ئه‌ڤرۆ نيوز، نيوار محه‌مه‌د سه‌ليم:

ئاخفتنكه‌رێ ب ناڤێ رێڤه‌به‌ريا گشتيا ساخله‌ميێ ل پارێزگه‌ها دهۆكێ راگه‌هاند كو سێ ژ وان بريندارێن ته‌قينێن حه‌سه‌كێ ئيناينه‌ دهۆكێ و سێ ته‌نێن ده‌رمانان ژى بۆ نه‌خۆشخانێن وى باژێرى هاتينه‌ ره‌وانه‌كرن.

حه‌مزه‌ ره‌زيكى ئاخفتنكه‌رێ ب ناڤێ راگه‌هاندنا رێڤه‌به‌ريا گشتيا ساخله‌ميا پارێزگه‌ها دهۆكێ بۆ ئه‌ڤرۆ نيوز راگه‌هاند كو سێ ژ بريندارێن كريارێن تيرۆرستى يێن داعش يێن شه‌ڤا نه‌ورۆزێ بۆ نه‌خۆشخانا ته‌نگاڤيان ل دهۆكێ هاتينه‌ ره‌وانه‌كرن و ره‌وشا وان يا ساخله‌ميێ نه‌يا باشه‌.

زێده‌تر گۆت: “ل سه‌ر داخوازا سه‌رۆكاتيا هه‌رێما كوردستانێ ژى، رێڤه‌به‌ريا گشتيا ساخله‌ميێ ل پارێزگه‌ها دهۆكێ سێ ته‌نێن ده‌رمانان ژى بۆ نه‌خۆشخانێن وى باژێرى هنارتن بۆ ده‌رمانكرنا برينداران”.

ژ ئه‌نجامێ دو ته‌قينێن خوه‌ كوژى ب ترۆمبێلێن تى ئێن تى كرى بۆ سه‌ر جهێن ئاهه‌نگێن نه‌ورۆزێ يێن ته‌ڤده‌م و ئه‌نه‌كه‌سێ ل باژێرێ حه‌سه‌كێ ل شه‌ڤا 20\3\2015 زێده‌ترى 50 كه‌سان ژ هه‌ردولا شه‌هيد بوون و زێده‌ترى 100 كه‌سان ژى بريندار بوون و داعش به‌رپرساتيا خوه‌ ژ وێ روودانێ دابوو زانين.

ئەڤرۆ نیۆز، سالار دۆسکی:

بەرپرسێ فه‌رمانگه‌ها شوونوارێن قەزا شنگال ئاشکرا کر کو 120 جھێن شوونواری ل قەزا ناڤبری ھەنە و ھەتا نوکە 17 جھێن شوونواری ژ ئالیێ دەولەتا تیرۆرستی یا داعش ڤە ھاتینە ژناڤبرن و مەترسی یا ژ ناڤبرنێ نوکە ل سەر 103 شوونوارێن دی ھەیە.
رۆستەم شنگالی، بەرپرسێ فه‌رمانگه‌ها شوونوارێن قەزا شنگال بۆ ئەڤرۆ نیۆز گۆت: “منارا شنگال ل سالا 1219 ھاتیە ئاڤاکرن ژل ایێ قوتب عیمادەدین زەنگی ڤە، کو وی دەمی ل سەر دەمێ سەلاحەدین ئەیۆبی ئەو والیێ (جزیرتا شنگالێ) بوویە، چار منارە ئاڤا کربوون ل دەڤەرێن (شنگال، ئامێدیێ، ھەولێرێ، مووسل).
روستەم گۆت: “بلنداھی یا منارا (شنگال) (16) مەتر بوون، لایێ باشوور ھاتیە نڤسین ( لا الە الا اللە) با کو نڤسیی یە (الحمدلله) ئەڤە دھاتە بکار ئینان بۆ ئاگەھدارکرنا وەلاتیان و دیسان مزگەفت نێزیک منارێ ھەبوویە، رووبارێ ئاڤێ دور ھەبوو و دگۆتنێ رووبارێ (دەرمانێ چاڤان) ب تەنشت منارێ و نوکە ھەیە و کێمبوویە”.
ئاشکراکر کو نوکە گرنگیا منارێ ل شنگال نیاسینا دەڤەرێ بوویە و ژ جھێن شوونواری بوویە، دیسان 16 مەزارێن موسلمان و ئێزدیان ھاتینە ژناڤبرن ل شنگال ژ ئالیێ دەولەتا تیرۆرستی یا داعش ڤە و ئەڤرۆ منارە ژی ھاتە پووچکرن، نوکە مەترسی ل سەر 103 جھێن دی ھەیە.
ھەڤدەم روستە شنگالی گۆت: “شنگال بەری 628 سالان ھاتیە ئاڤاکرن و دھێتە نیاسین ژ باژێرێن کەڤن کو پشتی ھەولێرێ ھاتیە ئاڤاکرن، گرنگیە تایبەت نوکە ھەیە چونکە سنورێ رۆژئاڤایە، دیسان شنگال پایتەختێ سيێ يێ مرنشینێن کوردی بوو”، ب گۆره‌يى گۆتنێن شنگالى، ل قەزا ناڤبری پەترۆل و زیبه‌ق و مەعدەن ھەیە.

عيسا زێوه‌يى، فه‌رماندێن ليوا چار يا پێشمه‌رگێ كوردستانێ بۆ ئه‌ڤرۆ نيوز گۆت: “ئه‌ڤرۆ 22\3\2015 ل ده‌مژمێر 9:30 ده‌قيقه‌ يێ سپێدێ منارا مێژوويى يا باژێرێ شنگال ژ لايێ چه‌كدارێن داعش ڤه‌ هاته‌ په‌قاندن كو ب شوونواره‌كێ مێژووى يێ وێ ده‌ڤه‌رێ دهێته‌ نياسين”.

ئه‌ڤرۆ نيوز:

جڤاتا بلندا كوردێن فه‌يلى راگه‌هاند ئه‌ڤرۆ رۆژا ئێكشه‌مبى راگه‌هاند كو هژمارا خۆبه‌خشێن وان د ليوا كوردێن فه‌يلى دا ژ بۆ شه‌رێ دژى چه‌كدارێن داعش ژ پێنج هزار كه‌سان يا بۆرى.

د به‌ياننامه‌كێ دا، جڤاتا بلندا راگه‌هانديه‌: “ژمارا خۆبه‌خشێن كوردێن فه‌يلى د ناڤ ليوا كوردێن فه‌يلى دا گه‌هشتيه‌ زێده‌ترى پێنج هزار كه‌سان و ل سه‌ر ميحوه‌رێن شه‌رى هاتينه‌ به‌لاڤكرن بۆ ده‌ڤه‌رێن بن ده‌ستێ چه‌كدارێن داگيركه‌رێن چه‌په‌ل”.

هاتيه‌ ژى: “ئه‌م شانازيێ ب وێ چه‌ندێ دكه‌ين كو ل گه‌ل حه‌شه‌د شه‌عبى نه‌ و وان هه‌موو ده‌نگويێن ب خرابى يێن ل دژى ڤێ هێزێ ره‌تدكه‌ين و ب ده‌نگويێن پشته‌ڤان بۆ داعش و هه‌ڤپه‌يمانێن وێ ب ناڤ دبه‌ين”.