ئه‌ڤرۆ نیوز:

رێڤه‌به‌ریا راگه‌هاندن و په‌یوه‌ندیان ل وه‌زاره‌تا دارایى و ئابوورى یا حكومه‌تا هه‌رێما كوردستانێ راگه‌هاند كو سبه‌ رۆژا سێ شه‌مبى 19 هه‌یڤا 5 دێ مووچێ هه‌یڤا 3 یێ ڤان وه‌زاره‌ت و ده‌سته‌یان هێته‌ دان.
1_وەزارەتا ئاڤه‌دانكرنێ

2- وەزارەتا ڤه‌گوهاستنێ
3-وەزارەتا پلاندانان
4-وەزارەتا كارەبێ
5- وەزارەتا سامانێن سروشتى
6- وەزارەتا پیشەسازی و بازرگانی
7- وەزارەتی رۆشنبیری
8- دەسته‌یا وەبەرهێنان
9-ئەنجوومەنی دادوەری
10-دەستەیا دەسپاكی
11-دەستەیا مافێ مرۆڤ
12_دەستەیا ده‌ڤه‌رێن ده‌رڤه‌ى هه‌رێم
13_ دەزگه‌هێ مین
14_ دەستەیا ژینگەهێ
15_ دیوانا چاڤدێریا دارایی.

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ رۆژا دوشه‌مبى رێكه‌فتى 18ى گۆلانا 2015ێ لژنا پێشه‌سازى و وزێ و ژێده‌رێن سرۆشتى ل په‌رله‌مانێ كوردستانێ كۆمبوونه‌ك ل دۆر ئه‌گه‌رێك خرابيا كوالێتيا پانزينێ ئه‌نجام دا و تێدا ئه‌گه‌رێن سه‌ره‌كى يێن پيساتيا پانزينێ ئاشكه‌را كرن.

ب گۆره‌يى راگه‌هاندنا مالپه‌رێ فه‌رميێ په‌رله‌مانێ كوردستانێ ئه‌گه‌رێن سه‌ره‌كى يێن پيسبوونێ بۆ كارێ چاككرنا پالاوگه‌هێن هه‌رێما كوردستانێ ل هه‌ولێر و سلێمانيێ و هه‌بوونا هژماره‌كا زۆرا پالاوگه‌هێن نه‌يێن قانوونى ڤه‌دگه‌ريت.

به‌يار تاهر دۆسكى، ئه‌ندامێ لژنا پێشه‌سازى و وزێ و ژێده‌رێن سرۆشتى ل په‌رله‌مانێ كوردستانێ ته‌كست ل سه‌ر ڤێ چه‌ندێ كر و گۆت: “هه‌ر ئه‌ڤرۆ ل گه‌ل ئاشتى هه‌ورامى وه‌زيرێ سامانێن سرۆشتى ژى كۆم بوون و دانوستاندنێ ل سه‌ر ڤى بابه‌تى هاته‌ كرن”.

گۆتژى: “ئه‌و پێشنيازێن ل به‌ر ده‌ست ئه‌ون كو ب ره‌نگه‌كێ رۆژانه‌ و د ده‌مێن جودا دا، پشكنينا پانزينخانان بهێته‌ كرن و بڕيارا هه‌لگرتن و داخستنا وان هه‌موو پالاوگه‌هێن نه‌قانوونى بهێته‌ دان و پشته‌ڤانيا وه‌به‌رهێنه‌ران بكه‌ن د ئينانا پانزينا كوالێتيا باش دا و رێخۆشكرن بۆ دامه‌زراندنا پالاوگه‌هه‌كا نوو ل هه‌رێما كوردستانێ و سزادانا سه‌رپێچكاران ئه‌وێن بزاڤێ دكه‌ت پانزينێ ب كوالێتيه‌كا خراب دكه‌نه‌ د ناڤ هه‌رێما كوردستانێ دا”.

دا زانين ژى كو ده‌ستخۆشى ل پارێزگه‌ها دهۆكێ ژى هاتيه‌ كرن بۆ رێگريگرتن ل به‌رامبه‌ر ڤان پالاوگه‌هان و ئه‌و كارێ ژ لايێ وان ڤه‌ هاتيه‌ كرن.

ئه‌ندامێ په‌رله‌مانێ كوردستانێ ل سه‌ر فراكسيۆنا پارتى ئاماژه‌ ب وێ چه‌ندێ ژى كر كو هه‌ر بۆ ڤێ مه‌ره‌مێ لژنا پێشه‌سازى و وزه‌ و ژێده‌رێن سرۆشتى دێ جودا ل گه‌ل پارێزگارێن هه‌ولێر و سلێمانيێ كۆم بيت دا كو كێشێن ڤان پالێوگه‌هان چاره‌ بكه‌ن.