ئەڤرۆ:
کەسایەتیەکێ ئێزدی رەخنە ل حوکمەتا عیراقێ گرتن کو چو ھاریکاری بۆ شنگالێ نەکریە پشتی کونترۆلکرنا وێ ژلایێ تیرۆرستێن داعشێ ڤە و دیارکر ژی بەری ھاتنا داعشێ ژی، حوکمەتا عیراقێ چو بۆ دەڤەرا شنگالێ نەکریە، بەلکو تنێ حوکمەتا ھەرێما کوردستانێ خوە ل وێ دەڤەرێ کربوو خوەدان و ھەتا نۆکە ژی خوە لێ دکەتە خوەدان.
مەحما خەلیل پەرلەمانتارێ بەرێ یێ ھەڤپەیمانیا کوردستانی د جڤاتا نوونەرێن عیراقێ دا بۆ ئەڤرۆ گوت” پشتی قۆناغا رزگارکرنا شنگالێ ژ تیرۆرستێن داعشێ، پێدڤیە پشتەڤانی د ھەموو بیاڤان دا بۆ وەلاتیێن دەڤەرێ بھێتە کرن و ژلایێ نێڤدەولەتی ڤە بھێتە پاراستن ب سەرپەرشتیا حوکمەتا ھەرێما کوردستانێ و پێدڤیەکا فەرە ژی شنگال ببیتە پارێزگەە کو ب ڤێ چەندێ دێ چەندین ماف و خزمەتگوزاری بۆ ھێنە کر نکو ئەڤ چەندە مە ژ حوکمەتا عیراقێ نەدیت، بەلکو تنێ حوکمەتا ھەرێمێ خزمەتگوزاری ل دەڤەرێ دکرن، لێ ژ بەر کو ژ روویێ کارگێری ڤە ھێشتا ب سەر حوکمەتا بەغدا و پارێزگەھا نەینەوا ڤەبوو، خزمەتگوزاریێن باش نە دگەھشتنێ، لەوما داخواز ژی دکەین بەرھەڤی بھێتە کر نکو ب زووترین دەم مادێ ١٤٠ بھێتە بجھئینان و شنگال ڤەگەریتەڤە ب سەر ھەرێما کوردستانێ ڤە”.
مەحما ب پێدڤی ژی دبینیت پشتی رزگارکرنا شنگالێ، ھەوا ئاڤەدانکرنا وێ بھێتە کرن و ب ھاریکاری و پشتەڤانیەکا نێڤدەولەتی، دیسا رەخنە ژی ل حوکمەتا عیراقێ گرتن کو ھاریکاریا وێ د ئاستێ پێدڤی دا نە بوو و چو کار ژی بۆ ناساندنا قرکرنا ب کۆم یا ئێزدیان وەکو جینۆساید نەکریە، و مە داخواز ژ سەرۆک وەزیران حەیدەر عەبادی کر کو پشکەکێ ژ بودجا گشتی یا عیراقێ بۆ ئاڤەدانکرنا شنگالێ بھێتە تەرخانکرن، لێ ئەڤ چەندە نەھاتە کرن و ئەڤ چەندە ژی بەرۆڤاژی وان ھاریکاریێن مەزن یا سەرۆکێ ھەرێمێ و حوکمەت و خەلکێ ھەرێما کوردستانێ بوو بەرامبەر کارەساتا شنگالی، دیسا ھەلویستێن سەرۆک کوماری فوئاد مەعسووم و سەرۆکێ جڤاتا نوونەران سەلیم جبوری ژی بەرامبەر کارەساتا شنگالێ د ئاستی پێدڤی دا نەبوون.
ناڤبری ئاماژە دا وێ چەندێ کو “پەرلەمانتارێ لیستا (موتەحیدون) عەلی جاسم متێوتی داخۆیانیێن بێ بنەما ئاراستەی کوردێن ئێزدی کرینە و ب داعشێ تۆمەتبارکرینە و ئەڤ داخوۆیانیە ھەڤدژی ھەردو مادێن ھەفت و ١٤ یێن دستوورێ عیراقێ نە و ب ناڤێ ھەموو ئاوارێن ئێزدی، دێ سکالایەکا قانوونی دژی وی تۆمار کەین”.
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سه‌ره‌كى نوچێن گرنگ
مەککەین بۆ عەبادی: ھێزێن ئیرانی ژ عیراقێ بکەنە دەر
ئەڤرۆ:
بەرپرسەکێ بلند یێ رەوتا سەدر بۆ ئاژانسا “سیاسە” یا کوێتی راگەھاند کو جۆن مەککەین سیناتۆرێ ئەمریکی ب ئاشکرایی گۆتیە حەیدەر عەبادی دڤێت ھێزا فەیلەقا قودس یا ئیرانی ژ عیراقێ بکەنە دەر و عیراق پێگیریێ ب بڕیارا نێڤدەولەتی بکەت.
وی بەرپرسی ئاشکرا ژی کریە کو جۆن مەککەین ب بەلگە بۆ عەبادی دیارکریە کو ٢٠٠٠ ھەتا ٢٥٠٠ سەربازێن ئیرانی یێن ل بەغدا ، ھەروەسا ھندەکێن دی ل سامەرا و دوجێل و بەر ب ئاراستێ تکریت ھاتینە بەلاڤکرن و ھندەک ژی ل رۆژئاڤایێ فەلوجە و دیالا ھاتینە بنەجە کرن و مەککەین گۆتیە عەبادی سەربازێن ئیرانی ل عیراقێ بۆ ئەمریکا جھێ مەترسیێ نە و بەروڤاژی سیاسەتەکا ئەمریکا نە ل دەڤەرێ.
مەککەین بۆ عەبادی دیارکریە کو سزایێ نێڤدەولەتی ل سەر سەرۆکێ فەیلەقا قودس یا ئیرانی یێ ھەی و دڤێت بەغدا رێ ل ھاتنا قاسم سلێمان بۆ ناڤ ئاخا عیراقێ بکەت، ئەڤێ ناکۆکی د ناڤ ئالیێن شیعی دا دروستکرینە.
ب شه‌ره‌ده‌ڤ چوون و كه‌سه‌ك هاته كوشتن
ئه‌ڤرو نیوز، هه‌یفا دوسكى:
ژ ئه‌گه‌رێ ئاریشه‌كا نه‌دیار دو كه‌س ل ئاقارێ گۆندێ پیرۆمه‌را لێكه‌فتن و د ئه‌نجامدا كه‌سه‌ك ب گۆلێ دهێته كوشتن.
رائیدێ مافپه‌روه‌ر هێمن سلێمان ئه‌ترووشى دیار كر كو هه‌تا به‌رهه‌ڤكرنا ڤى خه‌به‌ری ئه‌گه‌رێن وى شه‌ری دیار نه‌بووینه و ئه‌و وه‌لاتى ب گولله‌كێ هاتیه كوشتن و ژ دایكبوویێ 1956 و بۆ رۆژناما ئه‌ڤرۆ گۆت “ب تۆمه‌تا كوشتنا وى كه‌سی، كه‌سه‌ك هاتیه ده‌سته‌سه‌ركرن”.
به‌رپرسێ په‌یوه‌ندى و راگه‌هاندنێ ل رێڤه‌به‌ریا پۆلیسێن پارێزگه‌ها دهۆكێ دیار كر ژی كو ته‌رم بۆ نوشداریا داد هاتیه ره‌وانه‌كرن و گۆت “لێكۆینان ده‌ست پێ كریه و دێ دبه‌رده‌وام بن هه‌تا دگه‌هینه ئه‌نجامان”.
ژ ئالیه‌كێ دى ڤه رۆژناما ئه‌ڤرۆ چه‌ند پێزانین بده‌ست خستینه كو كه‌سێ هاتیه كوشتن كه‌سه‌ك بریندار كریه ژ نوو كه‌سه‌كێ دى هاتیه ئه‌و كوشتیه.
سه‌ربه‌ست بابيرى هاته ده‌نگ
ئه‌ڤرۆ نیوز:
پشتى به‌لاڤبوونا ده‌نگوباسێ نه‌خۆشكه‌فتنا سه‌ربه‌ست بابیرى ئه‌ندامێ جڤاتا سه‌ركردایه‌تیا پارتى دیموكراتى كوردستان، ناڤبرى راگه‌هاند كو چو راستى بۆ وى بابه‌تى نينه.
سه‌ربه‌ست بابيرى، ئه‌ندامێ جڤاتا سه‌ركردایه‌تیا پارتى دیموكراتى كوردستان، تایبه‌ت بۆ ئه‌ڤرۆ نیوز دیاركر كو ب تنێ ئه‌و گۆتگوتكن و گۆت: “چو راستى بۆ وى ده‌نگو باسى نینن و ره‌وشا من یا ساخله‌میێ گه‌له‌ك یا باشه”.
دیسا بابیرى ئاماژه ب وێ چه‌ندێ ژى كر كو ئه‌و گۆتن ب تنێ بوقێن هنده‌ك لایه‌نانه و گۆت: “هنده‌ك لایه‌ن ئه‌ڤان ده‌نگوباسان بۆ خوه ب ده‌ستكه‌فت دبینن، به‌لێ هه‌موويان پشت راست دكه‌م كو چو راستى بۆ نينه”.
وه‌زيرێ كاره‌بێ ل په‌رله‌مانى ئه‌گه‌رێن كێمبوونا كاره‌بێ ديار دكه‌ت
ئه‌ڤرۆ نيوز:
وه‌زيرێ كاره‌بێ ل حوكمه‌تا هه‌رێما كوردستانێ كێشه و ئاريشێن ل هه‌مبه‌ر كه‌رتێ كاره‌بێ ل په‌رله‌مانێ كوردستانێ به‌حسكرن و ئاماژه ب وێ چه‌ندێ كر كو وه‌زيرێ ژێده‌رێن سرۆشتى سوته‌مه‌نيا پێدڤى بۆ به‌رهه‌م ئينانا كاره‌بێ دابين ناكه‌ت.
روونشتنا په‌رلمانێ كوردستانێ بۆ دانوستاندن ل سه‌ر كێشێن ل سه‌ر كاره‌بێ يا به‌رده‌وامه و سه‌لاحه‌دين بابه‌كر وه‌زيرێ كاره‌بێ، ئاماده‌يى روونشتنێ بوو و ل ده‌سپێكا روونشتنێ ژى كێشه و ئاريشێن وه‌زاره‌تا وى هه‌ين به‌رچاڤكرن.
وه‌زيرێ كاره‌بێ ئاماژه ب وێ چه‌ندێ كر كو نوكه 10 ويێستگه‌هـ بۆ به‌رهه‌مئينانا كاره‌بێ ل هه‌رێمێ كار دكه‌ن و دو وێستگه‌هـ ژى د ئاماده‌نه، به‌لێ نه‌خستينه كار، ئێك 640 مێگاواتێ خۆرماله‌يه ژ به‌ر كو وه‌زاره‌تا ژێده‌رێن سرۆشتى سۆته‌مه‌نيێ بۆ دابين ناكه‌ت، نه‌خستيه كار، د هه‌مان ده‌م دا ويستگه‌هێ غازا هه‌ولێر ژى 540 مێگا واته و يێ ئاماده‌يه، به‌لێ هاتيه راوه‌ستاندن ل سه‌ر رێكنه‌كه‌فتنا بهايێ كرينێ.
وه‌زيرێ كاره‌بێ ئاماژه ب وێ چه‌ندێ ژى كر كو هاتنا مليۆن و نيڤ ئاواران بۆ هه‌رێما كوردستانێ و پێدانا كاره‌بێ ب ئه‌وان و ب ده‌ڤه‌رێن كوردستانى يێن ده‌رڤه‌يى ئيدارا هه‌رێمێ، ژ ئه‌گه‌رێن سه‌ره‌كى يێن كێميا كاره‌بێ نه.
ئه‌ندامێن په‌رله‌مانێ كوردستانێ ژى د روونشتنێ دا، ديتن و تێبينى و ره‌خنێن خوه ل سه‌ر بهايێ كاره‌بێ ل هه‌رێمێ خستنه به‌رچاڤ.
ئاگه‌هداريه‌ك ژ رێڤه‌به‌ريا هاتنوچوونا پارێزگه‌ها دهۆكێ
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا هاتنوچوونێ ل پارێزگه‌ها دهۆك راگه‌هاند كو ئه‌و ل 31\12\2014 مامه‌لێن وه‌لاتيان ل رێڤه‌به‌ريێ برێڤه نابه‌ن و ل 4\1\2015 ژى مامه‌لێن ترۆمبێلێن هژمارێن كاتى ب رێڤه ناچن.
عه‌ميد فه‌خری ئه‌حمه‌د مه‌جيد، رێڤه‌به‌رێ رێڤه‌به‌ريا هاتنوچوونێ ل پارێزگه‌ها دهۆك، بۆ ئه‌ڤرۆ نيوز گۆت: “ل رۆژا چارشه‌مبى رێكه‌فتى 31\12\2014 مامه‌لێن وه‌لاتيان ل رێڤه‌به‌ريێ برێڤه ناچن ژ به‌ر كو فه‌رمانبه‌رێن وان دێ مژوولى جه‌ردا سالانه بن”.
زێده‌تر گۆت: “ل رۆژا ئێكشه‌مبى رێكه‌فتى 4\1\2015 ژى مامه‌له‌يێن ترۆمبێلێن كاتى برێڤه ناچن ژ به‌ر جه‌ردا سالانه يا بانكان ل پارێزگه‌ها دهۆكێ”.
رێڤه‌به‌رێ هاتنوچوونا پارێزگه‌ها دهۆكێ هيڤى خواست كو وه‌لاتى د رۆژا 31\12 دا سه‌ره‌دانا رێڤه‌بريا وان نه‌كه‌ن و يێن ترۆمبێلێن كاتى ژى ل 4\1 و گۆت: “ده‌وام بۆ فه‌رمانبه‌ران دێ ب ره‌نگه‌كێ دروست هه‌بيت و ب تنێ مامه‌لێن وه‌لاتيان برێڤه ناچن”.
په‌رله‌مانى هه‌شت مليۆن دۆلار داينه 50 كه‌سان
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ راگه‌هاند كو د خولا به‌رێ يا په‌رله‌مانێ كوردستانێ دا، هه‌شت مليۆن دولار ب 50 كه‌سان هاتينه دان و پێدڤيه سه‌رۆكاتيا په‌رله‌مانى ده‌سته‌لاتا خوه ب كار بينيت دا وى پاره‌يى ب ڤه‌گه‌رينيت.
د نڤيساره‌كێ دا، سوران عۆمه‌ر، ئه‌ندامێ په‌رله‌مانێ كوردستانێ كو ره‌وانه‌يى په‌رله‌مانى كريه و دانه‌يه‌ك ب ده‌ست ئه‌ڤرۆ نيوز كه‌فتيه، تێدا ئاشكه‌را كريه كو د خولا چوويى يا په‌رله‌مانى دا، په‌رله‌مانێ كوردستانێ هه‌شت مليۆن دۆلار ب 50 كه‌سێن ناڤا په‌رله‌مانى داينه.
ئاماژێ ب وێ چه‌ندێ ژى دكه‌ت كو پێدڤيه سه‌رۆكاتيا په‌رله‌مانى ده‌سته‌لاتێ بده‌ته خوه و ئاماژێ ب وێ چه‌ندێ دكه‌ت كو چاكسازى پێدڤيه ژ په‌رله‌مانى ده‌ست پێ بكه‌ن.
مزگينيه‌كا خۆش بۆ فه‌رمانبه‌ران
ئه‌ڤرۆ نيوز:
ماجيدا تميمى ئه‌نداما جڤاتا نوونه‌رێن عيراقێ د داخۆيانيه‌كا رۆژنامه‌ڤانى دا راگه‌هاند كو چو كۆژمێن پاره‌يى ژ مووچێ وان فه‌رمانبه‌ران ناهێته بڕين ئه‌وێن زێده‌ترى ئێك ميلۆن و 500 هزار ديناران وه‌ردگرن.
فرياد ره‌واندزى، وه‌زيرێ ره‌وشه‌نبيرى و لاوان ل حوكمه‌تا عيراقێ به‌رى نوكه ئاشكه‌را كربوو كو كێمكرنا مووچان ژ پلێن تايبه‌ت ب تنێ د گرت، ئانكو ژ سه‌رۆك كۆمارى هه‌تا رێڤه‌به‌رێن گشتى و ئه‌وان فه‌رمانبه‌ران ژى يێن سه‌ر ب سه‌ر هه‌رسێ سه‌رۆكاتيان و گۆت: “ئه‌وان فه‌رمانبه‌ران ژى دگريت يێن مووچێ وان ژ مليۆن و نيڤان زێده‌تر”.
د ڤێ داخۆيانيێ دا ماجيدا ته‌ميمى گۆت: “فه‌رمانگه‌ها بودجه‌يى ل وه‌زاره‌تا دارايى، ل سه‌ر داخوازا فه‌رمانبه‌ران ئه‌و برگه يا ژ ناڤبرى ئه‌وا بڕيار بوو د بودجه‌يى دا بهێته دانان كو يا تايبه‌ت بوو ب بڕينا مووچێ وان فه‌رمانبه‌رێن زێده‌تر مليۆنه‌ك و 500 هزار ديناران وه‌ردگرن”.
زێده‌تر گۆت: “جڤاتا وه‌زيران بۆ ڤێ مه‌ره‌مێ ژى پشتى په‌سه‌ندكرنا بودجه‌يى دێ ئاراسته‌يێن پێدڤى بۆ بودجه‌يى كه‌ت، به‌رى نوكه بووچه‌يه‌ك هه‌بوو بۆ وێ چه‌ندێ كۆژمه‌كێ پاره‌يى ژ مووچێ ئه‌وان فه‌رمانبه‌ران بهێته برين يێ د سه‌ر مليۆن و 500 هزار ديناران دا وه‌ردگرن، ئانكو پلێن رێڤه‌به‌رێن گشتى و د سه‌ر دا، به‌لێ ئه‌ڤرۆ رۆژا دوشه‌مبى ب فه‌رمى ئه‌و پێشنياز هاتيه ره‌تكرن”.
حوكمه‌تا عيراقێ د چارچوڤێ رێگرتنه به‌ر بۆ چاره‌كرنا كێشا دارايى و كێمكرنا كورتئينانا بودجا گشتى يا سالا داهاتى يا وه‌لاتى، ل چاڤه‌رێ يه، مووچێ پلێن تايبه‌ت و مووچێن زۆر كێم بكه‌ت و هه‌ر ده‌مێ كێشا دارايى چاره بوو و پارێ زێده كه‌فته به‌ر ده‌ستێ كوژمه‌كێ پاره‌ى ل جهێ وى پاره‌يى بده‌نه وان.
ئه‌ڤرۆ نيوز خزمه‌ته‌كا نوو راگه‌هاند
ئه‌ڤرۆ نيوز:
ئه‌ڤرۆ نيوز ئه‌ڤرۆكه ب ره‌نگه‌كێ جێگر گۆشا “دلێ خوه ڤه‌كه” وه‌كو خزمه‌ته‌كا نوو د مالپه‌رى دا بۆ خوانده‌ڤانێن خوه ڤه‌كر.
مالپه‌رێ ئه‌ڤرۆ نيوز بۆ ماوێ سێ هه‌يڤايه بزاڤێ دكه‌ت پێنگاڤ پێنگاڤ ل دووڤ داخوازيێن هه‌وه‌يێن هێژا بهێت و دێ بزاڤێ كه‌ت هه‌موو وان خواست و داخوازيێن هه‌وه بجهـ بينيت، به‌لێ ل دووڤ شيانێن ل به‌ر ده‌ست هه‌ين.
ڤه‌كرنا گۆشا دلێ خوه ڤه ل سه‌ر داخوازا هژماره‌كا زۆرا خوانده‌ڤانێن ڤێ گۆشێ هاته ڤه‌كرن و مه‌ره‌م ژى ژێ ئه‌وه هه‌ر كه‌سه‌كێ/ كه‌سه‌كا كێشه‌يه‌ك هه‌بيت دێ ل ڤێرێ به‌رچاڤ كه‌ت و ب رێيا نوشدارێ ده‌روونى يێ تايبه‌تمه‌ند دێ به‌رسڤ ل سه‌ر هێته دان، د هه‌مان ده‌م دا بۆ ئه‌وێن كێشه نه‌بن ژى دبيته سه‌ربۆر كو ئه‌و كێشه نه‌هێنه سه‌رى و شاره‌زايى ژيارێ و گرفتێن وێ دبيت.
هه‌ر كه‌سێ بخوازيت ئاريشا خوه به‌رچاڤ كه‌ت دشێت ب رێيا تله‌فۆنا 07502160034 يان ژى ئيمێلێ dilexo_veka@yahoo.com بگه‌هينيت.
ئه‌ڤ گۆشه دێ يا به‌رده‌وام بيت و ل لايێ چه‌پێ يێ مالپه‌رى ل نێزيك راپرسيان و ڤيديۆيان هێته دانان.
بهايێ زێر و زيڤى ل بازارێن دهۆكێ
نيشاندان
WP Facebook Auto Publish Powered By : XYZScripts.com