ئه‌ڤرۆ نیوز:
زه‌عیم عه‌لى به‌رپرسێ میحوه‌رێ رۆژهه‌لات و رۆژئاڤا دیجله یا هێزێن پێشمه‌رگه‌ى ل سنورێ مووسل د دیداره‌كێ دا بۆ هاولاتى دیاركریه كو ب تنێ هێزا دشێت شنگال رزگار بكه‌ت و ب پارێزیت پارتى یه و هه‌كه نوكه پارتى خوه ڤه‌كێشیت، داعش ب چو هێزه‌كى ناراوه‌ستیت.
زه‌عیم عه‌لى دبێژیت: ئه‌و جهێن پێشمه‌رگه‌ى ل شنگالێ گرتین د سترتیژى نه، به‌لێ بۆ كونترولكرنا شنگالێ ب تمامى، ئه‌م پێدڤى ب به‌رنامه و پلانه‌كا بهێزن.
ئه‌ڤرۆ نیوز، مه‌سعود خه‌له‌ف
پشتی کو دادگەھا دەستوورا بنگەھین یا توركیا پارتیا جڤاکا دەمۆکراتیک (DTP) گرتى، تاوانا قەدەغه‌کرنا سیاسەتێ دابوو ٣٧ ئەندامێن پارتیێ، تاوانا لەیلا زانا، ئایسەل توگلوك و کەمال ئاکتاش ب داوی بوو و دێ ٦ێ ڤێ مەھێ تەڤلی HDP ببن.
سالا ٢٠٠٩ێ دادگەھا دەستوورا بنگەھین یا توركیا DTP گرتبوو و ھەروه‌ها په‌رله‌مەنتەریا سەرۆکێ گشتی ئاھمەت تورک و جیگرا سەرۆکێ گشتی ئایسەل توگلوک ژی ژێ ھاتبوون ستاندن.
ل رۆژا 31-12-2014 تاوانا ٥ سالان ب داوی بوو، پشتی کو تاوانا لەیلا زانا، ئایسەل تولوک و کەمال ئاکتاش ب داوی بوو ئەوێ تەڤلی HDP ببن.
تێ پێشبینیکرن کو ٦ ڤێ مەھێ ھەڤسەرۆکێ HDP سەلاھه‌دین دەمیرتاش پێشوازیێ ل وان بکە، دەما کو ھەر سێ پارله‌مەنتەر تەڤلی HDP ببن ھەژمارا په‌رله‌مەنتەرێن پارتیێ دێ ببە ٣٠.
ئه‌ڤرۆ نیوز، مه‌سعود خه‌له‌ف
سەرۆکێ ئەمەریکا باراک ئۆباما، ١٩ێ بەرفانبارێ ژ بۆ رادیۆیا گەل یا نەتەوەیی ئاخڤیبوو. د وێ ھەڤپەیڤینا ئۆباما دە کو ڤێ ھەفتیێ ھات وەشاندن، ھن گۆتن ھەنە کو دێ ل جیھانێ دەنگ ڤەدن.
د ھەڤپەیڤینێ دە ئۆباما وه‌ھا دبێژە: “دەما کو رووسیایێ، قرم داگر کر ھەر کەسی دگۆت سەرۆک دەولەتێ رووسیایێ ڤلادمر پوتن کەسەکی زیرەکە. لێ ب دەمێ رە و ب دوستێن ھەڤپەیمانیێن مە یێن رۆژئاڤایی را، پشتی کو رووسیا بەر ب قەیرانەکە ئابۆری ڤە چوو، دەرکەت ھۆلێ کو ئەو ئەوقاسی نە کەسەکی بعاقلە.”
ئەڤ گۆتنێن کو سەرۆک دەولەتێ رووسیایێ بچووک دخە، ژ دەڤێ ئۆباما دەرکەتن. سەرۆکێ ئەمەریکایێ باراک ئۆباما گۆت، رووسیایێ ب داگرکرنا قرمێ رە زەرەر گھاندیە ئابۆریا وەلاتێ خوە.
ئۆبامایێ کو ب بیر خست، ئابۆریا رووسیایێ پێبەندێ نەفتێ یە، گۆت کو ئەو ناخوازن ب رووسیایێ رە شەر بکن و ئەو دێ بەردەوام بن د بکارئانینا کارتا خوە یا ئابۆریێ دە.
ئه‌ڤرۆ نیوز، ره‌وان نهێلى
دهێته چاڤه‌رێكرن، ل گه‌ل په‌سه‌ندكرنا پرۆژه بودجێ 2015 یێ عیراقێ، بهایێ ترۆمبێلان بلند ببیت، ئه‌وژى ژبه‌ر ئه‌گه‌رێ سه‌پاندنا باجان ب رێژا 15% ل سه‌ر كرینا ترۆمبێلان.
ل دووڤ به‌ندێ 33 ژ پرۆژێ بودجێ 2015 یێ عیراقێ كو ژڤانه 7/1/2015 په‌رله‌مان دانوستاندنێ ل سه‌ر بكه‌ت، سه‌دێ 15 باج خستیه سه‌ر كرینا ترۆمبێلان ژ هه‌مى جورێن وێ.
به‌رى نوكه به‌رپرسێن وه‌زاره‌تا داراییا عیراقێ رژدى ل سه‌ر وێ یه‌كێ كربوون كو زێده‌كرنا باجێ بۆ بده‌ستخستنا داهاتى یه و چاره‌كرنا وێ كورتئینانێ یه كو روو ب روو بودجێ عیراقێ یێ 2015 دبیت.
ئه‌ڤرۆ نیوز، ره‌وان نهێلى
سه‌رۆكێ لژنا دارایى و ئابوورى ل په‌رله‌مانێ كوردستانێ د وێ باوه‌رێ دایه كو د پشكه بودجا 2015 یا هه‌رێمێ دا، چه‌ندین خالێن ئه‌رێنى بۆ كوردان تێدانه و دشیاندایه ده‌ست ب دانا سولفا ئاڤاهیان بهێته كرن.
د.عزه‌ت سابر دیاركر كو وان پرۆژه‌ك یێ به‌رهه‌ڤ كرى كو ل گۆر وى پرۆژه‌ى حكومه‌ت دێ شێت ب كێمترین خه‌رجى ده‌ست ب دانا سولفا ئاڤاهیان كه‌ت و گۆت” هه‌كه حكومه‌ت پرۆژێ مه بجه بینیت د وێ باوه‌رێ دامه، فشار ل سه‌ر دروست نابیت و دێ شێت ده‌ست ب به‌لاڤكرنا سولفان كه‌ت كو كه‌رتێ تایبه‌ت و بانكێن ئه‌هلى پاره‌ى بده‌نه وه‌لاتیان و حكومه‌ت ژى ب تنێ مفایێ پاره‌ى بده‌ت”.
ئه‌ڤرۆ نيوز، مه‌سعود خه‌له‌ف:
رۆژناما (وه‌ته‌ن) یا توركی د ده‌نگوباسه‌كی خوه دا به‌لاڤ كریه كو توركیا یا كو هاریكاریان د بوارێ له‌شكری دا و په‌وه‌رده‌یێ دا بۆ هێزێن پێشمه‌رگه‌یی دكه‌ت و ل ڤێ دووماهیێ كه‌لوپه‌لێن له‌شكری ژی بۆ وان رێكرنه.
هه‌روه‌سا تێدا هاتبوو كو كه‌لوپه‌لێن له‌شكری ب رێيا لوریه‌كه مه‌زن هاتنه ڤه‌گوهاستن بۆ هه‌رێما كوردستانی و ژ لایێ په‌رپرسێن پێشمه‌رگه‌یی ڤه هاتنه وه‌رگرتن و هاریكاریێن ژ ڤی جوری ژی دێ به‌رده‌وام بن.
ئه‌ڤرۆ نيوز:
د روودانه‌كا ترافيكێ دا ل دهۆكێ ل نێزيك كۆمپانيا جيهان يا ترۆمبێلان د روودانه‌كا ترافيكێ دا دو كه‌سان گيانێ خو ژ ده‌ست دا و دو كه‌س ژى بريندار بوون، برينا ئێك ژ وان يا گرانه.
به‌رپرسێ كه‌رتێ داسنيا يێ پۆليسێن هاتنوچوونا ناڤ باژێرى ل رێڤه‌به‌ريا هاتنوچوونا پارێزگه‌ها دهۆك بۆ ئه‌ڤرۆ نيوز گۆت: “ل نێزيك كۆمپانيا جيهان يا ترۆمبێلان ل نزاكرى ژ ئه‌نجامێ وه‌رگه‌ريانا ترۆمبێله‌كا كيا سپۆرتاج ژنه‌ك و مێره‌كان گيانێ خوه ژ ده‌ست و دو زارۆيێن وان ژى بريندار بوون كو برينا ئێكى يا گرانه”.
جيدارێ ئێكێ سه‌ورى عه‌بدولا سه‌عيد، به‌رپرسێ كه‌رتێ داسنيا ژ پۆليسێن هاتنوچوونا ناڤ باژێرى، زێده‌تر گۆت: “ئه‌ڤ كه‌سه ژ هه‌ولێر دهاتن و ب گۆره‌يى ناسنامێن وان خه‌لكێ مووسلن”.
ئاماژه ب وێ چه‌ندێ ژى كر كو شوفێرى له‌زاتيه‌كا ئێكجار زێده بكار ئينايه و ل ده‌مێ وه‌رگه‌ريانێ ب حه‌فت قه‌لپان چوويه، ژ سايدێ خوه ژى ده‌ركه‌فتيه چوويه يێ خزمه‌تگۆزارى.
ئه‌ڤرۆ نيوز، مه‌سعود خه‌له‌ف:
د نامه‌یه‌كا تله‌ڤزیونی دا ب هه‌لكه‌فتا سه‌رسالا نوو ره‌جه‌ب ته‌یب ئه‌ردوگان سه‌رۆكێ توركیا چه‌ند داخویانی دان و ژ وان ژی ئه‌ردوگان بال كشانده سه‌ر سالا 2014 و قووناغا ئاشتیێ و وه‌سا دا زانین كو ئه‌و “پرۆژێ ئێكه‌تيا نه‌ته‌وی و برایه‌تیێ يه” و ته‌كه‌ز ل سه‌ر هه‌لويستێ توركیا ژ بۆ ئاشتیا ناڤخوه‌یی كر و دا زانین كو ئه‌و ناكه‌ڤنه ژیر گه‌فا چ لایه‌نان و رێ ناده‌ن كو چ كه‌س وان سنوران ده‌رباس بكه‌تن.
هه‌وه‌رسا سه‌روك كومارێ توركی بال كشانده سه‌ر وان ئێش و ئازاران یێن كو ل سالا 2014 هه‌رێم تێدا بووری و ب تایبه‌ت سوری و عیراق و دڤێ ده‌ربارێ دا گۆت: “هه‌ر چه‌نده كو بۆ جیهان نه دخه‌ما ڤان هه‌ردو وه‌لاتانه و ئاریشه‌یێن وان، لێ ئه‌می ب هه‌موو شیانێن خوه هه‌ول ده‌ن كو ئاشیتیێ ل عراق و سوریێ په‌یدا بكه‌ن، مه ده‌ریێن خوه ل هه‌مبه‌ر په‌نابه‌رێن هه‌ر دو وه‌لاتان ڤه‌كرنه و وه‌كو كاره‌كی مرۆڤانه چ هه‌بیت ئه‌مێ بۆ وان كه‌ین”.
ژ لایه‌كی دی ڤه وه‌لاتێ توركیا ژ بۆ ئاشتیا ناڤخوه‌یی د هه‌ولدانان ده‌یه بۆ چارسه‌ركرنا پرسگرێكا كوردان ب رێيا دان و ستاندنێن نه‌راست و خوه د ناڤبه‌را حكوومه‌ت و سه‌رۆكی PKK عه‌بدولا ئوجه‌لانى دا كو هه‌تا نها چه‌ند قووناغه‌ك هاتینه برین و ژ وان ژی ڤه‌كشینا هێزێن PKK بۆ ده‌رڤه‌يی سنوری و رێ دانا ئه‌ندامێن وێ بۆ ڤه‌گه‌را ناڤ توركی و هاریكاریكرنا وان ژ لایێ ده‌وله‌تا توركی ڤه.
ئه‌ڤرۆ نيوز، ناجی به‌ده‌ل:
ئێكه‌تیا نێڤده‌وله‌تی یا رۆژنامه‌نڤیسان راگه‌هاند: 118 رۆژنامه‌نڤیس ل ته‌ڤایا جیهانێ هاتنه كوشتن و پاكستان و سوریا مه‌ترسیدارترین وه‌لات بون بو رۆژنامه‌نڤیسان.
ئێكه‌تیێ ئه‌و چه‌نده ژی به‌لاڤكر كو ل سالا 2013 دا هژمارا رۆژنامه‌نڤیسێن هاتینه كوشتن 105 و ل ئه‌ڤ سال هژماره‌یا وێ بلند بوه‌یه .
ئه‌وێ رێكخراوێ ئه‌و چه‌نده ژی دیاركریه كو سه‌ر برینا جیمس فولی و ستیڤن سوتلوف ب ده‌ستێ داعشێ قوناغه‌كا مه‌ترسیدار ه ل بیاڤێ ده‌ستدرێژیكرنه سه‌ر رۆژنامه‌نڤیسان.
ل پاكستانێ 14 رۆژنامه‌نڤیس و ل سوریا 12 رۆژنامه‌نڤیس ل سالا 2014 دا هاتینه كوشتن لگوری ئه‌وێ راپۆرتێ 8 رۆژنامه‌نڤیس ل عیراقێ هاتینه كوشتن.
رێكخراوێ داخاز ژ حكومه‌تین وه‌لاتان كریه كو ره‌وش و بارۆدوخێن رۆژنامه‌نڤیسان باشتر بكه‌ن .
نيشاندان