بازێ ، نه‌وزاد زاده‌ هلورى :
ل گوندێ بازێ یا سه‌ر ب ده‌ڤه‌را بارزان ئاگر به‌ربوویه‌ ماله‌كێ و زیانێن ماددێن مه‌زن پێكه‌فتن.
دڤى واریدا موئه‌یه‌د عادل ژ راگه‌یاندنا بنگه‌هێ به‌رگریا شارستانیا بارزان بو ئه‌ڤرۆ نیوز گۆت : ( ئه‌ڤ شه‌ڤه‌ 8 ژ ئه‌نجامێ شووته‌كا كاره‌بێ ئاگر به‌ربوو مالا وه‌لاتى ” به‌روار شێخو عه‌لى ” و د ئه‌نجام دا زیانێن مادیێن مه‌زن ب خانیێ وى كه‌فتن كو زیانێن وێ ب كوژمێ 40 ملیون دیناران دهێنه‌ خه‌ملاندن )
زێده‌تر گۆت : ( ئه‌ڤ خانیه‌ ئه‌ڤه‌ پێنج ساله‌ دروستكرى و زور مه‌زاختن لێكریه‌ و دڤێت جاره‌ك دن سه‌ر ژ نوو خانویێ خوه‌ هه‌میێ درۆست بكه‌تن ڤه‌ و پێدڤیێن ناڤمالێ ژى بكریت ، و دیسان ناڤبرى پێشمه‌رگه‌یه‌ و خودان خێزان و زاروكه‌ و كورێ ئه‌نفاله‌ و ده‌ستكورته‌ ژى )
ژلایه‌كێ دنڤه‌ به‌روار شێخو عه‌لى بو ئه‌ڤرۆ نیوز گۆت : ( ئه‌م ل مال نه‌بووین و به‌رسڤ بوومه‌ هات كو ئاگره‌كێ به‌ربوویه‌ مالا مه‌ و هه‌تا كو ئه‌م ڤێرا گه‌هشتى خانوو ب ته‌مامى هاته‌ سووتن و زیانێن مه‌زن پێكه‌فتینه‌ )
زێده‌تر گۆت : ( هێشتا من قه‌رێن خانیێ خوه‌ هه‌موو نه‌داینه‌ و خانوژى سووت و ب رێیا مالپه‌را ئه‌ڤرو نیوز دخوازم كو جهێن شوله‌ژێ هه‌ڤكاریا من بكه‌ن و نها من جهه‌كێ دن ژى نینه‌ خێزان و زارویێن خوه‌ ببه‌م تێڤه‌ )

ئەڤرۆ نیوز،زنار تۆڤی:
ئوسامە نوجێفی کو ئێکە ژ سێ جێگرێن سەرۆک کۆمارێ عێراقێ دبێژیت:نوری مالکی جێگرێ سەرۆک کۆمارێ عێراقێ ئەگەرێ کاڤلبوون و شلەژانا دۆخێ سیاسی و ئەمنی و خزمەتگوزاریانە ل عێراقێ،هەروەسا داخوازا ئەنجامدانا هەلبژاردنێن پێشوەخت دکەت ڵ عێراقێ.
نوجێفی د هەڤپەیڤینەکێدا دگەل رۆژناما شەرقولئەوسەت یا سعودی،داخوازێ ژ حەیدەر عەبادی سەرۆک وەزیرێن عێراقێ دکەتڤەگەریتە پەرلەمانی و دووبارە متمانەیا پەرلەمانی بۆ حووکمەتا خۆ بدەستڤە بینیت،راگەهاند ژی:پتریا خالێن رێکەفتنا سیاسی نەهاتینە جێبەجێکرن،لێ مەبەستا من ژ رێکەفتنا سیاسی نە گرێدایی لایەنێن سیاسییە،لێ یا گرێدایە ب بەرنامێ حووکمەتێ کو سۆزێن بجهئینانێ دابوون،ئەڤەژی گرێدایە ب روونکرنەکێ ژلایێ سەرۆک وەزیران ڤە.
ئوسامە نوجێفی دیارکریە ژی:پێدڤیە هەلسەنگاندن بۆ کارێ هەمی وەزیران بهێتەکرن،بۆ هندێ کو کەمتەرخەم ژ کارێ وان بهێنە لادان و دوبارە دەنگ بهێتەدان لسەر پێدانا باوەریێ بۆ حوومەتەکا نوو.

ئەڤرۆ نیوز،زنار تۆڤی:

هەمی ئەگەرێن دەربارەی ئێکلاکرنا پرسا سەرۆکاتیا هەرێمێ ب ئاراستەیا هەموارکرنا یاسایا سەرۆکاتیا هەرێمێ ل ناڤ پەرلەمانێ کوردستانێ هاتینە هاڤێژتن.

ئەندامەکێ فراکسیۆنا ئێکگرتوو رادگەهینیت:بەشداریامە د کۆمبۆنا نە ئاسایا پەرلەمانی بۆ ئێکلاکرنا سێ پرسێ،دێ کەینە سۆرپرایس. بەهزاد دەرویش ئەندامێ فراکسیۆنا ئێکگرتوو ل پەرلەمانێ کوردستانێ دبێژیت:چاڤەرێ سازانا دەرڤە یا حزبان دکەین بۆ رێکەفتنا ل سەر پرسا سەرۆکاتیا هەرێمێ،ئەگەر سازان نەهاتە کرن، ل وی دەمی ئەو پرس دێ ڤەگەریتە پەرلەمانی،گۆت ژی:لیژنەیا یاسایی و سەرۆکاتیا پەرلەمانی شەرمزاری راگەهاندن و رایا گشتی بوون،هندی دەم بۆ لایەنان درێژکر،کو نەدبوو هندە لێدوانان دڤی باریدا بدەن،دەربارەی بەشداریکرنا وان د کۆمبونا نە ئاساییا پەرلەمانی بۆ گفۆگوکرنێ لسەر راپۆرتا لژنا یاسایا تایبەت ب هەموارکرنا یاسایا سەرۆکاتیا هەرێمێ،ئەگەر ئەو لایەن نەگەهشتنە سازانێ،بەهزادی گۆت:بەشداریا خوە دێ کەینە موفاجئە،مەنەڤێت پێشوەخت بەحسێ بەشداری کرنێ یان نەکرنێ بکەین،چونکی ل کۆمبونا 23 خزیرانێ هەمان پرس ژمە هاتەکرن،بەلێ مە ئاشکرا نەکر و ل دوماهیێ مە بەشداری کر،لەورا ئەگەر ئەو لایەنە نەگەهنە سازانێ،ل وی دەمی دێ هەلویستێ خوە ئاشکەرا کەین. فراکسۆنا ئێکگرتوو 10 ئەندام پەرلەمان هەنە،بەشەکێ ژوان وەک وان ب خۆ دیارکری فشارەک لسەر هەیە دەربارەی پرسا سەرۆکاتیا هەرێمێ.

بارزان ، نه‌وزاد زاده‌ هلورى :
وه‌زاره‌تا شه‌هید و ئه‌نفالكریێن كوردستانێ  10/8/2015 سالروژا جینوسایدا بارزان ل گوندێ بارزان ساخكه‌ته‌ڤه‌.
دڤى واریدا رێبوار ره‌مه‌زان رێڤه‌به‌رێ رێڤه‌به‌ریا شه‌هید و ئه‌نفالكریێن بارزان بو ئه‌ڤرۆ نیوز گۆت : ( وه‌زاره‌تا شه‌هید و ئه‌نفالكریێن كوردستانێ ب هه‌ڤكاریا دام و ده‌زگه‌هین حكومى و حزبى و سازیێن ده‌ڤه‌را بارزان دێ 32 مین سالروژا جینوسایدا بارزان سوبه‌هى 10/8 ل ده‌مژمێر 17:00 ێ ل سه‌ر گورستانا جینوسایدا بارزان ل گوندێ بارزان ساخكه‌ته‌ڤه‌ ، و هه‌ر چه‌نده‌ ساخكرنا ڤێ رۆژێ یا گیربوو ، به‌لێ ژ به‌ر بلندووبنا پله‌یێن گه‌رمێ ئه‌ڤ یه‌ك هاتبو پاشئێخستن )
زێده‌تر گۆت : ( دڤێ ساخكرنێ دا دێ گوتار هێنه‌ خواندن و پێشانگه‌ه و به‌لگه‌نامه‌یێن جینوسایدا بارزانیان هێنه‌ نیشاندان كو ده‌ربرین ژ كاره‌تاسا قوربانیێن ڤێ روژێ بكه‌ن )
دهێته‌ زانین كو رژێما به‌عس ل 31/7/1988 د پلانه‌كا دارشتى دا 8000 توخمێ نێرینه‌یێ بارزانى دژیێ 12 سالى بو سه‌رى ل باشوورێ عیراقێ و ناوچه‌یا نوگره‌ سه‌لمان ب ساخى بن ئاخكرن و وه‌كو نه‌ریته‌كێ سالانه‌ وه‌زاره‌تا شه‌هید و ئه‌نفالكریان ب هه‌ڤكاریا دام و ده‌زگه‌هێن ده‌ڤه‌را بارزان ڤێ رۆژێ ساخ دكه‌ته‌ڤه‌.