ئه‌ڤرۆ نیوز، بارزان سلیمان مزوورى
دگه‌ل ده‌ستپێكرنا وه‌رزێ نوو یێ كه‌نالی NRT كو ژڤانه‌ 1 شوباتێ ده‌ست ب وه‌شانا خوه‌ بكه‌ت، چار په‌یامنێران ل ده‌ڤه‌را به‌هدینان ده‌ست ژ كاری خوه‌ به‌ردا.
ئیك ژ په‌یامنێرێن ده‌ست ژ كارێ خوه‌ به‌ردایی ئه‌ڤ چه‌نده‌ بۆ ئه‌ڤرۆ نیۆز پشت راست كر و گۆت: هه‌ر ئێك ژ یۆسف موسا په‌یامنێرێ NRT ل قه‌زا زاخو ،دلشاد ئه‌نوه‌ر ل سنورێ قه‌زا ئاكرێ،بریار نیروه‌یی په‌یامنێر ل ده‌ڤه‌را ئامیدی و به‌رواری بالا ،دیمان محمود په‌یامنێر ل سه‌نته‌رێ دهوكێ ده‌ست ژ كارى به‌رداینه‌.
ل گوری زانیاریان ئه‌گه‌رێ ده‌ست كاربه‌ردانا ڤان په‌یامنیران ژ كه‌نالی ئێن ئار تی ڤه‌دگه‌ریت كو NRT سوزا خوه‌ پشتى وان گرێبه‌ست كرى ل گه‌ل بجه نه‌ئینایه‌.

ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ راگه‌هاند كو دهۆك كه‌يسه‌كا تايبه‌ته‌ و دڤێت د پرۆژێ بودجا هه‌رێما كوردستانێ دا تايبه‌تمه‌ندى پێ بهێته‌ دان.

محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ، د نڤيسينه‌كێ دا ل سه‌ر تۆرا جڤاكيا فه‌يسبۆكى به‌لاڤ كريه‌ كو دڤێت حسابه‌كا تایبەت بۆ پارێزگەها دهۆکێ بهێتە کرن و رێژەیا بەریا نهۆ کو ٪٢٣ یە، ب هیچ رەنگەکی بەشی داخوازیێن پارێزگەها دهۆکێ ناکەت. هژمارا ئاکنجیێن پارێزگەهێ دووجارکی لێهاتیە و ئەڤە دڤێت بەرچاڤ بهێتە وەرگرتن.

ئه‌ڤه‌ ژى ده‌قێ نڤيسينا وێ يه‌:

دهۆک کەیسەکێ تایبەتە!

د پرۆژەیێ بۆدجەیا هەرێما کوردستانێ دڤێت حسابەکا تایبەت بۆ پارێزگەها دهۆکێ بهێتە کرن و رێژەیا بەریا نهۆ کو 23% یە، ب هیچ رەنگەکی بەشی داخوازیێن پارێزگەها دهۆکێ ناکەت. هژمارا ئاکنجیێن پارێزگەهێ دووجارکی لێهاتیە و ئەڤە دڤێت بەرچاڤ بهێتە وەرگرتن. د ڤێدا، گشت پەرلەمانتارێن کوردستانێ، ب تایبەتی یێن پارێزگەها دهۆکێ، دڤێت پشتەڤان بن و بهەڤرا کار بۆ بکەین.
نهۆ پارێزگەها دهۆکێ سالەکا پڕی قەیران دەرباز دکەت. بارگرانیا ڤێ قەیرانێ و کێشەیێن سەرهلدایی ل سەرانسەری وەلاتی، دهۆک، ژ هەر جهەکێ پتر لێ بوویە خۆدان و کارتێکرن لێ هاتیە کریە. ئەڤرۆ پارێزگەها دهۆکێ نێزیکی ملیۆن و نیڤ ئاوارە و پەنابەرێن ناڤخۆیی و نێڤدەولەتی لێ هەنە کو ئەڤ هژمارە، ژ هژمارا ئاکنجیێن پارێزگەهێ بخوە مەزنترە. بڤی رەنگی، دهۆک دبیتە تاکە پارێزگەهـ ل سەرانسەری رۆژهەلاتا ناڤین کو وەک پەناگەهەکا ئێمن بۆ زیاندیتیێن قەیرانێن ناڤخۆیی دهێتە تەماشەکرن.

داخوازا سەرکەفتنێ بۆ سازی و دامەزراوەیێن دهۆکێ دکەین و ئەم هەموو بهەڤرا دڤێت بۆ زاڵبوون لسەر قەیرانان کار بکەین. ژ خۆدایێ مەزن دخوازین کو دڤێ قەیرانێ دا پشت و پەناهێ مە هەموان بیت.

محەمەدعەلی یاسین
ئەندامێ پەرلەمانێ کوردستانێ
29/01/2015

ئەڤرۆ نیۆز ، بارزان سلێمان مزووری:

بەرپرسێ پشکا ھاتنوچونا قەزا شێخان، پێشەنگ بەدرخان محەمەد سەلیم، بۆ ئەڤرۆ نیوز دیار کر کۆ ئەڤرۆ دەمژمێر ١١:٣٠ خولەک ل سەر رێکا سەرەکیا شێخان بۆ ناحیا ئەلقوش ل نێزیک کومەلگەھا شێخکا روودانەک ژ جورێ لێکدان د ناڤبەرا ترومبێلەکا بارھەلگر ئیسکانی رەنگێ سپی و ترومبێلەک ئوپل ڤیکترا تایبەت و ترومبێلەکا تویتا کرولا تایبەت ژ جورێ بیکاچو رویدا.

د ئەنجام دا دوو وەلاتیێن ئیزدی د ناڤ ئوپلا ڤیکترا گیانێ خو ژ دەست دا و کەسەک ژ ی بریندار بو تەرمێن وان ھەردوو یان ھاتن ڤەگوھاستن بو نەخوشخانا شێخان یاگشتی.
ناڤبری ل دور ئەگەرێن رویدانێ دیار کر کۆ ئەگەر نەھاتینە دیار کرن ژ بەر شوفێرێ ئوپلا ڤیکترا و نەفەرێ د گەل گیانێ خو ژ دەست دایە.
ناڤبری زێدەتر گوت ئەو کەسێن گیانێ خو ژ دەست دایی ئیزدی نە ئاکنجیێن گوندێ نسێریێ نە سەر ب ناحیا باعەدرێ ل گوندی دچون بو جھەکێ دی .

1 of 7

ئەڤرۆ:
ل دووڤ نڤیسارەکا رێڤەبەریا گشتی یا پەروەردا پارێزگەھا دھۆکێ کو کۆپیەک گەھشتیە رۆژناما ئەڤرۆ گەڕا دویێ یا فۆرمێن دامەزراندنێ بۆ وان پلێن مایی ئەڤرۆ 2015.1.29 دێ ھێنە بەلاڤکرن.
ل گۆر وێ نڤیسارێ بەلاڤکرن دێ ل پەروەردێن قەزایێن (زاخۆ، ئامێدی، تلکێف، شێخان، ئاکرێ و بەردەرەش) و قەزا سێمێلێ ژی بۆ ئاکنجیێن دەڤەرا زومار حەفت رۆژان دێ فۆرمان بەلاڤ کەن و دەرچوویێن ھەمی کۆلیژان مافێ وەرگرتنا فۆرمان نینە.
ھەروەسا دیار کریە کو دەرچوویێن کۆلیژێن: پەروەردا بنیات، پەروەردێ، پەروەردا وەرزشی، کۆلیژا ئاداب (مێژوو-جوگرافی- ئنگلیزی)، کۆلیژا زانست (زیندەوارنی-کیمیا-فیزیا-کۆمپیوتەر- ماتماتیک) کۆلیژا (کارگێڕی و ئابووری بەشێ ئابووری)، کۆلیژا بازرگانی پشکا ئابووری، کۆلیژا ئەدەبیان پشکا فەلسەفێ، کۆلیژازانستێن ئیسلامی (شەریعە، خواندنا ئیسلامی، بنەمایێن ئایینی) و کۆلیژا زانستێن مرۆڤاتی پشکا وەرگێرانا زمانێ ئنگلیزی، کۆلیژا ھونەرێن جوان پشکا شێوەکار و موزیکێ، ھەروەسا پەیمانگەھێن سەر ب وەزارەتێ پەروەردێ ڤە وەکو (مامۆستا، ھونەرێن جوان، کۆمپیوتەر و وەرزش) ئەو ماف ھەیە فۆرمان پڕ بکەن.
ھەژی گۆتنێ یە دامەزراندنا ڤێ جارێ کو تمامکەرە بۆ وان چار ھزار مامۆستایێن بەری نھا ب شێوێ گرێبەست ھاتینە راگەھاندن، کو د قووناغا ئێکێ یا دامەزراندنێ دا پێدڤی بوو چار ھزار مامۆستا وەکو گرێبەست ھاتبانە دامەزراندن، لێ ژ بەر نەبوونا مامۆستایێن بسپۆر و پڕکرنا ڤێ پێدڤیێ، پتر ژ ھزار پلێن دی یێن دامەزراندنێ ماینە.