وینێن وى تانكێ، دا خوه ب پێشمه‌رگه‌ى ڤه په‌قینیت
نووترين نووچه
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
- دستووری رێك یا دایە هەرێما كوردستانێ پەترۆلا خوە بفرۆشیت
- نە هنارتنا پارەیان و ئاریشەیا مووچەی بۆ هەرێما كوردستانێ، ئێك ژ كارتێن بەغدایێ یە
- بێی مادەیێ 140 بەغدا نەشێت تاكلایەنە رەفتارێ ب پەترۆلا كەركووكێ بكەت
سه‌ره‌كى نوچێن گرنگ
ب وێنه: دامه‌زراندنا كانتونا شنگال هاته شه‌رمزاكرن
ئه‌ڤرۆ نیۆز ، بارزان سلێمان مزوورى
ب به‌رهه‌ڤبوونا رێكخراو و سه‌نته‌رێن ره‌وشه‌نبیرى و بنگه‌هێن لالش و ژماره‌كا زور یا ئاواره‌یێن شه‌نگال و خه‌لكێ ده‌ڤه‌را شێخان د ناڤ باژێرێ قه‌زا شێخان خرڤه‌بونه‌ك ل دژى دامه‌زراندنا كانتونا شه‌نگال هاته ئه‌نجام دان .
نوێنه‌رێ خرڤه‌بونێ ، ئیلیاس نعمو خه‌تارى ، بۆ ئه‌ڤرۆ نیۆز دیار كر بناڤێ رێڤه‌به‌ریا ره‌وشه‌نبرى و هونه‌رى ل قه‌زا شێخان و دگه‌ل چه‌ندین سه‌نته‌رو تیپێن هونه‌رى و و نڤیسینگه‌ها گروپێ ئالا و بنگه‌هێ لالش و سه‌نته‌رێ كاكه‌ییان و ئێكه‌تیا ئافره‌تان یێن قه‌زا شێخان، دامه‌زراندنا كانتونا شه‌نگال ریسوا و شه‌رمزار دكه‌ن ژبه‌ر كو چ بنه‌مایێن یاسایى و ده‌ستورى نینن كو رێ ل دامه‌زراندنا كانتونان بده‌ت.
ژڤانێ به‌لاڤكرنا مووچێ ماموستایان هاته دیاركرن
ئه‌ڤرۆ نیوز:
ناڤه‌راستا حه‌فتيا بهێت مووچێ هه‌یڤا 11 یێ وه‌زاره‌تا په‌روه‌ردێ دێ هێته به‌لاڤكرن.
ئه‌حمه‌د گه‌رمیانى جێگرێ سه‌رۆكێ ئێكه‌تیا ماموستایێن كوردستانێ دیاركر كو ئێكه‌تیا ماموستایان دووڤچوونا گیروبوونا موچێ ماموستایان كریه و گۆت: ئه‌م هاتینه ئاگه‌هداركرن كو ناڤه‌راستا حه‌فتیا بهێت دێ مووچێ وه‌زاره‌تا په‌روه‌ردێ هێته به‌لاڤكرن.
هاتيه نووكرن: داعش كاتيۆشايه‌ك ل قه‌زا خه‌بات دا و سێ كه‌س بوونه قوربانى
ئه‌ڤرۆ نيوز:
نیڤرۆیا ئەڤرۆ تیرۆرستێن داعش گۆله‌كێ كاتيۆشا ئاراستەيی قەزا خەبات یا سەر ب پارێزگەھا ھەولێرێ کر و د ئەجامدا وەلاتیەک شەھیدبوو دو وەلاتیژی بریندارن.
ژێدەرەکێ ئاگەھدار ل قەزا خەبات بۆ ئەڤرۆ نیۆز دیارکر، ئەف گۆلا كاتيۆشا يا داعش ل نێزیک سەنتەرێ باژێڕێ خەبات کەفتیە و نێزیکی بنگەھێ پۆلیسان، کو دکەڤە سەر جادەیا گشتیا ھەولێر خەبات.
ژ لايێ خوه ڤه رێڤه‌به‌رێ پۆليسێن قه‌زا خه‌بات، عه‌بدولجه‌بار موسته‌فا ژى بۆ ئه‌ڤرۆ نيوز گۆت: “موشه‌كا كاتيۆشا بوو ل سه‌ر رێيا سه‌ره‌كى يا دچيت بۆ هه‌ولێر ل نێزيك تاخێ پێشه‌سازى و دو كه‌س بريندار بووينه و كه‌سه‌كى ژى گيانێ خوه ژ ده‌ست دايه كو برينا ئێك ژ وان يا دژواره”.
رێڤه‌به‌رێ پۆليسێن قه‌زا خه‌بات دايه زانين ژى كو ئاراستێ ئه‌و گۆلێ كاتۆشيا ئه‌وێ هاتى ژ لايێ خازرى بوويه.
ئەڤە بۆ جارا سێ یە داعش ل دەڤەرێن دەوربەرێ مووسل قەزا خەبات ئه‌وا 25 كيلۆمتران دوورى هه‌ولێر تۆپباران دکەن، بەلێ ل جارێن بەرێ قوربانی نەبووینە.
قائيد ميرۆ و رزوان رۆژبه‌يانى پشكدارى د ئامادكرنا ڤى بابه‌تى دا كريه
وه‌زاره‌ته‌ك داخواز زێده‌كرنا 450 هزار ديناران دكه‌ت
ئه‌ڤرۆ نيوز:
وه‌زيرێ كاروكاروبارێن جڤاكى د نڤيساره‌كێ دا كو ره‌وانه‌يى جڤاتا وه‌زيران كريه، داخوازا مه‌زاختنا كۆژمه‌كێ پاره‌يى دكه‌ت بۆ فه‌رمانبه‌رێن وه‌زاره‌تا وى وه‌كو ده‌رمالێن مه‌ترسيێ ب ره‌نگه‌كێ هه‌يڤانه كو كۆژمێ 450 هزار و 300 هزار ديناره.
د نڤيساره خوه يا هژماره 100 يا رێكه‌فتى 12\1\2015 كو ئيمزايا محه‌مه‌د هاوديانى، وه‌زيرێ كاروكاروبارێن جڤاكى ل سه‌ره بۆ سه‌رۆكاتيا جڤاتا وه‌زيران ره‌وانه‌كريه، تێدا هاتيه: هيڤيدارين ره‌زامه‌نديێ ده‌رببڕن ب مه‌زاختنا وى كۆژمێ ل خوارێ ديار كرى وه‌كو ده‌رمالێن مه‌ترسيێ بۆ فه‌رمانبه‌رێن وه‌زاره‌تا كاروكاروبارێن جڤاكى ب ره‌نگه‌كێ هه‌يڤانه.
ب گۆره‌يى وێ نڤيسارا وه‌زارتا كاروكاروبارێن جڤاكى داخوازا مه‌زاختنێ ب ڤى ره‌نگى يه:
- بۆ شه‌لته‌ران كۆژمێ 450 چارسه‌دو په‌نجا هزار دينار هه‌يڤانه.
- خانا ناڤ سالچوويان 450 چارسه‌دو په‌نجا هزار دينار هه‌يڤانه.
- خانا زارۆ و بێ سه‌ميانان كۆژمێ 300 سێ سه‌د هزار ديناران هه‌يڤانه.
- ديوانا وه‌زاره‌تێ 300 سێ سه‌د هزار ديناران هه‌يڤانه.
كورده‌ك ل جهێ عه‌بدولئه‌مير زه‌يدى هاته دانان
ئه‌ڤرۆ نيوز:
فه‌رماندێ ئۆپه‌راسيۆنێن ديجله، ژ پۆستێ وى لادا و ئه‌فسه‌ره‌كێ بلندێ كورد ل جهێ وى دێ ئه‌ركێ پاراستنا ده‌ڤه‌رێ پێ راسپێرا.
ژێده‌ره‌كى ژ فرقا 5 يا سۆپايێ عيراقێ بۆ باسنيوز راگه‌هاند كو پشتى عه‌بدولئه‌مر زه‌يدى ژ پۆستێ وى فه‌رماندێ ئۆپه‌راسيۆنێن ديجله دوورخست و بۆ به‌غدا هاته ڤه‌گوهاستن، ل جهێ وى، ئه‌فسه‌ره‌كێ كورد ب ناڤێ عه‌ميد رۆكن شێرزاد عه‌زيز كافرۆشى وه‌كو فه‌رماندێ فرقا 5 يا سه‌ر ب ئۆپه‌راسيۆنێن ديجله ده‌ست ب كار بوو، روون ژى كر كو ده‌ستبكاربوونا وى سه‌ركرده‌يى ب گۆره‌يى رێكه‌فتنه‌كا سياسى بوو
عه‌بدولئه‌مير زه‌يدى فه‌رماندێ به‌رێ يێ ئۆپه‌راسيۆنێن ديجله ئه‌فسه‌ره‌كێ سه‌رده‌مێ رژێما سه‌دام يا ژناڤچوويى بوو، رۆله‌كێ به‌رچاڤ ژى د پرۆسا ئه‌نفال و جينوسايدا گه‌لێ كورد دا هه‌بوويه، د ماوێ كاركرنێ دا وه‌كو فه‌رماندێ ئۆپه‌راسيۆنێن ديجله، ب دوژمنايه‌تيكرنا كوردان و ده‌ڤه‌رێن كوردستانێ يێن ده‌رڤه‌يى ئيدارا هه‌رێمێ يێ ناڤدار بوو.
هه‌تا نها چ حساب بۆ پارێزگه‌ها هه‌له‌بچه نه‌هاتیه‌كرن
حاكم سه‌رحان ئه‌حمه‌د سلێڤانه‌یی ئه‌ندامێ لیژنه‌یا دارایی یا جڤاتا نونه‌ران ل عیراقێ بو ئه‌ڤرۆ نیوز دیاركر ب پێشنیارا هه‌ڤالێن نونه‌رێن هه‌له‌بچه بو دانانا بودجه‌یه‌كێ بۆ پارێزگه‌ها وان كو بریاره ب پارێزگه‌هبونا وێ هاتیه داین و لێ هێشتا هه‌یكه‌لێ ئیداری ب داوی نه‌هاتیه .
ناڤبری ئه‌وچه‌نده‌ژی دیاركر ل گه‌ل هه‌مو ئه‌ندامێن جڤاتیێ یێن كورد ئێك راینه بكوژمه‌ك بو ئه‌وێ پارێزگه‌ها نو بهێته دیاركرن لێ هێشتا بجهـ نه‌هاتیه و د بزاڤا داینه دابین.
سه‌رحانی ئه‌و چه‌نده‌ژی دازانین بودجه‌یا په‌ره‌پێدانا پارێزگه‌هان ل گوری ئاكنجیا مرۆڤانه و كه‌فتا وێ ل سه‌ر كیش پارێزگه‌هیێ یه ژ بودجه‌یا ئه‌وێ پارێزگه‌هێ بهێته ڤه‌گوهاستن بو هه‌له‌بچه و بودجه‌یا گشتی یا 17% ژی دڤێت حساب و تایمه‌ندمه‌ندیه‌ك بو ئه‌وێ پارێزگه‌هبونا نو هه‌بیت .
ئه‌ڤرۆ مووچێ ڤان وه‌زارتان دێ هێته دان
ئه‌ڤرۆ نيوز:
ئه‌ڤرۆ رۆژا پێنجشه‌مبى رێكه‌فتى 22\1\2015 بڕياره مووچێ هه‌يڤا 11 يێ دو وه‌زاره‌تان ل حوكمه‌تا هه‌رێما كوردستانێ بهێته به‌لاڤكرن.
ژێده‌ره‌كێ ئاگه‌هدار ب ئه‌ڤرۆ نيوز راگه‌هاند كو بڕياره ئه‌ڤرۆ مووچێ چريا دويێ يێ سالا بۆرى يێ هه‌ر ئێك ژ وه‌زارتا خواندنا بلند و ڤه‌كۆلينێن زانستى و وه‌زاره‌تا كاره‌بێ ل حوكمه‌تا هه‌رێما كوردستانێ بهێنه به‌لاڤكرن.
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هانديه كو هه‌تا ناڤه‌راستا حه‌فتيا بهێت دێ مووچێ هه‌موو وه‌زاره‌تا يێ هه‌يڤا 11 هێته به‌لاڤكرن و پاشان ئێكسه‌ر ده‌ست ب به‌لاڤكرنا مووچێ هه‌يڤا 12 هێته كرن.
لژنا ئەوقافێ: وەرگرتنا پێشینەیا ئاڤاھیان ب مەرجێن نوکە حەرامە و ریبایە
ئەڤرۆ:
جێگرێ سەرۆکێ لیژنا ئەوقافێ و کاروبارێن ئایینی ل پەرلەمانێ کوردستانێ راگەھاند، بڕیارە د گەل وەزیرێ دارایی و ئابووری یێ حوکمەتا ھەرێمێ پرسا پێشینەیا ئاڤاھیان چارەسەر بکەین و ئەو زێدەھیا دەمێ گیرۆبوونا قستێ پێشینەیان ژ وەلاتیان دھێتە وەرگرتن نەمینیت و گۆت: “وەرگرتنا پێشینەیا ئاڤاھیان ب وان مەرجێن نوکە ھەین حەرامە و ریبایە”.
ھەورامان گێچەنەیی، جێگرێ سەرۆکێ لیژنا ئەوقاف و کاروبارێن ئایینی ل پەرلەمانێ کوردستانێ بۆ رۆژناما ئەڤرۆ ئاشکرا کر، وەرگرتنا پێشینەیا ئاڤاھیان ل گۆرەی مەرجێن نوکە یێن حوکمەتا ھەرێما کوردستانێ دیارکرین حەرامە و دچیتە د چوارچوڤێ ریبایێ دا و گۆت: “ل دووڤ شەریعەتێ ئیسلامێ ھەر زێدەھیەک ب ھەر ناڤەکی بھێتە وەرگرتن حەرامە و چو بەھانەژی بۆ حەلالکرنێ پێ نەڤێن، ئێک ژ خالێن ناڤا مەرجێن وەگرتنا پێشینەیان ئەڤە، ئەگەر کەسێ وەردگریت د دەمێ خوە دا قستێ ھەیڤانە یان سالانە بۆ حوکمەتێ ڤەنەگەڕینیت، دێ پارەیەکێ زێدە چیتە سەر، ئەڤە دبیتە ئەگەرێ حەرامبوونا پێشینەیان”.
گۆتژی: “من بەری نوکە سەرەدانا وەزیرێ دارایی کریە و سۆزدایە حەفتیا بھێت پێکڤە کۆمبین و چارەسەریا حەرامبوونا پێشینەیان بکەین، چونکو ھژمارەکا زۆرا وەلاتیان ژ بەر بابەتێ حەرامیێ نەشیاینە ژ وەرگرتنا پێشینەیا ئاڤاھیان مفاداربن”.
گێچەنەیی خویا ژی کر، ھەر وەلاتیەکێ بەری نوکە پێشینە وەرگرتی و نەزانی بیت حەرامە و گونەھکار نابیت، ھەروەسا ئەو وەلاتیێن ب فتوایا لیژنا بلندا فتوایێ وەرگرتین گونەھا وان دکەڤیتە ستوویێ لیژنا فتوایێ و ئەو کەسێ فتوا حەلالکرنێ دای و گۆت: “ئەز د گەل لیژنا فتوایێ ئاخڤتیمە و چ بەلگەیێن درست نەبوون بۆ حەلالکرنا پێشینەیان، ب تنێ پشتا خوە ب بۆچوونا زانایەکی گرێدابوو، بەلگەیێن شەرعیێن بھێز نەبوون بۆ حەلالکرنێ، لێ د دەمەکێ نێزیک دا خودێ حەز کەت دێ ئێکلاکەین، دا کو وەلاتی ھەموو بشێن ژ وەرگرتنا وی مفاداربن”.
ئەڤرۆ نيوز ناڤێ چەند یاریکەرێن ھەلبژارتیێ کوردستانێ دیاردکەت
ئه‌ڤرۆ:
ئێکەتیا تەپا پێ یا ناڤەندی ل ھەرێما کوردستانێ پشتی دەستەیا راھێنەریا ھەلبژارتیێ کوردستانێ دەست نیشانکری بوو یاریا بەرامبەر ھەلبژارتیێ ھەرێما ئیڤان ؟؟ یا ئیرلەندی ئەوا بریارە ١٧-٣-٢٠١٥ بھێتەکرن د چارچوڤێ یاریەکا ھەڤالینی کو لسەر داخوازیا ھەرێما ئیرلەندی کو ھەلبژارتیێ کوردستانێ مێڤانی وەلاتێ ئیرلەندا کری.
ل دەمێ بوری دا رۆژناما ئەڤرۆ دیڤچوونا ئەڤی بابەتی و ھەلبژارتنا یاریکەران کری یە و دووماھی پێزانین گەھشتی نە بەر دەستێ مە راھێنەرێ ھەلبژارتیێ کوردستانێ لیستەیەک پێشکێشی ئێکەتیا تەپا پێ یا کوردستانێ کری یە کومەکا یاریکەران ھاتینە داخوازکرن بوو ھەلبژارتیێ کوردستانێ ئەو یاریکەرێن گەھشتی نە بەر دەستێ مە ب ڤی رەنگی بوون.
بیلال ئەحمەد، نێچرڤان شوکری، زھێر عەبدولجمال ، ھونەر ئەحمەد و میران کەریم ژ یانا زێرەڤانی، رێکان ھاشم و محەمەد تەھا ژ ھندرین و عەبدوللا محەمەد و تالب رەقیب ژ پێشمەرگا ھەولێرێ و دلێر حاتم ژ ھەولێر و شەھرام ئەمیر و محەمەد عەلی ژ برایەتی و پرسیار عەزیز ژ نەوروز کو ئەڤ ناڤە نوکە ل بەر دەستێ رۆژناما ئەڤرۆ نە ل رۆژێن بھێت چەند یاریکەرێن دی ژی ھەنە ژ یانا دھۆک و زاخۆ ژی.
نيشاندان
WP Facebook Auto Publish Powered By : XYZScripts.com