ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ب تمامى ئه‌ور بيت ل گه‌ل بارينا بارانێ د هنده‌ك ده‌مان دا.

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا ئێكشه‌مبى رێكه‌فتى 4\1\2015 ئه‌سمانێ دهۆكێ ب ته‌مامى ئه‌ور بيت ل گه‌ل بارينا بارانێ د هنده‌ك ده‌مان دا.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ ژى دێ دو هه‌تا سێ پلان نزمتر بيت ژ رۆژێن به‌رى نوكه‌ بيت ب ره‌نگه‌كى د ناڤبه‌را 6 بۆ 14 پلان دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 10 كليۆمه‌تر د ده‌مژمێره‌كێ و ماوێ ديتنێ ژى دێ 8  و ده‌مێ باران بارينێ دێ بيت 6 كيلۆمه‌تر.

پێشتر رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند بوو كو ل 4\1\2015 دێ به‌فر ل ده‌ڤه‌رێن چيايى باريت و ده‌ليڤا ڤێ به‌فر بارينێ ل ناڤ سه‌نته‌رێ باژێرى ژى يا هه‌يى.

ئەڤرۆ:
ژ بۆ پتر نێزیکبوون ژ رەوشا وەلاتیان و ئاگەھدار بوون ل سەر دەڤەرێ و زوو گەھاندنا گازندە و داخوازیێن خەلکێ دەڤەرێ، وەلاتی دخوازن نڤیسینگەھەکا پەرلەمانێ کوردستانێ ل قەزا ئامێدیێ بھێتە ڤەکرن.
وەلاتی شیمال عەبدوللا وەک ئێک ژ وەلاتیێن دەڤەرا ئامێدیێ و ئاکنجیێ کۆمەلگەھا سیریێ دبێژیت: مە ھزر دکر خۆلا نھا یا پەرلەمانی دێ شێت گەلەک خزمەتا دەڤەرا مە کەت، چونکو بەری ھەلبژارتنا ھەموویان بۆ مە دەھول لێ ددا و دگۆتن کو ھەر تشتەکێ ھەوە بڤێت دێ کەین، لێ پشتی ھەلبژارتنان ئەوێن مالێن وان ل دەڤەرێ ژی مالێن خوە ڤەگوھاستنە دھۆکێ و گۆت: (مادەم مالا چو ئەندام پەرلەمانەکی ل دەڤەرێ نەبیت، ھەر چو نەبیت بلا نڤیسینگەھەک ل سەنتەرێ قەزا ئامێدیێ بھێتە ڤەکرنن دا کو ھەر جار جار وەلاتی گازندێن خوە بگەھینینێ.
وەلاتیەکی دی ب ناڤێ دلبرین دیار کر، وی چو جارا ھزر نەدکر ئەندام پەرلەمانێن دەڤەرێ دێ مالێن خوە ل دەڤەرێ ڤەگوھێزن و دێ چنە دھۆکێ و ھەولێرێ، راستە دەواما وان یا ل ھەولێرێ، بەلێ ھەر چو نەبیت ل دەمێ بھێنە ڤەدانان دا قەستا دەڤەرێ کەن بۆ وێ یەکێ بزانن خەلکێ دەڤەرا ئامێدیێ ژی چو ئاریشە ھەنە.
نەجات موحەمەد نھێلی ئەنداما پەرلەمانێ کوردستانێ بۆ ئەڤرۆ دیار کر، وەک ئەرکەکێ ل سەر ملێن وانا بۆ نێزیک ئاگەھدار بوون ژ رەوشا وەلاتیێن دەڤەرا ئامێدیێ، وان وەک ئەندام پەرلەمانێن کوردستانێ یێن فراکسیونێن جدا یێن دەڤەرا ئامێدیێ بزاڤێن زۆر کرینە ژ پێخمەت ڤەکرنا نڤیسینگەھەکا پەرلەمانی ل سەنتەرێ قەزا ئامێدیێ و گۆت: (نھا کارێن دەسپێکی یێن ڤەکرنێ ب داوی ھاتینە و وەک یاداشتەکێ دایە سەرۆکاتیا پەرلەمانی و ئەم چاڤەرێ رازیبوونا سەرۆکێ پەرلەمانی نە، لێ ژ بەر رەوشا نھا یا دەڤەرێ و کوردستانێ و عیراقێ ب گشتی تا نھا بەرسڤ ل سەر نەھاتیە دان و دبیت د دەمەکی نیزیک دا ئەڤ نڤیسینگەھە بھێتە ڤەکرن).