ئه‌ڤرۆ نيوز، مه‌سعود خه‌له‌ف:

ل گور چه‌ند داخویانیێن داعش كو هاتنه‌ به‌لاڤكرن و چه‌ند وێنه‌ ژی د گه‌ل دا نه‌ ل دؤر كۆمبوونا وان ل گه‌ل سه‌رۆك هوزێن عه‌شیره‌تا جبور یێن كو ل رۆژهه‌لاتی پارێزگه‌ها حه‌سه‌كێ‌ و ل ده‌ڤه‌را هولێ‌ و شه‌دادێ‌ و تل براك و تل حه‌میس دمینن كو ئه‌و به‌رهه‌ڤیێن خوه‌ دكه‌ن بۆ هێرشا سه‌ر پاریزگه‌ها حه‌سه‌كێ‌ یا سووری كو هه‌ڤسنووره‌ ل گه‌ل رۆژئاڤایێ‌ كوردستانێ‌.

ئه‌ڤ ئێك هاتیه‌ پشتی كو عه‌شیرا ناڤبری گازندێن خوه‌ گه‌هاندنه‌ رێكخستنا تیروری یا داعش كو ئێدی شه‌رت و مه‌رجێن ژیانێ‌ بۆ وان ب زه‌حمه‌ت كه‌فتنه‌. نوكه‌ عه‌شیرا جبور د ناڤ خوه‌ دا بوویه‌ دو پارچه‌ ده‌ربارێ‌ دانوستاندنێن ل گه‌ل داعش.

ژبه‌ر ڤان دانوستاندنێن عه‌شیرا جبور ل گه‌ل داعش ل رۆژهه‌لاتی حه‌سه‌كێ‌ زیانه‌كه‌ مه‌زن د په‌یوه‌ندیێن ڤێ‌ عه‌سیره‌تی ل گه‌ل پێكهاتێن دی یێن جزیرێ‌ دروستبووینه‌، له‌وما ئه‌و وه‌كو بنگه‌هه‌كی حه‌واندنا تیرورا داعش دهێنه‌ دیتن ل ده‌ڤه‌ری

ئه‌ڤرۆ نیوز:

ب هه‌لكه‌فتا بیره‌وه‌ریا ژ دایكبوونا سه‌روه‌رێ پێغه‌مبه‌ران، محه‌مه‌د سلاڤێن خودێ ل سه‌ر بن، سه‌رۆك بارزانى په‌یامه‌كا پیروزیێ به‌لاڤكریه‌ و ئه‌ڤ بیره‌وه‌ریه‌ ل هه‌موو موسلمانێن جیهانێ و عیراقێ و ب تایبه‌ت موسلمانێن كوردستانێ پیرۆز كریه‌.

سه‌رۆك بارزانى هیڤى خواستیه‌ كو ئه‌ڤ بیره‌وه‌ریا پیرۆز ده‌رگه‌هێ خێر و خوشیێ بۆ خه‌لكێ كوردستانێ ڤه‌كه‌ت و دووماهیێ ب زولم و توندكارى و داگیركاریێ بئینیت و وه‌لاتێ مه‌ د به‌خته‌وه‌ریێ دا بیت.

ئه‌ڤرۆ:

ئاوارێن د کەمپا ئاکرێ دا ل دۆر دابەشکرنا کەل و پەلێن زڤستانێ و خارن و ڤەخارنێ چو ئاریشە نینن، لێ ھوسا دبینن ھندەک کێماسی ھەنە، وەک نەبوونا چو نۆژدارێن ژن ل کەمپێ بوویە ئەگەرێ نەرازیبوونا ئاکنجیێن کەمپێ.
زینەب عومەر ئافرەتەکا ئاوارەیە ل باژێرێ ئاکرێ خویا کر، ئەڤە بۆ ماوەیەکێ یە ئەز چوویمە د ھێلینا زێرین دا و ھەتا نوکە فورم نەداینە مە و ئەم ژێ بێ بەھرین ژ وەرگرتنا کەل و پەلان و ئەرزاقی و وەرگرتنا گازێ و ھندەک تشتێن دی، لەورا داخواز دکەین ئەڤ یەکە بھێتە چارەکرن و گۆت: بۆ زەلامان مە ژی کار نینە، ئانکو ھەبیت ژی یا کێمە، لەورا داخواز کەین دەلیڤە بۆ وان ژی بھێتە دان بۆ کاری کۆ بشێن ژیانا خۆە ب رێڤە ببەین.
شرین شەفیع ژی ئێکە ژ ئافرەتێن ئاوارە ل کەمپا قەلعێ دیار کر، ھندەک کەل و پەل د کێمن یان ل دووڤ ھژمارا خێزانان ناھێنە دابەشکرن، لەورا دڤێت ل دووڤ ھژمارا خێزانان بیت، چونکو وەک پێدڤی تێرا مە ناکەن و گۆت ژی: دەربارەی ئاڤێ باش دھێت، لێ ب کێرڤەخارنێ ناھێت، وەک کلور یان چو مادان ناکەنە د ئاڤێ دا، لەورا تامەک ژێ دھێت. دیسا ل دەرڤەی کەمپێ نوژدارێن ھەین، لێ دەرمان وەک پێدڤی لێ نینن و نوژدارێن ژن ژی لێ نینن، ئەم داخواز دکەین نوژدارەکا ژن بھێتە وێرێ، چونکو ئەم دچینە نەخوشخانا گشتی گیرو دبین و نەخۆشیا مە مەزنتر و خرابتر ژی لێ دھێت، ئەم داخواز دکەین ئەڤ یەکە بھێنە چارەکرن یان ژی چارەیەک ھەبیت.
ھەژار سەعید یاسین رێڤەبەرێ کەمپێ بۆ ئەڤرۆ گۆت: ل دووڤ شیانێن خوە ھاریکاری بۆ کریە و ل گەل ھاتنا وەرزێ زڤستانێ ژی مە کەل و پەلێن زڤستانێ ل سەر وان دابەشکرینە ل دووڤ سیستەمێ رێکخراوێ و ھندەک کێماسی یێن ھەین و دێ ھەبن، لێ ئەم بزاڤێ دکەین وێ ژی نەھێلین یان ژی کێم بکەین، وەک نەبوونا نوژدارێن ژن، ئەو ژی میلاکێ ساخلەمیێ یێ ئاکرێ یێ کێمە و سەبارەت ئاڤێ ژی لژنا ساخلەمیێ سەرەدانا وان دکەن بۆ چارەسەریێ.