جڤاتا دادوه‌رى بڕيارا ده‌سته‌سه‌ركرنا تۆمه‌تبارێن ئه‌نفالێ ده‌ركر
ئه‌ڤرۆ نيوز:
د نڤيساره‌كێ دا كو ئه‌ڤرۆ نيوز دانه‌ك ب ده‌ست خوه خستيه، ئه‌ڤرۆ 7ى گۆلانا 2015ێ، جڤاتا دادوه‌ريێ ل هه‌رێما كوردستانێ، سه‌ر ژ نوو بڕيارا ده‌سته‌سه‌ركرنا تۆمه‌تبارێن ئه‌نفالێ ده‌ركر.
جڤاتا دادوه‌رى يا هه‌رێما كوردستانێ د نڤيساره‌كێ دا راگه‌هاند: پشتى كۆمبوونا جڤاتا دادوه‌رى ل گه‌ل كه‌سوكار و نوونه‌ر و رێكخراوێن تايبه‌ت ب كه‌يسا ئه‌نفالێ ڤه، چه‌ند فه‌رمانه‌ك ده‌ركرن كو ل دووڤ داخوازيا كه‌سوكارێن وان بوويه”.
ئێك ژ وان فه‌رمان ژى ته‌كست كرن ل سه‌ر بجهئينانا ياداشتا ده‌ستگيركرنا تۆمه‌تبارێن ئه‌نفالێ يه كو ل ده‌مێ خۆ ل 5ى گۆلانا 2015ێ ده‌ركه‌فت بوو و نوكه دووباره گشتاندن بۆ هاتيه كرن و ب سه‌ر هه‌موو دادگه‌هاند هاتيه به‌لاڤكرن دا كو پارێ پێدڤى پێ بهێته كرن و ديسا ئه‌گه‌رێ گيرۆبوونا بجهنه‌ئينانێ ژى ئاگه‌هدار بكه‌ن.
ديسا ئێك ژ بڕيارێن دى يێن جڤاتا دادوه‌رى ئه‌وه كو داواكاريا گشتى دووڤچوونێ بكه‌ت و رێيێن قانوونى بگريته به‌ر ل كه‌سانێن كێم ته‌رخه‌م د بجهئينانا وێ بڕيارا دادگه‌هێ دا.
د بڕياره‌كا دى يا جڤاتا دادوه‌رى دا هاتيه كو پێكئينانا لژنه‌كێ يه ل جڤاتا دادوه‌رى كو نوونه‌ر و داواكارێ گشتى و كه‌سوكارێن ئه‌نفالان ژى ب خوه ڤه دگريت و ئه‌و ژى بۆ دووڤچوونێ د پرسا نه‌مانا دادگه‌ها بلندا تاوانێن عيراقێ يه كو تايبه‌ته ب وى كه‌يسى ڤه.
جڤاتا دادوه‌رى د ڤێ نڤيسارێ دا دبێژيت ژى: “چونكو كه‌يسێ ئه‌نفالێ كه‌يسه‌كێ نشتيمانى يه، پێدڤى ب پشته‌ڤانيا هه‌موو داموزده‌زگه‌هان هه‌يه، چونكو ب تنێ ئه‌ركێ جڤاتا دادوه‌رى نينه، ژ به‌ر هندێ ته‌كستێ ل سه‌ر پشته‌ڤانيا په‌رله‌مانێ كوردستانێ و جڤاتا وه‌زيران ژى دكه‌ين”.
