ئه‌ڤرۆ نيوز:
به‌رى چه‌نده‌كێ، فرۆكان پیلانه‌كا داعش بۆ هنارتنا هێزه‌كا زور بۆ شنگال شكه‌ستن پێ ئینا، و كاروانه‌كێ ترومبێلێن وان كو 12 ترومبێل بوون، دانه به‌ر توپان و ب چه‌كدارڤه سووتن.
ژێده‌ره‌كێ ئاگه‌هدار ل ناڤ قه‌زا شنگال دياركر كو به‌رى چه‌نده‌كێ فرۆكێن شه‌رى ييێن هه‌ڤپه‌يمانان كاروانه‌كێ ترومبێلێن داعش كره ئامانج كو ژ ته‌له‌عفه‌ر بۆ ناڤ قه‌زا شنگال برێكه‌فتبوون كو 12 ترومبيل بوون و ب چه‌كدارڤه هاتنه سووتن.
ئه‌ڤرو نیوز،بارزان سلێمان مزوورى
به‌رپرسێ لقا 14 ل مووسل ،عصمت ره‌جه‌ب، بو مالپه‌رێ ئه‌ڤرو نیوز دیا كر كو ئه‌ڤرۆ ئیڤارى چه‌كدارێن تیرورستێن داعش سێ زانایێن ئاینێ ئیسلامێ خه‌لكێ باژێرێ مووسل ده‌سته‌سه‌ركرن و بو جهه‌كێ نه‌دیار ڤه‌گوهاستن ژبه‌ر كو وان زانایا كریارێن داعش ئه‌نجام دده‌ت ب كریارێن تیرورست هژمارتن و هه‌مى زانایێن مووسل ئاگه‌هدار كرینه كو كه‌س پرسیارا وان هه‌رسێ زانایا نه‌كه‌ت.
ناڤبرى دیار كر كو دهه‌مان روژدا چه‌كدارێن تیرورستێن داعش دوو وه‌لاتیێن مووسل به‌ر باران كرن ل به‌رامبه‌ر ده‌رگه‌هێ ئاڤاهیێ پارێزگه‌ها مووسل دناڤ گوره‌پانا كه‌ڤن یا پارێزگه‌هێ ل پێش چاڤێن خه‌لكى ئه‌ڤ كریاره به‌رامبه‌رى وان ئه‌نجام دا ژبه‌ر وان هه‌ردوو وه‌لاتیا كریارێن سكسى ئه‌نجام دابون.
ناڤبرى دیار كر كو ئه‌و هه‌ردوو وه‌لاتى ب به‌رێن مه‌زن به‌رباران كرن حه‌تا گیانێ خو ژ ده‌ست دایى .
هه‌روه‌سا چه‌كدارێن تیرورستێن داعش په‌یامنێرێ كه‌نالێ موسلیه بناڤێ عه‌لا مازن عبدالله ل روژئاڤا مووسل گوله‌باران كر ب چه‌كێ كلاشینكوف ل پێش چاڤێن خه‌لكى .
ئه‌ڤرۆ نيوز:
عەقید عیسا زێوەیی، فه‌رماندێ ليوا 4 يا پياده سه‌ر ب وه‌زاره‌تا پێشمه‌رگه‌ى راگه‌هاند چه‌كدارێن داعش ل ده‌مژمێر 2 و نيڤ يێ ئه‌ڤرۆ ب چه‌كێ ناڤنجى ل ده‌ڤه‌را ست زه‌ينه‌ب هێرش كرينه سه‌ر قه‌زا شنگال و پێشمه‌رگه‌ى هێرشا وان شكاندى يه و گۆت: پێشمه‌رگه‌ى د ڤێ هێرشا وان چ زيان نه‌گه‌هشتينێ و ل دووڤ ئاخافتنێن بێته‌لا داعش كو ل گه‌ل ئێك دئاخفتن، گه‌له‌ك كه‌س ژ وان بريندار بووينه و هاتينه كوشتن.
ئه‌ڤرۆ نيوز:
ئه‌ڤرۆ 490 مليار دينار ژ به‌غدا گه‌هشتنه هه‌رێما كوردستانێ، هه‌روه‌سا كوژمێ 135 مليار دينارێن گه‌نمێ جوتياران گه‌هشتن.
ئەحمەد عەبدولرەحمان په‌يڤدارێ وه‌زاره‌تا دارايى و ئابوورى يا حوكمه‌تا هه‌رێما كوردستانێ دياركر كو ئه‌ڤرۆ 490 مليار دينار ژ به‌غدا گه‌هشتنه هه‌رێما كوردستانێ، هه‌روه‌سا كوژمێ 135 مليار دينارێن گه‌نمێ جوتياران گه‌هشتن.
ئەڤرو نیوز، بارزان مزووری:
ئەفسەرەکى ژ ھێزێن پێشمەرگەيی ل میحوەرێ ناوەران کو د ھەمان دەم دا د گەل ھێرشکرنێ بۆ سەر میحوەرێ باشیک داعش ل دوریانا خورسەبات ب چەکێ گران بوردومانا میحوەرێ ناوەران کر، به‌لێ بوردومانا وان یا بێ مفا بوو چو زیان نەگەھاندینە ھێزێن پێشمەرگەيی، ل گەل بوردومانا وان هێزێن پێشمه‌رگه‌يى ژى به‌رسڤا وان دا.
ژ لایەکێ دی ڤە لیوا موسا گەردی فەرماندێ فەرماندەیا ھەلگورد ل میحوەرێ باشیک بۆ ئەڤرۆ نیوز ئاشکرا کر کو ل شەڤا بوری دەمژمێر ١١ شەڤ چەکدارێن تیرورستێن داعش ژ دو لایان ڤە ھێرش کرە سەر میحوەرێ باشیک، بەری داعش ھێرشێ بکەت پێشمەرگەی ب چەکێ گران بەرسڤا ھێرشا وان دا و ھاتە تێک شکاندن.
ناڤبری ئاشکرا کر کو ژ لایەکێ دى ڤه ل هه‌مان میحوەر د ھەمان دەم دا ھێرش کرە سەر رەبیعەکا لیوا حه‌ف یا پیادە ل دووڤ زانیاریێن به‌ر ده‌ست پێشمەرگەیەک شەھید بوویە دو ژ وان ژی بریندار بووینە.
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا گشتيا ساخله‌ميێ ل پارێزگه‌ها دهۆكێ راگه‌هاند كو هژمارا وان بريندارێن ته‌قينێن حه‌سه‌كێ ئيناينه دهۆكێ بوونه حه‌فت كه‌س.
حه‌مزه ره‌زيكى به‌رپرسێ راگه‌هاندنێ ل رێڤه‌به‌ريا گشتيا ساخله‌ميا پارێزگه‌ها دهۆكێ بۆ ئه‌ڤرۆ نيوز راگه‌هاند كو حه‌فت كه‌س ژ بريندارێن كريارێن تيرۆرستى يێن داعش يێن شه‌ڤا نه‌ورۆزێ بۆ نه‌خۆشخانێن دهۆكێ هاتينه ره‌وانكرن
زێده‌تر گۆت: “سێ زارۆنه و چار ژى گه‌نجن و نشته‌رگه‌رى بۆ سێ ژ وان هاتيه كرن و ئێك ژى هاتينه ره‌وانه‌كرن بۆ نه‌خۆشخانا سۆتن و جوانكاريێ ل پارێزگه‌ها دهۆكێ و يێن دژى ل نه‌خۆشخانا ته‌نگاڤيان دهێنه چاره‌سه‌ركرن”.
پێشتر ژى راگه‌هاند بوو كو ل سه‌ر داخوازا سه‌رۆكاتيا هه‌رێما كوردستانێ، رێڤه‌به‌ريا گشتيا ساخله‌ميێ ل پارێزگه‌ها دهۆكێ سێ ته‌نێن ده‌رمانان ژى بۆ نه‌خۆشخانێن وى باژێرى هنارتينه بۆ ده‌رمانكرنا برينداران”.
ژ ئه‌نجامێ دو ته‌قينێن خوه كوژى ب ترۆمبێلێن تى ئێن تى كرى بۆ سه‌ر جهێن ئاهه‌نگێن نه‌ورۆزێ يێن ته‌ڤده‌م و ئه‌نه‌كه‌سێ ل باژێرێ حه‌سه‌كێ ل شه‌ڤا 20\3\2015، 45 كه‌س هاتنه كوشتن و 130 كه‌س ژى بريندار بوون، وه‌كو ئامارێن ئاسايشا جزيرێ راگه‌هاندى.
پشتى ئه‌ڤان په‌قينان ئێكسه‌ر ب رێيا راديۆ و پێگه‌هێن خوه يێن فه‌رمى، چه‌كدارێن تيرۆرستێن داعش به‌رپرساتيا خوه ژ ڤێ كريارا تيرۆرستى دابوو دياركرن.
ئه‌ڤرۆ نيوز:
چه‌كدارێن داعش هێرش كره سه‌ر به‌ره‌يێن پێشمه‌رگه‌يى ل باشيكێ و ژ لايێ پێشمه‌رگه‌يى ڤه به‌رسينگێ هێرشا وان هاته گرتن.
قادره سۆر بادلى، فه‌رمانده ل فه‌رمانده‌يا هه‌لگۆرد بۆ رووداو گۆت: “شڤێدى دره‌نگى شه‌ڤ، چه‌كدارێن داعش هێرش كره سه‌ر به‌ره‌يێن پێشمه‌رگێ ليوا حه‌فت ل چيايێ باشيكێ و ژ لايێ پێشمه‌رگه‌يى ڤه به‌رسينگێ وێ هێرشێ هاته گرتن”.
ئه‌وى فه‌رماندێ فه‌رمانده‌يا هه‌لگورد ده‌رباره‌يى زيانێن پێشمه‌رگه‌يى گۆت: “پێشمه‌رگه‌ك شه‌هيد بوويه و دو ژى د بريندارن”، ده‌رباره‌يى زيانێن داعش ژى گۆت: “هێشتا چو تشتێ ديار نينه”.
قادره سۆر بادلى ئاماژه ب وێ چه‌ندێ ژى كر كو فرۆكێن شه‌ركه‌رێن هه‌ڤپه‌يمانان چه‌كدارێن داعش ب دژوارى بۆردومان كرن و نه‌چاركرن پاشڤه بزڤرن و گۆت: “د دووڤ خوه دا چه‌كه‌كێ زۆر هێلايه”.
ئه‌ڤرۆ نیوز:
رێڤه‌به‌رێ ده‌زگه‌هێ هه‌والگیریا ئه‌مریكا راگه‌هاند كو داعش ل عیراقێ و سووریا یا لاواز بوو و وه‌ك جاران پێشره‌ویێ ناكه‌ت.
جۆن برینان رێڤه‌به‌رێ ده‌زگه‌هێ هه‌والگیریا ئه‌مریكا راگه‌هاند ب ئاشكرا یا دیاره كو رێكخراوا داعش یێ ل سووریا و عیراقێ لاواز بووى و لاوازبوونا داعش ڤه‌گه‌راند بۆ هه‌ماهه‌نگیا وان ل گه‌ل هێزێن عیراقى.
نيشاندان