام دان به‌لى ژ به‌ر هاتنا هه‌یڤا ره‌مه‌زانى رێكخراوا ناڤبرێ پێش وه‌خت ئه‌نجامدا.
د په‌راویزا چالاكیێن ڤێ رۆژى دا ئاواره و په‌نابه‌رێن ئاكنجى ل كه‌مپێن پارێزگه‌هێ ب چالاكیێن جودا پشكدارى كربوون ژ وان دروستكرنا خارنێن فلكلورى یێن تایبه‌ت ب كۆردێن توركیا وسوریا و كریستیانین میسل وتوركمانێن تلكێفێ و عه‌ره‌بێن ژ میسل ره‌ڤێن ل گه‌ل ڤه‌كرنا پێشانگه‌ها كارێن ده‌ستى بۆ په‌نابه‌رێن كه‌مپا دومیز ئێك ودوو و گه‌ویلان وگرێ گه‌ورێ.
اسماعیل محمد هارێكارێ پارێزگه‌رێ دهۆكێ بۆ كاروبارێن ئاواران، داخازا پشته‌ڤانیا رێكخراوێن نیڤده‌وله‌تى كر و خاست فشار ل سه‌ر حكومه‌تا فیدرال بهێته كرن دا پتر هاریكاریا ئاواره‌یان بهێته كرن چنكو نوكه پتر 820 هزار ئاواره و په‌نابه‌ر ل پارێزگه‌هێ هه‌نه، هه‌ر چه‌نده پارێزگه‌ها دهۆك دێ به‌رده‌وامى ده‌ته پشته‌ڤانیكرنا وان چنكو دهوك هێلینا پیگه‌ڤه ژیانێ وئاشتیى یه.
ئه‌ڤرۆ نيوز:
جێگرا سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو پرۆژێ فراكسيۆنا گۆڕان ده‌رباره‌يى پرسيا سيسته‌مێ سياسى و سه‌رۆكاتيا هه‌رێمێ ژ ده‌ستێكێ وه‌كو سازان د ناڤا ئه‌ندامێن په‌رله‌مانى دا يێ سه‌ركه‌فتى نه‌بوو، ته‌كستێ ل سه‌ر وێ چه‌ندێ ژى دكه‌ت كو بارزانى دشێت بۆ پۆستێ سه‌رۆكاتيا هه‌رێمێ خوه كانديد بكه‌ت.
ئامينا زكرى، جێگرا سه‌رۆكێ فراكسيۆنا پارتى ديموكراتى كوردستان، راگه‌هاند: هه‌تا نوكه فراكسيۆنێن ناڤا په‌رله‌مانێ كوردستانێ ل سه‌ر وێ چه‌ندێ د رازى نه كو دڤێت دانوستاندن د ناڤبه‌را فراكسيۆنان دا ب سانان بيت دا كو پرس ب رێكه‌فتن بهێنه كرن و چو كێشه دروست نه‌بن.
ئامينا زكرى گۆت: “پرۆژێ فراكسيۆنا گۆڕان ل دۆر پرسا سيسته‌مێ سياسى و سه‌رۆكاتيا هه‌رێمێ ل ده‌سپێكێ وه‌كو سازان د ناڤبه‌را لايه‌نێن ناڤ په‌رله‌مانێ كوردستانێ دا يێ سه‌ركه‌فتى نه‌بوو”.
گۆتژى: “نه‌دبوو جه‌نابێ سه‌رۆكێ په‌رله‌مانى، يوسف محه‌مه‌د پرۆژێ بزاڤا گۆڕان ئينابايه ناڤ په‌رله‌مانى، چونكو ئه‌م هه‌موو فراكسيۆن ل سه‌ر وێ چه‌ندێ د رازى نه كو سازان ل سه‌ر هه‌موو پرسان بهێته كرن”.
دوهى رۆژا شه‌مبى رێكه‌فتى 13ى خزيرانا 2015ێ سه‌رۆكێ ديوانا سه‌رۆكاتيا هه‌رێمێ، فوئاد حسێن، راگه‌هاند: مه‌سعود بارزانى سه‌رۆكێ هه‌رێما كوردستانێ و ب پشت به‌ستن ل سه‌ر قانوونا سه‌رۆكاتيا هه‌رێما كوردستانێ يا ژماره “1” يا سالا 2015ێ يێ راستڤه‌كرى و ب فه‌رمانا هه‌رێمى يا ژماره “91” يا سالا 2015ێ بڕيار دا هه‌لبژارتنێن گشتى بۆ سه‌رۆكێ هه‌رێما كوردستانێ بهێنه ئه‌نجام دان و ل رۆژا 20ى ته‌باخا 2015ێ”.
ده‌رباره‌يى ڤێ بڕيارا سه‌رۆكێ هه‌رێما كوردستانێ، جێگرا سه‌رۆكێ فراكسيۆنا پارتى گۆت: “جه‌نابێ سه‌رۆكێ هه‌رێما كوردستانێ، ئه‌ركێ قانوونى يێ خوه يێ بجهـ ئينايى، نوكه كۆمسيۆن يا سه‌رپشكه كا ئايا دشێت رێكارێن خوه بده‌ته به‌ر بۆ ئه‌نجامدانا هه‌لبژارتنان يان نه و ئه‌ڤه ژى دێ كۆمسيۆن به‌رسڤێ ده‌ت”.
ره‌ت ژى كر كو كو ئه‌ڤ بڕيارا سه‌رۆكێ هه‌رێمێ وه‌كو كاردانه‌ڤه بيت بۆ لايه‌نێن دى يێن هه‌رێما كوردستانێ.
جێگرا سه‌رۆكێ فراكسيۆنا پارتى ل په‌رله‌مانى كو حزبا وێ 38 كورسيێن په‌رله‌مانى هه‌يه و سه‌ركه‌فتيا ئێكێ يا هه‌لبژارتنێن خولا چوارێ يا په‌رله‌مانێ كوردستانێ بوويه، به‌حس ل وێ چه‌ندێ ژى دكه‌ت كو فراكسيۆنا وان يا ئاماده‌يه بۆ سازان ل گه‌ل هه‌موو لايه‌نان بۆ وێ چه‌ندێ وه‌كو ئامينا دبێژيت: “بۆشايا قانوونى يان چو هه‌ڤركيه‌ك ل هه‌رێما كوردستانێ سه‌ر هلنه‌ده‌ت و ببيته ئه‌گه‌رێ زيانێ بۆ سه‌ر ئاسايش و سه‌قامگێريا كاودانێن سياسى ل كوردستانێ، چونكو نوكه هه‌رێم روو ب روويێ شه‌رێ داعش بوويه، ديسا قه‌يرانا دارايى ژى كه‌فتيه سه‌ر هه‌موو ده‌سته‌لات و حوكمه‌تێ”.
ئاماژه ب وێ چه‌ندێ ژى كر كو هه‌ر پرسه‌كا سياسى ل كوردستانێ، ئه‌گه‌ر بڤێت بهێته ئێكلاكرن پێدڤى سازانێ هه‌يه و ئه‌و ژى دڤێت د ناڤبه‌را لايه‌نێن سياسى دا بهێته ئێكلا كرن.
د پرسا وێ چه‌ندێ دا كو هه‌كه كۆمسيۆنا بلندا سه‌ربه‌خۆيا هه‌لبژارتنان شيان هه‌لبژارتنان ئه‌نجام بده‌ن، مه‌سعود بارزانى دشێت بۆ جاره‌كا دى خوه كانديد بكه‌ت، د به‌رسڤێ دا، جێگرا سه‌رۆكێ فراكسيۆنا پارتى راگه‌هاند كو ئه‌ڤى بابه‌تى دوو روو يێن هه‌ين، د وارێ قانوونى، پشكه‌ك دبێژيت بارزانى نه‌شێت خوه كانديد بكه‌ت چونكو ئه‌ڤه دو خوله سه‌رۆكێ هه‌رێما كوردستانێ”.
زێده‌تر گۆت: “سه‌رۆك بارزانى دشێت بۆ جاره‌كا دى خوه كانديد بكه‌ت، چه‌نكو ئه‌و خوله‌كێ ب ده‌نگدانا وه‌لاتيان هاتيه هه‌لبژارتن، ژ به‌ر هندێ ژى ب بۆچوونا من ژ روويێ قانوونى ڤه جه‌نابێ سه‌رۆكى دشێت خوه كانديد بكه‌ت، ژ به‌ر كو خولا سه‌رۆكاتيا به‌رێ ل په‌رله‌مانێ كوردستانێ بوويه”.
ئه‌ڤرۆ نيوز:
ره‌جه‌ب ته‌يب ئه‌ردوگان سه‌رۆك كۆمارێ توركيا راگه‌هاند كو ئه‌و يێ ب هيڤى يه به‌رى ب دووماهى هاتنا ده‌مێ قانوونى يێ پێكئينانا حوكمه‌تێ كو 45 رۆژن، حوكمه‌ته‌كا هه‌ڤپه‌يمان پێك بينيت و دا زانين ژى كو ئه‌و دێ ل گه‌ل سه‌رۆكێن هه‌ر سێ پارتێن دى يێن سه‌ركه‌فتى د هه‌بيژارتنێن توركيا دا كۆم بيت.
ئه‌ڤرۆ نيوز:
پشتى دوهى فوئاد حسێن سه‌رۆكێ ديوانا هه‌رێما كوردستانێ راگه‌هاندى كو مه‌سعود بارزانى سه‌رۆكێ هه‌رێما كوردستانێ رۆژا 20ى ته‌باخێ وه‌كو رۆژا هه‌لبژارتنا سه‌رۆكێ هه‌رێما كوردستانێ ده‌ستنيشان كريه، سه‌عدى ئه‌حمه‌د پيره سه‌ركردێ ديارێ ئێكه‌تى نشتيمانى كوردستان د په‌يوه‌نديه‌كا تله‌فۆنى دا بۆ راديۆيا دهۆك ب ڤى ره‌نگى به‌حس ل ڤى بابه‌تى كر:
ئه‌ڤرۆ نيوز:
پارێزگارێ كه‌ركووك ره‌خنێن دژوار ل به‌غدا گرتن كو پارێ پارێزگه‌هان ناهنێريت و دبێژيت نابيت نوكه ژى جادێن مووسل ب پارێ به‌غدا بهێته پاقژكرن و بۆ كه‌ركووك پاره نه‌هێته ره‌وانه كرن.
د كۆمبوونێ دا ل گه‌ل جڤاتا پارێزگه‌ها كه‌ركووك كو نوونه‌رێن هه‌موو پێكهاتێن وى باژێرى تێدا بوون، نه‌جمه‌دين كه‌ريم، پارێزگارێ كه‌ركووكێ كێشه به‌رچاڤ كرن كو نه‌بوونا كاره‌با پێدڤى و هه‌بوونا نيڤ مليۆن ئاوارا و نه‌هنارتنا بودجه و پارێ پترۆ دۆلارن.
پارێزگارێ كه‌ركووك ئاماژه ب وێ چه‌ندێ كر كو نيڤ مليۆن ئاواره ل وێ پارێزگه‌هێ هه‌نه و ژ ئه‌گه‌رێ پێنه‌دانا پاره‌يى د بێ خزمه‌تن و گۆت: “هه‌تا نوكه به‌غدا هه‌شت مليار دينار بۆ نيڤ مليۆن ئاواران هنارتينه ب ره‌نگه‌كێ كو د بێ خزمه‌تن و به‌رپرسێن عيراقى ژى نه‌وێرێ سه‌ره‌دانا وان كه‌مپان بكه‌ن”.
نه‌جمه‌دين كه‌ريم داخواز ژ جڤاتا پارێزگه‌ها كه‌ركووك كر كو ڤه‌كۆلينه‌كا هوور بكه‌ن و بڕيارێ بده‌ن كو خوه ب ڤه‌گه‌رينن بۆ به‌غدا و لژنه‌كێ بۆ ڤێ مه‌ره‌مێ ژ هه‌موو پێكهاتان ئاماده بكه‌ن و ره‌وانه‌يى به‌غدا بكه‌ن و ئاخفتنا دووماهيێ بهێته كرن”.
پارێزگارێ كه‌ركووك گۆت: “دو ساله پارێ پترۆدۆلار مه وه‌رنه‌گرتيه د ده‌مه‌كى دا به‌سره و چه‌ند جهێن دى وى پاره‌يى وه‌ردگرين”.
پارێزگارێ كه‌ركووك ره‌خنێن دژوار ژى ل به‌غدا گرتن كو كه‌ركووك پشت گوهـ هاڤێتيه و ئاماژه ب وێ چه‌ندێ كر كو حوكمه‌تا ناڤه‌ندا پاران بۆ مووسل دهنێريت كو ل بن ده‌ستێ داعشه و گۆت: “نوكه ب پارێ به‌غدا كو سێ مليار و نيڤه بۆ مووسل هنارتيه دا كو جادان پێ پاقژ بكه‌ن ئه‌ڤێن كه‌فتينه ده‌ستێ داعش”.
گۆتژى: “ئه‌ز پرسيارێ ژ به‌غدا دكه‌م داعش جادان ب پارێن هه‌وه پاقژ دكه‌ت دا كو هه‌مه‌رێن وان باشتر ل سه‌ر بچن، بۆچى پارێن كه‌ركووك ناهنێرن”.
ژێده‌ر: رووداو
ئه‌ڤرۆ نيوز:
چه‌ند ده‌سته‌يه‌كێن يه‌كينێن پاراستنا گه‌ل YPG چوونا ناڤ گرێ سپى و دهێته چاڤه‌رێكرن د ماوه‌كێ كێم دا باژێر بهێته كونترۆلكرن.
سپێده‌هيا ئه‌ڤرۆ رۆژا ئێكشه‌مبى رێكه‌فتى 14ى خزيرانا 2015ێ YPG چوو ناڤ باژێرێ گرێ سپى يێ د ناڤبه‌ر هه‌ردو كانتۆنێن جزيرێ و كۆبانێ دا ل رۆژئاڤايێ كوردستانێ و دهێته چاڤه‌رێكرن د 24 ده‌مژمێرێن داهاتى دا، هێزێن YPG و بۆركانا فورات، ژ لايێ دى يێ كۆبانێ ل گه‌ل هێزێن دى يێن YPG ل لايێ جزيرێ و سه‌نته‌رێ گرێ سپى ئێك بگرن.
ئەڤرۆ نیوز:
سەروکێ لژنا دارایی و ئابووری ل پەرلەمانێ کوردستانێ تایبەت بۆ ئەڤرۆ دیارکر،ھەرێما کوردستانێ ل ھەردو ھەیڤێن چار و پێنج نەفت زێدەتر ھنارتییە ب رێیا کۆمپانیا سۆمۆ، لێ ھەر بەغدا پێگیری ب رێکەفتنێ نەکریە و نیڤا وی پارەی بۆ ھەرێما کوردستانێ رەوانەکریە، لەورا دڤێت ھەرێما کوردستانێ پلانا خوە یا دویێ ھەبیت و چونکی ئێدی نە حوکمەت و نە خەلک نەشێن چاڤەرێی بەغدا بن،ژبەر گیروکرنا پارەی و نەدانا بۆدجێ.
د.عزەت سابر سەرۆکێ لژنا دارایی و ئابووری ل پەرلەمانێ کوردستانێ ئەو چەندە ژی خویاکر ئەڤێ چەندێ کارتێکرنەکا نەرێنی کریە سەر سەدان پرۆژێن حوکمەتا ھەرێمێ و راوەستیاینە و خەلک ژی بێزاربوویە ژێ، ئەگەر ھەیڤا شەش ژی حوکمەتا عێراقێ وەکی ھەیڤێن چار و پێنج بکەت، وی دەمی وەکو پەرلەمانێ کوردستانێ دێ داخوازێ ژ حوکمەتا ھەرێمێ کەین کو سەربەخویا ئابووری رابگەھینیت و نەفتا خوە ئێدی ب رێیا حوکمەتا ھەرێمێ رەوانەی دەرڤە بکەت.
ناڤھاتی ئەو چەندە ژی گۆت:پلانا سەربەخۆیا ئابووری ئەوا ل ھەرێما کوردستانێ ھەیی بەس نینە،لەورا دڤێت بۆ سەربەخویا ئابووری بەرھەمێ نافخویی بھێتەزێدە کرن و ھەر چەندە گەنم ب رێژەیەکا باش ھەیە و ژ پێدڤیا خەلکێ پترە،لێ بەرھەمێن دی گەلەک دکێمن و تێرا خەلکێ ھەرێمێ ناکەن، ئاسایشا خوارنێ ب پارێزین و تێرا خوە خوارنێ ژ نافخویا خوە پەیدا بکەین، حوکمەتا ھەرێمێ گرنگیێ ب ئابوورێ نافخو بدەت و کەرتێ چاندنێ و پیشەسازی بێختە کار و ئابوورێ وەلاتی پێش بێخیت،داکو ئەم پێدڤی وەلاتێ تورکی و ئیرانێ نەبین و نەکەڤینە ژێر دەستێ وان،ھەر دەمێ ئەم شیاین ئابوورێ وەلاتێ خوە ژ نافخویا خوە دابین بکەین، ئەم دێ شێین سەربەخویا ئابووری راگەھینین و مەترسی ناکەڤنە سەر وەلاتێ مە.
سەرۆکێ لیژنا دارایی و ئابووری ل پەرلەمانێ کوردستانێ ئەو چەند ژی گوت:ھەر دەمێ حوکمەتا ھەرێمێ سەربەخویا ئابووری راگەھاند، عێراق دێ گەلەک ئاریشەیان بۆ ھەرێمێ دروست کەت، ھەروەسا دێ رێکەفتنان دگەل ئیران و تورکیا ژپێخەمەت کو ھاریکاری نەکرنا کوردان و دێ ب ھەموو رێکان دژایەتیا کوردان کەن.
د.عزەت سابری گۆت:ھەر دەمێ حوکمەتا ھەرێمێ نەفتا خوە ب دەستێ خوە فرۆت دێ ل دەستپێکێ بارێ دارایی یێ ھەرێمێ لاواز بیت و لێ دڤێت خەلک دگەل حوکمەتێ ھاریکار بن،چونکی حوکمەت بەرامبەر فروتنا نەفتێ دێ دۆلاری وەرگریت و نەشێت ب ڤێ رێکێ دیناران وەربگریت، ئەڤە دێ کێشە بۆ حوکمەتا ھەرێمێ دروست کەت، دێ بەغدا پێکۆلێ لسەر نەھاتنا پارێ عێراقی بۆ ھەرێمێ کەت،ھەروەسا سیستەمێ باجێ یێ سەرکەفتی نینە و ئەم نەشێن برێیا باجێ دینارێ عێراقێ کومڤە بکەین، ئەڤ گرفتە بەردەم حوکمەتا ھەرێمێ یە ھەر دەمێ سەربەخویا ئابووری رابگەھینیت.
د.عزەت سابر سەرۆکێ لژنا دارای و ئابووری ل پەرلەمانی دیارکر بۆ فروتنا نەفتێ حوکمەتا ھەرێمێ دوو گرەنتی ھەنە،ئێک دڤێت حوکمەتا تورکیا ب وێ گرێبەستێ پا بەند بیت یاکو حوکمەتا ھەرێمێ بۆ ماوێ ٥٠ سالان دگەل ئیمزاکری،یا دویێ دڤێت حکومەتا ھەرێمێ کومپانیێن مەزن ھانبدەت کو ب بھایێ ملیار دۆلاران نەفتێ ژ ھەرێمێ بکرن،بتنێ حوکمەتا ھەرێمێ ئەڤ ھەردوو گرەنتیە ھەنە و لێ دڤێت پتر کار بھێتە کرن.
ھەروەسا ناڤھاتی گوت:ئەگەر ئەم بشێین ھەیڤانە ملیونەکا بەرمیلان بفروشین ل وی دەمی ھەموو ئاریشێن حوکمەتێ چارە بن و شیێن گرفتان بدوماھی ئینین و لێ دماوێ ٢٤ سالێن بوری دا پلانا حوکمەتێ بۆ گەشەکرنا کەرتێ چاندنێ یا سەرکەفتی نەبوو،چونکە کەرتێ چاندنێ تاکە رێکە بۆ ھندێ کو پاراستنێ ل سەر سەربەخویا ئابوورێ کوردستانێ بکەت.
ئەڤرۆ نیوز:
ھەلبژارتنێن پەرلەمانێ تورکیا ھەفتێ حزیرانێ ھاتنە ئەنجامدان و چار پارتان شیان کورسیان ب دەست بخینن لێ ھیچ پارتەک نەشێت ب سەرێ خوە حوکمەتێ پێک بینیت و دو رێک ل بەردەم پارتێن سەرکەڤتی ھەنە، یا یەکێ پێک ئینانا حوکمەتەکا پر ئالی ل سەر بنگەھێ ھەڤپەیمانیا بەرفرەھە و یا دویێ ژی ئەنجامدانا ھەلبژارتنەکا پێشوەختە و ھەتا نھا ژی دەستەیا بلندا ھەلبژارتنان ئەنجامێن فەرمی یێن ھەلبژارتنێ رانەگەھاندیە، روونشتنا یەکێ یا ڤێ خولا پەرلەمانی دەستپێنەکریە.
د ڤێ دەربارێ دا موراد یێتکین رۆژنامەڤان و نڤیسەرێ ناڤدار یێ تورکیا د داخۆیانیەکی دا بۆ رۆژناما ئەڤرۆ راگەھاند کو پشتی ١٣ سالان جارەکا دی تورکیا ڤەگەریا سەردەما پێک ئینانا حوکمەتێن ھەڤپەیمان و گۆت: (گەلێ تورکیا د ھەلبژارتنێ دا دەنگ دا ھەر چار پارتیان و ژ وان خواست کو حوکمەتەکا ھەڤپشک ئانکۆ ھەڤپەیمان پێک بھینن و ل دووڤ ھزرا من دێ حوکمەت د ناڤبەرا پارتا یەکەم (AKP) و پارتا دویەم (CHP) دا ھێتە دروست کرن و ھەکە وەسا بیت دێ ھژمارا کورسیێن ھەردو پارتان بگەھیتە ٣٩٠ کورسیان و ب ئاسانی دشێن حوکمەتێ دروست بکەن و باوەریێ ژ پەرلەمانی وەربگرن و بۆ پێشەرۆژا تورکیا ژی پێکینانا حوکمەتەکا وەسا ب ھێز گەلەک باشە و دێ ئەنجامێن باش بۆ جڤاکێ ھەبن).
مورادی ھەروەسا دیار ژی کر کو سێ ئەلترناتیفێن دی ژی بۆ پێکینانا حوکمەتێ ھەیە و یا یەکێ ھەڤپەیمانیا (AKP و MHP) کو ھژمارا ھەر دویان دکەت ٣٣٨ کورسی و بۆ دروستکرنا حوکمەتێ ھژمارا وان بەسە. یا دویێ دروستکرنا حوکمەتێ ژ ئالیێ (AKP و HDP) دایە و ھژمارا وان ژی دیسان دبیتە ٣٣٨ ئەندام و یا سییێ ژی دروستکرنا حوکمەتێ ژ ئالیێ (CHP، HDP و MHP) دایە و ھژمارا وان ژی دگەھیتە ٢٩٢ کورسی دشێن حوکمەتا ھەڤپەیمان ئاڤا بکەن و گۆت: (دەمێ ئەم ل ھەر چار رێکان دنێرین یا ھەری گونجای دروست کرنا حوکمەتێ ژ ئالیێ (AKP و CHP) دایە، ژ بەر کو ھەم بۆ چارەکرنا پرسگرێکا کوردی و بەردەوامی دانا قۆناغا ئاشتیێ و ھەم ژی بۆ ب ھێز کرنا ئابووریێ و سەرەراستکرنا پەیوەندیێن ل گەل وەلاتێن جیران و ئورۆپا و ئیسرائیلێ حوکمەتەکا وەسا دشێت پێنگاڤێن مەزن ب ھاڤێژیت. لێ ژ نھا ڤە (CHP) داخوازا دادگەھکرنا چار وەزیرێن بەرێ یێ کابینا بۆری دکەت و (AKP) ژی ڤێ داخوازیێ ب دژواری رەد دکەت و (CHP) دخوازیت دو سال سەرۆک وەزیران ژ بۆ وێ و دو سال ژی ژ بۆ (AKP) بیت و ئەڤ داخوازیا (CHP) ژی ژ ئالیێ (AKP) ڤە دھێتە رەدکرن).
ل سەر پرسیارا بۆ چی (HDP) ۆ (AKP) حوکمەتێ دروست ناکەن گەلۆ حوکمەتەکا وەسا بۆ چارەکرنا پرسگرێکا کوردی و سەرخستنا قۆناغا ئاشتیێ باشتر نینە؟ موراد یێتکین راگەھاند کو (HDP) مەرجێ بەردەوامی دانا قۆناغا ئاشتیێ و ئاڤێتنا پێنگاڤان بۆ چارەکرنا پرسگرێکا کوردی وەک مەرجێ ئەساسی ددەتە بەر (AKP) و رایەدارێن (AKP) ژی دەستپێکرنا قۆناغا ئاشتیێ وەک سەدەمێ بنکەڤتن و بێ ھێزکەڤتنا خوە د ھەلبژارتنان دا نیشا ددەن و ناخوازن ب چو رەنگەکی ل گەل (HDP) حوکمەتێ دروست بکەن).
ل ئالیێ دی سەلاحەدین دەمیرتاش ھەڤسەرۆکێ (HDP) پێشنیازەک بۆ دروستکرنا حوکمەتا نوو پێشکێشێ ھەمو ئالیان دکەت و داخواز دکەت کو یان (CHP و (AKP) یان ژی (CHP و MHP) حوکمەتێ دروست بکەن و گۆت: (چ حوکمەت بھێتە دروستکرن ھەکە بەردەوامیێ بدەتە قۆناغا ئاشتیێ و پێنگاڤان بۆ چارەکرنا پرسگرێکا کوردی ب ئاڤێژن ئەم دێ ژ دەرڤەی کابینێ پشتەڤانیێ ل وان بکەین).
لێ ئەڤ پێشنیازا دەمیرتاشی ژ ئالیێ (MHP) ڤە ھاتە رەدکرن و (AKP) ژی گەلەک سار نێزیکی پێشنیازا دەمیرتاشی دبیت.
نيشاندان