ئهڤرۆ نيوز:
د راگههاندنهكێ دا كو دانهیهك دهست ب ئهڤرۆ نیوز كهفتیه، وهزارهتا دارایى و ئابوورى یا حكومهتا ههرێما كوردستانێ راگههاند كو ئهڤرۆ رۆژا دوشهمبى رێكهفتى 15ى خزيرانا 2015ێ دێ مووچێ ڤان جهان بهلاڤ كهن:
1- دهزگههێ گشتى یێ ئاسایشێ.
2- ئهنجومهنێ ئاسایشێ.
3- فهرماندا گشتیی یێ زێڕهڤانی.
4- هێزا ئاماده.
ئهڤرۆ نیۆز، قائید میرۆ
تهرمێ ئهو گهنجێ شێلادزێ ئهوێ بهری دو ههیڤا بهرزهبووی ئهڤرۆ هاته دیتن و بۆ پشكنینێ هاتیه هنارتن بۆ نۆشداریا داد.
ژێدهرهكێ ئاگههدار ل روویدانێ ب ئهڤرۆ نیۆز راگههاند، پشتی دو ههیڤێن بهرزه بوونێ ئهڤرۆ تهرمێ ئهحمهد عهشقی مزیری ئهف گهنجێ ل دهڤهرا مزیریا بهرزهبووی هاته دیتن و دیاركر، تهرمێ ئهحمهدی ل سهر ریبارێ ئاڤا شین هاتیه دیتن و تنێ ههستیك ماینه، لهوڕا هاتیه هنارتن بۆ نۆشداریا داد، ههتا پشكنین بۆ بهێتهكرن ل دۆر ئهگهرێن مرنا وی.
ژێدهری كو نهخواست ناڤێ وی بهێته بهلافكرن گۆتژی” ههتا نوكه چو زانیاریێن دورست لبهر دهست نینه ل دۆر مرنا ئهحمهدی، چونكو گومانهكا زۆر ههیه ژلایێ پهكهكێ ل دهڤهرێ هاتبیته كوشتن”.
ئهحمهد عهشقی مزیری، پێشمهرگهیه و خهلكێ ناحیا شێلادزێ یا سهرب قهزا ئامێدیێ یه و ل رۆژا 11/4/2015 ێ ل دهواما پێشمهرگایهتیێ دهركهفتیه و بهرزهبوویه ههتا ئهڤرۆ تهرمێ وى هاتیه دیتن.
ئهڤرۆ نیۆز، قائید میرۆ
ئهظ شهڤه پێشمهرگهیێن فهرماندهیا زێرهڤانی ب ههماههنگیا فڕۆكهیێن ههڤپهیمانان ل میحوهرێ رۆژئاڤایێ دیجله بارهگایهكێ داعش وێرانكر و چوار چهكدارێن وان كوشتن.
موقهدهم دلشاد مهولوود، بهپرسێ هۆبا راگههاندنا فهرماندێ زێرهڤانی ب ئهڤرۆ نیۆز راگههاند” دهمژمێر 11 و بیست دهقیقێ ئهظ شهڤه، هێزێن پێشمهرگهیێن زێرهڤانی ب ههڤكاریا فڕۆكهیێن ههڤپهیمانان بنگهههكێ تیرۆرستێن داعش ل گوندێ تهشتێ یێ نێزیكی دۆڕیانا كهسكێ بوردۆمانكرن و د ئهنجامدا ئهف بارهگایێ داعش بتهمامی هاته تێكدان.
دلشادی گۆتژی” گورهی زانیاریێن ههوالگهری ب ئهگهرێ تۆپبارانا پێشمهرگه و بوردۆمانا فڕۆكهیێن ههڤپهیمانان چوار تیرۆرستێن داعش هاتینه كوشتن.
ئهڤرۆ نیوز:
حاکم زاملی سهرۆكێ لژنا ڤهكولینێ ل كهتنا مووسل راگههاند كو سوبه د كۆنگرهكێ رۆژنامهڤانى دا، دێ ئهنجامێن كارێن لژنا ڤهكولینێ ژ كهتنا مووسل ئاشكرا كهن.
زاملى رژدى ل وێ یهكێ كر كو ژ ئالیێ لژنا ڤهكولینێ ل كهتنا مووسل ههتا نوكه چ داخویانى نههاتینه دان، ئهو ئاخفتنێن هاتبنه كرن ژى، بوچوونێن تایبهت یێن ئهندامانن و چ كارتێكرن ل سهر بزاڤا ڤهكولینێ ناكهت.
ئهڤرۆ نیوز: ئهكرهم ئیبراهیم:
پارێزگهرێ دهوكێ پێشوازیا ئالان كێبات كونسلێ گشتى یێ وهلاتێ فرهنسا ل كوردستانێ وشاندهكێ وهزارهتا دهرڤه یا فرهنسا ونونهرێن رێكخراوا فرهنس لیبهرتى كر.
فهرهاد ئهترووشى پارێزگهرێ دهوكێ دیاركر ژبهر هاتنا وهرزێ هاڤینێ وگهرمێ ئاواران پێدڤیا پتر یا ب خزمهتێن تهندورستى و ئاڤا ساخلهم ههی ههروهسا ئاریشا گلێشێ ناڤ كهمپا پێدڤییه بهێته چارهسهركرن دا نهبیته هوكارهك بو بهلاڤبونا نهخوشیان د ناڤ ئاواران دا.
پاش كونگرهكێ روژنامهڤانى هاته ل دارخستن، كونسلێ گشتى یێ وهلاتێ فرهنسا ل كوردستانێ دكونگرێ روژنامهڤانیدا دیاركر: فرهنسا زور سهرسورمانه ب ئازاتیا پێشمهرگێ كوردستانێ وحكومهتا ههرێما كوردستانێ ل دژى رێكخراوا تیرورستێن داعش ودهست خوشى ل پارێزگهرێ دهوكێ وكارگێریا پارێزگههێ كر بو وێ هاریكاریا باش یا دگهل پهنابهر وئاوارهیان دكهت .
ههژى گوتنێ یه پتر ژ800هزار ئاواره و پهنابهران ل سنورێ پارێزگههێ لناڤا (20) كهمپا ههنه زێدهبارى وان كو پترژ 8هزار خێزانێن دن ل دهرڤهى كهمپان دژین و كارگێریا پارێزگههێ ب ههڤكاریا رێكخراوێن نیڤ دهولهتى هاریكاریێن بهردهوام بو پێشكێش دكهن.
ئهڤرۆ نیوز:
سهرۆكاتیا پهرلهمانێ كوردستانێ و سهرۆكێن فراكسیونان، بۆ پرسا ویلایهتا سهرۆكێ ههرێمێ، دێ كومبن.
ژێدهرهكێ دیاركر كو ل سهر داخوازا سهرۆكایهتیا پهرلهمانێ كوردستانێ، رۆژا 3 شهمبى بۆ پرسا ویلایهتیا سهرۆكێ ههرێمێ، سهرۆكێ فراكسیونان و سهرۆكایهتیا پهرلهمانێ كوردستانێ دێ كومبن، د وێ كومبوونێ دا، سهرۆكایهتیا ههرێمێ دێ داخوازێ ژ سهرۆكێ فراكسیونان كهت، پرۆژێن خوه بۆ پرسا ویلایهتا سهرۆكێ ههرێمێ پێشكێش ب سهرۆكایهتیا پهرلهمانى بكهن.
ئهڤرۆ نیوز:
دلشاد شهعبان جێگرێ سهرۆكێ لژنا سامانێن سروشتى ل پهرلهمانێ كوردستانێ بۆ ئهڤرۆ نیوز دیاركر ئهو مژوولى چارهكرنا كێشا پانزینا دهۆكێ یه ل گهل وهزارهتا سامانێن سروشتى و گۆت: ئهڤرۆ 430 هزار لترێن پانزینێ رهوانهى دهۆكێ هاتنه كرن و سوبه دێ 450 هزار رهوانهى دهۆكێ هێنه كرن و گرێبهستا ئینانا پانزینێ بۆ دهۆكێ و پارێزگێن دى هاتینه ئیمزاكرن.
ئهڤرۆ نیوز: قهیس ئیسماعیل
ئهڤ رۆژه سالانه ل 20-6 دهیته ئهنجام دان بهلى ژ بهر هاتنا ههیڤا رهمهزانى رێكخراوا ناڤبرێ پێش وهخت ئهنجامدا.
د پهراویزا چالاكیێن ڤێ رۆژى دا ئاواره و پهنابهرێن ئاكنجى ل كهمپێن پارێزگههێ ب چالاكیێن جودا پشكدارى كربوون ژ وان دروستكرنا خارنێن فلكلورى یێن تایبهت ب كۆردێن توركیا وسوریا و كریستیانین میسل وتوركمانێن تلكێفێ و عهرهبێن ژ میسل رهڤێن ل گهل ڤهكرنا پێشانگهها كارێن دهستى بۆ پهنابهرێن كهمپا دومیز ئێك ودوو و گهویلان وگرێ گهورێ.
اسماعیل محمد هارێكارێ پارێزگهرێ دهۆكێ بۆ كاروبارێن ئاواران، داخازا پشتهڤانیا رێكخراوێن نیڤدهولهتى كر و خاست فشار ل سهر حكومهتا فیدرال بهێته كرن دا پتر هاریكاریا ئاوارهیان بهێته كرن چنكو نوكه پتر 820 هزار ئاواره و پهنابهر ل پارێزگههێ ههنه، ههر چهنده پارێزگهها دهۆك دێ بهردهوامى دهته پشتهڤانیكرنا وان چنكو دهوك هێلینا پیگهڤه ژیانێ وئاشتیى یه.
ئهڤرۆ نيوز:
جێگرا سهرۆكێ فراكسيۆنا پارتى ديموكراتى كوردستان ل پهرلهمانێ كوردستانێ راگههاند كو پرۆژێ فراكسيۆنا گۆڕان دهربارهيى پرسيا سيستهمێ سياسى و سهرۆكاتيا ههرێمێ ژ دهستێكێ وهكو سازان د ناڤا ئهندامێن پهرلهمانى دا يێ سهركهفتى نهبوو، تهكستێ ل سهر وێ چهندێ ژى دكهت كو بارزانى دشێت بۆ پۆستێ سهرۆكاتيا ههرێمێ خوه كانديد بكهت.
ئامينا زكرى، جێگرا سهرۆكێ فراكسيۆنا پارتى ديموكراتى كوردستان، راگههاند: ههتا نوكه فراكسيۆنێن ناڤا پهرلهمانێ كوردستانێ ل سهر وێ چهندێ د رازى نه كو دڤێت دانوستاندن د ناڤبهرا فراكسيۆنان دا ب سانان بيت دا كو پرس ب رێكهفتن بهێنه كرن و چو كێشه دروست نهبن.
ئامينا زكرى گۆت: “پرۆژێ فراكسيۆنا گۆڕان ل دۆر پرسا سيستهمێ سياسى و سهرۆكاتيا ههرێمێ ل دهسپێكێ وهكو سازان د ناڤبهرا لايهنێن ناڤ پهرلهمانێ كوردستانێ دا يێ سهركهفتى نهبوو”.
گۆتژى: “نهدبوو جهنابێ سهرۆكێ پهرلهمانى، يوسف محهمهد پرۆژێ بزاڤا گۆڕان ئينابايه ناڤ پهرلهمانى، چونكو ئهم ههموو فراكسيۆن ل سهر وێ چهندێ د رازى نه كو سازان ل سهر ههموو پرسان بهێته كرن”.
دوهى رۆژا شهمبى رێكهفتى 13ى خزيرانا 2015ێ سهرۆكێ ديوانا سهرۆكاتيا ههرێمێ، فوئاد حسێن، راگههاند: مهسعود بارزانى سهرۆكێ ههرێما كوردستانێ و ب پشت بهستن ل سهر قانوونا سهرۆكاتيا ههرێما كوردستانێ يا ژماره “1” يا سالا 2015ێ يێ راستڤهكرى و ب فهرمانا ههرێمى يا ژماره “91” يا سالا 2015ێ بڕيار دا ههلبژارتنێن گشتى بۆ سهرۆكێ ههرێما كوردستانێ بهێنه ئهنجام دان و ل رۆژا 20ى تهباخا 2015ێ”.
دهربارهيى ڤێ بڕيارا سهرۆكێ ههرێما كوردستانێ، جێگرا سهرۆكێ فراكسيۆنا پارتى گۆت: “جهنابێ سهرۆكێ ههرێما كوردستانێ، ئهركێ قانوونى يێ خوه يێ بجهـ ئينايى، نوكه كۆمسيۆن يا سهرپشكه كا ئايا دشێت رێكارێن خوه بدهته بهر بۆ ئهنجامدانا ههلبژارتنان يان نه و ئهڤه ژى دێ كۆمسيۆن بهرسڤێ دهت”.
رهت ژى كر كو كو ئهڤ بڕيارا سهرۆكێ ههرێمێ وهكو كاردانهڤه بيت بۆ لايهنێن دى يێن ههرێما كوردستانێ.
جێگرا سهرۆكێ فراكسيۆنا پارتى ل پهرلهمانى كو حزبا وێ 38 كورسيێن پهرلهمانى ههيه و سهركهفتيا ئێكێ يا ههلبژارتنێن خولا چوارێ يا پهرلهمانێ كوردستانێ بوويه، بهحس ل وێ چهندێ ژى دكهت كو فراكسيۆنا وان يا ئامادهيه بۆ سازان ل گهل ههموو لايهنان بۆ وێ چهندێ وهكو ئامينا دبێژيت: “بۆشايا قانوونى يان چو ههڤركيهك ل ههرێما كوردستانێ سهر هلنهدهت و ببيته ئهگهرێ زيانێ بۆ سهر ئاسايش و سهقامگێريا كاودانێن سياسى ل كوردستانێ، چونكو نوكه ههرێم روو ب روويێ شهرێ داعش بوويه، ديسا قهيرانا دارايى ژى كهفتيه سهر ههموو دهستهلات و حوكمهتێ”.
ئاماژه ب وێ چهندێ ژى كر كو ههر پرسهكا سياسى ل كوردستانێ، ئهگهر بڤێت بهێته ئێكلاكرن پێدڤى سازانێ ههيه و ئهو ژى دڤێت د ناڤبهرا لايهنێن سياسى دا بهێته ئێكلا كرن.
د پرسا وێ چهندێ دا كو ههكه كۆمسيۆنا بلندا سهربهخۆيا ههلبژارتنان شيان ههلبژارتنان ئهنجام بدهن، مهسعود بارزانى دشێت بۆ جارهكا دى خوه كانديد بكهت، د بهرسڤێ دا، جێگرا سهرۆكێ فراكسيۆنا پارتى راگههاند كو ئهڤى بابهتى دوو روو يێن ههين، د وارێ قانوونى، پشكهك دبێژيت بارزانى نهشێت خوه كانديد بكهت چونكو ئهڤه دو خوله سهرۆكێ ههرێما كوردستانێ”.
زێدهتر گۆت: “سهرۆك بارزانى دشێت بۆ جارهكا دى خوه كانديد بكهت، چهنكو ئهو خولهكێ ب دهنگدانا وهلاتيان هاتيه ههلبژارتن، ژ بهر هندێ ژى ب بۆچوونا من ژ روويێ قانوونى ڤه جهنابێ سهرۆكى دشێت خوه كانديد بكهت، ژ بهر كو خولا سهرۆكاتيا بهرێ ل پهرلهمانێ كوردستانێ بوويه”.
ئهڤرۆ نيوز:
رهجهب تهيب ئهردوگان سهرۆك كۆمارێ توركيا راگههاند كو ئهو يێ ب هيڤى يه بهرى ب دووماهى هاتنا دهمێ قانوونى يێ پێكئينانا حوكمهتێ كو 45 رۆژن، حوكمهتهكا ههڤپهيمان پێك بينيت و دا زانين ژى كو ئهو دێ ل گهل سهرۆكێن ههر سێ پارتێن دى يێن سهركهفتى د ههبيژارتنێن توركيا دا كۆم بيت.
نيشاندان