ئەڤرۆ نيوز:
رێڤەبەرێ گشتیێ کۆچ و کۆچبەرێن ھەرێما کوردستانێ دیار کر کو لژنا بەلاڤکرنا ھاریکاریان ل وەزارەتا کۆچ و کۆچبەرێن عیراقێ نێزیکی 320 ملیار دینار بۆ ئاوارێن ل ھەرێما کوردستانێ دابینکرینە و وەکو ھاریکاریەکا مادی ل سەر وان دێ ھێتە بەلاڤکرن.
شاکر یاسین، رێڤەبەرێ گشتیێ کۆچ و کۆچبەران ل ھەرێما کوردستانێ ڕاگەھاند، وەزارەتا کۆچ و کۆچبەرێن عیراقێ نێزیکی 320 ملیار دینار بۆ ئاوارێن ل ھەرێما کوردستانێ دابینکرینە و بۆ NNA گۆت: “ئەو پارە ب رێیا لژنا بەلاڤکرنا ھاریکاریان دێ ل سەر وان خێزانێن عەرەب یێن ئاوارەی ھەرێما کوردستانێ بووین بھێتە بەلاڤکرن”.
ئاماژە ب وێ چەندێ ژی کر، ھەتا نوکە وەزارەتا کۆچ و کۆچبەرێن عیراقێ چو رێنمایی نەداینە رێڤەبەریا گشتیا کۆچ و کۆچبەرێن ھەرێمێ، دا کو بھێتە زانین ھەر خێزانەکا ئاوارە دێ چەند پارەی دەنێ.
ژ ئەگەرێ وێ رەوشا نەئارام یا ل ھژمارەکا پارێزگەھێن ناڤەراستا عیراقێ پەیدابووی و ھاتنا تیرۆرستێن داعش ھژمارەکا زۆر یا خێزانێن عەرەب ئاوارەی ھەرێما کوردستانێ بووینە.
نووترين نووچه
- د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو
- نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند
- نێچیرڤان بارزانی و ئیراقچی رەوشا دەڤەرێ گەنگەشە دكەن
- ب رێز و سەربلندی ڤە بیرئینانا شەهیدێن قەلادزێ دكەین
- حوكمەتا هەرێمێ: چو بارەگەهـ و ناڤەندێن مەشق و راهێنانا دەزگەهێن هەوالگیرییا وەلاتان ل كوردستانێ نینن
- دبیت هەلبژارتنێن پێشوەخت ببنە چارەسەری
- 809 هێرش ل سەر هەرێما كوردستانێ هاتینە كرن 20 شەهید و 123 بریندار هەنە
- ب مەرەما ڤەگەڕاندنا فراكسیۆنا پارتی: ئەڤرۆ شاندەكێ جڤاتا نوونەرێن ئیراقێ دێ سەرەدانا هەولێرێ كەت
- کار بۆ ئاساییکرنا رەوشا کۆبانێ و عەفرینێ دهێتە کرن
- ژ بەر درۆنێن میلیشیایان، رەنگە هندەك وەلات ل جڤاتا ئاسایشێ سكالایێ ل دژی ئیراقێ تۆمار بكەن
سهرهكى نوچێن گرنگ
سەنتەرێ قەستەرا دلی بۆ جارا ئێکێ ل قەزا زاخۆ ھاتە ڤەکرن
ئهڤرۆ نيوز:
رێڤەبەرێ ساخلەمیا قەزا زاخۆ بۆ ئەڤرۆ دیار کر کو ب ئامادەبوونا بەرپرسێ لقێ ھەشت یێ پارتی دیموکراتی کوردستان ل زاخۆ و رێڤەبەرێ گشتیێ ساخلەمیا دھۆکێ و قایمقامێ قەزا زاخۆ دوھی ١٦-٨-٢٠١٥ بۆ جارا ئێکێ سەنتەرێ قەستەرا دلی ل نەخۆشخانا ٢٠٠ تەختی یا گشتیا زاخۆ ھاتە ڤەکرن، وەکو دەستپێک حەفتیێ دو ھەتا سێ نەخۆشان دێ لێ ھێنە چارەکرن.
د. نزار عسمت تەیب، رێڤەبەرێ گشتیێ ساخلەمیا پارێزگەھا دھۆکێ د رێورەسمێن ڤەکرنا وێ دا ئاشکرا کر، پلان بوو نەخۆشخانا ٢٠٠ تەختی یا بێدارێ د ئاستەکێ گەلەک بلند دا دەست پێ بکەت و کۆمپانیەکا بیانی ب رێڤەببەت، لێ ژ ئەگەرێ قەیرانا دارایی یا ھەرێمێ ئەڤ چەندە بجە نەھات، ژ بەر ھندێ ژی کار ل ھەموو پشکێن وێ ھەتا ڕادەکی پاشڤەچوو، و گۆت: “ھێدی ھێدی ئەم یێ بزاڤان دکەین کو ھەموو پشکێن وێ کاربکەن، حوکمەتا ھەرێمێ سالا بۆری ٤٠٠ پلێن دامەزراندنێ دابوونە ساخلەمیا دھۆکێ و ١٠٠ ژ وانا بۆ زاخۆ بوون”.
رێڤەبەرێ گشتیێ ساخلەمیا دھۆکێ گۆتژی: “مە ل بەرە ١٠٠ پلێن دیژی یێن دامەزراندنێ بدەینە زاخۆ، دا کو ب ڤێ رێیێ بشێین ئەو پشکێن ماین ژی بێخینە د کاری دا و ئەو نەخۆشخانە ھەموو خزمەتێن ساخلەمیێ پێشکێشی خەلکێ قەزا زاخۆ بکەت، کو خەلکێ وێ ئێدی پێدڤی چو پارێزگەھێن دی نەبیت و ل زاخۆ ب خوە ھەموو خزمەتێن ساخلەمیێ ھەبن”.
د. عسمەت خویا ژی کر، کۆمەلگەھا خێلەخێ یا سەر ب قەزا زاخۆ ڤە بنگەھەکێ ساخلەمیێ و دێ خزمەتێن پێشکەفتی پێشکێشی چەندین کۆمەلگەھێن ل وێ دەڤەرێ کەت.
د. قەرەنی سەعید، رێڤەبەرێ ساخلەمیا قەزا زاخۆ بۆ ئەڤرۆ ئاشکرا کر، ھەر دوھی بنگەھێ ئەحمەدێ خانی یێ ساخلەمیێ ژ جۆری A ل کۆمەلگەھا خێلەخێ ھاتە ڤەکرن و گۆت: “ئو بنگەھە ب کۆژمێ ملیارەک و ٨٩ ملیۆن و ٩٤٠ ھزار دیناران ل سەر گەشەپێدانا ھەرێمان یا سالا ٢٠١٣ ھاتیە ئاڤاکرن”.
قەرەنی دا زانین ژی کو بەری نوکە سێ کارمەند بۆ سەنتەرێ دلی ھاتبوونە مەشقدان و د گەل نۆشدارێن دھۆکێ دێ نشتەگەریێن دلی ل زاخۆ بۆ نەخۆشان ئەنجام دەن و گۆت: “ل حەفتیا بۆری بۆ جارا ئێکێ نشتەگەریا قەستەرا دلی بۆ دو نەخۆشان ل زاخۆ ھاتینە کرن، وەکو دەسپێک ژی ھەر حەفتیەکێ دو ھەتا سێ نەخۆشان دێ ل سەنتەرێ قەستەرا دلی ل زاخۆ ھێنە چارەکرن”.
گەندەلیێن سەرۆکێ پەرلەمانی ب بەلگە دھێنە ئاشکرا کرن
ئەڤرۆ نيوز:
گۆڤارا سڤیل ب بەلگە ھژمارەکا زۆرا گەندەلیێن د. یوسف محەمەد سەرۆکێ پەرلەمانی ئاشکرا دکەت کو پارێ کوردستانێ ب سەرپێچی مەزاختیە.
ل دووڤ راپۆرتا ھەمان گۆڤار، سەرۆکێ پەرلەمانی حەفت ملیار دینار یێن کرینە ھاریکاری و پشکەک ژ وان ھاریکاریان بۆ کەسێن دەرڤەی پەرلەمانی بووینە و ئەڤە د دەمەکی دا بوون کو جڤاتا وەزیران بڕیار دابوو ھەموو ھاریکاری و پاداشت بھێنە راگرتن.
کۆژمێ ١١٥ ملیۆن دیناران بۆ کڕینا چەکی بۆ پاسەوانێن سەرۆکێ پەرلەمانی ھاتینە مەزاختن.
ھەروەسا ھاریکاریێن ملیۆنی بۆ ھژمارەکا پەرلەمانتاران و پاداشتێن بەردەوام یێن ھەیڤانە بۆ پاسەوانێن سەرۆکێ پەلەرمانی ھاتینە مەزاختن، دیسا ل دووڤ بەلگێن سڤیل، چار ملیۆن دینار وەک ھاریکاری بۆ مێھڤانخانێن سەرۆکێ پەرلەمانی ھاتینە مەزاختن و ل دووڤ پسۆلان ٥٢٥٤ دۆلار بۆ مێھڤانێن تایبەت یێن سەرۆکێ پەرلەمانی ھاتینە مەزاختن بۆ تکێتێن فرۆکە و ھۆتێلان.
ئەڤرۆ راپۆرتا لژنا ڤەکۆلینێ ل کەفتنا مووسل دێ ھێتە گەنگەشە کرن
ئەڤرۆ نيوز:
راپۆرتا دووماھیێ یا لژنا ڤەکۆلینێ ل کەفتنا مووسل ب فەرمی رادەستی سەرۆکێ پەرلەمانێ عیراقێ ھاتە کرن و بڕیارە ئەڤرۆ د روونشتنەکێ دا گەنگەشە ل سەر بھێتە کرن و ل دووڤ راپۆرتێ تۆمەتبارێ ئێکێ یێ بوویە ئەگەر ئەو باژێرە بکەڤیتە د دەست داعش دا نوری مالکی یە.
د لیستا ناڤێن تۆمەتباران دا کو د راپۆرتێ دا ھاتیە ناڤێن ھژمارەکا بەرپرسێن عیراقێ یێن ل وی دەمی دەستھەلات د دەستی ھاتیە، ھەروەسا ناڤێن ھژمارەکا ئەفسەرێن پلە بلندێن کورد د وێ لیستێ دا یێ ھاتی.
جەنەرالەکێ ئەمریکی: ئۆمابای داعش پرچەک کریە
ئەڤرۆ نیوز،زنار تۆڤی:
جەنەرالەکێ ئەمریکی بۆ تورا جزیرە دبێژیت:باراک ئۆبامای سەرۆکێ ئەمریکا چەکدارێن داعشێ پرچەک کرینە و رێکدایێ بهێز ببن.
مایکل فلین رێڤەبەرێ بەرێ یێ دەزگایێ هەوالگیریا بەرگریا ئەمریکا گۆت:ئۆبامای ل دەستپێکێ دزانی هاریکاریا داعشێ ددەت هەتاکو بهێز دبن،بەلێ هەر چاوا بیت ئەڤ کارەکر و پشتگۆهخست.
هەروەسا دیارکر ژی:ئۆبامای دزانی ئەو چەکێ دهنێریت بۆ ئوپوزسیونا سوریێ دێ کەڤیتە دەستێ داعش،بەلێ بەردەوام دبوو ژ هنارتنا چەکی بۆ وان،ئەڤەژێ بۆ ئەگەرێ پرچەک کرنا داعشێ.
ناڤهاتی گوتژی:ئەمریکا سەرۆکاتیا 60 وەلاتێن هەڤپەیمان ل دژی داعشێ شەرێ ئەسمانی دکەت،لێ هەتانوکە نەشیایە وەکو پێدڤی ل دژی داعش شەری بکەت.
عهبادى چهندین وهزارهت كێمكرن
ئهڤرۆ نیوز،زنار تۆڤى:
ئهڤرۆ سهرۆك وهزیرێ عێراقێ حهیدهر عهبادى چهندین بریارێن گرنگ دهرخستن و ژ وان بریاران چهند وهزارهتهك تێكهلى ئێككرن و بریارا كێمكرنا وهزارهتان دهركر و دیاركریه:كو وهزارهتا گهشتوگوزار و شۆینهوارا دێ هێته تێكهلكرن دگهل وهزارهتا رۆشهنبیرى و ههروهسا تێكهلكرنا وهزارهتێن باژێرڤانیێ و ئاڤهدانكرنێ و نیشتهجێكرنێ دگهل ئێك.
عهبادى دیاركریه كو ئهمیندارێ گشتیێ ئهنجومهنێ وهزیران دێ بهرپرس بیت ل گرتنه بهرا رێكا پێدڤى بۆ بجهئینانا ڤان بریاران،ههروهسا عهبادى بریاردا ب ههلوهشاندنا پۆستێ جێگرێن سهرۆك وهزیرێ عێراقا فیدرال.
ناڤهاتى بریاردا كو وهزارهتێن مافێ مرۆڤى و وهزارهتا دهولهتێ بۆ كاروبارێن ژنان و وهزارهتا دهولهتێ بۆ كاروبارێن پارێزگههان و ئهنجۆمهنێ نوونهران بهێنه لادان و نهمینن،ههروهسا بریاردا كو وهزارهتێن زانست و تهكنولۆجیایێ دگهل وهزارهتا خوێندنا بلند و ڤهكولینێن زانستى بهێنه تێكهلكرن و وهزارهتا ژینگههێ دگهل وهزارهتا تهندوروستى بهێنه تێكهلكرن،ئهڤه ژى ئێكه ژ پرۆژێن چاكسازیا عهبادى كو بهرى چهند رۆژان دهستپێكریه.
رێڤهبهرێ پۆلیسێن ههولێرێ ژلایێ ههڤژینا وی ڤه هاتیه كوشتن
ئهڤرۆ نیۆز، قائید میرۆ
لیوا عهبدولخالق تهلعهت، رێڤهبهرێ پۆلیسێن پارێزگهها ههولێرێ د پڕێنس كۆنفڕانسهكێ رۆژنامهڤانی دا هویردهكاریێن كوشتنا بهرپرسهكێ پۆلیسان ئاشكراكر و گۆت” بهری دو حهفتیان لیوایێ خانهنشین جهمال سیساوهیی رێڤهبهرێ پۆلیسێن بهرێ یێ ههولێرێ د روودانهكا نهدیاردا گیانێ خوه ژدهستدا و هات بهلافكرن ب روویدانا ترۆمبێلا گیانێ خوه ژدهستدایه.
رێڤهبهرێ پۆلیسێن ههولێرێ گۆتژی” لیوا جهمال سیساوهیی دگهل ههڤژینا خوه بشهڕ هاتیه و پاشی ژلایێ ههڤژین و كۆڕێن وی هاتیه قوتان و مێشكێ وی نهزیف بوویه، بشێوهیهكی هاتیه قوتان ههردو پێت وی هاتینه شكاندن، پاشی بۆ ڤهشارتنا تاوانێ كۆڕێن لیوا جهمال تهرمێ بابێ خوه هاڤێتیه سهر جادهیهكێ و بهلافكریه ب روویدانا ترۆمبێلێ گیانێ خوه ژدهستدایه.
لیوا عهبدولخالقی دیاركر، پشتی دو رۆژان ژ روویدانێ تۆمهتبارێن سهرهكی گورهی ماددێ 406 یا قانوونا سزادانا عێراقی هاتینه دهستهسهركرن و دۆسیه ل دادگههێ یه.
دووماهى پێزانین ل دۆر پێكئینانا حكوومهتا نوو يا توركیا
ئهڤرۆ نیوز:
ئهردوگان رادگههینیت كو د ڤێ حهفتیێ دا دێ بریار سهبارهت پێكئینانا حكومهتا ههڤپهیمانى هێته دان و دبێژیت” خهلكى ئهز یێ ههلبژارتیم و دێ ههموو دهستههلاتێن خوه بكارئینم.
رهجهب تهیب ئهردۆغان، سهرۆك كۆمارێ توركیا ئاماژه ب پروسا پێكئینانا حكوومهتا ههڤپهیمانى كر و راگههاند” د ڤێ حهفتیێ دا دێ بریار سهبارهت وێ پرسێ هێته دان، كو ئهو بریار دێ پێكئینانا حكومهتێ بیت یان شكهستنا دانوستاندنان.
داعش ئهڤرۆ ئهڤ كریارێن هوڤانه ل مووسل ئهنجامداینه
ئهڤرو نیوز،بارزان مزوورى
عصمت رهجهب، بهرپرسێ لقا 14 ل مووسل بو مالپهرێ ئهڤرو نیوز ئاشكرا كر كو ئهڤرو سپێدێ 16/8/2015 چهكدارێن تیرورستێن داعش روژنامهڤان “یهحیا الختیب” سێدارهدا ل بازارێ باب توب دناڤ باژێرێ مووسل كو بهرى نها دناڤ مالا ویدا هات بو دهستهسهركرن.
ناڤبرى دیار كر كو ئهو روژنامهڤان ل كهنالێ مووسلیه كارێ پهیامنیریێ دكر .
ناڤبرى گوت ژى : دههمان وهخت دا چهكدارێن تیرورستێن داعش سێ ئافرهت یێن بهربژێرێن سالێن بورى ل مووسل یێن سهر ب لایهنێن سیاسى ڤه بناڤێ “یوسرا سهمیر و ئیخلاس زنون و لومهیا فازل ” ل گورهپانا دادگهها مووسل یا داعش سێدارهدان لدوڤ دا تهرمێن وان بو نوژداریا داد ل پارێزگهها مووسل ڤهگوهاستن .
تابلۆیێن 1223 مزگهڤتان هاتنه گوهۆرین
ئهڤرۆنیۆز، سالار دۆسكى:
رێڤهبهرێ پهیوهندى و راگههاندنێ ل رێڤهبهریا گشتى یا ئهوقافا دهۆكێ دیاركر كو مژوولى گوهۆرینا تهڤ تابلۆیێن مزگهڤتێن پارێزگهها دهۆكێ نه و ئهڤ كاره دبیاڤێ بجهئینانێ دایه.
مالك رهمهزان رێڤهبهرێ پهیوهندى و راگههاندنێ ل رێڤهبهریا گشتى یا ئهوقاف و كارۆبارێن ئاینى ل پارێزگههێ بۆ ئهڤرۆ نیۆز گۆت: ب مهرهما رێكخستنا ههموو تابلۆیێن مزگهڤتان و دا ناڤ و سال و ئاڤاكرنا مزگهڤتنێ بهرزهنهبیت و بهێنه رێكخستن و دیسان دیاربیت كار سهر ب چ رێڤهبهریه و ههموو ب رهنگ و شێواز بهێنه پاراستن، رێڤهبهریا گشت یا ئهوقاف و كارۆبارێن ئاینى ئهڤ پێنگاڤه هاڤێتیه.
مالكى ئاشكراكر ژى كو دچارچووڤێ هاڤێتنا ڤێ پێنگاڤێ ژى دا، تابلۆ بۆ (1223) مزگهڤتان هاتینه دروستكرن، ل سنورێ ههموو قهزان ( دهۆك، زاخۆ، ئاكرێ، شێخان، ئامێدى، بهردهرش، سێمێل) كوژمێ شازده ملیۆن دیناران بۆ ڤى كارى هاتیه تهرخاكرن.
نيشاندان
WP Facebook Auto Publish Powered By : XYZScripts.com